منهاره وتعبانه وافكر اتطلق شوروا علي ..لاتتركوني يابلقيسيات

[تغيرت للافضل]

السلام عليكم ورحمه الله وبركاته

كل عام وانتم بخير ...والله اكتبها لكم وانا ابكي

لاحول ولاقوه الا بالله ..

ياليت اللي ماتعرف موضوعي تقرا هالرابطين

http://www.niswh.com/vb/showthread.php?t=337773


http://www.niswh.com/vb/showthread.php?t=338472



وراح اختصرها للي موحابه تفتح الرابط انا زوجي

عصبي جدا وله فتره متغير ...وكان بالفتره الاولي

دايم يقول لي اهتمي فيني مع انه انا جدااا

مهتمه فيه ...وكنت اساله شتبي غير اللي اسويه

مكان يجاوب ...طبعا عرفت بعدين ان اهله كانوا

هالفتره يعرضون عليه بنات للزواج ..وهو يرفض

المهم بعدها صار عصبي وكان علي اشياء تافهه

وممكن وقتها توصل للضرب واللي تقرا الرابط

تعرف سالفه الضرب اكثر..:4:...المهم

الحين الفتره الاخيره متغير جدااااااااااااااااااااااااااااا

مو من ناحيه العصبيه كثر ماهو صاير بااااااارد

ويحاول يفتعل معي مشاكل علي شغلات تافهه

يحاول يستفزني بالكلام كثيييير...ومن يومين

حسيته يحاول يفتح معي موضوع بس مو عارف

شنو يقول مره يسويها مزح ويقول شكل فينا

عين ومحسودين اساله ليه يقول كذا ..يقول احس

اني مو مرتاح معك :4:...ويرجع يضحك ويحلف

انه يمزح>>بناات هالوقت حسيت زوجي مريض

نفسي ....

وربي انه مو صاحي ...المهم انا لي فتره وهو بس

يرمي اغراضه من باب التطفيش يمكن وانا اشيل

وابلع ...المهم اليوم الصبح صحيت لقيته رامي

لبس العمل جنب الشماعه يااخواتي جنبها والله

سكت ورحت جهزت له كل:4: شي فطور وكويتها

وحطيتها عنده ...وانا بما انه الدوره جتني امس

قلت له ابو فلان ليتك بدال مارميت لبس الدوام

له ماحطيته علي الشماعه ...تدرون شنو يقول

يقول انا قاصد ماابي ..انتي الله لايهينك تشيلينها

من الارض وتعلقينها قلت انا طلبت بس مساعده

والبيت كله علي راسي ..وتعبانه وليه هالاسلوب

بالكلام ...

تدرون شقال قال اسمعي يابنت الناس من الاخير

ماابي:4: مناقشه نهائي ولاابي تذمر ..مساعده

مراح اساعد ..وكل شي تسوينه ولا تري راح

اتزوج ..:25:..>>انا انسان ابي وحده تريحيني

سالته وليه انا مو مريحتك ...عشر سنوات وانا

اخدمك واقولك من عيوني تامر امر ..ابشر

عمري كله مارفضت لك طلب وانا صادقه وهو عارف

هالشي ...عشر سنوات وزوجي من كثر مااخدمه

عمره ماحط ملابسه بالغسال ولا الكواي ..حتي

لو اني ابي اولد ولا مسافره اغسل له كل شي من اول

وجديد واكويها واحطها بالدولاب كل هاذا علشان

وانا بالمستشفي ولا كنت مسافره مايحتاج شي

والحين جاي يقول يبي يتزوج ؟؟؟؟؟؟؟

بااختصار مثل ماعرفت وقلت لكم قبل عرفت بالصدفه ان زوجي ملعوب

براسه من اهله ويبون يزوجونه ..والظاهر كثر الدق

بالحديد فك ...وشكل زوجي دخلت براسه فكره

الزواج ...حسبي الله ونعم والوكيل في كل من

حاول وسعي وهد بيتي ..انا يااخواتي افكر الحين

اتطلق ..مستحيل اقدر اتحمل انه يتزوج علي

وهو عارف وانا عارفه اني ماقصرت بشي ..

مااقدر ..

انا منهاره لانه خلاص نطق وقال يبي يتزوج

ولاحظوا علشان طلبت انه يعلق لبسه بالشماعه

يعني بااختصار زوجي يتلكك ..


وانا يابنااات تعبت احافظ علي بيتي وصاحب

البيت ..مايبي يبي يتزوج ويخرب بيته علشان سمع

كلام اهله ..وهو متاكد انه غلطاان وذنبي وذنب

اولادي برقبته هو واهله ليوم الدين مو مسامحته

علي تعب عشر سنوات ولامسامحه اهله اللي

سعوا علي خراب بيتي ...حسبي الله ونعم

الوكيل انا منهاره يااخواتي بكره اول يوم من رمضان

بدال مايبارك لي ..يهدد بزواجه ونفسيته خايسه

جدا

شوروا علي ريحوني احس راسي يبي ينفجر

من التفكير والبكاء ...زوجي شمالي غربي للي

حابه تعرف

 

[فرحة منتظرة]

لاحول ولاقوة الا بالله
الله يصرف عنه حريم الدنيا كلهم وومايشوف غيرك امين يارب العالمين
انا اقول لك اختي اهتمي بنفسك ولا تخلي هالشي يأثر عليك انا ادري قلبك الحين مثل الجمرة بس تحملي عشان بيتك ماينهدم وحاولي بكل الطرق تجذبي زوجك لك من دلع من كلام من كل شي ويمكن خواتي هنا بالمنتدى يفدونك اكثر مني والله قلبي يتقطع عليك مااملك الا الدعاء لك الله يفرج همك ويبعد عنك كل شر وحبب زوجك فيك اكثر واكثر ولايشوف غيرك عليك بالدعاء والاستغفار بارك الله فيك

 

[سعاد٣٣]

معليش اسمحيلي بقول الانطباع اللي حسيته ،انا اقرا كلامك من دون اي مجامله يمكن اهله قالوا له اوك بس مااتوقع هذا السبب الرئيسي زوجك مل من اهتمامك الزايد وصمتك يبي وحده تدلع نفسه يحس معها بالاكشن تزعل تهاوش مرحه وفرفوشه انا مااقول فيك قصور بس اهتمامك الزايد هذا هو المشكله وانتي عبالك ان هو الحل

 

[حلمي ما أكتمل]

وربي حاسه فيك وحاسه بحرقه قلبك لاكن مانقول غير حسبي الله ونعم الوكيل
انتي هدي وروقي عسى ربي يوفقك ويفرجها عليك يارب ..
من رايي .. عيشي حياتك طول بعرض .. البسي .. اكشخي .. اطلعي .. انبسطي
ولاتنسين زوجك دلعيه وغرقيه من الكلام الحلو والدلع والغنج ..
ربي قادر انه يصرف من عقل زوجك الزواج منك
كل ماحسيتي بضيقه وكتمه انصجك انك تتوضين وتصلين لك ركعتين وربي راح ترتاحين
الله يوفقك ويسعدك بحياتك يارب
دعواتك لي بتفريج همي​

 

[||فـروحـ ـة||]

أهـ بس الله يعينك ويصبركـ ويفرج همك ويسخرهـ لك ياااااااااااارب
الله يصرف عنه حريم الدنيا كلهم وومايشوف غيرك امين يارب العالمين
وألجي لــ ربك فارج الهم وكاشف الغم والله الله ـ الأستغفار
هذا الي أقدر أقولة لك ياعومري وأنا مأعرف لأني مو متزوجة <<أجل وش جابك هووون:14:

 

[يالوردي]

انتبهي تستسلمين وتخربين بيتك عشان اهله الا حافضي على بيتك وعلى زوجك واحسني اتبعل لزوجك واذا جاب طاري العرس ازعلي بس خلي زعلك صمت مو طولة السان

 

[تغيرت للافضل]

سعاااد من ناحيه اني اهتم فيه لانه واجبي

ولازم اقوم فيه هاذا شي ومن ناحيه اني فرفوشه

الحمدالله فرفوشه والصمت ماله مكان بحياتي انا وزوجي

بالعكس كلامنا كثير وهو يحب هالشي فيني

طيبه جدا ...وعمره مكان موجود بالبيت الا وكنت بجنبه

وهو يطلب هالشي ويزعل اذا تركته ورحت سويت شي

يعني بااختصار كل شي حلو ماامدح نفسي لانه

هو كان يقول هالشي بس الله لايسامح من لعب براسه

 

[رندا كووول]

هو اذا حط في راسه فكرة الزواج يتزوج من غير مايتلكك
كل ماعليك الدعاء والاستغفار
واذا الله مو كاتبله زواج لايمكن يتزوج
خلي ثقتك بالله كبيره ..وكلي امرك لله
وكل شيئ مقدر ومكتوب.....ولاتفكري ف الطلاق وعندك اطفال عيشي علشانهم..
وربي يسخره لك

 

[نتوس]

نصحيه لا تخربين بيتك مو عشانه عشان عيالك حرام ينحرموا منكم انتي اهتمي لنفسك عيشي لنفسك تتدلعي اكشخي انبسطي وقومي بامور بيتك واستمري على الاستغفار والدعاء واسال الله ان يفرج همك

 

[مجنون بك]

نصيحه مني مشي الامور عاتي ولاتحسسين ان في شي ولا تحنين عليه ولا تقولين له انا سويت وسويت بعكس كشخي له ولبسي اذا حاول يدور الزله صيري احسن منه مرده لك صدقيني مارده بحس بغلط تزوه بس مو اكثر لو يبي يزوج تزوج بس اهي مجرد نزه لان في احد يحط هفكره براسه بس انتي بعد لاتصرين ضد وتجلسين تنفره منك بعكس دلعيه ودايم سمعيه الكلام الحلو
بتوفي ياقلبي

 

[تراب المسك]

الله يكون بعونك وانتبهي انك تتنازلين وتهملين لانو هو بحاجة زعلك علشان يلقى عذر بالعكس اذا جاب طاري الزواج دافعي وقولي انا مو مقصره ومو ناقصك شي من ناحيتي والتعب عليك في الدنيا والاخره ومراح اسامحك باي زله بيني وبينك رب العالمين واسأل الله ان يوفقك ويبعد الضره عنك وعني يااارب فأنا مثلك مهدده بس زوجي جنوبي غربي وأحيانا تغلب عليه البيئه فياخذ من الشمالي بحكم التربيه الله يعين

 

[دلوعةزوجي]

اولاً يسعدصباحك
ثانياً كل عام وانتي والبلقيسيات بألف خير
حبيبتي
تتوقعين البكاء والانهيار الزعل يجيب نتيجه او يرد القضاء والقدر
انتي نسيتي اني القلوب بيد رب العباد ويقلبها كيفما يشاء
الله يهديك لاتفكرين لو زعلتي انك بتعدلينه عن قراره
ولا تتركين اهله شماعة لفكرة زواجه عليك
ياما ناس كثير ازواجهم مو راضين على حياتهم سواء لاكن قدرة الله والدعاء تاركتهم يكملون الحياة مع بعض
نصيحتي لك
اتركي كل هالامور وراء ظهرك واتوكلي على الله ولن يصيبك الا ماكتب الله لك
لا الشده ولا اللين بيخلي زوجك يحن عليك
عامليه بما يرضى الله فقط واخشعي مع هالشهر الفضيل لربك
واتأكدي لو احشنتي الظن برب العباد رب العباد لن يخذلك​

 

[مامت جود]

انتي في حالتك هذي مالك مكان بيننا تبينا نقولك تطلقي والا اصبري وتحملي ولا روحي لاأهله وتهاوشي معاهم وشوله تشكين لنا احنا مانعلم الغيب يمكن اذا قلنا لك تطلقي يمكن يكون حالك اتعس من حياتك الحين ولا اذاقلنا لك اصبري ماتعرفين شيصير انتي يبيلك ملك الملوك هو القادر سبحانه ويعلم ما لا نعلم ويفضل لك الخيراشكي همك له هو بيسمعك واحن عليك منا ويعلم الخير كله ويعلم اشر كله هو الي بيسمعك ومايطلع سرك لاحد وهو الي بيدلك ع اطريق اصحيح روحي وافرشي سجدتك وراح تلقينه يسمعلك (سبحانك ربي اني كنت من اظالمين) واسغفري واكثري من الستغفار...........حاولي انك تسمعينه وانتي تدعين له صدقيني بجيك ......مثل طفلآ صغير.......الله يصلح حالكم.....

 

[رازيا]

حسبي الله ونعم الوكيل الله يفرج همك
طيب عندي اقتراح قولي له الفلوس اللي
راح تتزوج فيها شو رايك تعطيها لواحد عزابي
مو قادر يتزوج وهيك بتكون اخذت اجر
عزيزتي الدعاء يرد القضاء واحنا الحين
مقبلين على رمضان لا تنسي تدعي الله
يصرفه عن الزواج وانصحك استخيري الله
في امر زواجه قولي يارب اذا زواجه خير
يسره واذا زواجه شر اصرفه عني
مالك حل غير الدعاء صدقيني
وبيني وبينك مرات يكون زواج الزوج
رحمة لنا علشان نتفضى شوي لحياتنا
وذاتنا ونزيد علاقتنا مع الله
الحياة مو فقط رجل الحياة فيها كثير
اشياء حلوة
كل اللي عليك تاخذي موقف منه وتزعلي منه
وكوني رسمية معاه ومع اهله
وانصحك اذا اصر على الزواج ياختي هذي فرصتك
حطي شروطك تشتغلي وتطلعي تتعلمي دورات
وفنون المكياج واضمني حقوقك وحقوق اولادك
بلاش الثانية تيجي وتكشطه كل شي
كوني ذكية وخليه يعطيكي رضوة كبيرة
انت فكري شو الاشياء اللي ناقصة عندك واطلبيها منه
صدقيني هي نزوة وراح يصحا منها
انا اووكد لك زواجه ما راح يستمر خصوصا انه يسمع
كلام اهله يعني رجل شخصيته مظطرب وغير متوازن
اتوقع راح يفرح فيها اول شهر وبعدين تصير عادي عنده ويمكن يطلقها
شوفتي الطفل لما تشتري له لعبة جديدة يفرح فيها شوي
وبعدين يرميها وهذا اللي راح يصير
المهم اضمني حقوقك وحقوق اولادك والدعاء هو الحل الوحيد

 

[روحي مرحه]

مااقدر اقول الله يفرج همك ويسخر زوجك لك ويبعد عنكم شر النفوس الدنيئه
والله يريحك من الهم وربي يعطيك راحة البال اقبل شهر العباده فعليك بالقيام والدعاء في هذا الشهر الفضيل
ادعيه وابكي قريت مشكلتك وقريت الردود بس مااحس انها مرضيه بس ماقول الا اشكي وابكي وانتي ساجده لربك هو اللي ماراح يخذلك صدقين جربي تشكيله وانتي ساجده وبتدعيلي بأذن الله
الله يوفقك لما يحب ويرضى

 

[تغيرت للافضل]

محتاجه دعواااااتكم ان يرد لي زوجي

ردا جميلا ...ويحسن معاملته لي

وانه يجمعني معه علي خير ولا يشوف

غيري محتاجه دعواتكم ولكم المثل انشالله

 

[الصبوره]

الله يفرج همك وهموم المسلمين

عزيزتي قد يكون فعلا حد لاعب براسه ولكن من خلال تجربة حياتي تفكيرك في هذا الموضوع هو اللي بيتعبك , إنت طالما إنك عارفة إنك ما قصرتي معاه فاتركي الأمر لله ولا تشكين في نفسك وتزيدين الجرعة وتهتمين زيادة ظنا منك بأن هذا الشئ بيخليه يصرف نظر عن الموضوع.

ثانيا عزيزتي بقولك شئ عن طلب الطلاق إنت ما وصلتي للمرحلة اللي ممكن تتطلقي فيها إنت تحبينه وهذا واضح من كلامك وأسلوبك واللي يحب بهذه الطريقة الطلاق بيكون أكبر غلطة تسويها في حق نفسها لأن أول ما بيطلقك بتندمين وتتذكرين أيامك الحلوة معاه وتقولين ياريتني ما طلبت الطلاق ياريتني صبرت أكثر وفوضت أمري لله.
مثل ما قلتلك عزيزتي أهم شئ خلي ثقتك بنفسك قوية قولي لنفسك أنا ما أقصر معاه إذن أنا مب هذه الإنسانة اللي ينقال لها هذا الكلام وادعي الله واستغفريه وهو مدبر أمرك سبحانه.

الله يطمن قلبك الغالية

 

[saniaend]

ابعدي فكرة الطلاق عنك نحن داخلين علي شهر فضيل ورب كريم مو شهر طلاق
اقرأي ردود الأخوات ابد ما قصروا معك
ببركة شهر رمضان الله يسخر لك زوجك ويسعدك

 

[saniaend]

الدعوة التي طلبتيها يا اختي ويا ربي تستجاب
يا رب يرد لك زوجك ردا جميلا ...ويحسن معاملته لك
وان يجمعنك معه علي خير ولا يشوف
غيرك ان شاء الله

 

[احلى سمايل]

الله يعينك يارب وبيتك لا تتركيه