مناقشة وردود الدروس النظرية لدورة أساسيات التصوير الضوئي

[دلوعة بني حطام]

جزاك الله خير حبيبتي على الدروس
وبانتظار التطبيقااااااااااااااااااات

 

[ملكة الـ ـشوكلت]

ننتظرك أستاذتي غداً بفاااااااااااارغ الصبر
خصوصاً إنه ليا تقريباً يومين وأنا أصور جباااال

بس في خاطري شي
عادي لو بدانا في الدروس التطبيقيه ووأنا ما أتقت بعض التطبيقات في الدروس النظريه ؟؟؟
لك ودي

 

[ظـــــل]

بس في خاطري شي
عادي لو بدانا في الدروس التطبيقيه ووأنا ما أتقت بعض التطبيقات في الدروس النظريه ؟؟؟
لك ودي

انج اطبقين وماتتقنين هذا شيء طبيعي لأن الموضوع يحتاج لممارسة ... نحن نقيم الورش حتى تعرض الأعمال ثم نناقشها ونطلع ايجابيات وسلبيات العمل ... ونقدم النصائح والتوجيهات ...

حاولي تتقنين العمل قدر المستطاع ... بس كامرتك مؤهلة لاستخدام الخيارات الاحترافية فلن أقبل التصوير بالخيارات المبرمجة الجاهزة أو التصوير بالاوتو

الله يوفقك ...

 

[ملكة الـ ـشوكلت]

ههههه
ولا يهمك إن شاء الله أحاول اليوم قبل بكره أوريكي كم صوره

 

[hanoona.s.m]

//



أستاذة ظِلْ ..
ممكن تخلي دروس التطبيق في صفحات بلحالهم
مو هنا بنفس الصفحه.. لأن ما اعرف متى نزل الدرس الجديد وكذا
وضغط احس بالصفحه.

نص الدروس النظرية ماحضرتها ولا شفتها إلا الحين...

والله يَعْطِج العآفِيَهـْ.​

 

[ملكة الـ ـشوكلت]

غاليتي بدات الأستاذه في التطبيق الأول
وفي النقاشات

وهاذا هوا الموضوع
ورشة تصوير الطبيعة / دورة أساسيات التصوير الضوئي ..

 

[ظـــــل]

بدأت الورشه

 

[عطرالياسمين 99]

حبيبتي انا كنت ماشيه معك بالدروس
لين وصلت للمود "S" بس ما ادري ليش لما اصور تطلع عندي الشاشه بيضاء ولما أغلق الفلاش تطلع سودا
عجزت للاعدادات
مع العلم المود "S, P, M, A" كلها نفس الشي تطلع الشاشه بيضاء
انا كامرتي d3000
ساعديني اختي الله يخليك
ممكن تعطيني الاعدادات الصحيحه للكاميرا ؟؟
او هل فيه طريقه لاستعادة الاعدادات الاصليه ؟؟

 

[ظـــــل]

هلا عطر ..

شوفي في شي في الفيوفايند ( فتحة المعاينة ) تشوفينه اسمه light meter المشار إليه في الصورة

هذا يحدد كمية الاضاءة في مكان التصوير إذا شفتي المؤشر يتجه للسالب يعني الاضاءة ناقصة والصورة اللي بتلتقطينها بتظهر اما سوداء أو مظلمة ..

إذا شفتيه جهة الموجب يعني الاضاءة زايده بتظهر على الاغلب الصورة بيضاء أو ساطعة ..

إذا وقف المؤشر عن الصفر هنا الاضاءة مناسبة للتصوير والتعريض بيكون موزون ع الاغلب ..

طيب كيف تتحكمين فيه ؟؟

اذا كنتي مختارة المود s حركي عجلة سرعة الغالق لحد ما يوقف المؤشر على الصفر ..

إذا كنتي مختارة المود A حركي عجلة فتحة العدسة لحد ما يوقف المؤشر على الصفر ..

وأنا أنصحك وأنصح الجميع كبداية دائما اختاروا الوضع A اللي هو AV في الكانون ..

في حال تصوير منظر طبيعي خلي فتحة العدسة لا تقل عن 8 وكل مازاد الرقم كان أفضل ..

وفي حال تصوير شيء مفرد مثل شخص أو حقيبة أو غيره خليه أقل من 8 حتى تنعزل الخلفية ..

 

[ToOMy..<3]

مرحبآ آخت ظل ,,

فيه نقطه ملخبطتني شششوي اللي هي سرعه الغالق
متى تكون سريعه ومتى تكون بطيئة!
آنآ كآم شبه آحترآفيه كآنون "

بقول لك اللي فهمته وانتي صححي اللي غلط علي =]

مثلا اذا كان 5"0 اغلاق سريع !

و 25/1 اغلاق سريع !

3200/1 اغلاق بطيئ!!

ياريت يكون فهمي صح علي .. لاني تلخبطت ششوي ^_^

ومشكورة ع الدروس وان شاء الله تشوفي تطبيقي

​

 

[ظـــــل]

TooMy

مثلا اذا كان 5"0 اغلاق سريع !

لا هذا غالق بطئ مدته خمس ثواني ...

و 25/1 اغلاق سريع !

هذا أسرع شوي مدته 25 جزء من الثانية ...

3200/1 اغلاق بطيئ!!

هذا غالق سريع جدااا مدته 3200 جزء من الثانية ...

أصلا ممكن تلاحظين لما تصورين بالقيمة الأولى بتحسين الكامرا تاخذ وقت لحد ما تصور .. أما بالقيمة الأخيرة بتلاقين الكامرا تلتقط بشكل سريع .. وممكن تسمعين صوت الغالق اللي هو الصوت اللي تسمعينه وقت الضغط على زر التصوير ( الشتر )

 

[ToOMy..<3]

مشكوورَه عَ التوضيح ’آ!
شكلي عكست السآلفه ^_^