*مميز* ديوانية الـ iphone "(سوالف ومعلومات)~ حياكن

[بدون جراح]

مرحبا اي فونيات
اختي الكنتيسه ,,مصعب اسمك
هذا البرنامج اللي اقصد messagefree)

 

[عناقيد الفجر]

جهاااااز الجـــــــــــــــوااال الآي فووووووون ؟؟؟

السلام عليكم ورحمة الله

أخواتي الغاليات

حبيت أستشيركم بجوال الاي فون ؟؟؟

مين عندها هالجهاز تقولنا هو عملي ولا لا بصراحة ؟؟؟

جيد ولا لا ؟؟؟

لأني أسمع أصحاب محلات الجوالات يقولون هو أفضل شيء من حيث الذاكرة ومدري ايش ؟؟؟

وابي تقولون ايش سلبياته وايجابياته ؟؟؟

يعني المهم أبي كل شيء عنه

بس ياريت من وحدة لها تجربة أو لأحد تعرفه مجربه ...

لأن المعلومات عنه ممكن ألاقيها بكل مكان أحيان صحيحة واحيان مبالغ فيها

بس قالوا : اسأل مجرب ولا تسأل طبيب ...

يلااااا ,,,, أبي المجرباااات يعطونا آرائهم ؟؟؟؟

وربي يسعدكم يالغاليات , ويسخر لكم اللي تبوووونه .. .​

 

[غربيه شماليه]

والله حبيتي ماعرف بالاجهزه بس ان شالله بسأل وارد لك قريب

 

[قتلني الفراق]

وعليكم السلام ورحمة الله وبركاته

عندي أي فون بس ماتوغلت في استخدامه

استخدامه حلو بس اذا احد ارسل لي وسائط او بلوتوث مايجي الا اذا عنده مثلي أي فون


امكن برنامج احطه واستقبل مادري
لك كل الود
ماحبيت اطلع بدون مارد





​

 

[vdhq]

انا أرد عليك الان من الاي فون

بصراحة حلو
كفاية اني أقدر أتصفح مملكة بلقيس منه خاصة بعد ما انفصل الدي اس ال

 

[عناقيد الفجر]

الله يسعدكم أخوااتي على مشاركتي التفكير

وابداء تجاربكن ...

الله يرفع قدركم

وما زلت في انتظار عديد من الآراء حول هذا الجهاز ...

 

[عناقيد الفجر]

ودي أعرف بالمختصر يعني ايش اللي يميزه ؟؟؟؟

 

[ام رتوج]

سلملم ياجمااااااعه تكفون ابي احمل المسن ضروري تطلع لي خانات فاضيه مدري شو اكتب فيه ساعدوني بأقرب فرصة

 

[سفن بااارد]

الله يسعدك ياكونتيسة ابسالك لماادخل ع اب ستور وابي احمل واناطبعا مافتحتلي حساااااااب يكتب

استخداااااااااااااام حسااااااااااب موجود
انشااااء حساااااااااب جديد ولما ادخل ع استخدام حساااب جديد يقول ادخل كلمة السر واسم المستخدم ولما ادخل يكتب غلط وش اسوي وكيف اعرف الرقم السري بلييييييز ساعديني

 

[قصه شتا]

جوالي الايفون خرب ساعدوني بليييز

يابنات الله يخليكم ويعافيكم ويرزقكم الي تتمنوووه يارب
ويسعدكم ويهنيكم ويزوج العزباء ويسخر الي متزوجه
ويرزق الذريه للي تبي
ياااااااااارب

سؤالي وهو
جوالي ايفون 3gs
وبنتي الصغيره خربته صار تطلع في الشاشه صوره كبيره
بمعنى,,,
انا مخليه الخلفيه صوره عيالي مجتمعين
اوكيه,,
الان صارت الشاشه كاني مكبرتها وامشيها على عيالي فهمتو علي؟؟؟

بمعنى اصح صارت الشاشه مكبره وعلى واحد من عيالي يعني ماقدر اتصل

ارجو افادتي تكفووون
تتعطل كل اشغالي بسببه

 

[الكونتيسة]

قصة شتا
عزيزتي صار لي نفس ما صار لما بنتي طيحت الجهاز
كل الي عليك تسوينه حاولي تحركين الشاشة عشان توصلين للإعدادات
اعدادات>عام>إمكانية الوصول>تكبير حطي له ايقاف
وبس بيرجع كل شي تمام (^_^)

وبالنسبة لباقي الإستفسارات لي عودة بالردود إن شاء الله (^__^)​

 

[قصه شتا]

هلا والله تقبلوني معكن انا عندي الايفون الابيض بس عندي البلوتوث بس مايستقبل ..
يسلموووو على الموضوع الرائع..

موجود البلوتوث بس لا زم تفعلينه عند محلات الجوالات الخاصه بالايفوون

مشكلتي يابنات مشكله
الله يدخلكم الجنه من حيث لا تحتسبون

الايفون حقي خربوه عيالي
الله يصلحهم
صارت الشاشه كبيره مره كاني مشغله الزوم

فهمتوني؟؟؟

يعني بمعنى اصح انا حاطه الخلفيه صوره عيالي كلهم
وبعد الخراب صارت الصوره مقربه جدا كانني مكبره الصوره وصارت الشاشه على واحد من عيالي وقريبه مررره
فهمتو؟؟

يارب فهمتو
ماودي اودي للصيانه خاف يفرمتونه وتروح صور عيالي

ياليت الي تعرف ترد الله يجزاها الجنه الي ترد يااارب

 

[قصه شتا]

قصة شتا

عزيزتي صار لي نفس ما صار لما بنتي طيحت الجهاز
كل الي عليك تسوينه حاولي تحركين الشاشة عشان توصلين للإعدادات
اعدادات>عام>إمكانية الوصول>تكبير حطي له ايقاف
وبس بيرجع كل شي تمام (^_^)​

وبالنسبة لباقي الإستفسارات لي عودة بالردود إن شاء الله (^__^)​

ياااااااااااي
ما اصدق جوالي صلح كله منك ياعزيزتي الغاليه
الله يدخلك الجنه ويرزقك من رزقه الحلااااااااااال
ويسخر لك ويهنيك
ويرزقك ويوفقك
ويشرح صدرك ويعطيك الي في بالك ياعزيز يافرد ياصمد

الله يفرج لك يارب يالغلا

 

[سـمـو الآمـيـرة]

محتآآآرة أشتري أو لااا
تسلمين يالغاليه
ربي يسلم قلبك ويعااافيك​

 

[RedRose]

بنات تعرفون كاميرا حلوة انزلها في الاي فون وممكن تصور في الظلام ؟؟ ابي اصور النجوم

 

[RedRose]

ودي أعرف بالمختصر يعني ايش اللي يميزه ؟؟؟؟

اللي يمزه انه لاب توب صغير وتلفون في كف يدك


ما ادري كيف الناس عايشة بدونه احسه صار ضروووري جداا :32:

 

[الكونتيسة]

مرحبا اي فونيات
اختي الكنتيسه ,,مصعب اسمك
هذا البرنامج اللي اقصد messagefree)

ايه حبيبتي
النسخة لايت
إذا تبينها كاملة لازم تدفعي
​

 

[الكونتيسة]

وعليكم السلام ورحمة الله وبركاته​

عندي أي فون بس ماتوغلت في استخدامه​

استخدامه حلو بس اذا احد ارسل لي وسائط او بلوتوث مايجي الا اذا عنده مثلي أي فون ​

امكن برنامج احطه واستقبل مادري
لك كل الود
ماحبيت اطلع بدون مارد​

البلوتوث ما يرسل ولا يستقبل إلا من آيفون أو آيباد أو آيبود
لكن ممكن تركبين جيلبريك لكسر حماية الجهاز وبعدين تحطين السيديا وتنزلين منه برنامج بلوتوث يدعم الإرسال والإستقبال من جميع الجوالات

الوسائط
أنا حطيت لكم الإعدادات فيما سبق
للإتصالات وموبايلي وزين
سوي الإعدادات وبتشتغل زين
​

 

[الكونتيسة]

ودي أعرف بالمختصر يعني ايش اللي يميزه ؟؟؟؟

اللي يميزه هو...
إذا بغيتي ماسنجر وتواصل مع الصديقات تلقيه موجود
إذا بغيتي تتصفحي ماسنجرك وايميلك على مدار الساعة تلقيها موجودة
إذا بغيتي ألعاب تلعبيها تلقيها موجودة
إذا بغيتي برامج تصميم وغيره تلقيها
إذا بغيتي صور وبرامج صور احترافية برضو موجودة
إذا بغيتي تحملي أفلام وتشوفيها على جهازك موجود
إذا بغيتي تحملين ملفات صوتية بعدد كبير جدا موجود
إذا بغيتي مكتبة متنقلة تقرين منها أيضا موجود
إذا بغيتي تصوير فيديو واضح جدا تلقينه
إذا بغيتي تتصفحي النت وتشاركي في المنتديات وتبحثي في قوقل وياهو موجود
إذا بغيتي أي شي موجود في الجوالات الثانية من منبه والساعة والمنظم التقويم وبرامج الصلاة والمصحف كامل مسموع ومقروء ...الخ
هذا غير اللي نسيت أذكره
كل هذا ما يعتبر تميز.......!!!!!!!!!
​

 

[الكونتيسة]

سلملم ياجمااااااعه تكفون ابي احمل المسن ضروري تطلع لي خانات فاضيه مدري شو اكتب فيه ساعدوني بأقرب فرصة

مافهمت سؤالك..!!
الخانات الفاضية فين؟

المهم إذا بغيتي تحملينه من الأب ستور لازم يكون عندك حساب في الآيتونز
إذا كان عندك حساب
أدخلي الأب ستور من الآيفون
وحطي في خانة البحث windows live messenger
ونزليه على جهازك​