مملكة وأريد أن أتطلق

حبيبتي .. ..
الحياة صعبة مع أنسان مومقتنعه فيه وكيف ملكتي غصب مين وقع عنك حرام والله

انتي غلطانه من البداية وكان من البداية أستشرتي أي احد قبل تقولين له انك تحبين
ماتدرين اقدار الله كيف يمكن ياخذك وراح تكون حياتك دمار بسبتك
انا انصحك تعدلين عن رايك معه
واول شيء تسوينه تقولين له ان كذبتي يوم قلتي انك تحبين واح
قولي قلت كذا ابغى انرفزك عشان تطلقني لاني ما ارتحت وعايشة حاله نفسية صعبة جدآ
قولي من الله نزل بقلبي عدم اقتناع ماقدرت اتقبلك يابن الحلال
وانا عارفه انك رجال وتخاف الله وصدقني راح تلاقي الله افضل مني
 
شوفي ياقلبي يمكن مايبغى يطلقك عشان المهر اللي دفع لكن اخلعيه وكلمي ابوكي
 
اختي وهن لو قلت له اكذب بيقول ماراح اطلقك
الورد والياسمين مهره برده له مهره موجود للحين وكيف اخلعه وش اسوي يعني
 
اختي , في نظري انتي غلطانه
لان لما صارحتيه , احتمال يخليك معلقه عشان يرد اعتبار للاهانه الي صارت بحقه
وانتي الي بتاكليها وبتتأذين
 
بنات وابي اقولكم كمان شغله قبل الملكه ويوم شفت اصرار اهلي انا كلمت اخته وقلت له انا مابي اخوك وانا مجبوره وانا احب واحد وهو يحبني بس اخته للاسف قالت لي انا مالي شغل ومقدر اسوي شي وش رايكم يابنات
 
السلام عليكم حبيبتي الشخص أنا بسالك وردي على اسالتي عشان اقدر افيدك ..الشخص اللي انتي تحبينه يقربلك ؟ والا تعرفتي عليه من وين ؟
 
اختي انتي تبغين راي والا تبغينا نايدك على الطلاق انا معاك وحاسه فيك لكن يمكن يكون ذا الشخص افضل من اللي انتي تحبينه واستخيري والله يكتب اللي فيه الخير
 
انا ابي حل عشان اطلق منه معشوقة الاحزان يعطيك العافيه اختي ماقصرتي
 
انا من رايي انك تكلمي اللي ملكتي عليه بهدوووء وتفهمينه الموضوع قولي(انا بصراحه استخرت وحسيت نفسي ماني مرتاحه بس اهلي الله يهديهم غصبوني على الموافقه وانا ماحب واحد ثاني ولاشي بس قلت لك الموضوع عشان انفرك مني وعشان مالقيت حل الا هذا,,الله يوفقك ويسعدك مع غيري)وبكذا تضمني انه مارح يضرك ولا يشوه سمعتك
 
ماراح يطلقني هو قالي اذا تبين اطلقك خلي احد من اهلك يقولي وانا اطلقك وابوي مو راضي ابوي مايعرف اني احب واحد ثاني وامي مابيدها شي تسويه يعني مصيري بيد هالرجال اللي مو راضي يحس على دمه ويعتقني لوجه الله وحتى لو قلت له انا ماحب واحد ثاني بيقول خلاص دامك ماتحبين واحد ثاني ماراح اطلقك وانا حلفت له ع القران اني احب واحد ثاني
 
طيب حاولي تتفاهمي مع ابوك انك مانتي مرتاحه لهذا الانسان ونفسيتك تعبانه..وخلي امك تقنعه وانه مايصير الزواج بالغصب..الله يقدم لك مافيه الخير
 
حااااااااااااااااااااااااااااااااااااااولت بس مو راضي ياااااااااااااااااااااااااااااااااااااااارب اللهم اني اسالك ان تفرج همي
 
كرري هذا الدعاء,,يامغيث اغثني,,ياحي ياقيوم برحمتك استغيث اصلح لي شأني كله ولاتكلني الى نفسي طرفة عين,,لا اله الا انت سبحانك اني كنت من الظالمين,,اللهم اني اسالك من الخير كله عاجله واجله ماعلمت منه ومالم اعلم..واعوذ بك من الشر كله عاجله واجله ماعلمت منه ومالم اعلم,,واللي كاتبه لك ربي راح يصير
 
ابي اسال سؤااااااااااااااااااااااااال في رجال يقبل على نفسه يعيش مع انسانه ماتحبه وفوق هذا كله تقوله انا ماحبك واحب غيرك وش نوعية هالرجال نفسي افهم
 
الله يعينك ويكتبلك الخير بس ياعسل ترى كثير من صديقاتي مرو بحالتك وتزوجو والله ماشاءالله وفقهم
استخيري وصلي ركعتين بالثلث الأخير من الليل الدعاء مستجاب والله يوقفكي ...
اهم شي قولي سبب غير انك تحبين واحد ثاني لان لو صار نصيب وتزوجتيه بتنسين الاول وبتنمدين انك قلتيله وجهة نظر..الله يوفقكي ويسعدكي بدارين يارب..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل