ممكن نصيحة حكيمة لزوج خاين ودووم الطلاق بلسانه..
السلام عليكم..
كتبت مشكلتي لكن يمكن ماكنت واضحه وكثرت بالكلام..
ارجو من الدكتوره ناعمة او الدكتوره موزه او انتن يا متزوجات تنصحوني بخطوات واضحه اسويها مع زوجي لاني مش قادره اخذ قرار..
ببساطه ومن غير كثر كلام..
زوجي خاين ومع اكثر من بنت .. يعني اكتشفت انه ما يقاوم البنات.. مش لازم تكون حلوه لاني شفت صورهن الكل وانا اجمل منهن جميعا.. لكن الي اكتشفته انهن بنات عوايل يهمه هالشي.. تهمه ااناقه والماركات.. انا كنت مثلهن لكن هو صار يمنع عني كل شي بالتدريج.. اذا باخذ شنطه ماركه قال بسج وايد عندج.. اذا بلبس عباه غاليه قال ماحب الشكل هذا واذا واذا..واذا... وانا مطيعه لزوجي صرت انفذ.. والنتيجه وحده والله صديقاتي يقولن شو صار معاج ليش صرتي ما تلبسين ولااااا.. طيب هو مانعني فجأه.. ومايسمح لي اناقش.. دايما مقدم الطلاق كتهديد..صارحته طبعا بالي شفته بموبايله عن العشيقه اول مره وتعذر بحجه انها هي الي تلاحقه وانه يسايرها بس عشان ما تعمل له مشاكل.. وثاني يوم علي طول انقلب الموضوع ضدي وقال بطلقج خلاص انا ماقدر اثق فيج تدورين باغراضي!!!
وكانت غلطتي الاولي اني قلت له لا تطلقني يعني غلطان ومشيته له..
الغلطه الثانيه انه ما جد عاطاني مصروف.. ياخذ لي هو الي احتاجه بس طبعا لانشغاله المفرط صرنا ما نطلع مع بعض بالشهور.. واذا طلعنا بسرعه وانا اركض يتصل بي يقول لبسي انا فالطريق ونروح لمكان بسرعه ونطلع بسرعه لانه يقعد يطالع بساعته عنده اجتماع ومشغول.. وسكت انا فتعود.. ويوم تعبت انا من اخذ حاجاتي وحاجات ابني والبيت لحالي طلبت مصروف صار يأجل ويتحجج.. ويقول انتي تضيعين الوقت الوحيد الي اجلس معاج فيه وتطيرين الرومنسيه .. من تقولين هات فلوس.. وزوجي مش بخيل بس تغير مع الوقت..
المشكله الثالثه.. انه رافض بشكل قطعي تغيرنا للروتين والبيت.. يعني لا يحجز لنا برا ويلغي حجوزاتي اذا انا رتبت لشي.. لا احتفل بعيد ميلاده ولا ميلادي ولا اي مناسبه.. طيب مو شرط مناسبه نطلع عادي.. لا .. ططيب مش شرط نبات بس نغير جو .. لا.. صاير الجنس بينا وضعيه وحده وعلي سرير واحد ومن غير كلام.. صرت احس اني يبي يفرغ شي وبس او يبي يأدي دوره عن الحلال والحرام مش حبا فيني.. وكرهته.. لاني البس واتعنى واسوي جو واسامح واقول اليوم غير.. ويمر اليوم مثل كل يوم.. والي امر انه صار يقول هذا واجب الزوجه انه تتعدل وتسوي حركات وتطلب الزوج.. يعني ما راح يلمسني الا اذا انا طلبت وبصراحه طلبت.. اما انه هو يبتدي معاي فلا.. وماكان قبل يعمل الشي هذا.. قعد بعد الاربعين ثلاث شهور ما لمسني بحجه اني عامله قيصريه ومايريد يتعبني.. وبعد سكت....
المشكله الكبيره انه من خذني وهو يهددني بالطلاق بكل النقاشات.. نقذي او بطلقج.. واا خوفي من الطلاق بسبب طلاق امي وانا صغيره دمرني ولغى كرامتي.. سكت وسكت ونفذت كل اوامره.. ومازال يهدد بالطلاق.. لاتفه الامور.. تعبت ..
كيف ارجع كرامتي مابي اتطلق وابي ابين له اني قويه وانه لي كرامه وانه لي رأي لازم يشاورني فحياتنا ويعمل لي حساب ومش عارفه كيف..
هل انا العب بالوقت الضايع؟؟ خلاص مافي مجال ارجع زوجي وافرض احترامي مره ثانيه او في حل؟؟
فانتظار حلولكن باذن الله..
كتبت مشكلتي لكن يمكن ماكنت واضحه وكثرت بالكلام..
ارجو من الدكتوره ناعمة او الدكتوره موزه او انتن يا متزوجات تنصحوني بخطوات واضحه اسويها مع زوجي لاني مش قادره اخذ قرار..
ببساطه ومن غير كثر كلام..
زوجي خاين ومع اكثر من بنت .. يعني اكتشفت انه ما يقاوم البنات.. مش لازم تكون حلوه لاني شفت صورهن الكل وانا اجمل منهن جميعا.. لكن الي اكتشفته انهن بنات عوايل يهمه هالشي.. تهمه ااناقه والماركات.. انا كنت مثلهن لكن هو صار يمنع عني كل شي بالتدريج.. اذا باخذ شنطه ماركه قال بسج وايد عندج.. اذا بلبس عباه غاليه قال ماحب الشكل هذا واذا واذا..واذا... وانا مطيعه لزوجي صرت انفذ.. والنتيجه وحده والله صديقاتي يقولن شو صار معاج ليش صرتي ما تلبسين ولااااا.. طيب هو مانعني فجأه.. ومايسمح لي اناقش.. دايما مقدم الطلاق كتهديد..صارحته طبعا بالي شفته بموبايله عن العشيقه اول مره وتعذر بحجه انها هي الي تلاحقه وانه يسايرها بس عشان ما تعمل له مشاكل.. وثاني يوم علي طول انقلب الموضوع ضدي وقال بطلقج خلاص انا ماقدر اثق فيج تدورين باغراضي!!!
وكانت غلطتي الاولي اني قلت له لا تطلقني يعني غلطان ومشيته له..
الغلطه الثانيه انه ما جد عاطاني مصروف.. ياخذ لي هو الي احتاجه بس طبعا لانشغاله المفرط صرنا ما نطلع مع بعض بالشهور.. واذا طلعنا بسرعه وانا اركض يتصل بي يقول لبسي انا فالطريق ونروح لمكان بسرعه ونطلع بسرعه لانه يقعد يطالع بساعته عنده اجتماع ومشغول.. وسكت انا فتعود.. ويوم تعبت انا من اخذ حاجاتي وحاجات ابني والبيت لحالي طلبت مصروف صار يأجل ويتحجج.. ويقول انتي تضيعين الوقت الوحيد الي اجلس معاج فيه وتطيرين الرومنسيه .. من تقولين هات فلوس.. وزوجي مش بخيل بس تغير مع الوقت..
المشكله الثالثه.. انه رافض بشكل قطعي تغيرنا للروتين والبيت.. يعني لا يحجز لنا برا ويلغي حجوزاتي اذا انا رتبت لشي.. لا احتفل بعيد ميلاده ولا ميلادي ولا اي مناسبه.. طيب مو شرط مناسبه نطلع عادي.. لا .. ططيب مش شرط نبات بس نغير جو .. لا.. صاير الجنس بينا وضعيه وحده وعلي سرير واحد ومن غير كلام.. صرت احس اني يبي يفرغ شي وبس او يبي يأدي دوره عن الحلال والحرام مش حبا فيني.. وكرهته.. لاني البس واتعنى واسوي جو واسامح واقول اليوم غير.. ويمر اليوم مثل كل يوم.. والي امر انه صار يقول هذا واجب الزوجه انه تتعدل وتسوي حركات وتطلب الزوج.. يعني ما راح يلمسني الا اذا انا طلبت وبصراحه طلبت.. اما انه هو يبتدي معاي فلا.. وماكان قبل يعمل الشي هذا.. قعد بعد الاربعين ثلاث شهور ما لمسني بحجه اني عامله قيصريه ومايريد يتعبني.. وبعد سكت....
المشكله الكبيره انه من خذني وهو يهددني بالطلاق بكل النقاشات.. نقذي او بطلقج.. واا خوفي من الطلاق بسبب طلاق امي وانا صغيره دمرني ولغى كرامتي.. سكت وسكت ونفذت كل اوامره.. ومازال يهدد بالطلاق.. لاتفه الامور.. تعبت ..
كيف ارجع كرامتي مابي اتطلق وابي ابين له اني قويه وانه لي كرامه وانه لي رأي لازم يشاورني فحياتنا ويعمل لي حساب ومش عارفه كيف..
هل انا العب بالوقت الضايع؟؟ خلاص مافي مجال ارجع زوجي وافرض احترامي مره ثانيه او في حل؟؟
فانتظار حلولكن باذن الله..
اسم الموضوع : ممكن نصيحة حكيمة لزوج خاين ودووم الطلاق بلسانه..
|
المصدر : الأستشارات الزوجية العامة