ممكن نصايح قبل لايطيح الفاس براس

[فديت انفاسه]

سلام عليكم شخباركم ادري موضوعي مايفتح النفس من صبح هههههههههه بس من كثر الي اقراها من مشاكل زوجيه وخيانات و و و مشاكل ماتنتهي والي زوجها مشارك مسيار والي يكلم بنات جوال صرت اخاف تمر علي ذي المشاكل وانا لسى مخطوبه واكيد اكثر البنات الي يقرون يخافون ان يصير لهم هذا شي
ياريت كل وحده تكتب نصيحه او اي شي عشان نقدر ع الاقل ماتصير لنا ذي المشاكل ونبعد عريس المستقبل عنها

مع ان معروف الخيانه بدم اكثر الرجاجيل وانا واثقه من العريس الي معي بس الحذر واجب
ننتظر مشاركتكم

فديت انفاسه ..​

 

[مغناجة]

شطورة ماخذة حذرك من البداية..

الدرس الأول والأخير:


ما في اي رجل بالدنيا له امان.. كل الرجاجيل ما لهم امان..

ولا تشوفينه اذا حبك وذاب بغرامك فرحتي بنفسك وقلتي تمكنت من قلبه واكيد اللي خانها زوجها ما عرفت له.. لا والف لا...

العيب مو من المرة العيب من الرجال..

لانك مستحيل تكوني الكاملة المكملة طول حياتك..

والرجل اذا شاف منك نقص على طول فكر بالخيانة..

واحياناً يفكر فيها من غير ما يكون فيك اي نقص..

على اي حال معظم الرجال كذا..

لكن لا تحطي اي استثناءات.. الحب اعمى صدقيني..

ممكن كل شي يكون قدام عيونك ولا تشوفي شي من الحب..

لا فتحي عيونك ولا تذوبي في غرامه مرة..

نصيحتي لك.. الحب هلاك..

 

[فديت انفاسه]

مغناجه ايه والله مع الايام يطلع المستخبي نورتي

 

[همسات أنثى ..!]

حلوة نصيحة مغناجة استفدت منها مشكووووووووورة ياقلبي

 

[سمر الحلوة]

ماينفع لو تشعلين اصابعك شمع اذا يبي يخونك يخون اكيد تبي تصير مشاكل يعني لاتنغرين تتكون حياتكم هادئة اذا كنتوا هادئة غير تدخل منغصات من اهلة

 

[فديت انفاسه]

طيب كيف نميز الرجال راعي الحريم والي يغازل ويخون

انا سويت اكثر من اختبار حق خطيبي كم مره ادق عليه من رقم ثاني واخلي اختي تكلمه وع طول يقول رقم غلط ومايخلي تزيد يعني مايعطي مجال ماحسه من نوع الي يتعدد بعلاقات لان اهو عاش في بيت ابوه كان كذا وكان تصير مشاكل مع امه من كذا صار يقدر البنت كثير لان شاف امه تعاني

 

[رازيا]

توكلي على الله يا بنتي انت لسه شوفتي حاجة هههههههههههه الجاي اعظم

 

[همسات أنثى ..!]

عدم التنازل عن حقووووووووووووقك
وكوني أنثى بمعنى الكلمة تقطريييين انوثةطيب كيف المنتدى ملياااان عن مواضيع الانوثة ..الخ >>ياليت اعلم نفسي
وايش كماااان امممممممم
ايوة تذكرت شوفي نمطه ونمطك وعلى اساسه تعاملي معه وشوفي إيش يحب وإيش يكره ..الخ
لاتنسيني من الدعاء

 

[فديت انفاسه]

همسات انثى الله يوفقك ان شاءالله ويسعدك

 

[فديت انفاسه]

رزايا هههههههههههههههههه نورتي

 

[فديت انفاسه]

رازيا ** خخخخ

 

[رازيا]

طيب كيف نميز الرجال راعي الحريم والي يغازل ويخون

انا سويت اكثر من اختبار حق خطيبي كم مره ادق عليه من رقم ثاني واخلي اختي تكلمه وع طول يقول رقم غلط ومايخلي تزيد يعني مايعطي مجال ماحسه من نوع الي يتعدد بعلاقات لان اهو عاش في بيت ابوه كان كذا وكان تصير مشاكل مع امه من كذا صار يقدر البنت كثير لان شاف امه تعاني

الله يهديك واضح انه خطيبك رجال محترم لا تحاولين تفتحين عيونه على اشياء مسكرة ولا تجلسين تختبرين فيه وتمشين مع الشيطان الرجيم تعوذي من الشيطان ولا تنكدي على حالك وانبسطي بحياتك
اهم شي الثقة والاحترام بين الزوجين
والدعاء يرد القضاء ادعي دائما الله
يبعده عن طريق الحرام والشيطن

 

[فديت انفاسه]

تسلمين ع نصيحه ايه احين وقفت الاختبارات هههههههههه
بس دعواتك انا عندي لويسوي ايش الا الخيانه والكذب اهي الي تخرب كل شي

 

[رازيا]

عزيزتي تفائلوا بالخير تجدوه انت تجذبي لعقلك الباطن الافكار الايجابية والافكار السلبية
ركزي على انه حياتك راح تكون جميلة وحلوة وسعيدة ولا تفكري نهائيا بموضوع الخيانة
وتذكري احنا في النهاية بشر مو ملائكة يعني الخطا وارد من الجميع واهم شي انبسطي
وتعوذي من الشيطان اللي منكد عليك

 

[فديت انفاسه]

تسلمين فديتك والله يكتب الي فيه الخير

 

[**قطرة الندى**]

حلو موضوعك حبيبتي

هذه نصيحه مني الرجال ما يحب المره النكديه هو في تفكيره تزوج عشان يرتاح مو عشان تزيد مشاكله

وانتبهي دايما لانتقادته حتى لو كانت بالمزح ترى أحيانا يكون قاصدها وحاولي تنفذيهن

وحاولي تكوني أمه وأخته وزوجته وعشيقته وصديقته في ان واحد

ولا تسألي وين رايح؟ ومن وين جاي؟ وليش بتطلع مع ربعك؟ تعملي فيها المحقق كونان هههههههه

خليه شويه يغير جو عن البيت

هذا اللي تذكرته الحين ولي عوده ان شاء الله ان تذكرت شي:3:​

 

[حياتي لعيالي]

شوفي حبيبيتي انتي لا تنكدي على نفسك من البدايه
واهم شي حبي نفسك اكثر منه دلعيها عشانك انتي مو عشانه
ثانيآ لا تراقبينه بس دااااائم استودعيه الله
والله يوفقك ان شاءالله​

 

[شماليه متطرفه]

في اخر الزمان
==
يؤتمن الخاين
ويخون الامين
==
فلا عجب ممايحدث

 

[.PRADA.]

//

ترى اللي يخاف من العفريت يطلع له !!

ماله داعي الوسوسه انتي دوبك عروس تعوذي من الشيطان وادخلي حياتك الجديده وانتي ملكه واثقه من عرشك انه لوحدك ومافي غيرك تشاركك فيه .​

 

[فديت انفاسه]

تسلمون فديتكم ننتظر الباقي