ممكن مساعده

[متقلبة المزاج]

بسم الله الرحمن الرحيم
كيفكم يالغاليات ان شاء الله تمام
عندي مشكله او ما اقول عنها مشكله لاني لحد الحين مدري اذا هي مشكله او لا
عندي بنت عمرها سنه وتسع شهور صايره عصبيه ومشاغبه بزياده وملاحظه عليها انها تاكل اظافر ايدينها وماتشوف احد من البزران الا تقوم عليه وتظربه وتشد شعره وتعظه فشلتني مع الناس وغير كذا صايره عصبيه اذا بغت شي لازم اعطيها اياه وان رفظت تعالو شوفو الفوضه اللي تسببها لي تجلس تبكي وتصارخ بشكل فضيع ناس قالوا لي انك تضربينها عشان كذا صار سلوكها شبه عدواني وانا فعلن اطقها اذا خربت او سوت شي غلط بس مو دايم يعني مو حاميه عليها ضرب دايم اعلمها وانهاه عن الاشياء الغلط بالهواش بس هي بنتي الاولى وماعندي اطفال غيرها وهي ماتشوف اطفال يمكن لفترات طويله بسبب ضروفنا مدري وش اسوى معها تكفون عطوني حل وانا تقريبن قصيت لكم قصة حياتي معها ولو فيه اي سؤال او اي شي مو مفهوم اسالوني انا قلت ماعندي الا بنات المنتدى ممكن يساعدوني واحل هالمشكله اللي مضيقه صدري:tears::tears:

 

[اسيرةالماضي]

غاليتي متقلبة المزاج عن تجربه شخصية اقولك لا تطقينها مهما سوت وبعدين اذا بغت شي وانت رفضتي وقامت تبكي وتخرب سوي نفسك مو شايفتها ولا تبينين لها انك متضايقه من تصرفاتها لأنها اذا شافت انها تأثر عليك كذا وتسوين لها الشي اللي تبيه خلاص صارت ماتطلب شي الا وتكرر نفس المشهد بعدين هي بعمر مايأهلها انها تفهم
كل شي انتي شوي شوي عليها ولا تعاملينها على انها كبيرة انا كنت مثلك بنتي كانت تسوي نفس الحركات وكنت اعصب احيانا واطقها واتعامل معها انسى انها طفله ماتجي بالطق الطق مو حل للمشكلات العكس يخلي عصبيتها تزيد
وبعدين ماتتحكمين فيها اذا كبيرت شوي وخصوصاً ( اذا كان عندك احد بالبيت يتعامل معها عكسك تماماً ) تعاملي معها بهدوء وحاولي تتقربين منها وانسي شي اسمه طق
واخيراً اتمنى اني افدتك لو قليلاً والله يخليها لك ويصلحها​

 

[متقلبة المزاج]

يسلموو يالغاليه بس غصب عن الواحد يتنرفز بدون شعور مدري كيف اتحكم باعصابي