ممكن مساعده ورايكم

[فديت انفاسه]

سلام عليكم شخباركم

هذا موضوعي

http://www.niswh.com/vb/showthread.php?t=352207

للي ماقرته
كلمته اليوم وقالي ان يبيني ولو نسكن بيوافق ويقول كلم امه وقالت له براحتك قلت له يعني موراضيه بس قلت له بكلمها باكر ومننفسي بتاكد لان اذا امك موراضيه ماراح ارضى في نهايه امك واذا مارضت ماراح نتوفق لان مهما يكون ذي ام
بس ابي اعرف شنو اقول حق امه في جوال لين اتصل​

 

[قمر بلامنازع]

قولي لاامه ..
الي بخاطرك بكل ثقه .. وبأسلوب راقي ..

بعيد عن العناد .. او الترجي ..

قولي هذا من حقي سكن شرعي ..

وقوليها .. وانتي واثقه ..

الله يوفقك أخيه
​

 

[فديت انفاسه]

تسلمين وين باقي محتاجه رايكم

 

[RedRose]

والله انا سبق وقلت لك لا تكلمي امه. خلاص اذا هو قال امه وافقت انتهى الموضوع. حتى لو كان يكذب عليك ويقول انها وافقت انك مالك شغل هذا بينه وبين امه.
اهم شي تتأكدي من تجهيز بيتكم ولو كنتوا لسى ما كتبتوا العقد اكتبي هذا شرط في العقد.

اذا كلمتي امه وطلعت مهي موافقة مو من صالحك ابدا لانها ما رح تخلي نفسها ضعيفة قدامك وما رح تتنازل بتقول تبين ولدي اقبلي فيه كذا.

 

[دلع الحوريه]

ياعسل ياعيوني خلاص هو كلم امه
ولو كلمتيها انتي اعتقد بتقول هي الي اخذة اولدي ماخلته يسكن عندي ويمكن بدل ماتحليها تعقديها
خلاص انهي الموضوع باماان امه قالت خلاص براحتكم لاطولي السالفه
ولله يوفقك ويسعدكم

 

[فديت انفاسه]

خلاص براحتكم يعني موموافقه
انا ابي اتاكد لان موضوع شاغل بااالي كثير

 

[RedRose]

طالما هو قالك خلاص بتسكني لوحدك انتهى الموضوع لا تفتحي الموضوع معاه مرة ثانية الا اذا هو فتحه.
حسسيه الحين انك خلاص متأكدة انكم رح تكونوا ببيت مستقل. يعني انكلمي اش رح تحطوا في بيتكم من وين رح تشتروا الاثاث. وكذا.

 

[فديت انفاسه]

لازم اسمع انا بنفسي اخاف ان يمشيني وانا مابي كذا احس اني مغفله ابي اكون في وضع الصح وجدام الشي صح مو مجرد ظنون في بالي ان قنعها جد او كذا او وافقت جد او كذب ابي احد حد حق افكاري عشان ارتاح

 

[نحمدة ونشكره]

ماكو داعي تتصلين بامه هو قالك موافقه خلص واذا مو موافقه هاي مشكلتها المهم الي انتي تبي يصير تعلمي انه الي يهمك اهتمي في والباقي لا تهتمين في لانه تتعبين في الحياة يعني اذا امه مو موافقه وقالت لكي مو موافقه راح تتصلين وتقوليله كذبت علي ووووو وتالي تتمشكلون وترجعون لنقطة البدايه
اذا هيه مو موافقه مسيرها تتعود اول شهور يجوز تكون مو راضيه بس بعدين تتعود وانتي بنفسك قلتي قاسيه مرات على بناتها يعني اذا اتصلتي راح تسمعك كلام مايعجبك وتكبر المشكله ا
المهم الي انتي طلبتي صار والباقي مو مهم حتى يعرفون مرة ثانيه اذا كانوا ناوين يتدخلون في حياتك انه مياتدخلون لانه هلا عرفوا انه انتي قويه وصارلك قدر بيناتهم

 

[ياعاشقه الورد]

انا راي مدام من اول قال تسكني لحالك اصري تكوني لحالك ولا تتنازلي لان هذا كلامه مو كلامك وهو مجبور يلتزم فيه

من حقك احلامك الي حلمتيها تحققيها وانشالله امه مو مقصر معاها
اكرر خليكي علي كلامك لا تتنازلي لازم يسوي الي انتي تبغي

 

[فديت انفاسه]

اهو احين خبر امه ان ابي اكلمها قالت له اوكي
بنات اذا ماكلمت امه وماسمعت موافقه منها مب نتوفق في حياتنا واحنا من اولها
يعني لازم تكون راضيه ولابعدين بتصير حوبه ومانتوفق

 

[زهور البستان]

الله يسهلها عليك ويفرج همك

 

[فديت انفاسه]

حمدالله يااارب كثيرررررررررررر مرتااااااااااااحه
كلمت امه وقلت لها عن موضوع قالت دام هو موافق انا مابي الا راحته وسعادته مابي اقوله قرار بعدين يندم او يصير شي قلت لها انتي راضيه من قلبك لان مهما يكون انتي امه قالت ايه وقالت تبيني اكون وياها وانا شرحت لها وضع ان شلون واحد يكون مستقر بحياته من اول شي وكلام كثير بعدها يوم عرفت ان موافقه ارتحت وجلست تسولف معاي يمكن نص ساعه هههههههههههه انا مستحيه كنت بس حمدالله تحديت نفسي وكلمتها واحين ارتاح بالي وصرت مافكر لوماكلمتها كان للحين بالي مشغول ولامطمن شكرا حق كل وحده دعت لي
الله يوفقكم ويسعدكم كلكم امين ويرزقكم الي في بالكم وتتمنونه