ممكن مساعدتكم ورايكم وشوركم

[فديت انفاسه]

سلام عليكم شخباركم
بطرح لكم مشكلتي والي يمكن ناس كثير تعاني منها
اول شي خطيبي راتبه ع قده واهو اكبر واحد في بيتهم ثاني شي ابوه مايصرف ع البيت الانادر يعني شنو يعني خطيبي يصرف ع امه واخواته واخوانه كم مره يكلمون الابو مافي فايده
مشكله في زواجي شلون بيصرف عليهم وراتبه يادووب بيكفي لنا كل احتياجنا ومعه قرض وايجار يعني مستحيل بيبقى شي لان حسبناها شلون بيعطي اهله !
اعرف ان هذا واجب يعطي امه ويبرها بس كيف لو احنا في الاساس ماراح يبقى معنا شي وخصوصا انه توه متوظف يعني راتبه ماراح يغطي كل شي غير ضروريات وكمليات مستحيل وانا راضيه ومقتنعه حمدالله ومايهمني بس لو صرف عليهم مب نقدر نكمل حتى الضروريات انا منحرجه افتح له موضوع ومدري وش اسوي ولو انتي مكاني شنو تسوين :35:

 

[فديت انفاسه]

ولا رد

 

[دلع قلبه]

طيب ليش ترتبطين فيه وهذي ظروفه!!
يموتون اهله جوع مثلا عشانك!!
ولا يجلسون محتاجين ومعتازين لناس عشانك!!

طيب اذا انتي ماعندك استعداد تتنازلين
وتتحملين ظروفه الصعبه الين يتزوجون خواته ويسخر لهم رب العالمين
من يصرف عليهم ليش ترتبطين فيه!!

انصحك اعيدي النظر في هذا الزواج واستخيري واذا في انفصالكم خير الله يكتبه!!

 

[مصيبه الدهر]

شوفي حبيبتي انا ما راح اقول شي يزعجك
بس امي كانت دائما تقول اذا دخل الفكر من الباب يطلع الحب من الشباك
وانا اخاف عليج تتورطين اذا ما تقدرين تتحملين ظروفه

 

[خلود بكر]

الله يفرجك همك ودام بار بوالدته اكيد ربي بيرزقه وانتي لاتفتحي الموضوع شوفي الوضع وبعدين احكمي يعني لمن تكوني في بيته بيوضح كل شئ وغير كذا لو تقدري تتوظفي اتوظفي وخففي عنه وربي بيبارك لكم

 

[فديت انفاسه]

دلع قلبه ليش كل ذي الهجوميه في الرد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا جايه استشير مو جايه عشان القى زي كذا

 

[دلع قلبه]

ليس هجوم عزيزتي وجهة نظر
والاختلاف في الرأي لايفسد للود قضيه..

تخيلت انا مكان اهله وتجي زوجة اخوي واحنا محتاجين وتمنعه يصرف علينا
حسيت للحظه بموت من الضيقة والقهر
الله لايذوقك احساس الحاجه
لكن عشان يكون حكمك صائب وعادل ضعي نفسك مكان الاخر ووازني الامور
ثم بعدها احكمي
بكل بساطه اطلب منك ان تكونين مكانهم
وانتي محتاجه وزوجة اخوك تمنعه من الصرف عليكم
اجيبي بكل مصادقيه مع نفسك ولا احتاج الاجابة في العلن كيف هو شعورك بربك!!!

اللهم لاتحجنا لأحد من خلقك واغننا بفضلك عما سواك..

 

[نووووفه]

لاتستعجلون بالزواج الحين اصبري لين يتحسن وضعه اويتوظفون اخوانه
طيب ليش ابوهم ما يصرف على البيت؟؟
يمكن الاب كاف يده عن المصاريف معتمد على زوجك واذا تزوج يصرف عليهم
الله يعطيك العافيه ويرزقك وزوجك من حيث لاتحتسبون
​

 

[كاتياباسل]

طيب ممكن هذا بس قبل الزواج وبعد الزواج يخفون عنه شوي
ودام أبوه مقتدر خليه بعد الزواج يعتذر من أبوه بأسلوب حلو ولبق بأنو مايقدر يصرف على بيتين
وفيه سؤال كمان أنتي مو موظفة؟؟
وعليك بالأستعانه بالله ،،،،وكم من واحد تعدلت أحواله بفضل الله وهو قبل يادوب يملك قوت يومه

 

[danno..}]

اعرف شعورك ادري انك متضايقه ومنقهره بس احتسبي ودايم اذا فكرتي تفكير شين
قولي اعوذ بالله من الشيطان الرجيم
وفكري بامه مثل امكـ وترتاحين خصوصا اذا كان تعاملهم حلو معاك

الله يوفقك ويسعدك وصدقيني بكرا تكبرون ويكبر راتبه معاكم باذن الله

 

[&دانتيلا&]

انتي تقولي توه متوظف..
يعني قبل مايتوظف مين كان يصرف عليهم؟؟؟!!!!!!!!!!

عطينا جواب علشان نعطيك حل يناسبك.

 

[فديت انفاسه]

والله ماعندي مشكله يعطي امه مبلغ معين بس بيت كله صعبه حتى لو مو متزوج بعد صعبه لان راتبه قليل اصلا
دلع قلبه انا حطيت نفسي بمكانهم بس هم عندهم اب يعني اهو صح لازم يبر امه اهله بس لوكان قادر بس هو ماراح يقدر وابوهم هو ملزوم مو هو
بعدها انا بصير بذمته يعني بيكون ملزوم فيني انا بعد

ابي طريقه افتح موضوع عشان اعرف واريح قلبي وادخل حياته وانا مطمنه

وقبل والله مدري من يصرف بس اكيد ابوهم بمبلغ الي مايكفي

سوري كتبت كل ردود مره وحده لان منتدى بغصب يفتح معي مدري مشكله معي ولامع كل

 

[نووووفه]

صراحه ما انصحك تفتحين معه الموضوع اخاف ينفجع ولا يظن فيك انك طماعه
او ما تبغين اهله ما اعتقد انه يتقبل الموضوع في ذا الوقت اصبري وشوفي اراء البنات
​

 

[فديت انفاسه]

يسلمو عشان كذا انا محتاره بس اهو يعرفني مستحيل يظن اني طماعه بلعكس اصلا قنووووعه مره ومتقبله

 

[هموسآ]

اختي كويس انه بار بامه واهله وان شاء الله النتيجة تنعكس على حياتكم وربي يسعدكم واذا على راتبه ان شاء الله ربي يبارك له في (وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ)

 

[فديت انفاسه]

والله انا ماعندي مشكله ان يعطي امه بس لوكان ماراح يبقى شي يعطيها شلون
لوكان راتبه كثير عادي يصرف ع بيتهم بس احنا ماراح يكفينا هنا مشكله