ممكن طريقة الشيرة يا حلوات

[زوجة الناظر]

السلام عليكم


كل عام وانتم بخير

ممكن تساعدوني ابي المقادير للشيرة


اللي سكر وموية انا سويتها بس تطلع معي حيل خفيفة


ابيها تكون مايلة للثقيلة اكثر


والف شكر​

 

[ام لموووو]

شوفي 4 فناجين قهوه سكر وكاس مويه والاهم من ذلك لازم تطول على النار على شان تصير ثقيله اذا طفتيها بسرعه تكون خفيفه -خليها لين تشوفينها ثقلت بعدين طفيها وحطيها في الفريزر شوي

 

[زوجة الناظر]

هلا اختي كبيت السكر كب وخليتها على النار

حوالي نصف ساعة وما ضبطت معي 00


مشكورة يالغلا​

 

[سهم العشق]

حطي كاسة مويه وكأستين سكر وخليه بدون تحريك على نار هادئه الين ما يبدأ بالغليان ويصير ثقيل 00 وبعدها اطفي النار واستعميله 00 وحطي هيل او ماء ورد 00 على حسب الرغبه 00 ان شاء الله اكون افدتك 00 ​

 

[ام لموووو]

لازم السكر يكون اكثر من المويه

 

[فتاه بريئه]

كأس سكر .. شوي عصير ليمون شووووي ... وفنيلا ... ومويه على حسب السكر وبث هذا الي اسويه انا

 

[لاريسيا]

انا مافضل طعم الليمون فيها

خليها بس ماء وسكر و وقليل من خيوط الزعفران ​

 

[رحالة ومليت]

انا مافضل طعم الليمون فيها

خليها بس ماء وسكر و وقليل من خيوط الزعفران ​

من تجربتي الليمون ضروري عشان مايتسكر او يتجمع باسفل العلبه وحتى لوقطرات تنفع معاه :7:

كأسين سكر وكأس مويه يغلو ممكن ساعه اوساعه إلا ربع على نار هادئه وبالاخير الليمون وخليه يغلي معاه يمكن عشر دقايق

والنكهة الاخيرة سواء فانيلا او هيل او زعفران زي ماتحبي وبالثلاجة تستخدميها وقت حاجتك

وبالتوفيق ياحلووة

 

[فراشه روعه]

كاس ماي

وكاس سكر

وخليهم عالنار لين يثقلو

حتى لماتحطينه فالثلاجه مايتجمد يتم مثل ماهو

 

[زهوووور الريف]

ثلاث كاسات سكر
وكاس ماء
وملقعة او ملعقتين عصير ليمون / ماراح يبين بالطعم بس عشان ما تجمد وتصير زي القزاز
وزعفران
وشوي هيل مطحون
تطبخ على النار لما توصل للثقل المطلوب

 

[nidaa]

هلا اختي

هي طريقة حلوة

2كوب سكر يضاف له كوب ماء

اتركيهم يغلوا ثم ضيفي عليهم عصير ليمون او قطرات وملعقة صغيره فنيلا
واتركيهم يغلوا شوي وطفي النار عند ما يثقل
هي طريقتي وان شاء الله تستفيدي منها

 

[ولدي اعز ماعندي]

ضروري ليمون عشان تثقل والسكر مايلصق ويذوب بسرعه
4كاسات سكر
كاستين مويه
نص ليمونه
وتغلى على نار متوسطه ممكن تتسوي كميات وحفظيها في الثلاجه وتخرجيها متى ماتبغي
كدا اريحلك

 

[زوجة الناظر]

جزاكم الله خير وحدة وحدة


ما قصرتوا