ممكن حل من حلولكم الحلوة ...

[ساكن بقلبي]

صباحكم ومساؤكم كله خير :blush-anim-cl:

عندي مشكله ابي الحل حاولت احلها بنفسي بس ماقدرت

كنت متفقه مع زووجي قبل العرس ان اتواصل مع اهلي وهذا من حقي بس قال مب وقت راحتي قلت لا بس ابي ازورهم بشكل اسبوعي

المهم بعد العرس قرر انه يكون كل جمعه وافقت وصار جمعتين يوديني وبعدين لاا صار يقولي ابيج تقعدين معاي انا طوول الاسبوع عنده بس هاليوم احب اكون مع اهلي يرفض ويزعل وساعات يوديني بس بعد سب وهواش معاي يخليني طوول ما اكون عنده اصييح :icon1366:

ومرة سالت له ليش تسوي جذيه تقول مابيج تستانسين وانتي بعيده عني :sly:


والحين مانع علي زيارتهم والله اتشفق على شوفه امي واخواني وخصوصا كل يوم يتصلون ويقول لي متى بتجين تعبت نفسيا والله ابي اشوفهم :no:


عطوني حل شلون اخليه يوافق ويحترم قرارته معاي

 

[لحن حياة]

يا حياتي ...
الله يسهل لك امرك ييارب
أهم شي انك تبينيه انك مرررررة مبسوطة و انت معاه
و أنه زي ما أنت سعيدة مع أهلك برضك سعيدة معاه

آسفة يا قلبي ردي بسيط
بس ان شالله الاخوات يفيدوك أكتر

 

[زهرة الجاردينيا]

تحيه عزيزتي (ساكن بقلبي)....

ممكن يكون رفضه سببه الغيره رغبه منه في قضاء وقت اكبر معاج اذا كان طول الاسبوع مشغول في دوامه وحب يقعد معاج في الويكند المفروض تفرحين مو تزعلين .... او اذا كان مجرد حجه لفرض سلطته كزوج...نصيحتي لج أكتفي بالوقت الحالي بالتواصل مع اهلج عن طريق الهاتف لين ربي يفرجها عليج وتتوصلي معاه لحل بخصوص زياراتك الأهليه ...حاولي تطلبين منه الاذن بالزياره بطريقه(( دبلوماسيه)) مو ((بالأمر)) واذا رفض لا تنفعلي وتصعدين الموضوع وتحولينها لزعل ومشكله...والله يهديه

 

[كويمسي]

مرحبا اختي
شوفي ياقلبي مايقدر يمنعك من اهلك لا يمكن حرام اصلا ولا تطاوعينة في هذي النقطة لان لو سكتي بيزيد وبيطلب اكثر فالا تفتحي على نفسك مجال من الاول قولي لا احبك صح وانت على عيني وراسي بس اهلي لازم ازورهم
وبأسلوب لطيف بس لا تتناااااااااازلين ترا بتتعودين تتنازلين

 

[ثقتي عاليه]

هلا حبيبتي خلي ابوج او اخوانج بسلوب لطيف يعزمونه ويقولون له حياك كل اسبوع على الغادا ويوم تتغدون خلي هو يرد البيت وانتي قعدي عندهم... وممكن اذا جت فتره ومازرتيهم خلي اخوانجيقولون له وينكم والله اشتقنالكم ...واذا هو كان طيب وحبوب مايحتاج نكد وصياح وهونيها اذا هو كان فعلا يحبج
وموفقه عزيزتي

 

[نبع الحنين]

الله يكون بعونك قولي له احنا متفقين من قبل على كذا ليش ترجع بكلامك.

 

[شمعة لا تنطفيء]

انا فهمت نفسية زوجك
زوجك يغااااااااااااااااااااااااااااااااااااااااااااااااااااار عليك
حى من اهلك
الحل انك اذا رحتى لهم ما تبينين له انك استانستي
قولي له انا طول الوقت افكر فيك وانا عند اهلي ومشتاااااااقه لك

 

[ريموني]

عزيزتي

واضح ان هذه الحركات (( حركات اول ايام الزواج )) ..... الغيرة والتعلق ........ كلها مؤقته .. ولكن

مثل تلك العادة ( ان يبخلعليك في زيارة اهلك )يجب ان لا يعتاد عليها منذ البداية لكي لا تتعبي (( خلاف ))

(( الزوج على ما تعوديه )) لذا :

اكثري من مثل تلك الكلمات على اسماعه في كثير من المواقف والاوقات :

(( والله ما في سعادة اكبر من سعادتي يوم اكون وياك وبجنبك حياتي )) (( الوقت وياك يعدي بسرعة من حلاته

ما احس به يا قلبي )) (( اليلسة وياك تغنيني عن اليلسة ويا الناس كلهم .. افضلها حتى على اليلسة ويا

اهلي يا عمري ....... ))

اجعليه يتشبع من كل تلك المشاعر لكي تنعدم مشاعر الغيرة من قلبه ولا يشعر بانك تسعدين معهم اكثر من

سعادتك معه ....... واعلمي بانها مشاعر شبه مؤقته .. زائلة .. ولكن اياك من تبرير ما يفعله ليتخذها عادة !!


موفقة

 

[ساكن بقلبي]

تكلمت وتفاهمت معاااه بس مافيه اللي براسه مايبي يغيره تعبت اذا ماجفت هلي اتضايق حدي

قلت شلون ترضها على نفسك كل يوم تشوف اهلك اما انا الا بالأسبوع مرة .. قال انا رجال خخخخخخخخخ

ياربي ماعندي غير الدعاء لاني تعبت من المشاكل

يكفي نفسيتي استانس لما اروح عند اهلي وارتاح لشوفتهم


ادعوا لي

وعطوني حلول اكثر

 

[حلا بدون سكر]

شوفي الوقت اللي يكون معك رااااااااااايقوكلمية بغنج ودلال وحطي دمعتين( النتيجة فتاكة )
إذا أهلك قريبين استغلي أي مشوار بيتأخر فيه وقوليله أخااااااااف أجلس وحدي (ودمعتين) نزلني عند أهلي وإذا خلصت مر عليه ياحيااااااتي أسال الله أنه يسخركم لبعض ويهديه ويلين قلبه

 

[ميمي 1404]

يا حبيبتي انتي يدوب في بداية حياتك .. الحين هو يبغ يفرض رايه عشان انتي من بدري قلتيله ابغ اروح لأهلي فانا اقلك لاتفتحي معاه الموضوع ابدا وخليه يسوي اللي براسه مو مشكله حتى لو اسبوعين وقولي له اللي تشوفه بس اهم شي تكون انت مبسوط ولا تبكي ولا تسوي شي بالعكس ممكن يوديكي بس عشان يسكتك مو عشان انتي تنبسطي .. وممكن كذا يوم الصبح سوي له فطور جسمي وفطور بطني ... ههههههههههه
وقولي له وقت ما تكون في الدوام بروح لهم ولمن تجي مر علي ارجع معاك عشان ما اقدر اجلس في البيت بدونك .. وانتي كلميه عشان ياخذك.... بس لا تخلي الموضوع يصير (عنـــــــــاد)

حاولي تجين بالسياسه قولي له امي جايينها ضيوف وتبغاني اساعدها ...
ومرة خلي اختك ترسل رساله على جوالك وحشتينا اذا رضي زوجك يجيبك عندنا تعالي .. بيني له ان الموضوع بيده مو بيدك انتي ... والله لا يجيب الزعل ويسعدك دنيا وآخره ..

 

[ساكن بقلبي]

يا حبيبتي انتي يدوب في بداية حياتك .. الحين هو يبغ يفرض رايه عشان انتي من بدري قلتيله ابغ اروح لأهلي فانا اقلك لاتفتحي معاه الموضوع ابدا وخليه يسوي اللي براسه مو مشكله حتى لو اسبوعين وقولي له اللي تشوفه بس اهم شي تكون انت مبسوط ولا تبكي ولا تسوي شي بالعكس ممكن يوديكي بس عشان يسكتك مو عشان انتي تنبسطي .. وممكن كذا يوم الصبح سوي له فطور جسمي وفطور بطني ... ههههههههههه
وقولي له وقت ما تكون في الدوام بروح لهم ولمن تجي مر علي ارجع معاك عشان ما اقدر اجلس في البيت بدونك .. وانتي كلميه عشان ياخذك.... بس لا تخلي الموضوع يصير (عنـــــــــاد)

حاولي تجين بالسياسه قولي له امي جايينها ضيوف وتبغاني اساعدها ...
ومرة خلي اختك ترسل رساله على جوالك وحشتينا اذا رضي زوجك يجيبك عندنا تعالي .. بيني له ان الموضوع بيده مو بيدك انتي ... والله لا يجيب الزعل ويسعدك دنيا وآخره ..

والله ياي اختي جيت من كل الجوانب دخلت امه وابوه وابوي بالموضوع وهو معاااند


وهو عارف انه اذا جفت اهلي ترتاح نفسيتي واكون مبسوطه واكل واشرب

والحين حاولت معاه قلت له خلنا نتفق مايصير هذا الحال اظل لحالي بالبيت وانت مع ربعك يقول المراه مكانها البيت انزين انا مليت ما احب اظل بروحي يجيني وسواس اكون طوول الوقت بفراشي احاول اني انام

انزين مليت والله :shutup:


ماعندي شئ يشغلني شغل البيت اقدر اخلصه بنص ساعه بس غيرته هذي تذبحني اكرهه اطلع معاه لانه بيقول اسلوبج وطريقتج ولبسج للعبايه مب عاجبتني ما افكر اطلع معاه اطلع بنفسي وبسيارتي اذا رضى طبعا

افكر اني ارجع لاهلي لانه حالتي وشكلي تغير ومبين علي مريضه كل من يشوفني يقولون لي ليش وشيفيج انتي مريضه :dunno:

بس شوفه هلي تريحني وااااااايد

ادعوا لي

 

[ناناسي]

هلا حبيبتي خلي ابوج او اخوانج بسلوب لطيف يعزمونه ويقولون له حياك كل اسبوع على الغادا ويوم تتغدون خلي هو يرد البيت وانتي قعدي عندهم... وممكن اذا جت فتره ومازرتيهم خلي اخوانجيقولون له وينكم والله اشتقنالكم ...واذا هو كان طيب وحبوب مايحتاج نكد وصياح وهونيها اذا هو كان فعلا يحبج
وموفقه عزيزتي

نفس الراي

 

[ميمي 1404]

يا حبيبتي الموضوع ما يستاهل تدخلين اهلك بالموضوع انا قصدي قوليلو هم يبغوني اجيهم بس انا ما ودي اروح ..
وما دام دخلتي ابوك وابوه معناه ان الموضوع صار عناد من ناحية زوجك يعني ان كلمته هي اللي لازم تمشي ... حاولي تمشينها لفتره معينة شهر وحاولي انك تكوني مبسوطةوما له داعي تروحين عند اهلك صدقيني الموضوع مو كبير جدا خليه مرة بالشهر اكسبي زوجك الاول بعدين هو راح يحاول يرضيكي .. والطناش احسن شي قوليله حاضر على امرك ما راح اروح الا بامرك ... وحاولي تشيلي الموضوع من باله اطلعي معاه اي مكان ولا تقولين لا ولا تتضايقي .. وخليكي على يوم بالاسبوع كفايه ..
انا مع اهل زوجي بنفس العماره هو يشوف امه كل يوم وانا مره بالاسبوع ....عادي والله واذا صار شي عندهم متجمعين او حتى خارجين يوديني عند اهلي ومايقصر ..
يعني خلاص انتي صار لكي بيتك ومملكتك حاولي تبنيها صح من بدري مو بالعناد ولا تدخلين احد لا امه ولامك وابوه ولا ابوك ما راح ينفعوك الا هم يكرهوه ويقوكي عليه ... حاولي تفصلي تفكيرك عنهم انا ما اقلك سيبيهم بس الحين انتي حياتك ببيت اهلك انتهت وصدقيني انا كنت زيك بس ما ارتحت الين صار هذا تفكيري ...

 

[ساكن بقلبي]

أختي ام سند مشكورة على الرد بس انا وااايد متعلقه باهلي

لدرجه اني لما فارقتهم نزل وزني واايد وكل من جافني يحسبني مريضه بس ما اكل لانه كرهت الأكل وكل شئ

وقدام زوجي ماابين له هالشئ بس هو ملاحظ علي بس انا حاولت اتغير بس ما اقدر شئ غصبن عني يمر اسبوع وما اشوف هلي اموت والله :sadwalk:

حتى صديقاتي المتزوجات صرت ما اكلمهم لانه يزرون اهاليهم يوميا انا ما اطلبت هالشئ بس ما اقول غير الله كريم