ياعسولات انا مدرسة انجلش وماراح اقصر معكم بس احس الانجلش يبيله انكم تتعلمونه من نيتف سبيكر يعني واحد لغته الام هي الانجليزية وهذا افضل بس
بعطيكم نصايح ممكن تفيدكم من خبرتي مع الانجلش
لو رحتوا مستشفى مثلا لاتتكلمون مع النيرس الا بالانجلش حتى لو كانت تتكلم عربي و لو حستي عليها بالكلام خلها هي تصحح لك انا كنت كذا وكمان كنت اكلمهم عن الاسلام مو كل الممرضات بس اللي احسها متقبلتني وحابه تتكلم معاي و مرات لما كنت بالجامعه كنت اغلط و كانوا يصححون لي عاااااااادي و لا انحرج ولا شي كنت اقول انا طالبه في الجامعة وابغى اتعلم اذا غلطت صححي لي
نصيحة بعد لا تركزين على الكلمات فقط حاولي قد ماامكن تحفظين جمل بدل ماتقعدين كل مره لاجيتي تتكلمين تقعدين ساعه عشان تجمعين جمله زي الناس <<لأ اختصري واحفظي الجمله بالقرامر و التركيب اللغوي اللي فيها وريحي راسك
ومع الوقت يصير تلقائي انك تتكلمين بالقرامر
خصصي لنفسك كلمات او جمل مثل ماقلت احفظي جزء منها يوميا مثلا كلمات للاستخدام في المستشفى
كلمات تستخدم في السفر او في الماركت او اي مكان
غير كذا لو عندكم شغاله تتكلم انجلش دائما حاولي ماتكلمينها غير بالانجلش اعرف واحده تعطي شغالتهم زياده على راتبها بس عشان تكلمهم بالانجلش هي وعيالها وتصحح لهم الاخطاء وماتتكلم معهم ابد بالعربي وماشا الله لو تشوفينها هي وعيالها مع انها كبيره بالعمر بس ما شا الله
اي وحده فلبينيه بمشغل او بأي مكان تروحينه كلميها بالانجلش
اهم شي عشان تتعلمين انجلش و انا هالكلام دايم اقوله لطالباتي خلي نيتك لما تتعلمي او تتكلمي الانجلش تكون انك تنشري الاسلام وتحسني الصورة المشوهه اللي ماخذينها عنه بعض الناس بكذا انتي تاخذين اجر بكل حرف تحفظينه ان شاء الله
دعواتكم لي بالتوفيق و ان الله يعطيني اللي في بالي
اعذروني كتبت وانا مستعجله لان وراي مشاغل بس
لو عندكم اي استفسار او تبغون اي مساعده انا موجوده لايردكم الا لسانكم امممم اقصد الا كيبورد كم هههه
وابشرو باللي يرضيكم ا ان شاء الله ماراح اقصر معكم
