ممكن تساعدوني

[هــمــســة]

السلام عليكم ورحمة الله وبركاتة

اتمنى ان الجميع بأفضل حال..

مشكلتي زي اغلب البنات هي خيانة زوجي.. انا متأكدة انه يخوني مو من فترة قصيرة من زماااااان
كل فترة مع بنت شكل..
لاني اشوف اتصالات تجيه بأوقات متاخرة من الليل ... ولا الفجرية مستحيل احد بيتصل هالوقت.. ولا اذا كنا طالعين ورن جواله يقولي يووه هذا فلان مالي مزاج له..

من اسبوعين جواله دايما صامت ما يتركه على العام ابدا ... طبعاً هذا الرقم الثاني عنده اللي هو رقم الشغل بس ...
مرة مالقيت جوالي اخذت جواله اتصلت على جوالي..
تفاجئت ان الرقم اللي طلع لي مو رقمة رقم ثاني وشركة ثانية..
انصدمت ما عرفت ايش اسوي..

مشكلتي الكبيرة اني انسانة سلبية ما احب اناقش ولا أحب اعرف الاسباب...
ما اعرف اواجه ..

ساعدوني بحل انا متزوجة من 6 سنوات وعندي طفلين منه

احبه وامووت فيه ومستحيل ازعله ... وهو يحبني ويموت فيني

بس ليش الخيانة دامه يحبني هالحب .. لمحت له على اللي يخونون ارسلت ايميلات بس الامر كل ماله في ازديااد

راح اموووت من قهري.. والمشكلة انا من النووع الكتووم اللي ما احب اشكي لاحد مشاكلي احتفظ فيها لنفسي........

بلييييز سااعدوووني قبل يصير لي شي او ارتكب حماقة اندم عليها طوول عمري

 

[ريــحانة]

صبر الله قلبكِ عزيزتي
وربي يهدي لكِ وييسر أمركِ


عزيزتي ،،

لا تخبريه لكن راقبيه ،،

أجعلي نفسكِ الإنسانه الواثقه به كل الثقه
لكن راقبيه

أجعليه بين عينكِ

فزوجكِ متعدد العلاقات

أبحثي عن النساء الاتي يكلمهن ما المميز لديهن
أبحثي عن الذي يوجد لديهن ،،

ليس بالشرط أن يكون عمر زواجكما 6 سنين فيعني انكم تفهمان بعض

أن وجد السبب بطل العجب

ولكن هذا لا يعني إن زوجكِ يبحث عن غيركِ لانه يوجد لديهن ما لا يوجد لديكِ


وحالياً لا تجعليه يلاحظ اي شيء من الذي تعرفينه

ولا تواجهينه بعد المواجه سيتماده أكثر

وأسأل الباري أن يوفقكِ

 

[Lateen]

الله يعينك يارب ويعين كل الحريم على الرجاااااااااااااااااااااااااااااااااااااااال

لاتخلي الشك يدخل حياتك مدامك مو متأكده
ترا الشك بيدمر اعصابك ويدمرك انتي شخصياً
وبدال ما تخلينه يحبك بتسببين مشاكل اكثر
مادامك ماتأكدتي انسي الموضوع حطي حيلك بنفسك
حاولي تكونين دائما الزوجه الحنونه الجميله الرائعه في نظره

نصيحه: لو اكتشف انك اكتشفتي وساكته بيحس ان ماعندك مانع
لان اللي هو خايف منه الحين ردة فعلك علشان كذا لاتحطين نفسك بهالموقف

الله يساعدك ويوفقك يارب

 

[ضياء القمر]

..

انا متأكدة انه يخوني مو من فترة قصيرة من زماااااان
كل فترة مع بنت شكل..

الله ايهون عليك ان شاء الله

طالما انتي متاكدة وعندك الدليل

خلاص يعني انتي في ((سيف سايد)) لماذا لا تواجهينة بالحوار الهادئ كخطوة اولى مع الاحتفاظ بالدليل


ربما يستحي ويخاف من رب العالمين ويتوب


وبعدين في هناك استراتيجيات للزوج الخائن

اشتركي بها ربما تستفيدين من نقاط نفيدك



غاليتي لا تقولي انا لا احب النقاش حتى لا يتحول الى جدل ومشاكل

هذة حياتك اذا لم تنقذيها انت !!! فلن ينقذك احد


هل تعرفين نهاية الخيانة والعياذ بالله ؟؟؟؟؟


لو تكلمنا عنها لما انغلقت ملفات هذا الموضوع


خلك قوية ودافعي عن حياتك ولا تنسي التمسك بالله واللجوء لة لانه هو القادر على تغيير وتبديل الاحوال


تمنياتي لك بالسعادة ان شاء الله

 

[ريــحانة]

خواتــــــــــــي

المواجه لا تفيد مع هذا الرجل في هذا الوقت بالذات

 

[هــمــســة]

تسلمووون حبيابتي... على وقفتكم معي..

عزيزتي شمس

وهذا الشي اللي اسوية مبينة له اني واثقة فيه..

بس المشكلة اذا راح للدوام يكون عنده فترة كافية انه يكلمها..

يعني من الساعة 8 الصبح لحد الساعة 4 العصر يكون بعيد عني..

انا طبعا مستحيل اواجهه .. مو خوف او جبن لا بالعكس لاني احبهـ

لو واجهته راح تحصل مشاكل وراح يتدخلون اهلي.. وانا ما ابغاه يطيح من عينهم

مثل ما طاح من عيني..

تعرفون ايش المشكلة انه قدامي ينتقد النوعيه هذي من الرجال ويحسب اني ما ادري انه واحد منهم

تكفوووون ادعووولي ان ربي يهدية ويبعده عن الحرام...

 

[(مها)]

الله يكون بعونك اختي ,,,,
بما انك متاكده انه يكلم بنات ليش ماتواجهينه
اذا تحسين انه مايقدر يستغني عنك لابد تواجهينه وتكونين قويه بعد
عندي لك فكره اذا تحسينها تضبط نفذيها ,,
خذي رقم وحده يكلمها في هذي الفتره .. اتصلي للرقم من مكان غير بيتك
لاتتصليين من جوالك اتصلي لو من جوال احد من اخوانك علشان تتاكدي بنت لو رجل (( بس مصيبه لو تدور لهم !!))
المهم لو بيت اهلك وقولي انك غلطانه بالرقم اذا ردت على اتصالك (( كذا تأكدتي انها بنت))
كوني باستقبال زوجك بأبهى حله ولما يحط جواله خذيه ودقي على الرقم وقولي له رد كلم!!
وبعدها انتي اخذي الجوال وصارخي والعني البنت اللي بالتلفون وخليكي منفعله شوي (( علشان يخاف ))
وبعد ماتسكرين طلعي اللي بقلبك كله وبيني ميزاتك وكيف انتي حفظتيه وتحبينه ... وقولي له ليش تقابلني بالخيانه
وكملي حوارك معاه ,, بس لاتخلينه يطلع المهم انك ترضين اذا اعتذر لكن مو بسهوله تامه
وبعدين راقبيه من بعيد واذا كلم اخرى واجهيه باسلوب اشد شوي مع الرضى في النهايه
وان شـــاء الله ينهدي ويبعد عن هالطريق

وكان الله في عونك .....

 

[*زين الوصوفي*]

عليج بدعاء وشغلي سوره البقره

الاستغفار الاستغفار الاستغفااار

 

[m2008]

لا عزيزتي لا تواجهين زوجك

 

[بريئه]

لا حول ولا قوة إلا بالله
ادعي الله في الثلث الاخير من الليل وتوكلي عليه..والله يكون في عونك.​

 

[مــــلوكه]

حبيبتي عليك بدعاء الكرب صباح ومساء والاستغفار
وعيشي معاه حياه غراميه جديده وسلمي امرك لله