ممكن تساعدوني والله محتاره حيييييييل

[سكوتي سر كلامي]

اول شي السلام عليكم والرحمة الله
كيفكم والله محتاره حيل مو عارفه شنو اسوي وحده من صحباتي قالتلي على مشكلتها وبصراحه مو عارفه شلون احلها لها فا حبييت تشاركوني ليتكم تساعدونها لني حيييل اعزها ....
مشكلتها اهي ان الدوره مومنتظمه عندها وغير كذا تقول صار ينزل منها شي ابيض لزج وخايفه حيييل واهي للمعلوميه بنت وموعارفه شنو تسوي وخايفه تقول لمها او يمكن تستحي بس خايفه ها شي يضرها بعدين لما تتزوج اتمنى تساعدوها ؟؟؟؟

 

[ضي الرياض]

عادي ياقلبي هذي افرازات طبيعيه وما تضر ان شاء الله اذا كانت بيضاء

 

[حنان كلي]

تهتم بدورتها اكثر وتسخدم غسول خارجي بعد الدوره ملح ومره وتهتم
بالمنطقه اكثر بعد كل حمام تغتسل ماء دافي وتنشف عدل ولازم تطمن
تروح لدكتوره يمكن افرازات تعطيها علاج وماتشوف الا العافيه

 

[أم المشاعر]

تهتم بالدوره وتنضف المنطقة زين وتنشفها وتهويتها ضروري وخليها تشرب بردقوش ممتاااااااااز لتنظيم الدوره

 

[سكوتي سر كلامي]

ماشكورين خواتي على ردودكم بس اهي بعد تعان من حكه مو طبيعييه معقوله يكون معها التهاب والله المسيكنيه خايفه وانا ما بدي شي اسويلها تكفون ابي ردود اكثر وبعدين اختي أم المشاعر شلون تسوي ها المرقدوش ؟؟؟؟

 

[الجواااان]

اذا عندها حكه خليها تستخدم ملح خشن مع مويه دافيه وتغسل بها كل يوم مره

 

[أم المشاعر]

طريقة عمل البردقوش تضع ملعقه بردقوش في كأس وتحط عليه ماء مغلي وتحليه بشوية سكر وتخليه شوي بعدين تشربه
وماتشووووووووووف شر​

 

[تعبت اعاني]

البردقوش ممتاز لتنظيم الدورة مثل ماتفضلوا الاخوات..ومن كلامك شكلها معها التهابات خليها تروح لدكتورة علشان تعطيها كريم خارجي للالتهاب لانها بنت..ومضاد حيوي
وان ماقدرت الملح والمره زينه تشطيف خارجي..
واهم شي الاهتمام بالنظافه وخليها ترمي كلوتاتها وتجيب غيرها او تغسلهن زين وقبل ماتلبسهن تكويهن زييييييين علشان لو باقي اثر من الميكروبات ماترجع لها مره ثانيه..

 

[سكوتي سر كلامي]

مشكورين خواتي على ردودكم ما قصرتو....
بس أختي تعبت اعاني اذا تعرفي اسم الكريم ليتك تعطيني اسمه وشلون تستعمله ؟؟؟

 

[تعبت اعاني]

والله مدري عن اسم الكريم بالضبط..بس شوفي في دواء للالتهابات ممتاز اسمه دكتارين هذا في منه تحاميل وطبعاً ماتنفع للبنات وفي منه كريم يجي معاه انبوب يدخل جوا الرحم وبعد هذا ماهو زين للبنات واصلا الدكتورات مايوصفوه للبنات ابد..
انا قلتلك عليه علشان تسالي بالصيدليه اذا فيه منه كريم بس للاستخدام الخارجي فقط..خليها تاخذه وتتوكل على الله