ممكن أعرف مشكلتي بالضبط .. تعببببببت !!

[غيرتي جنون]

السلام عليكم
كيفكم ياغاليات؟
من فترة وأنا متابعتكم بصمت
وشي يبرد القلب صراحة تعاونكم لوجه الله
والله ترددت كثير أكتب مشكلتي
لأني ما أدري من وين المشكلة وهل تسمى مشكلة أو لا؟
باختصار أنا مقتنعه إن البلى فيني أنا
بس لما تجيني الحالة
حالة الغيرة والشك
ما أدري وش فيني أقلب 180 درجة
يمكن أساس المشكلة واحد من أخواني
كان يموت في بنت عمي وهي نفس الشي من الطفولة
ولماتخرجت من الجامعه خطبها وملك وهو طاير من الفرحة
يعشقها بجنوووووون
بس فجأة الرجال يتصدد عنها وفجأة انصدمنا ماااايبغاها
ليش؟
طاح حب وغرام فوحده من دولة ثانيه قريبه
الله لايوفقها
ومن كثر حبها له حاولت تصبر بس قالها بصريح العبارة
أنا مابيك أكرهك حتى كاره أشوفك
آآآآآآآآآه مسكينة انصدمت وانهارت
ياشين الحب
المهم خلاص السالفة لها 8 سنين
هي تزوجت من واحد عازها ماشاء الله
وهو متزوج ومستقر ومخلف والبنت هذيك راحت بنصيبها بعد
هالسالفة يابنات خاتني ماعاد أثق بالرجال
انخطبت وتزوجت وحملت وولدت
ورغم إن ماعمري مسكت زلة على زوجي من ناحية الخيانة
إلا إني مجنونة غيرة وبعيد عنكم شك
يعني يسولفلي عن واحد قال بيتزوج أقلب القعده نكد
يسولفي عن واحد سافر برا أقلب القعدة نكد
وما أدري تجيني حالة إتخيل هو صاحب المشكلة
لي 4 سنوات متزوجه وكل ماقلت هديت وعقلت بموقف بسيط أقلبها نكد
والله لاجتني الحالة أبكي وأسبّه وأنهار وماأدري وش يصير فيني
مرة واحنا نتمشى ومبسوطين
جاب طاري واحد من أصحابه في الدوام قال بتسافر معانا أندونيسيا شبابية
غلا دمي
قلت وصاحبك ليش مو متزوج بيسافر لحاله؟
قال : لا بس ماله سنه متزوج حتى أنا استغربت فقالي إن مدامته بتغير جو عند أهلها وهو بيغير جو مع أصحابه
قلت:
آهاااا يعني هو يسافر وينبسط وهي تنطق عندأهلها
قال: لا هي مبسوطه
قلت وش دراك؟
وكلمة تجر كلمة وصوتي تغير وانقلبت القعدة نكد
يابنات مدري تخيلته هو إللي مسافر
تصدقون لاسافرت عندأهلي ماأنبسط بس أقعد أحاتيه وين راح ووين جا
وش قاعد يسوي ومين كلم ومع مين طلع
وياويله لوأدق وألقى جواله مشغول أو مايرد
آكل عمري
وهاتك ياتحقيق
وهو يجاوب ويجاوب ولامل مني قال:
إنت مرييييييضة
وعاد مين بيسكتني ذيك الليلة أقوم من بكرة وعيوني متنفخة من البكي
يابنات من موقف أخوي صرت أخاف أفقد زوجي في لحظة
مع إنه كان يحبني من الطفولة بس ماكان على بالي ولما خطبني حبيته موت
أخاف بنت إبليس زي إللي فرت راس أخويه تاخذه
زوجي وسيم ووظيفته حلوة
مرة وحده فلبينية تبيع في محل بمجمع قالتله : عيونك حلوة
بغيت أموت
العالم تتمشى وتتفرج وأنا بس عيني عليه مين يناظر ومين لفتت انتباهه
ورغم إن جمالي كان مضرب المثل فيرالعايلة ماشاء الله وكنت أنخطب من المراهقه
بس يابنات فقدت ثقتي في نفسي
أحس إنه خلاص شبع من جمالي وبيدور جمال غير
تعبت
وربي صرت أحلم أحلام وكوابيس إنه يتزوج عليه
ووالله يامرة كنت في بيت أهلي وصحتني إختي تقول قومي وش فيك تبكين ارتاعوا سمعوني أبكي وقمت عيوني غرقانه دموع
لأني حلمت إنه تزوج وأنا أبكي وصرفت خواتي كذبت عليهم قلت ماأذكر وش الحلم
خفت يقولوا مجنونه
ياااااااااااالله وش الحل؟
كل ماقلت بتغير وأحاول أثق فيه
ماأقدر أخااااااف
فيه أمل أتغير؟!!!!!!​

 

[اشراقة الملكه]

حبيبتى بئسلوبك بطفشى الرجاااااااااال منك 00 اتعوذى من ابليس وخلى ثقتك بالله قويه ثم بنفسك وزوجك 00 وانتى تقوللى ما عمرك مسكتى عليه زله احمدى ربك وحافضى عى زوج000

 

[أنامل سحرية]

الله يعينك حبيبتي
والله حاسه باحساسك لأن الوحدة مننا لاغارت تنعمي عيونها عن حسنات زوجها
وتدرين أسوأ شي لا صار زوجك وسيم وهو عارف ذا الشي
قهررررررررررررر
المهم لاتنقهرين وتذكري قل لن يصيبنا إلا ماكتب الله لنا ومو شرط زوجك يكون نفس أخوك
وسعي صدرك بس وياويلك تغارين عليه
مالت على كل الرجال بس
خخخخخخ
أمزح بس حبيت أفرفشك شوي
يالله عاد اضحكي
الدنيا ماتسوى
ولو ماكانت صورتك الرمزية ممثلة هندية وأنا أحب أفلامهم مووووت
كان مارديت
خخخخخخخخخ كني أتمنمن عليك بهالكلمتين
وياليت قلتلك حل
الله يكون في عونك
​

 

[الملاك 2010]

والله مدري وش اقولك الله يكون في عونك

 

[نبض ميمو]

لالا حبيبتي هذا مايصير ترى بتفتحي لنفس عين انتي في غنى عنها
والرجال بسرعه يطفشش انتبهي لحياتك وش حدك على هذي التفكيرات الحل بيدك عيوني تكوني مستانسه وتخربي على حالك عيشي يومك بخيره انت وزوجك وبلاش الشك الله لايجيبه لك
اللله يهون عليك يارب

 

[غيرتي جنون]

داااااااريه إنه بيطفش
ووالله هذا إللي مخوفني ومحسسني إن فيه مشكلة
لأنه كذا مرة قد صرحلي وقال :
إنت ماحد يسولف معاك
ولا يقولك سالفة
وش أسوي طيب
مو بيدي ..غصب عني​

 

[غيرتي جنون]

داااااااريه إنه بيطفش
ووالله هذا إللي مخوفني ومحسسني إن فيه مشكلة
لأنه كذا مرة قد صرحلي وقال :
إنت ماحد يسولف معاك
ولا يقولك سالفة
وش أسوي طيب
مو بيدي ..غصب عني
​

 

[لميس الحنونة]

أولا الله يربط على قلبك ويسخر لك ثم حاولي دائما تستودعينه ربك والله ما يخيب رجاك وللمعلوميه حاولي ماتوضحين غيرتك الزايده والله يملون الرجالوانتي اقنعي نفسك دائما عاتبي نفسك الزوج في هذه الدنيا وسيله وليس غاااية الغاية هي العبادة والزوج والابناء متاع ...ثم لاتنكدي عليه انبسطي بيومك لا يضيع عليك وبكره الله كفيلك له حل ثاني لايتعبك التفكير بالمستقبل عيشي يومك واتكلي على ربك..والله يسخرلك زوجك ويجعلك في عيونه ملاكـ

 

[غيرتي جنون]

طب وش أسوي
لما أحس بالغيرة
أو بالشك
وأتخيله مكان بطل القصه إللي أسمعها
كيف أتصرف؟
دموعي تنزل غصب
والعبرة تخنقني غصب
بالله عطوني حل​

 

[لميس الحنونة]

طيب عليك بالدعاء والإستغفار

 

[غيرتي جنون]

والله يالميس
أدعي واستغفر وقت ما أهدا
بس من تجيني الحاله
أنعمي
أحس إنه خاين وزيه زي أخوي زي أي رجال
ولما أشك أصدق إنه صح تفكيري ويقين مو شك
ويصير يحلفلي وأحيانا"
يكفي خيره شره وينام
وأنا أقعد أسب وآكل نفسي
وش لأسوي لا عصبت؟​

 

[طوق ملائكي]

وربي كانك تتكلمي عني تعبت من الغيره والشك احس اني انهديت خلاص
نفسسسسسسسسس مشكلتي مع خطيبي تمنيت اني ماحبيت خطيبي يمكن وقتها ماراح اغار واشك كذا
ويقولي نفس كلام زوجك انتي ماحد يقولك شي

 

[ندمانة حيل]

انتبهي لنفسك قبل يطفش منك انتي تزرعين عدم ثقتك فيه بسبب وسواسك اللي ماله اساس من الصحة
وراح ياخد الوضع انك مو واثقة فيه حتى لو كان بريئ فما راح يصير يهتم لك ولا لغيرتك وبعدين ليش تبنين حياتك على تجارب فاشلة لغيرك يعني زوجك مو خاين ولا مسكتي عليه شئ ليش تقارنينه باخوك اللي ترك خطيبته ليش ما تقارنينه باخوك التاني او ابوك او او او او من الناس اللي تزوجو ومستقره حياتهم ويموتون في زوجاتهم
الباب مفتوح لك للتغيير قبل ما يطفش منك ويهج
الله يهديك وترى التغييير دائما ينبع من قناعة صاحبة متلا اذا تفكيرك سلبي حياتك كلها سلبية والعكس
لا تقولي ما اقدر


هدا زوجي من سنة كان بيتزوج واراد الله انه مايكتب له الزواجه هادي وكمان لا زال له علاقة بأهل البنت اللي كان عينه عليها والحمد لله ريحت بالي بعد ما كنت على وشك ازمة قلبية بعيد عنك
الدنيا ما تسوى الواحد يعجل همومه قبل تجيه


معزرة على الاطالة

 

[غيرتي جنون]

طوق ملائكي انت مثلي بالضبط؟
أقصد تحسي إنك واثقة ومن موقف بسيط توسوسي
يعني ممكن تسكرين السماعة عادي
بس بعد شوي يبدأ الفار يلعب في راسك صح؟
والله أنا كذا
وصرت أطنش عشان ماأفكر بس ما أقدر
شوي وأفكر
الله يعينك لاصرت مثلي
والله تعبت
وصادقة ليتني ماكنت أحبه الصراحه
كان قلت بالطقااااق​

 

[غيرتي جنون]

ندمانه حيل
والله موبيدي
هو خلاص طفشااااان
لدرجة أحسه صار يتجنب يسولف يخاف يزل بكلمة تقلب القعدة نكد
طب أنا مقتنعه بالتغيير بس من موقف ترد حليمة لعادتها القديمة
وش أسوي؟!
وتراك صادقه مره قالي:
إنت واثقة فيني ولا لا؟
قلت : ماأدري
قال: طب تدرين صار مايهمني تثقين فيني
لأنك تثقين اليوم بكرة تنسين
تخيلي والله حزنت بس غصب عني
والحل؟​

 

[*روعة*]

تدرين عاد
المشكلة مو بموضوع اخوك ولا بالقصة اللي ذكرتيها له ابدا
بالعكس انتي تحاولين تقنعين نفسك ان هالحادثة غيّرت مجرى حياتك
وهالكلام مش مقنع ابدا
ديري بالك داااااائما الانسانه اللي حياتها مليانه شك وغيرة تدمّر حياتها بالتدريج وهي مو حاسة
صدقيني بيصبر فترة بس بعدين بينفجر
حياة اصدقائه وزملائه مالك شغل فيها وإن تكلمتم خليها سالفة عابرة
لايصير زعل عشانها..لما يتصرف معك بهالطريقة ويسافر لوحده او يكلّم او او وقتها فيها الف حلاّل وزوجك انتي قلتي مو من هالنوع فبلاش توصليه لهالطريق بنفسك..
صدقيني الغيرة الزائدة تخنق,,,ثم تقتل,,,
لاتهدمين بيتك...موفقة

 

[غيرتي جنون]

والله ياروعة إنك صادقه
يمكن تكون سالفة أخوي ماضي
بس والله سالفته أثرت فينا وصدمتنا على مدار سنوات
تتوقعين فعلا" إن هذي طبيعتي وإنها فعلا" ماأثرت تجربة أخوي فيني
والله ما أدري
طب ليه دايم أقارنه بأخوي وأحس إني ممكن أفقده بلحظة؟​

 

[غيرتي جنون]

رفع
لأني تعبببببببببببببببببببببببت​

 

[خلود]

الله يكون في عونك ويفرجلك كربتيك
حسي بالنعمة الي عندك وحافظي عليها قبل ماتفقديها
ولا يكون سوء تصرفك يهدم بيتك...
ويكون بعلمك ان بنات الحرام قاعدات يستنون منك زلة...... علشان تكون لهم فرصة....
الله يحفظلك زوجك ويكمله بعقلة
ويهديك انتي ويهدي بالك
لاتخلينة يطلع من البيت زعلان منك ابدا لانك انتي الغلطانة 100/100
وحاولي تعالجين نفسك عند دكتور متخصص عاااادي ترى.... قبل لايفوت الفوت
دعواتي لك​

 

[الحب سامي]

هلا حبيبتي

نصيحتي لج اول ماتحسي نفسج قمتي تغاري وتشكي وتوسوسي

تعوذي من بليس ترا يسري ف مجرى الدم ولا تنسي انه يوسوس لك ويفرق بين المرء وزوجه

فلا تشمتي الشيطان فيج وتعوذي منه وغيري وضعيتج اذا كنتي واقفه اجلسي والعكس وخذي نفس عميق وابتسمي وغيري الموضوع وقلبيه ضحك واذا حسيتي نفسج مرره مضايقه دخلي اي غرفهوابكي وصلي ركعتين وادعي ربك يشفيك من هالبلا ترا والله الشك والغيره بلاء

ومن تفرغي اللي بداخلك ارجعي لزوجك ولا كانه شي صار وانتي مبتسمه

اتمنى اكون افدتك حبيبتي

تقبلي مروري :24:​