مليت وتعبت بالله قولو لي رايكم..؟

[نمله فوشيه]

يابنات تعالو شوفوقصتي من اولها

انا من اول كتبت لكم قصتي من بدايه زواجي بس بكتبها لكم الحين بشكل متسلسل مختصر

خطبني زوجي ابوي وافق اختبيت انا بشكل اني عروووس فتره اسبوع ابوي سال عن الرجل عجبه

شوي الا بيوم واحد جاء ابوي متعكنن قال لامي اتصل فيهم وقولي ماصرنا شي(ماراح يصير فيه زواج)


انا / ايش ايش الحين بس توه يمسك معه ويقول مافي زواج امي استغربت من ابوي لانه كان موافق مبدئيا قالت اكيد فيه شي خلاه يرفض

اثاريه رفض من ورى راس ام ابوي اللي هي جدتي

ليش تقول لان اخووووه سوى(واخوه ايش سوى)....تعرف على بنت ودخل عليها قبل مايتزوجها بس الاهم انه تزوجها


المهم منا ومنا امي زنت عليه لين ماوافق ورجلي اصر الا يبيني وابوي يقول لا مافي زواج وزوجي مصر

بعدين بدى ابوي يتعذر له انها توه صغيره قال عادي ابيها

تدرس قال تكمل دراسته عادي

ممم رفلاء(ماتعرف تشتغل) عادي ابيها

::

قاله علىبلاطه غير بنتك ماني متزوج ياخال البنت براسي وانت بذمتك

ابوي صار ماينام الليل ومو مرتاح وانا ابيه استخرت الله مره ومرتين مرتاحه له وهو بعد


المهم تزوجنا من اول سنه سوالفنا ومشاكلنا بيت اهلي واهله ليش ..؟

مايتحمل الرجال عصبي يقولون باول سنه وصل لسابع جد لي باللعن والشتم

مشت الجياة تعودت عليه وهو تعود علي خاني كسرت الاب توب حقه وداني لهلي وزعل وكبر السالفه ونشر سالفتي اني رفلا وماعرف اسوي شي ووووو


وهو رجال عيبه بجيبه زي مايقولو ابوي ماعنده غير هذي اللي تقول بتحمل المسؤليه ويروح يحط الحره بامي لانها هي اللي كانت تزن على راس ابوي لين وافق يعني ابوي يشوف انه امي السبب بهالزواج

وتعالو شوفو اجواء بيت اهلي اذا عاقبني زوجي ووداني عندهم :8:

المهم ابوي فاض فيه الكيل من كثر مايوديني ويجيبني لهلي قاله شوف هذي اخر مره تجي وان جت مره ثانيه ترى والله ثم والله ماتطلع

بعدها زوجي خاااااااااااااااااااااف وماعاد اتصل فابوي ولاوداني لهم:31:


المهم شوي شوي مشاكلنا بدت تخف مدري كبرنا والا صرنا نفهم بعض انه مشكله وبتروح والا ايش القصه ماعرف


المهم ان مشااااكلنا فالغالب تافهه بمعنى الكلمه بس تووووصل لاهلي ولاهله يعني تكبروالكل يشهد بتفااهتها

::


صار لي على ذمته اربع سنوات ونص

الحين يسمي وجهه الفقر ليش كل اللي حوله جالس يتحسن وضعهم الاهو

احد منهم يجي له ورث واحد منهم تتوظف زوجته
واحد منهم يترى بوظيفته الا هو

على حطة يده من بل مايتزوج ..!

اختي تستغرب وانا معها انه ليش مع انه بار بامه بشكل مو طبيعي ابوه متوفي ماترك لهم شي

يعني نقرى بالاحاديث ان البر شي حلو وان الله يرز البار بالاحسان
بس هو ليش رزقه ممم يعني معلق

مع انه تعب وماقدر يحصل شي المهم

توني عرفت ليش زووووووووجي
للاسف حسوووووووووووووووووووود

تخيلو جاي متعكر مزاجه ومو بعادته العاده يضحك ويسولف اول مايدخل

المره هذي مكشر..؟
انا استغربت سالته وشفيك قال مابي شي
حطيت السحور

قالي شفتي فلانصاحبه) اتشرى سيارة 2010
نوعها.....
طبعا زوجي ميت عليها بس سعرها غالي حول ال200

ويقول انه ماعندي ولافلس اكيد الفلوس من زوجته او من اهلها

يعني انا وجهي وجهه فقر وماسويت له شي

وقد قالها لي انه انتي وجهك وجهه فقر حاولت اقنعه انه انت ماتعرف
من وين له الفلوس ليش تقول زوجته قال الا هو ماعنده
واهله ماعندهم

بس زوجته موظفه وجايه من بيت ابوها بشهادة حاسب

مع العلم انها زوجة صاحبه كبيره وانا تزوجني

وانا ماخلصت دراستي بالكليه اصلا
وش رايكم فيه

وانا اقسم لكم بربي لي فوق الخمس شهور
ماعرفت السوق ولاطق جلدي الشي الجديد

وساكته ومتحمله واقول شكلي بموت بيوم من الغل والقهر اللي فيني

وانا اشوف اختي الاكبر مني متزوجه على متسوى وعندهم خير مشالله

انا راضيه بواقعي بس جواتي والله احس اني بنفجر
من حالنا اااااااخ

بس غلطة عمري وافقت عليه وراتبه على قده
بس وشا سوي اللي راح راح ومايمديني اسوي شي

بس ابي نصيحتكم ووش رايكم بكلام زوجي لي
انا وجهه فقر وش دخلني انا
بس هو ربط حظ صديقه مشالله بحظ زوجته انه لما تزوج ترقى
وبدى يشتري من هالسيارات

وانا من سيئ لاسوء....:8::8:


انا والله لو ابوي يرضى اني اتطلق كان اتطلق منه وارجي
من ربي خير لي وله بس وش اسوي​

 

[سحر البرآءة]

مااااعليك من كلامه هذا انسااان جاااهل مع احترامي لك
وضعيف ايمان ولا هذا رزق من الله كل واحد ربي يكتب له رزقه وش بيحصل
ووين بيتوظف وكم بيجيه ورث ووو
لاتهتمين لكلامه وتشائمه منك هذا رزقكم وقوليله
لو تجري جري الوحووووش غير رزقك ماتحوش
وذكريه بقول الله تعالى((وقلت استغفروا ربكم انه كان غفارا*يرسل السماء عليكم مدرارا*ويمددكم بأموال وبنين ويجعل لكم جنات ويجعل لكم انهارا))
فهميه ووعيه انه الاستغفااااار مفعووله عجييييييييب بس بنيه صااادقه بدااال الحسد والغيرة واستكثار الرزق بما رزقهم الله..طبعا مع السعي والاجتهاد في طلب الرزق مو يعتمد على فلووس الغير ومو بعيد انه يفكر ياخذ موظفه عشان يشحت منها وتصرف عليه عباله كل موظفه راح تغرقه بالفلووس وعشان كذا يقولك انتي وجهك فقر حسبي الله ونعم الوكيل والله انه جاااهل..حاولي تعرفين وش تحت راسه لمن يجيب لك سيرة زوجه زميله الموظفه !!!
والله يعينك عليه ويصبرك ويوفقك​

 

[هلا الرياض]

الله يعينك على مابلاك طنشيه وماعليك منه خليه يحكي انتى قلتيها حسود

 

[ضمة طفل]

كل واحد وربي كاتب له نصيبه في الدنيا والرزق اللي بيجيه مافيه احد ياخذ رزق غيره ولو على كيفنا اخذنا واخذنا اللي نبي ومعروف الناس مستويات وطبقات مختلفة من عهد الرسول فيه الفقير وفيه الغني وفيه الراضي والقانع وفيه المتسخط الغاضب ولازم الواحد يقنع بما قسمه الله له ومايولد احد الا ورزقه معه ومن اسباب زوال النعمة الحسد فلازم الواحد يحب لاخيه مايحب لنفسه.

 

[حمالة اسيه]

هذا جاهل وقروي اسمحيلي ونفسه دنيئه الي عينه على فلوس المره واهلها طنشيه واستخيري ربي يختارلك الخيره الطيبه