زهوووور الريف
New member
- إنضم
- 2011/05/04
- المشاركات
- 638
صباح الفل والياسمين ... بنات أبي منكم فكرة ذكية تساعدني في حل هذي المشكلة ... زوجي عنده طبع سخيف جدا ومزعج .. يراقبني في كل حركة وكل نفس .. حتى أكلي يقعد يطالعني كيف آكل .. كيف ألبس .. أنا أدري أنه يحب يعرف نفسيتي وشخصيتي .. لكن ايش الفايدة ان هذي المعرفه مافيها فايدة لصالح علاقتناالزوجية ؟ يعني يدري اني زعلانة بسببه ويتجاهلني ...المهم هذا كله تعودت عليه الحين عقب ما بغيت اموت من القهر والامراض اللي جتني بسببه .. اللي باقي قاهرني الحين حركته السخيفه اللي يجي في غير موعد جيته من العمل او يقول بروح لهالمكان وفجأة ما أحس إلا وهو داخل علينا فجأة ( مع انه في الأحوال العادية نسمع صوت سيارته إذا وقف عند البيت وصوت تسكيرالباب وصوته وهو يمشي على الدرج ، يعني ما يبقى أحد ما يدري إنه جا ) .. لكن هالحركة السخيفة اللي فجأة وهو عندنا هذي مو عاجبتني أبدا .. انا الحمد لله واثقة من نفسي وماعندي شي أخاف منه .. حتى اهلي لما أكلمهم بالتلفون او صديقتي ماعندي شي اخاف انه يعرفه لأني أخاف من الله قبل أي شي .. وكذلك أظنه يتجسس على جهازي .. مسكين والله مشتقي بحياته .. ومن كلامه أحس أنه يفتش كل أغراضي .. الحمد لله والشكر .. والله ماهمني بشي .. لكن قاهرني اننا الحين كملنا خمس وعشرين سنة يعني ربع قرن .. خلاص وش يبي يعرف عني بعد .. فأتمنى الحين منكم خواتي أن تعطوني فكرة ذكية أقول له تراك مكشوف يا حبيبي وتعبك كله ع الفاضي .. وودي اوصله رساله إني زهقت من حركته هذي .... سادوني بنات الله يساعدكم ويسهل لكم كل أمر عسير يارب .**
.....انا ادري انه ما يشك فيني ...لكن 
( حب وتعلق زائد بي )) ؟! آه يا قلبي ... سأموت إذا كان هذا الحب .... هذا حب قاتل !!! **والله تدرين اني بديت أعمل أشياء ما أقول له عليها بعد ما كنت كتاب مفتووووح قدامه ... لكن الحين صرت أتعمد اني أخبي عنه .. كذا بس أحس انه انتصار لنفسي !!!!.. واذا قام يطالعني وانا آكل صرت أوقف أكل وأطالع فيه أقوله فيه شي ؟ يقول لي لا ... فكأنه بطل شوي ...لكني منقهره من اللي قلته لكم .. و فعلا زي ما قلتي اختي اني فاااااض بي جدا ... وكلامك خوفني صحيح لان في هذا العمر أشوف بعض الأزواج ينتهزون بعد زوجاتهم عنهم وتقصيرهم ( مع انهم هم المتسببين ) لكن يحط اللوم عليها ويتزوج ويقول هي اللي تاركتني ... يااااارب رحمتك .... و الف الف شكر على نصيحتك الغالية ياغالية وعلى دعوتك الحلوة اللي دخلت قلبي وفرحت بها وجزاك الله كل خير ..