مليت من تصرف بنت الاصول

[الكناري]

خواتي الاميرات
كنت كتبتلكم من قبل عن مواضيعي مع زوجي وراح اذكرها باختصار علشان تكونوا معاي
زوجي شخصيه جدا متسلطه وبالفعل لما قريت موضوع رذاذ المطر اكتشفت بل تاكدت انه شخصيه متسلطه
المهم علاقتي معاه دخلت الفريزر من ثلاث شهور واحنا بقطيعه تامه بسبب بخله وتطنيشه لي ولعيالي
وختمها الحبيب بالسفر بدون ما يخبرني مكتفيا بارسال رساله بالموبايل
المهم الحين ..... راح يرجع من السفر بعد ثلاث ايام :msn-wink::msn-wink:
وبصراحه لاعت جبدي من كوني بنت الاصول وبنت الحمايل اللي لازم تضحي ولازم تبلع كل شي بصراحه ودي اتصرف مثل الحريم المتسلطات لما يرجع من السفر علشان يحسب لي حساب لانه بصراحه انا وايد كنت ضعيفه جدامه والشي الوحيد اللي قدرت عليه معاه هو اني ما اكلمه :dunno::dunno::dunno:

ودي اتصرف بعصبيه واصرخ واسود واطين عيشته واحرق قلبه مثل ما حرق قلبي :santa_1::busted_red::santa_1:

والحين حبيباتي ادري طولتها :idea::idea:
زودوني بحلولكم يا حلوات:msn-wink: :msn-wink:
وقالوا قديما كيد النساء غلب كيد الرجال :harhar1::harhar1::harhar1:

بس لو سمحتوا ابي حلول بدون ما اهدر كرامتي

 

[aldana]

:no: ليش حبيبتي ؟ توك تقولين شخصية زوجك نفس زوج رذاذ المطر ... ليش ما تستفيدين من رد الأستاذة عليها ؟

تكفين بلاش صراخ ومشاكل ...احتفظي بأنوثتك حبيبتي وعالجي الموضوع باسلوب حلو وراقي ...

تدرين عاد ...لو أنا منك أسوي نفسي مشتاقه بس ما أقرب صوبه ... إلبسي وتكشخي ....

ووصي البنات يستقبلون أبوهم بفرح ويسلمون عليه ...هذي فرصتهم عشان يرجعون العلاقه بينهم وبين أبوهم

وأنت خلك تكانه :smoke1:​

 

[ريومة]

انا مع الدانا
كلنا الود ودنا لو نصرخ بوجيههم ونطلع حرتنا فيهم
لكن عارفين ان هالشي هذا راح يخرب علينا كل شي
ويدمر انوثتنا

الله يشرح صدرك ويجعل لك من كل ضيق مخرج ومن كل هم مفرج

 

[ضياء القمر]

خلك كووووووووول وعادي

يمكن السفرة خلتة ايعيد حساباتة اشوي

 

[ميوسه]

لاتصرخين بس لاتستقبليته بالورود والشموع

خليك عاديه وكانه ماسافر وخليه يشوف قدايش انتي قادره تعيشين مستمتعه بدونه

يعني القطيعه مالها داعي خليك شخصيه مرحه اضحكي

واذا رجع ولهان لاتردينه ابدا بس اثقلي


موفقه

 

[عطر الخزامى]

:no: ليش حبيبتي ؟ توك تقولين شخصية زوجك نفس زوج رذاذ المطر ... ليش ما تستفيدين من رد الأستاذة عليها ؟​

تكفين بلاش صراخ ومشاكل ...احتفظي بأنوثتك حبيبتي وعالجي الموضوع باسلوب حلو وراقي ...​

تدرين عاد ...لو أنا منك أسوي نفسي مشتاقه بس ما أقرب صوبه ... إلبسي وتكشخي ....​

ووصي البنات يستقبلون أبوهم بفرح ويسلمون عليه ...هذي فرصتهم عشان يرجعون العلاقه بينهم وبين أبوهم ​

وأنت خلك تكانه :smoke1:​

اظهري الأنثي اللي بداخلك

أتعلمين اخية
عجوز لنا دايم تقول المراة تروح لاهلها زعلانه على بعير محمل ((( جمل ))) وترجع على حمار عرج ((( يعني ترجع منكسره))) حبيبتي الرجل لا يرضخه الا الأنوثة الزائده وليس الصراخ والزعل ولا الخوف منه
اظهري المارد الأنثوي اللي بداخلك لا تقولين كبرت لا حبيبتي فرصه دامه سافر غيري اللوك حقك روحي الصالون صبغي وقصي شعرك واشتريك فستان سواريه أسود (((علشان التكانه :smoke1)) ولا تنسين الدخون والعطور كله جديد وعطري البيت كله

 

[تيماء]

انا اشوف انك تتعدلين وتتكشخين واذا دخل قولي له انا معزومه وعشاك في الثلاجه تقدر تصخنه ولاتكثرين كلام شيلي عبايتك واطلعي وخليه يفكر والف سؤال يدور في باله

لاتكترثين له وايد يعني خلك ريلاكس دش ولاطلع كل ولا لا نام ولاقعد ماتفرق معاك ...وخلك دايما مشغوله ومبتسمه

 

[سلة فواكه]

ليش الصراخ؟؟
بالعكس لما تصرخين وتنفعلين هني راح تكونين مثل الكتاب المفتوح وراح يعرف نقطه ضعفج وبتفقيدن غموضج وماراح تستفيدين شي لا تقهرينه ولااااشي
اذا تبين تحرقينه وتقهرينه سكتي عنه واحتقريه وتجاهليه
مو اهو سافر بدون رضاج؟؟؟ مو اهو سافر وما اهتم ولا قالج اذا برساله ؟؟؟
لما يرجع لا تتعدلين ولا تتكشخين ولا شي ولا تغيرين ديكور البيت وخلج على طبيعتج كان ولا شي يديد صاير بالدنيا . حسسيه انه ولا شي حياته معاه وبدونه تمشي هني راح يحس بقيمتج وراح تحرقين اعصابه

 

[شهد الصباح]

اسمعي يا اختي
انا زوجي متسلط لدرجه ما يعرفها غير ربنا
اقولك اش تسوين
اكشخي و البسي ولا تقصي شعرك اذا كان طويل هذه نصيحة الدكتورة ناعمه لزوجة المتسلط
افردي شعرك استشوريه عدل
و اتميكجي و خليكي على سنقة عشره على قولة المصاريه
وودي بناتك بيت اهلك و تمي انتظريه بالبيت
و يوم يدخل سوي نفسك مشغولة في المطبخ او في كتاب
و كأنك ما حسيتي انه جا
حيدخل يلاقي البيت هدوء
حيبدأ يدور عليكم
حيدخل يلاقيكي مثلا بالصاله او لمطبخ
حيبدأ يتكلم
او ممكن يسكت
انت قوليله انت جيت ما حسيت انك دخلت اهلا و سهلا نور البيت
حيسأل عن البنات
قوليله لا اليوم انا وانت بس
ابغاك في كلمة راس لوحدنا
و شغلي حركات الاغراء
النظرات حركات الجسم حركة شفايفك لما تتكلمي
يعني اغريه و اطبخيه على نار هاديه
جهزيله الحمام و الملابس
و جهزي العشا و اتعشو
هو حيكون مستغررررررررررررب عالاخر
و مو فاهم ايش صار او ايش حيصير
المهم لا تبيني ضعفك خلي نظراتك قوية غامضة تخفي جرحا ورائها و ضحكتك كذلك
اتدلعي و دلعي نفسك
ابسطيه و خليه ينام معاكي
بس هالمرة سويها عشان نفسك
اتمتعي انتي قبل ما تمتعيه
و بعد ما تخلصو
و اذا جات فرصه او فتح الموضوع
قوليله انت ما تحبني ولا تغليني
و لو كنت تحبني كان ما سافرت كده و تخليني
لكن شكرا انت فعلا خليتني افتح عيوني
ومن اليوم و رايح انا وحده تانية
و نسيت كل اللي راح و ارمقيه بنظرة قوية واخرجي من الغرفة و انتي تتمخطري و خليه بروحه شوي يفكر

و قبل كل شي ادعي مرررررررررررة كتير
و الله يسويلك اللي فيه الخير يا عسل
و صدقيني في طرق كثير تجيب راس الرجال
بس اتعلمي كيف تدلعي نفسك قبل ما تدلعيه

 

[*صاحبة السمو *]

كلام البنات صح:clap:اكشخي وتعدلي بس طنشيه وسوي نفسك مو مهتمه فيه الله يعينك :c016:

 

[salma_ahmed]

كلام ممتاز من الأخوات

 

[شهد الصباح]

السلام عليكم يا أختي
ان شاء الله تكوني بأفضل حال

جبتلك صوره عن النظرات اللي حكيتلك عنها
صدقيني هالنظرات رح تذبحه و تخليه يموت من الحيرة
http://www.sendspace.com/file/2hhica

نظرات اللي ما همه شي و اللي يبغا يعيش مبسوط مهما كان مجروح
نظراتك هذه رح تكون ابلغ من الكلام صدقيني

و كمان اتفرجي على حركاتها في هالفيديو كليب
بس اكتمي الصوت لان الاغاني حرام
http://www.youtube.com/watch?v=3D7g2-1tjI8

شوفي كيف الرغبة و التمنع في نفس الوقت
شوفي كيف بتدلع نفسها
صدقيني الرجال من نوع زوجك و زوجي
هالحركات تجيبهم الارض
و الله يوفقك حبيبتي
اتمنى اكون افدتك

 

[الكناري]

مليت

عطر الخزامى , سله فواكه, سلمى احمد , زونه ,تيماء ,ميوسه ,فدك ,ريومه

الف شكر حبيباتي على ردودكم والله يوسع عليكم دنيا واخره بس حبيت اقولكم شغله ان موعد رجعته من السفر مو واضح عندي ولا قايل حق بناتي متى راح يرجع بالضبط

دكتوره الدانه الغاليه اولا شكرا على ردك بس صج ضحكتيني حسيت اني قاعده اشوف فلم عربي هههههههههههههههههههههه الله يونسك بالعافيه اختي وراح ادخل على المواقع اللي حطيتيهم الف شكر حبوبه
ادعولي

 

[سندروزا]

يارب تسعد كل مهموم ومتضايق

 

[ام النور4]

لا تصارخين ولا تعورين قلبك اكشخي مثل ما قالوا لج الخوات وطنشيه وخلك كوووووووووووووول وهادئة لان الرجال ينقهرون لما تكونين هادئه ومو مهتمه وبينقهرون اكثر لما يشوفونك كاشخه بس مو لهم...انا عن تجربه لما اتجادل مع زوجي يرتاح ويطلع اللي في خاطره بس لما اطنشه واسوي نفسي مو مهتمه ينقهررررررررر.و احسن شي تكونين مسويته انك ما تتصلين فيه وهو مسافر اتخلينه هو اللي يركض وراك ويتصل فيك ....والله يعينك الجاجيل شر لا بد منه والله يعينا عليهم وعلى مشاكلهم والله يوفقج...

 

[ملكة قلبة]

الله يسعدك ويكفيك شره ويسخره لك

 

[ام عنود]

وااااو

الصراحه الاخت الدانه عجبني ردها...

انا معاها ميه بالميه...

لا اتنزلين من عمرج اتعصبين اتصارخين...

كوني الانسانه الراقيه الحنونه المحترمه...

ابتعدي عن الاشياء الي ما اتليق الا للــــ (لا تعليق)

وان شاءالله تتيسر امورج مثل ما قالت الاخت الدانا...

موفقه حبيبتي

 

[فلسفة]

انا مع تيماء قلبا وقالبا .....

بيني له ان الموضوع مب فارق معاج ...سفرته ورجعته ...وسوي نفسج متفاجأة من رجعته وكأنج ما كنتي تدرين ...قوليله .....وصلت ؟ الحمد لله عالسلامة ؟ما درينا !!

وانا معزومة على عرس على عشا على اي شي ....وخليه واطلعي انتي واليهال او لو حبكت الامور خلي له اليهال واطلعي

تجاهليه ...طنشيه ...خليه اخر اهتمامج يا بنت الاصول ...وومرده لج وان شاء الله قريب

تقبلي ودي

 

[حنين الطفولة]

انا مع الاخت تيمااااااااااااااااا 100% وحذار من رد الاخت الغالية الدانة لسبب واحد ذكرته الدكتورة لو شاااااااافك استقبلتيه واتكشختيلهلا ويالسة تتريينه وناويتله علي حلوة وترقدين معاه بعد اكبر غلط لانه شو فايدة العتاب بعد هالاستقبال الحلو دااااام استقبلتيه جي بيكون اسعد ايامه ودووووووم بيطنشج وبيسافر لانه واثق من ردج الحلو اللي بصالحه شو يبا لا لازم تكوني ذكية وها رد الاخت تيماااء ليش؟؟ لانه لازم تجذبيه وماتمكنيه من نفسج ودام سافر وطنشج ولا بلغج فافضل يشوفج كااااااااشخة وبيتخبل يباج له بس للاسف انتي بتكوني متعدلة بس مب له لاج معزوووووومة وها بيقهر + اسلوب اللا مبالاة والرد القاسي والبارد من ناحيتج بيرفع ضغطه وبيخليه يتوب يفكر يسافر عسب لا يعيش هالتجربة وهو مثل قديم عدنا ((((( شوووف وحرق يوووف ))))شووف = نظر ،،،، يووف = القلب مثل الشي الحلو اللي يشوفه ولا يذوقه فبيحاول لما تردين ولازم تتغلين وتمنيعيه يقربج بذيك الليلة ولازم تبينيله انه تصرفه بيكون له عواقب وما بيعدي عخير وتمي كم يوم تكشخي بالي يحبه بس اتعذري بطلعة مرة لاهلج ومرة لاصاحبج ومرة لو ماخلاج تظهرين قول فاين = طيب ن اذنك بسير انام وروحي من المكان اللي هو في ودقي مثلا لاختج وسولفي واضحكي وهنا بينقهر زيادة ولما اتشوفيه يدخل الغرفة قولي لاختج اوكي حبيبتى اكلمج بعدين ياعمري بكل دلع انه بينقهر وبدون ماتصدين صوبه حطي راسج ونامي اهنا بيكون انطبخ عنار هااااااااااااااااااااااادية وبي بيراضيييج وحذريه وناقشيه انه بعد اليوم هالتصرفات وسفر بهالطريقة بيشوف الاخس وهو اللي بيتسبب بتعكير اجواء الحب ولما يرااااضيج ارضي لما يوعدج ما يكرها ويحب راسج بعد وخلاف كوني سمن على عسل معاه وعيشه بالهنا عسب يلاح الفرق بين حياة الحب والنكد وطبيعة الرجل يبتعد عن كل ما يجعل زوجته تصبح نكدة لانه ها عقدة حياته .. واسمحيلي عالاطالة

 

[miss-qatar]

انا اشوف انك تتعدلين وتتكشخين واذا دخل قولي له انا معزومه وعشاك في الثلاجه تقدر تصخنه ولاتكثرين كلام شيلي عبايتك واطلعي وخليه يفكر والف سؤال يدور في باله

لاتكترثين له وايد يعني خلك ريلاكس دش ولاطلع كل ولا لا نام ولاقعد ماتفرق معاك ...وخلك دايما مشغوله ومبتسمه

:icon30: