مليت زوجي يتدخل في كل خصوصياتي

[شخصية جنوبية]

السلام عليكم أول موضوع لي و ياريت تساعدوني زوجي شخصية شمالية و فضيع جدا ،، يتدخل في كل شي :1: مثلا : اذا صار مشكلة بيني و بين اهلي يتدخل أو مثلا يسأل عن لبسي او أي شي جديد ألبسه و يسأل من وين ،، أو مثلا اذا تكلمت مع صديقتي يقول منو هذي ،، وااااااايد أمور،،و اكثر شي اعاني منه يسألني عن مصروفي وين يروح ،، و يسألني من فترة لفترة كم بقى و شو سويت فيهم و اذا ما جاوبت عادي ياخذ البوك انا طبعي ما أحب اجمع الفلوس و هو يبغاني اكوت اقتصادية و نحن ملتزمين و مستحيل نكذب على بعض و انا صادقه معاه في كل شي و دايما يقول غيري شخصيتج للأحسن خلج قوية ،، وانا اتمنى اغير شخصيتي و ياريت تعلموني كيف اغير شخصيتي بالنسبة لي وايد صعب لاني متعودة اكون مع الناس طيوبة وخصوصا مع اهلي و ما أبخل عليهم ابدا في أي شي و ما احب احرج احد او اجرح احد و زوجي ما عاجبنه ،، انا جنوبية و زوجي شمالي ،،

 

[شخصية جنوبية]

؟؟؟؟؟؟؟؟؟؟؟؟؟؟؟

 

[بريق اﻷلماس]

الله يعينك عليه بس انتي متأكدة من نمطه
ممكن تجاوبيه في أمور متعلقه عن أموركم الشخصيه والبيت وأولادكم وفي أمور خاصه تكون مع اهلك ماتنقال يعني لو أختك كلمتك بينك وبينها في موضوع يخصها بتبوحي بأمرها طبعا لأ فهميه لاتكذبي عليه يعني لو سألك عن فستان او أي شي ردي عليه حلو عجبك وهذا علشانك لبسته او أشتريته وبالنسبه لصديقاتك إذا موجود لاتتكلمي كثير بالهاتف وهو موجود الأفضل إلا للضرورة كلمتين واقفلي وبعدين كلميها براحتك ولو سألك من تكلمي فلانه واسكتي ولو حسيتي يبغى يعرف ايش تقولون ردي عليه سوالف حريم مو شرط تعرف ترى زوجك مررة يدقق الله يعنيك عليه

 

[نور1406]

المفروض زوجك ما يعرف عن المشاكل الي تصير بينك وبين اهلك ولا يدري عن المساعدات الي تقدمينه للغير كوني غامضه وخصوصا في المواضيع الي تخص اهلك واذا سالك مين تكلمين قولي بدلع اكلم صديقتي واذا قال لك شنو اسمها لا تجاوبيه

 

[نور1406]

اذا زوجك يعطيك مصروف شخصي ويسألك وين تصرفينه فأنا مره سمعت من خبير اقتصادي يقول من حق الزوج ان يسأل عشان يتأكد اذا زوجته حكيمه في طريقة صرفها واذا تساعدين احد قولي في مبلغ خصصته لمساعدة الناس ع الاقل هالشي راح تثابين على هالعمل

 

[فتون ♡]

تغيير الشخصيه صعب في يوم وليله و لكن في دورات
تدريبيه على تغير الاطباع و الشخصيه أبحثي و استكشفي
وش تبين تغييرين و من ناحيه أسئلته جاوبيه ب اختصار كلمه ورد غطاه
أشبعي التطفل .. و أذا عن المصروف و كان من ماله الشخصي حاولي م تصرفين واجد
الا للضروره أما أذا كان دخلك الشخصي من جهدك و تعبك ماله حق يسال
عادي قولي انا كريمه و ابي ربي يرزقني فما اخزن الفلوس صرفيه ب اي شي
الله يوفقك حبيبتي ..

 

[شخصية جنوبية]

الله يعينك عليه بس انتي متأكدة من نمطه
ممكن تجاوبيه في أمور متعلقه عن أموركم الشخصيه والبيت وأولادكم وفي أمور خاصه تكون مع اهلك ماتنقال يعني لو أختك كلمتك بينك وبينها في موضوع يخصها بتبوحي بأمرها طبعا لأ فهميه لاتكذبي عليه يعني لو سألك عن فستان او أي شي ردي عليه حلو عجبك وهذا علشانك لبسته او أشتريته وبالنسبه لصديقاتك إذا موجود لاتتكلمي كثير بالهاتف وهو موجود الأفضل إلا للضرورة كلمتين واقفلي وبعدين كلميها براحتك ولو سألك من تكلمي فلانه واسكتي ولو حسيتي يبغى يعرف ايش تقولون ردي عليه سوالف حريم مو شرط تعرف ترى زوجك مررة يدقق الله يعنيك عليه

هلا و غلا بريق الألماس،،، مشكوورة على الرد ،،

 

[شخصية جنوبية]

المفروض زوجك ما يعرف عن المشاكل الي تصير بينك وبين اهلك ولا يدري عن المساعدات الي تقدمينه للغير كوني غامضه وخصوصا في المواضيع الي تخص اهلك واذا سالك مين تكلمين قولي بدلع اكلم صديقتي واذا قال لك شنو اسمها لا تجاوبيه

مشكورة نور ،، ان شاءالله حبيبتي

 

[شخصية جنوبية]

تغيير الشخصيه صعب في يوم وليله و لكن في دورات
تدريبيه على تغير الاطباع و الشخصيه أبحثي و استكشفي
وش تبين تغييرين و من ناحيه أسئلته جاوبيه ب اختصار كلمه ورد غطاه
أشبعي التطفل .. و أذا عن المصروف و كان من ماله الشخصي حاولي م تصرفين واجد
الا للضروره أما أذا كان دخلك الشخصي من جهدك و تعبك ماله حق يسال
عادي قولي انا كريمه و ابي ربي يرزقني فما اخزن الفلوس صرفيه ب اي شي
الله يوفقك حبيبتي ..

تسلميين فتون على الرد،،