مليت خلااااص

[كياني المجروح]

السلام عليكم

انا ببتدي فالموضوع علطول بنات مليت من الخيانة زوجي يخوني كل يوم بعلاقاتة عنده اكثر من جوال كلهم فالسيارة واللي فالبيت علية رقم سري مليييت والله مليييت اهو معاي زين لاني اشوف واسكت بس اذا تكلمت وسالته عن شي يعصب وانا وحده اخاف من المشاكل نسيت اقولكم انا متزوجة من سنتين وعندي طفلة وخذته بعلاقة حب لمدة 3 سنين المشكله الاكبر انه كذاااب في كل سوالفه وكلامة يكذب علي والله صرت احتقره واتمنى ينتهي من حياتي
من تزوجنا وسفراته مالها حل فالشهر مرتين او ثلاثة وكل مره يقولي شي مره رايح مع رفيجي الحسا ومره الدمام ومره الامارات عند دكتور فالنهاية اكتشف انه كان فالبحرين :tears:
وقبل شهر صدت عنده جوال كان خاشه عني وفتشته وشفت بلاوي يعرف بنات اشكال ووحده فالبحرين من المسج حسيت انه بينهم علاقة حب
ااااااه كرهت حياتي وكرهت الزواج و كرهت كل الرجال بنات فكرة الطلاق قاعده ادور في بالي
انصحوني ارجووووووكم لاني تعبت ونفسيتي اتعبت صرت واايد عصبية واتنرفز على اي احد ومخنوقة طول الوقت

 

[لهب]

الله يهديه

اول شي قصه حب ومشاكل 3 سنين وتبين تتطلقين ... مب حل .. انزين .. شكلج شخصيتج ضعيفه جدامه يعني ان كشفتيه يحملج الغلط وما تعرفين تتصرفين .. بس شوفي اقرب الناس لج وله اخوج ,, اختج ,, اخوه ,, اخته ,,, طبعا ان كنتي حاورتيه بالاساس وخليتيه يشرح لج اسباب خيانته لج .... تقصير .. ملل .. خلي حد قريب يتدخل والهدف الوصول لحل ... اما الطلاق .. فما انصحج بها الشي ... ها الانسان حبيبج قبل لا يكون زوجك .. وربي يهدي بالكم

 

[سلامي26]

عليج بالدعاء وقراءة القرآن وكثري من الاستغفار
الله يفرج همج

 

[كياني المجروح]

خواتي وينكم وين وقفتكم ليش اللي تقرى ما ترد وتنصح
بلييييييز بنات اللي متزوجه من زمان وعندها خبره فالتعامل مع الزوج تنصحي قبل لاخذ حل يدمرني

 

[ودي بونس]

الحياة مع خاين والله صعبه وحاسه فيك,,,الله يكون في عونك ويفرج كربك,,ويسخر لك زوجك ويرده لك ردا جميلا ...
اذا كنت تحبينه صارحيه وخذي موقف حازم يخص حياتك معاه ,,,
واذا هو في حياتك ظل زوج ولا ظل حيطه كوني سلبيه كما انت <اسفه> واسكتي الى ان يجيب لك مرض بس بعدين لا تتحسرين لانك من البدايه لا تستطيعين مواجهته .

كوني قويه فالحق معك واحذري الاستسلام هذا وضع ابدا لا يسكت عليه .
استغرب ؟؟؟؟؟هل تستشيرين في زوج خائن ام تبحثين له عن عذر ؟؟
يخونك معناه كرتك طاااااااايح .مع احترامي.
عزي نفسك واعطيها قيمه وانتشليها من براثن خائن يتقوى بك وانت في نظره استبن والاساس هن العشيقات والساقطات .
صارحيه ,,,وخذي موقف.

 

[أم غنا]

الله يصبرك

 

[امل رحيل]

والله ماعدت اعرف ايش اقول

الله يكون بعونك

 

[ام غضى]

عليك يا اختي بسورة البقرة كل ليله والدعاء

 

[الموفقه للخير]

اكثري من قول اللهم خذ بيدي في كل وقت وخصوصا في المضائق وبين لي وجوه الحقائق
واستخيري ربك واستشيري من لديه حكمه وخبره ودرايه بوضعك والله ييسر لك الخير

 

[دنياء العذاب]

حبيبتي .. ليش ماتمسكين عليه دلليل مثل الجوال وتواجهينو وإذا صار يدور له عذر او يكذبك خليه يفتح الجوال قدامك ويفتح الرسايل والاسماء وكل شي كذا انتي ترتاحين وبنفس الوقت يعرف انو انتي عارفه ومو راضيه .. وإذا كان بقلبه ذرة حب او حياء لك صدقيني رح يعتذر منك ويصارحك بكل شي ...