ملكتي بعد اسبوعين إن شاء الله تعالى

[Queen***]

السلام عليكم ...


ماشاء الله لا قوة الا بالله ...

اول شي رجاء كل وحده تدخل تدعي لي بالبركه لو ما ترد ...


انا اول وحده املك من خواتي ... وما اعرف وش اسوي للملكه ....

بليز بنات ابي تعلموني بالتفصيل ...

طبعا هي الملكه عائليه جدا وضيقه ع الآخر بس مايمنع اني اصور واسوي حركات :31:

لا تبخلون علي بنوتات ولكم الاجر من رب العالمين ...:8:

 

[Queen***]

استغفر الله وتوب اليه

 

[Queen***]

سبحان الله العظيم

 

[معاني دلع]

حبيبتي
البسي فستان سهرة
يعني حتى لو الملكة عائلية البسي فستان سهرة
لو عائلية جدا يعني بس بيتكم وبيتهم فستان سهرة ناعم
​

وبالنسبة للمكياج من اليوم ادخلي اي موقع فيه صور مكياج واختاري اللي يعجبك وحطي الصورة قدامك وهات يا تقليد

بتشوفين نفسك ما يجي يوم الملكة إلا وضابطته مثلها

​

والشعر أنصحك تروحين مشغل
​

وربي يوفقك ويسعدك ياعسسل



​

 

[الفااتنه]

يسعدني اكوووووون اول من ردد عليك الله يوفقك يارب ويسخركم لابعض ياررب ..جيبي كيكه ومصووره والبسي فستاان ناااعم وميك اب نعوووم لاتبالغين بالميك اب وشغلي شرريط يكون بدون موسيقى وحطي صورتك يوم كنتي صغيرره بالكيكه ..واتمنى افدتك وولاتنسين من دعوااتك ربي يحقق الي في بالي ..

 

[انوووثه]

الله يوفقك يارب ويسعدك وعقبال الفرحة الكبيررررررررررررره الف الف الف مليون تريلووووون مبررووووووووووووووك​

 

[اه من برد الشتا]

بتوفيق ياااارب

 

[حنانوو]

الله يوفقك يارب
وييسرامورك ويسعدك يارب
ويسخره لك ويجمعكم ع كل خير
ويسحره فيك سحر حلال يارب
اختي البسي فستان ناعم وحطي مكياج ناعم طبعا مشغل صلحيه ويكون مضبوط علشان التصوير
حتى شعرك يكون ناعم خليك ناعمه وع طبيعتك علشان بيكون اول مره يشوفك كل شي بالملكه صوريه
حتى كتابة العقد صوريها
والكيسان تلقيناها تنباع في كذا مكان
وروحي صممي لك كيك انتي اطلبيها لاتاخذي نفس الاشكال المعتاده دائريه او مربعه او اي شي من كذا
والله يتمم لك ع خير​

 

[نوري كالبرق]

الله يوفقك يارب ويسعدك ويسخركم لبعض ويجعلك اجمل نساء العالم في عينه يارب
المهم مايكون في ملكتك منكر والباقي ماقصروا فيه حبايبنا
وودعواتك

 

[بيتوته]

من عيوني اخدمك لاني مخلصه من ملكة وزواج اختي
وانا مثلك كنت الاولى وكنت اتمنى احد يساعدني
مممم
1 جهزي شريط للزفه وياريت تكون اسلاميه عشان تبدي بدايه خير

2 سوي لك طاوله فيها دفتر بلون فستانك زينيه بتل وورد <<للذكريات وكتابة التهاني من الاهل وبعدين في خلي زوجك يكتب لك:20:

3 ممكن تحطي نافورة الشوكلاته واذا موعندك حطي فازات فيها حلويات وفراوله مقطعه وحلاوه مارشملو الاسفنجيه ومو شرط النافوره

4 جيبي كاسة العصير تتزين بنفس لون الفستان وكمان كاسه للاسكريم جيبيه من البقاله بس خلي احد يغرفه وقت الزفه وصبي مقدار غطى من فيمتو توت فوقه يدي شكل حلو وبعدين اكلو بعض وممكن تاكلي امك وهو امه حلوه الحركه مرررررررره

5 حطي شريطه عالباب وخلي احد من خواتك الصغار تشيل مخده صغيره فوقها مقص وتقصون قبل تدخلون غرفة

6 نسيت الكوشه حطي كراسي وارمي عليها تل وزيني الخلفيه او بالونات بالاكسجين طايره في السقف و فيه افكار كثيره ابحثي عنها في قوقل للكوشه في البيت

عسى تستفيدي ولاتنسي تدعيلي وطمنيني وش سويتي

 

[غلآ عــmــري]

حبيبتي تبآآرك الرحمن
الله يوفقك يااارب

طبعا اشتري كاااسين حلوين وانيقين يكونو نفس لون الكوشه اللي بتجلسين فيها او نفس فستانك
عشان تشربين فيه وتشربين محروسك مع الكيكيه >>انتي تجيبي الكيكيه عشان لما تصورين تكوني انتي وخطيبك
كأنكم تقطعون تمسكون السكين طبعا يكون ششكل السكين حلو مو اي سكين انتبهي مزينه بشرايط وحركات وتصورن وتكون ذكرى



وكمان اكيد تلبيس الدبل تلبسين خطيبك دبله
وهو يلبسك دبله

وتنزفين شي اكيد اختاري زفه او اشتري

وياليت تسوين توزيعات للملكه



دعواتك حبيبتي

 

[Queen***]

الله يجزاكم خير يا خواتي ...

وكل وحده اعطتني فكره او دعت لي ربي يسعدها دنيا واخره ...

طيب لما يدخل احط شي معين ؟؟؟ قصدي الاغاني وبدون موسيقى طبعا ...

خواتي انا مااسمع اغاني ولا طق وماادري وش الجديد والحلو ياليت تعطوني اسماء اغاني حلوه بدون موسيقى ...

 

[Queen***]

بنااااات

انا ما ودي ابهرج حيل بس مابي يكون شي ناقص والملكه مقتصره على بيتنا وبيتهم امي وخواتي اثنين وامه وخواته 4 وخالاته مدري كم بس مو كثير ...

مشكلتي الحين بالاغاني مدري وش احط لما يدخل ... وبعد ما يدخل اخليه شغال وللا كيف ... انا ابوي توفا قبل 7 شهور الله يرحمه عشان كذا ما راح يكون فيه رقص ...

وبعد متورطه بتزيين الطاوله مدري وش احط عليها ,,, والتوزيعات اجيب وللا ما يحتاج بما انها مختصره ؟؟!!

 

[انسه طفشانه]

دامها عائليه انا رايي مو لازم كوشه وخرابيط
اجلسوو بغرفه مرتبه وحلوه
جيبو كك قطعوه سوا
وشربو بعض العصييير

وتلبسو الدبل
البسي فستان ناعم وتسريحه حلووه
طبعا تتزفي عليه ويكونو اقاربك معاكي
وجيبي مصوره تصويرها حلوو
مووفقه ومبروك

 

[Queen***]

يا حياتي انسه طفشانه ...

يسلمو يا قلبي

 

[Queen***]

بنات وينكم ...

محتاجتكم لا تخلوني

 

[الفااتنه]

هلاحيااتي اي خدمه اناحااضره بسس امري يالغلاء
من ناحيات التقديمات لالاتتكالفين يعني سلة شوكلات من باتشي وكيك فيها صورتك يوم كنتي صغيرره وبسس

 

[Queen***]

تسلمين يالفاتنه ...فديتك

طيب والتوزيعات ؟؟!!

 

[نجمه مضئه]

ملكه صديقتي معاكي بعد سبوعين بس هم بس رجاجيل وزوجها بيدخل عليهاا شرت فستاان يهبل اوف وايت طويل من ورى وقصير من قدام فيه فيونكه تركواز مدري وش لونهاا بتششور شعرها وميك اب نااعم
طبعا هو بيدخل بعد العشاء يعني بيجهزون كيكه وعصير بس
قالت لي المكان اللي بيجلسون فيه نتولع شموع وتزين الكاسات بس
وطبعاا مصوره بس الله يوفقك ويوفقهاا وكل البنات يارب

 

[الليل الساكن]

بالتوفيق ياااااااااااااارب ويتمم عليك ........ وعقبالي وبقية البنااااااااااااااااااااات ...........
اذا ابوك تو متوفي لاتحطي شئ مبااااااااااالغ .....
يكفي طاولة كيكه انيقه وعصير وممكن تحطي صوت موج البحر ..