ملف ... ملف ... ملف ... زوجة اولى

[سلافاااا]

يسلموووووووووووووووووووووووووووووووووو

 

[قلب وعقل]

ريمانوفا صحيح هبلتك ام سويفي سطرين ونعم العقل
وسطرين تبين تقطعين الرجال وتلزقه مرته بعد ليش بلاها حطوه بكيس أسود.
وسطرين تفكير صحيح100%
الزوج هو اللي رايح فيها بس عطيه الأمان والحنان خليه يبرد عندك
لاتعطينه فرصه يحط حرته فيك .
اما شارب بطل تشبيه منطبق تمام لكن يبي لك شيخ صج يشيك على البلوطات
ام سويفي
تركي عنك الأكل والتقطيع لأن أختك بعد ما تفوق من صدمتها ماتوافقك على هالأمر لأنه ابو عيالها هههههههههههههه
لا أوصيك خلك مع أختك وأنت مجربه وتعرفين الحال
(والزواج من جنسيه عربيه ثانيه ترى أصعب على الاولى)

 

[hnooood]

مرااااااااااااااااااااااحب
ريمانوفا :icon26:أشتاقت لج العافيه :sly: ممكن أشارك في الكمين ترا أم سوافي واختها غاليات علينا (على راي قلب وعقل نعج حرتنا على ريايلنا فيه )
ونخلي قلب وعقل:icon26: تراقب الشارع ههههههههههه :sly:تراها عارفه بكل الخطه لازم تكون معانا:shiny:​

 

[umswafy]

تسلمون يالغاليات
يعل ربي يفرج كربه كل وحده فيكم آمين ويردلها ريلها حبيب وعاشق يارب
الله يصبرها آمين
قلبي من داخل يتقطع على حالي
يوم شفت الكل واقف مع أختي وأخوي كل يوم يدقلها ويرمسها بالساعات وواقف معها وقفه أبوي الله يرحمه
ويقويها بكلامه ومهتم وايد فيها
تحسرت على عمري لاني بلعت ظلم ريلي وسكت وماخبرت حد
كنت خايفه من أخوي لانه كان معارض الزواج وكان يقول لامي سنه وحده وبترد بنتج الي هي أنا مطلقه
ماكان جدامي الا الصبر والصمت
وأكيد الي ماعنده أب له رب

 

[hnooood]

مراااااااااااااااااااااااااااااحب
أم سوافي وحده من أهلنا نفس الشي اتزوجت غصب عن اهلها يعني كانت عندهم تحفظات على الرجال بس ليش انها اصرت ودخلت فلان وعلتان حتى انا دخلتني علشان اقنع اخوها وفعلا اتزوجت ومن يوم اتزوجت وهيه مب مرتاحه وايد سوالف من الزوج ومن اهله بس لانها اختارته كانت صابره وماتخبر احد الين العيله اكتشفت سوالفه معاها واول مابدى الموضوع انه مايوديها بيت اهلها وبعدين نحن في العيد عندنا ثالث يوم العيد العيله الكريمه نتجمع نحن وريايلنا وعيالنا في بيت جدتي العوده وهو كان ما يخليها وهناك بدت الشرارة وانفتحت سالفتها ومشاكلها معاه قدام اخوانها وماشاء الله هي ما كانت متوقعه منهم ردت الفعل هاذي تصدقين ولا واحد فيهم قالها انتي اخترتيه وهذا جزاج وفعلا خذوها هي وعيالها وخلوهم عندهم في البيت وطلبوه في المجلس عندهم ووصل سي السيد واخوانها الثلاثه ميليسين وبدالكلام طبعا هو اول شي تعنفر وزبد من الغضب وقالهم هاذي بنتكم عندكم وانا بسير المحكمه وباخذ عيالي منها (عيالها واحد سنه والثاني سنتين) اخوانها قالوا له سوي الي انت تباه واختنا ما عليها قصور واما عن عيالك الدنيا فيها محاكم وسار لمدة اسبوعين وما حد عنده خبر عنه وبعد الاسبوعين اتصل في أخوها الكبير وقاله شو شروطكم ؟؟ ومن هذاك اليوم وهي الحمدلله مرتاحه وكلما اشوفها اشألها هاه شو الاخبار الحين تقول مرتاحه الحمدلله وكل شي بغيته يالس يتحقق .
من هالقصه ياحبيبتي يمكن اخوج بيكون لج أب مثل ماهو لأختج:icon26:​

 

[عضو سابق]

عسى يارب ان يبعد عنكم الهموم والمنغصات.. عزيزاتي.. واخواتي الكريمات

 

[hnooood]

اليوم اليوم العالمي لنكد الزوجات رقم واحد
أم سوافي:icon26: من صوب
عزيزة نفس :icon26:من الصوب الثاني
تفاؤل:icon26: بعد هي الثانيه
وانا :icon26:صار لي اربعة ايام احاول اتصرف بحرفنه ولا عارفه شو يالسه اسوي:tears: بنبط وبنفجر:busted_red: اذا مب اليوم باكر​

 

[umswafy]

حبيبتي هنوده الغاليه ماأروم اكلمه الحين لازم أتريا لين آخذ الجنسيه حتى لايحلم ياخذ ولدي مني لانه هددني انه ياخذه ويطلقني
آآه سوالف يبيلها منتدى بروحه هاهاها
الله يفرجها علي ويخلصني منها حسبي الله عليها مثل مادخلت حياتي بالسر تطلع بالسر
همها بس الفلوس ادفع كفاله أخوي
سويلي واسطه
ييب ييب ييب
الله ينتقم منها والي على شاكلتها آمين
منها لله
يارب قريب مب بعيد تطلع هالحرمه من حياتي أنا وريلي من دون مانظلمها
بس أنا نغثيت من هالسالفه والله على قولة أستاذه ناعمه
بعدني صغيره على هالهم

 

[hnooood]

الله يكون في عونج
ومثل ماهيه في الظل بتم في الظل الين الله يفرجها عنج يالغاليه وتطلع من حياتكم انشاء الله
اذا نيتها شينه بترد عليها وبتشوفين وبتقولين هنوووووووووده قالت انشاء الله

 

[hnooood]

مريت على ملف زوجه ثانيه ومت من الضحك كل الزوجات الاوليات متصافات :smoke1::msn-wink::sly::bye1::crazy:وكل وحده ترد على الثانيه
محد قالهن النمره غلط هههههههههه​

 

[موج شرقي]

هلا و غلا بالزوجات الأولات


من دبي أحييكم و اتمنى أن تدعو لي برحلة حلوه مع أولادي و بعلي المحترم

يمكن يكون فرجي في هالبلد الحلوه ، و أنسى فعايل ريلي و ارد طبيعيه معاه

يالله دعواتكم لي

مع السلامه

 

[hnooood]

مرحبابج في دبي
وافا عليج يالغاليه ماطلبتي شي يوم الا الدعاء اللهم يارب العالمين تسعدها وتفرح قلبها وتجعل ايامها هاذي من اجمل ايام حياتها وتكمل نعمتك عليها واجعل كل ايام حياتها جميله وسعيده اللهم آآآآآآآآآآآآآآآآمين
واذا حسيتي تبين تغيرين :icon30: اتصلي فيني وانا اييج الين الفندق ونطلع انا وانتي وبس ونكيده انه عندج ربع في دبي هههههههههههههه:msn-wink:​

 

[umswafy]

حبيبتي الغاليه موج شرقي
عسى ربي يجملج بعيون ريلج ويخليه ما يجوف حد من النساء الاك
ولايحب ولايعشق الاك
الله يجعلج العشيقه والزوجه والحبيبه والصديقه لريلج آمين

 

[نبض حياة]

يابنات شو معاملة ازواجكم لكم بعد الزواج ؟؟؟؟؟؟؟!
انا مايبا يطالع بويهي مايباني اقعد عنده احس فكره وعقلله عندها جنه قاعد على نار ولا يبا يقعد معي انا ويا عيالي مع انه زوجته الثانيه مافيه شي يجذب ابدا غير انها مطلقه وعنده خمسه وانا بعدني 27لدرجة انه يتصور لها عندي بحجرة النوم ويتراسل هو وياها جدامي بدون احترام لمشاعري والحين متزاعلين انا وياه كرهته يابنات
يااااااااااااارب فرج علي

 

[نبض حياة]

اطلب الطلاق شو رايكم بس انا عندي عيال
شو اسوي مجروحه وااااااااااايد
ماقدر اعيش وياه كرهني ونا كرهته وااااااايد ماريد اطالع بويهه

 

[hnooood]

أهدي يا بعد عمري
كم صارلكم متزوجين؟؟
ومن متى هو متزوج عليج ؟؟
ما نروم نرد عليج الا بعد ما تشرحين لنا وخلي الطلاق الحل الاخير مب الاول الله يفك كربتج

 

[عزيزة نفس]

يابنات شو معاملة ازواجكم لكم بعد الزواج ؟؟؟؟؟؟؟!
انا مايبا يطالع بويهي مايباني اقعد عنده احس فكره وعقلله عندها جنه قاعد على نار ولا يبا يقعد معي انا ويا عيالي مع انه زوجته الثانيه مافيه شي يجذب ابدا غير انها مطلقه وعنده خمسه وانا بعدني 27لدرجة انه يتصور لها عندي بحجرة النوم ويتراسل هو وياها جدامي بدون احترام لمشاعري والحين متزاعلين انا وياه كرهته يابنات
يااااااااااااارب فرج علي

نبض حياة
اسمعي اقصد شوفي
لا تقعدين معه الا للضرورة والقصوى بعد
اشغلي نفسكي عنه اقعدي بغرفتكي مثلا أو بغرفة الضيوف أو افتحي الكمبيوتر طنشيه اعتبريه مب موجود والله ما تشوفينه الا عندكي واستمري كذا الى أن يتعلق بكي ساعتها بتقولين فكوني منه
وبعد هدديه انه اذا شفتيه يراسلها أو يكلمها قدامكي انكي بتكسرين الموبايل مع الشريحة
صدقيني بيخاف وما بيعيدها مرة ثانية
( كيف عرفتي انه بيراسلها ؟)
خليكي قوية بهالمواقف
الحق معكي
شو طلاق ما طلاق
وهالعيال مين بيراعيهم
الا اذا تبين تتركينهم له
وبعد هدديه بالعيال انكي بتتركينهم وتروحين بيت أهلكي
( بتاخذين اجازة يعني )
بعض الرجال ما يجون الا كذا​

 

[نبض حياة]

مشكورة اختي هنووود انا صارلي 15سنه
وتزوج من 3 اشهر وتوه راد من السفر وسافر معاها مدة شهر والمشكله راد ويسوي هالحركات
مشكورة اختي عزيزة نفس ونا سويت مثل ماقلتي مطنشتنه ولا اروح عنده اخلي عيالي يسوون كل شي له والله كرهته والله ولا اكلمه بس مادري احس انها الحركه مقصودة منه احسه خلاص مايباني بس ماعرف ليش
يمكن تعلقت فيه اكثرمن يوم تزوج وغيرت من اسلوبي معاه في التقرب واللطف والحركات نفرته مني طيب ليش بس كنت اخاف تاخذه مني

 

[عزيزة نفس]

مشكورة اختي هنووود انا صارلي 15سنه
وتزوج من 3 اشهر وتوه راد من السفر وسافر معاها مدة شهر والمشكله راد ويسوي هالحركات
مشكورة اختي عزيزة نفس ونا سويت مثل ماقلتي مطنشتنه ولا اروح عنده اخلي عيالي يسوون كل شي له والله كرهته والله ولا اكلمه بس مادري احس انها الحركه مقصودة منه احسه خلاص مايباني بس ماعرف ليش
يمكن تعلقت فيه اكثرمن يوم تزوج وغيرت من اسلوبي معاه في التقرب واللطف والحركات نفرته مني طيب ليش بس كنت اخاف تاخذه مني

وييييييييييييييييييييه يا نبض حياة
مصيبتكي لسه طازة الله يصبركي
بس والله صدقيني اذا الزوج عادل والله ان المصيبة تهون
لااااااااااااااااا تبينين له غيرتكي لأنه تخليه يتعلق بها حتى لو انها شينةوبالعكس اذا ما بينتي غيرتكي يتعلق بكي أكثر ولا تطلبين طلاقها أولا لأنه ما يجوز وثانيا لأنه هذا الطلب يخليه يتمسك بها أكثر خليها على ربكي وهو يتكفل بهم صدقيني أنا مجربة ​

 

[hnooood]

نبض حياة يا وخيتي هذا ماخذنه العشق والهوى:crazy: وكل واحد فيهم يمثل قدام الثاني بمعنى آخر (بعدها الاقنعه ما سقطت)صبري عليهم شويه واراهنج انج بتسمعين عنهم انهم متضاربين:msn-wink: ليششششششش لانهن معظمهن يحسبن عمارهن هن الوحيدات اللي في حياة ازواجهم وناسيات انه في انثى ثانيه وهيه لها الاحقيه فيه ويبغالها وقت اللين ماتكتشف هذا وانتي وشطارتش ترومين تسرعين الاكتشاف العجيب لها هههههههههههه:smoke1:
أنصحج يابعد عمري :الدعاء والاستغفار ما يخوز عن لسانج-تعديلج وكشختج ما تخوز عنج-ضحكتج ما تخوز عن حلجج خصوصا يوم يكون عندج -دوري على شي كان خاطرج تسوينه وهو ما كان مخلنج وسويه-وخليج بعيده عنها ولا تيبين ذكرها .والحكران يقطع المصران وكلما تعاملينه بالزين بيحاول يرد عليج بالشين سوي الزين وشردي عنه لا تعطينه مجال وخلي الزين في صفحات حسناتج​