ملف ... ملف ... ملف ... زوجة اولى

الحالة
مغلق و غير مفتوح للمزيد من الردود.
لا تعليق
 
shd لييييييييييييييييييييييش
 
اسئلتك حلوه ياموج
بس تدرين وش المشكله
الرجل اناني
انتي ماتهمينه ابد
هو يدور سعادته
والزوجه الولى قديمه يبي وحده جديده
انتي كأنثى وكانسان وكمشاعر ولا شيء
وهو برفض طلاق الاولى عشان تربي عياله وعشانه حاس بشيء قليل من الذنب
مسكينه بخليها على ذمتي وبعطيها معاش التقاعد
ما ادري
انا زوجة خائن
ووالدي متزوج على امي ومايعدل ابد
مسكينه امي
عشنا هالوضع طول حياتنا
تعقدت وانقهرت
وفرحت بالزواج
حبيت اهرب من جو ابوي وظلمه لأمي طول هالسنين
وانصدمت بزوج خائن
خانني وانا ماتعدى زواجي فيه عدة اشهر
اكره ابوي واكره زواجي واكره ضعف امي واكره عمري
لأني سامحته وبالتالي سمحت له يخوني للمره الثانيه

وجدان
موج
عزيزة نفس
ام خالد99
وكل البنات اللي شاركوا
برغم اختلاف ظروفنا ومشاكلنا
الا ان قهرنا واحد
دائم احس ان الدم يغلي بعروقي
ومايهمني هو الحين مخلص لي ولا لا
ذكرى خيانته وحدها كفيله بأنها تخليني تعيسه طوووووول عمري
ودي انتقم ودي ينقهر
ودي يبكي دم
ودي اخونه قدام عيونه
ساعات افكر اني اسوي تمثيليه مع اخوي واخليه يشك بأني اخونه
عشان يحس ولو بذره من اللي انا احس فيه
وبس ضاق صدري.
 
موج شرقي اذا كنتي زوجة اولى جاوبي انتي اول عشان نجاوبكي واحب اقول لكي ان زواج الزوج وخاصة اذا كنتي زوجة اولى سمه ان شئتي مصيبة ابتلاء امتحان تشتت اسري عذااااااااااااااااااااااااااااااب نفسي وعضوي بعد وحقد وكراهية و:confused:و:mad:و:frown:و :e136:و:e076:و:a049:و:e052:و:a043:وعسى ما نسيت شئ بس الله المستعااااااااااااااااااااااان
 
الأخت العزيزة:gemo6 ​

هلا بك بين خواتك نشيل همك و تشيلي همنا
تراك ما أنتي بروحك في هذا، و الله يصبرك و يصبرنا
بس حقيقة ييسر لها دربها انشاء الله وجدان أم سارة الي فتحت هالملف الي لازم نتستثمر وجوده بشكل إيجابي ، يكفينا نوح و بكي
ولو أن دمعتنا ما راح تجف اليوم و لا بكره
بس صار لازم نربط على قلوب بعضنا بعض و نخرج من قفص الهم الي راح ننسجن فيه و أرجالنا تفرفر بالحرية و السعادة​


الأخت الغالية وجدان أم سارة:
ربي يسعدك و ينسيك ، خليك معانا ، لا تروحين بعيد
و انت يوم الي تسوين الي تسوينه معاه ، خليه لوجه الله ، الي ما طمر فيه المعروف سبع و عشرين سنه ما راح يطمر فيه الحين
أهم شي أنت راضيه عن نفسك ؟؟ و ما تغلطين بأحد؟؟
نامي مظلومة و لا تنامين ظالمة
و الشاعر يقول:
تنام عينك و المظلوم منتبهاً يدعو عليك و عين الله لم تنم​


الاخت العزيزة أم فصووول​

شكراً على مرورك بملف الزوجة الأولى ....موضوعنا هموم و عذابات الزوجة الأولى و كيف يمكن أن نتجاوزها؟
الخيانة الزوجية و من هو الملام ؟ غير مطروحة في صفحات هذا الملف​


الأخت العزيزة shd:​

مشكورة على عدم التعليق​


الأخت العزيزة أرقيلة ​

هوني على روحك ياالغالية ، ما فيه شي يستاهل ، احنا هنا علشان نخفف على روحنا و نتحرر من قهرنا و هذا أهم شي ، ما نبي نظل نحمل هم طول عمرنا
وخلي عنك الأنتقام ، لان فيه رب اسمه الكريم هو بيأخذ لك بحقك ، و أبد لالالالا تفكرين بسواة مثل سواته
خيه أرقيله أنت ما شاء الله ، ما تنزلين بمستواك لمستواه
أنت شريفة و عفيفة و نفسك عاليه ما توطي أشكال الي يواطيها
خلك فوق ، فوق ، فوق و لا تطلين ابد على الي تحت ​


الأخت العزيزة عزيزة نفس:​

ما عرفت أنا شنو ؟ لا ما يصير ؟ ​


بس بجاوب يوم تخلص أسئلتي ​

بس أمانة كل البنات الي هم زوجات أوليات ، لازم نسوي عهد مع بعضنا بعض اسمه ​

( كـــفــــانــــا قـــهــــــــــــر):a084: ​

انطبطب على بعض و نشد حيل بعضنا بعض:e130: و نمشي و احنا رافعين راسنا و نكركر ضحك بعد:bleh: ​


راجعة انشاء الله​
 
ارقيله هوني عليك
اتلاقينها منين ولا منين

ومثل ما قالت وحدة من الاخوات خليك فووووق فوووق لا تنزلين لمستواه
 
خواتى شيبوبى رفض يسافر فينا فى هالصيف يقول مانى فاضيلكم اسافر فذى ورجع اسفر الثانية مالى شغل الا انتم طيب وش ذمب عيالة ولا على انا مابى اشوف رقعة وجعة قالولة عيالة بنسافر وقال مانى فاضى طيب مدام انك منت متحمل مسئولية ثنتين ليش تتزوج؟
بس الحمد لله الى صد قلبى عنة ونا الحمد لله قوية بعيالى مانى بحاجتة لو اصر مايسافر معنا بسافر مع عيالى بلحالنا نستانس وننبسط ومانى حارمتهم من شى الخوف اذا سافرنا تزن علية يسفرها ولو سفرها بيقظى على ماتبقى من حب وعلى الله السلام
 
أخواتي العضوات أنا زوجي تزوج علية من عشر شهور وألحين عنده بنت منها بعد زواج دام بيني وبينه تسع سنوات وأنا ألحين مقهورة حيل وروحي أحس بها تطلع مني كل يوم وماني عارفة شو أسوي أحس بالإحباط والشلل الكلي أشوفه يفضلها علية بالرغم إنها أكبر منه بسبع سنين وغنية ومستواها الإجتماعي عالي ورفيع وأنا بنت عمه من ثوبه أحبه وصاينتنه ومقدرتنه وحاطتنه في عيوني ... يقول إنه ندم على فعلته ويحبني أنا ولكن أفعاله تقول غير ذلك
 
هلا خواتي الغاليات​


الأخت العزيزة الذيبة​


هوني عليك ياختي، الزعل و القهر ما راح يرجعون زوجك لك ، أهم شي الآن تتعلمين تهتمين بنفسك ، و أقري بمواضيع هالمنتدى الطيب ، كثير مواضيع تركز على كيف أنك تحبي نفسك و تمنحينها الأهتمام الي انت تطلبينه و تنتظرينه عادة من زوجك .

الألم و القهر راح تصير آلام مزمنه ، مثل الناس الي تعاني من السكر و الضغط و الروماتيزيم ، يهدي الألم يوم و يزيد أيام ، و تمشي الحياة .​

أهم شي نتعلم فن العيش مع الألم ​

الاخت أم خالد مشكورة على طلتك علينا​

الأخت وجدان أم سارة​

واحد من أهم الأمور الي راح تقتلنا ببطء هي : اش سوالها زود علي و أنا ما سوالي؟​

انت سافري مع عزك و ذخرك بهذا الدنيا أولادك ، و خليه يولي ، بيني أنك مستغنيه عنه بأولادك ، سافر بعدين معاها ، ما سفرها ، أهم شي أنك بتسافرين و بتوسعين صدرك .
هذا إذا يناسبك الوضع ، ما أقدر أفكر بالنيابة عنك ، بس أحاول أساعدك.​

وباقول لكم كيف أنا ساعدت نفسي علشان أتغلب على هالمشاعر المحبطة، بالبداية أنا مثلك يالذيبة شعرت أني عاجزة و محبطة و ماني عارفة إيش اسوي مثلك بالضبط ، بس لأن قصتي قصة يمكن قريب احط حلقاتها بالمنتدى لأنها بالفعل تحفة ، انعجنت و انخبزت لحد ما عرفت كيف أداري حالي.
المهم بديت أحيد علاقتي به (يعني لا كره و لاحب) هو أبو عيالي اي نعم ، بيني و بينه عشرة هم أي نعم، بديت أنظر له أنه رجل عادي زي الي اشوفهم كل يوم، صحيح أنا مقهورة و متحسفة على السنين الحب و الغرام.
لكن يضربه حب الي راح يذلني و على قولة غوار الطوشه (يضرب الحب شو بيذل) تحررت من حبه ، و أن كان مو سهل و الدليل بعض الغيرة الي تدل على أن جذور حبه ما اقتلعت كلها.
العلاقة الآن بينا هي بس الأولاد و مجاملة علشانهم ، هو طبعاً بيموت علشان ارجع طبيعية زي أول ، بس أنا أشك لأني بيني و بين نفسي اعتبر نفسي مطلقة مشاعرياً و جسدياً ،أنام بروحي بغرفة لوحدي، إذا طرا على بالي جاملته بضحكة ، بكاس شاي ، بطلعة لكافي شوب
و يوم الي يطفح بي الألم و القهر أصده و قوله يبتعد لأني ممكن انفجر في أي لحظة.​

و بعدها بكيفه راح عندها ، جا البيت......... الله و النبي يحيه ، بيروح......... هم الله يحفظ عليه ، ما عاد يهمني ، أنا ما باركض وراه​

طرا على بالي سؤال قبل ما أروح :
هل كل أزواجكم لما تزوجوا قالوا لكم أنهم نادمانين و أنهم غلطانين؟؟؟؟​

استنى إجابتكم؟؟ ​




​







بس الظاهر أنه مو عاجبه فكرة ملفنا ، ماحد معبرنا , ولا معبر أسئلتنا ، و لاحتى اقتراح عهد ( كفانا قهر ) يبدو أنكم تعودتون على القهر و ماستمرقينه ما تبون تعيشون بدونه؟ كيفكم عاد!!!!!!!!!!! ​
 
أختي موج شرقي جزاك الله خيرا إنتبهي على لفظ لله والنبي لأنه شرك والصحيح
الله ثم النبي
بالنسبه لسؤالك زوج اختي تزوج عليها من سنه ومستانس على الآخر ولا قال ندمان ولالشئ بالعكس يقول اخوات يساعدوا بعض ويشيلو بعض وطبعا هو المستفيد على حساب راحتهم وحاطهم بشقه وحده كبيره وبصراحة يحاول يكون عادل لكن الأكل سوا والقعده سوا والطلعه لأي مكان سوا حتى لو لعندنا تخيلي اف ايش اقول الله يعين بس
اختي انسانه طيبه جدا وكتووووومه قلبها ابيض ومسالمه جدا
وبصراحه ضرتها طيبه ونراهم مثل الأخوات ولكن يتمنون الخروج لبيت مستقل لكن لا حياة لمن تنادي
والله نحن خايفين على ازواجنا لايعملوها لأنه مرررره عاجبهم صبر اختي
آآآآآآآآآآآسفه بربرت كثيرررر
بااااااااااااااااااي
 
مرحبا أختي موج شرقي أشكرك على مواساتك الطيبة والحنونة مثل ما قلتلك أنا أعترف إنه ندمان ولكني ما أصدقه لأنه مهتم بها كأنها الزوجة الوحيدة في حياته ومقدمها جدام أهله والناس وأنا في الخلف وأنا قطعت أهله والناس إللي وقفوا معاه ألحين أبى أعيش لنفسي وعيالي بس مب عارفة كيف أبدأ هل لأني مازلت أحبه مثل قبل ولا!!!!!!! أرجو أبى أحد يقوي قلبي لأنه هو مسببلي الألم
 
أختي أرقيله حافظي على نفسك لأن الدنيا دوارة عيشي لنفسك عزيزة مكرمة راسك عالي وواثقة بنفسك:showoff: والله يعوضك بدنيا حلوة نتيجة صبرك وقوة إيمانك يمكن زوجك بياخذ درس قوي يرجعه لربه ولكي إن شاء الله ليش لا إن الله قادر على كل شئ:c016:
 
موج شرقى انا قالى زوجى انة ندمان وما ملت عينة وكان يتمنى وحدة مثلى حشامة بس كذااااااااااااااااب تصرفاتة تقول غير ذالك
الذيبة حاسين فيك ولله والموت انة يقدم الغريبة على بنت عمة دمة ولحمة هونى على نفسك يختى وخليك دايما حولنا ترانا نواسى بعض ونشيل عن بعض هموم ربى اعلم فيها
وموج شرقى بارك الله فيك فعلا حركتى الملف انا ولله مشغولة هاليومين ولاتقصرين عاد
خواتى ترا فية بنات كثير زوجات اولى مادرى لية ماشرفونا هنا ويليت نعود انفسنا كل يوم ندخل المنتدى نمر على هالملف نكتب ماتجود بة انفسنا ونطمن على بعض وبارك الله فيكم
 
على فكرة اهو قال ندمان بس مو على الزواج لاااااااا ندمان على الاختيار فكرة الزواج عاجبتة بس المام ماعجبتةوكذااااااااب الا طاير فيها
 
اسفة على تطفلي بينكم
انا زوجة ثانية ومو اولى وكان هذا زواجي الثاني
ليش تتعتبرون زواج الرجل مرة ثانية خيانة
اتعجب والله
مع العلم انا في بداية زواجي زوجي كان يقول انت اجمل من زوجتي الاولي زوجتي الاولى جسمها مقزز
انا والله كنت اقولة لا تقول حرام عليك مو صار عدها عيال وصار هيجي من الحمل انا كمان باجر لما احمل واجيب راح يصير جسمي كذا
وانا دائما احنننه عليها
واكنلها كل الاحترام بعد
واناديها بام (فلان ) احتراما لها وهي اكبر مني
 
معليش اختى وادى الرفدين احنا مجروحين من عدم العدل ولو لا سمح الله زوجك بعد 10 او 20 سنة تزوج عليك بعد تضحياتك بتقولين علية خاين وماتزعلين من كلامنا لانة فية جارات مايساعدو ازواجهم بالعدل ويريت كل الجارات زيك وحياك الله فى ملفنا اخت وعزيزة
 
هلا بكل من مر بملفنا و شرفنا

اليوم الأربعاء ، خذوا إجازة من القهر و الألم ، عيشوا يومكم ، تراها و الله ما هي بآخرة الدنيا أنهم تزوجوا علينا
:clap:
ترى حتى الزوجات الثانيات بيبلشون بأزواجنا زي ما بلشنا ، ع بالهم كلش ملائكة نازلة من السما
كل علاقة و لها مشاكلها في الدنيا ما فيه شي كامل إلا وجهة تبارك و تعالى

معذرة ما رحبت بكل وحدة فيكم لأني مرة مشغولة اليوم ، بس انشاء الله راجعة أرحب و أعلق على كل أخت عزيزة سلمت علينا

باي
:bye1:
 
مرحبا أخت وجدان أم سارة أشكرك على مواساتي ورفع معنوياتي أنا بس حبيت أعرف هل تدوم علاقة زوجي بزوجته الثانية برغم الفرق إللي بينهم هي أكبر منه وأغنى ومن عائلة مرموقة في المجتمع وأهلها رافضين فكرة الزواج به وبالذت الأب رافض مرة بس هي حبته قبل الزواج وتطلع معاه حتى اتفقوا على الزواج أنا آسفة على هذا الكلام بس هي شكلها عيوز وايد كبيرة ومب حلوة اللهم لا شماتة بس كيف أغوته وجذبته لها وتركني وصد عني يشوفني مثل أخته أو أقل شوي هل هذا معقول؟؟؟؟؟!!!!!!!! وهو في عيوني ومهتمة فيه وايد وبالعيال وبالبيت وأسمع كلامه في كل شي بس هذا مب عاجبنه يقول يريد زيادة من كده مرة دوخني معاه وأنا أسوي له بكل طاقتي وكان وايد يزعل مني بدون سبب هل هذا بيعامل الثانية نفس الشي؟!!!!!
 
أنا داخلة لقافة أبغى اقرأواستفيد!!!

أحبكم يا عضوات مملكة بلقيس وش اسوي بنفسي أحب اقرأ كل إللي تكتبونه

وهذي دعوة عشانكم الله يجبر قلوبكم ويريح بالكم ويجعل كل عضوة قرة عين لزوجها قولوووووووواآآآآآآآآآآآآمين
 
الحالة
مغلق و غير مفتوح للمزيد من الردود.
عودة
أعلى أسفل