السلام عليكم ورحمة الله وبركاته
أخواتي الغاليات
حبيت اطرح لكم تجربتي مع طفل الانابيب
وأسال الله لنا ولكم الاجر والمثوبة
أولاً أنا متزوجه من 22 سنه ولم يحدث حمل ولا مره
والمشكله عند زوجي ضعف وسرعة حركة
المهم العام في رمضان سوينا تلقيح صناعي ولا نجح
ثم قررنا نسوي طفل أنابيب ومن شهر محرم بدانا العلاج
أولا زوجي استخدم أدويه لمدة 3 أشهر
طبعا زوجي عند دكتور وحولني عند دكتور ثاني
وطلب دكتوري نهاية الشهر وعندما تاتي الدوره نبدأ
العلاج معاه عند طريق تنشيط المبايض باستخدام الإبر
وتم ذلك حدود أسبوعين وأنا يومياً إبرتين
طبعا خلال الفتره هذي عملة سونار حدود 3 مرات
مره قبل الدوره ومره اثناها ومره بعدها ثم حدد وقت
سحب البويضات
وتم هذا في يوم الثلاثاء 26/3/1432هـ
ورتحت يومين
ورجعت يوم الخميس 28/3/1432هـ وكانت عملية الترجيع
وطبعا طلب راحه تامه واخذت إجازه من عملي وجلست في البيت
السبت ثاني أسبوع من العملية أتاني مغص شديد
أسفل البطن والم أسفل الظهر ونزل نقط من الدم
أنا لم شفت الدم أنهرت وبكيت:icon1366:
وحسيت إن العملية مانجحت وطلبت من زوجي
يتصل عليه يسأله واتصلنا
قال ما أقدر أحكم خليكم على موعدنا
سوي التحليل يوم الأربعاء يصادف 12 يوم من
الترجيع والخميس تعالي اشوفك طبعا الألم يروح
ويرجع والدم نفس الشي يجي ويروح اتصلت عليه
علشان أبعرف وضعي في الصلاه الله يسامحه مارد
المهم سويت تحليل دم يوم الاحد طلع سالب مافي حمل
وصرت أجمع الظهر والعصر واغتسل وأصلي ونفس
الشي في المغرب والعشاء إلى يوم الاربعاء سوينا
تحليل حمل وطلع سالب
واليوم الخميس رحنا المراجعه وسوينا سونار وطلع
مافي حمل مانجحت العمليه :icon1366::icon1366:
الحمد لله على قضائة وقدره
والحمدلله على كل حال
المهم طلب نسوي تحليل ثاني يوم الدوره ونرجعله
عندظهور النتيجه
واذا حابين نعيدها نسويها بعد 3 شهور
وهذي قصتي مع اول طفل انابيب
ولله الحمد من قبل و من بعد
أدعو لي يا أخوات أنا عمري 40 سنه وزوجي 45 سنه
إحنا إتاخرنا كثير بس هوه كان عنده أمل يصير حمل
بصوره طبيعيه
علشان كذا إذا كتب لنا الله طولت عمر
حنسويها شهر 7 في الاجازه
محتاجه دعمكم
اللهم لاتذرني فردا وانت خير الوارثين
وجميع المحرومين ياواهب ياحنان يامنان
