بنات زوجي قاهرني موت بتصرفاته ودي انفجر فيه وأهزأه بس ماسكه نفسي وماابغى اتصرف بطريقه متهوره ومااستفيد شي لان اكتشفت ان اي كلام تقولينه بلحظة غضب تندمين عليه وخصوصا مع الجنوبي الغربي ،لان مايحب الصراخ والتوتر والصوت العالي وبنفس الوقت اذا كتمت احس اني بموت من القهر وانا اساساً حامل وتعبانه
المهم اللي يضايقني منه انه يستغل وجودي ليفرض احترامه على زوجته الاولى وابناءه لانه يؤمن بمبدأ اضرب النساء بالنساء
وقال قلت لهم ترى فلانه اللي هي انا طالبتني اسفرها اذا منتم مسافرين معاي ترى بوديها ؟؟؟؟؟!
وانا ماطلبته ولاشي بس قاعد يضربهم فيني عشان يتنزلون ويوافقون .
انا ارتفع ضغطي لاني شماليه وحاره لكن مسكت نفسي ابغى استشيركم بحل
وكيف اتصرف في المستقبل معاه اذا سوى مثل هالتصرفات مره ثانيه .
زوجي بيعيش وهو يلعب على الحبلين معاي انا وزوجته يقهر وحده بالثانيه ويبغى يميل للي تكسبه وتقدم له اكثر
والحياة بالطريقه هاذي متعبه لانك تشعرين بأنك مخدوعه ومستغله
لانه مايعدل وانا احثه على العدل دايماً لكن مافيه فايده .
وش الحل مع تصرفات الجنوبي الغربي كيف نعيش معاه بطريقه نرتاح فيها .
هل نهتم فيه بمايرضي الله ونتجاهل استفزازاه وتصرفاته الغبيه .
ايش افضل طريقه لإقناعه لانه عنيد وراسه يابس واللي يبيه يسويه
