ملجت وابغي خبراتكم خواتي
السلام عليكم ورحمه الله وبركاته
حبايبي ابغي مساعدتكم .. انا ملكت من ست الشهور تقريبا...
ونحن شوي عندنا مشددين الاهل يعنى لا تلفونات ولا زيارات في هذه الفترة .. بس
أنا كسرت القاعدة :bigsmile: في نفس يوم الملجة اتصلت عليه اخته وفتحت سالفه
التلفون في البدايه بينت لها انه هالشيء ما عندنا وان الاهل متشددين في هالسالفه
بس كانت مصرة على الموضوع لانه اخوها يبغي يتكلم وكل واحد يفهم الثاني وبعد عدة محاولات اتفقنا ان خواتي يعرفون بالموضوع وتكون السالفه بينا وامي
وابوي وابوه وامه ما يعرفون بسالفه التلفون ... والحمدالله تم الموضوع على خير ..
المهم بدينا نتكلم وانا الصراحة وايد استحي ما قدر اقوله كلمتين حلوات على
بعض .. وهو من اولها بدا بالكلام الحلو... في البدايه يوم يبدا يقولي حبيبتي حياتي اشتغل على السايلنت... بعدها حاولت اتجراة شوي <<أمحق جراءه ..
فصرت يوم يقولي أحبج أرد عليه واقول وانا اكثر :blush-anim-cl:
فصرت يوم يقولي أحبج أرد عليه واقول وانا اكثر :blush-anim-cl:
بعدها بفترة قالي قوليلي احبك .. شديت على عمري ونطقتها
حبايبي احس عمري وايد مستحيه منه ما اقدر اقوله كلام حلو ولا اقدر اقوله حياتي
او حبيبي بشكل مباشر ما استخدم هالكلمات الا في المسجات ... :icon1366: وهو دايما في كلامة هالكلمتين
بعد في سالفه ثانيه يته فترة وقعد يطرش لي مسجات بوسه .. الصراحه ما تجرأت
ايدي اطرش له.. فقمت غيرت الموضوع بمسج ثاني فكل ما يطرش مسجات بوسه
يلقى صد منى فقطعهاا ... الصراحه يابنات احس انه مش وقتها مسجات
البوسه .... عطوني حلول كيف اتصرف الحين مالجه من ست الشهور وعرسي بعد خمس الشهور
التعديل الأخير:
اسم الموضوع : ملجت وابغي خبراتكم خواتي
|
المصدر : الزوج والزواج