ملتــــــــــقى بنــــــــات مصــــــــــــر .......

الحالة
مغلق و غير مفتوح للمزيد من الردود.
ثوانى ادخل اشوف كده
 
habeba قال:
بصوا يا جماعة الخير عايزة رأيكم بموضوع حيوى بيوى
بالذات المغتريبات
بقول لجوزى نفسى نصيف يوم يومين لوحدينا من غير اهله انا و هو
يقولى لا مش كفايه سايبهم طول السنه اقوله فيها ايه يوم لى انا
ما انا كمان مخنوقه بالغربه و اتخنقانا امبارح على حسها
انتوا ايه رأيكم؟؟؟؟؟؟؟؟؟؟؟؟
أنقر للتوسيع...

أنا رأيي ان الرجاله عنديه
هتقوليله من غير أهلك هيعند ويشيل منك ومش هيفهم قصدك
انما لفي ودوري عليه شويه يعني مثلا
تعالى نعمل شهر عسل تاني وحدنا
نفسي أتفسح معاك زي ما كنا مخطوبين بس واحنا متجوزين
نفسي أغير جو ومرهقه شويه محتاجه توديني في حته أغير جو وعارفه انك مش هتكسفني في طلبي
وبلاش المواجهه بأهله دايركت دي
 
حبيبه انا رأيي تسيبيها على ربنا وتفكك من وجع الراس وسيبيه مع اهله وشوفي انت مين اللي بتحبي تروحي وتيجي معاهم او تقعدي معاهم وخليك معظم الوقت مغيره جو وقوليله انا سايبه الاجازه لك مع الجماعة (بلطف يعني) عشان تعوض الوقت اللي بتبعد عنهم فيه
وشوفي انت كده كده كسبانه
اما انك لما تتشغلي بغيره وخاصة في الدخول والخروج هو هيتغاظ ويفضل انك تبقي معاه لوحده ويحاول هو انه ينفرد بيك في اي مكان (للفسحه ما تفهميني غلط) عشان لما يحس انك مش لازقه فيه ولا مهتمه انه يكون معاك هيخاف على نفسه (اصلهم بيخافوا ......!!!!!!!! خخخخخخخخخخخخخخخخخخخخخ

او حتى لو ما كان ده رد فعله كده كده انت الكسبانه انك غيرت موود حياتك والوجوه اللي على طول في وجهك عشان ما تزهقيش لما ترجعي واحساس انك مش رابطاه هيبسطك ويبسطه وشوفي نفسك يابنتي بلا هم هو انت مش نازله تريحي اعصابك من الغربه وقرفها شوفي انت كمان حبايبك وخليك معاهم
 
om-noran قال:
ايمو....

هههههههه....مستنيكي فين..؟؟؟؟
أنقر للتوسيع...


الاستاذ فيس منتظر البيانات دي بسرعه والا هيضطر انه يشوف حد تاني
خخخخخخخخخخخخخخخخخخخخخخ

بجد قولولي اعمل ايه اسجل اي بلد
واي مجموعه
 
لبنى
و الله يا بنتى عملت كده و قولتلوا نروح نفس مكان شهر العسل و كده
يقولى اهلى و مش اهلى استغفر الله يالله خليها على الله

أم حمزه
تسلمى كلامك معقول والله ححاول انفذه باذن الله
 
حروح المطبخ واجى ابص كل شويه
سلاموز موقتوز
 
فكرة يا أم حمزة خصوصا ان الرجاله فعلا بيتغاظو لو انشغلتي وسيبتيهم
بس تعرفي أحيانا الواحد بيبقى نفسها تغير جو مع جوزها وحدهم مش مجرد مع صحبه حلوة رغم فرق الاستمتاع بس تقولي ايه بس
ناس ليها بخت وناس ليها ترتر
 
انا كمان هقوم ريحة الفرخة طلعت واااااااااااااااااااااو

اتفضلوا ......
 
بالهنا و الشفا أم حمزة

لبنى يا مرحبا بالليدى سهرة بوسيهالى
 
نعمل ايه يا ستروبري طالما هم مش عايزين نوريهم ان ناس تانيه تتمنى وجودنا جنبهم
وبعدين اعتقد بيكون عندهم فكره كده والله اعلم مش عارفه صح ولا غلط
اعتقد ان تفكيرهم بينحصر بين حاجتين هم انك كده كده موجوده هتروحي منه فين ولا هيروح منك فين (ضامنين )عارفين اننا مش ممكن مش ممكن هنعرف نعيش من غيرهم (دي فكرتهم اللي اعتقد انها صحيحه)


عشان كده بيتصرف وهو مرتاح المهم يشوف دماغه وراحته وهو محتاج ايه

الحاجه التانيه اننا في غربتنا كلنا الزوجه قدام زوجها 24 ساعه حتى لو هو بيفضل في دوامه وقت طويل الا انه بيئته اللي عايش فيها مافيش غيرنا احنا والاولاد عشان كده هم لهم حق يزهقو بجد ليه بقى لهم حق يزهقوا لان احنا كمان لنا الف حق ان نزهق وخاصة اللي مش بتشتغل مننا وقاعده طول اليوم في البيت منتظرة سي السيد يدخل عليها بالبطيخه خخخخخخخخخخخخخخخخخخخخخخخخ
فيابنات حينا ويا بنات بلدنا ارفقوا بأنفسكن وخللوا اجازتكم راحه ومتعه لكن انتن
مانتوا كده كده راجعين تاني ويرجع الحال على ماهو عليه
وما زلت مصره انه لما يحس انك عذرا للتعبير اللي هستخدمه ده (دلقتيه) وانشغلتي مع ماما ولا اختك ولا بنت عمك ولا بنت خالك ولا صديقاتك
هو اللي هييجي يطلب السماح ويتمنى تخرجي معاه مره واحده
بس الشاطره فيكم اللي ما تعملش كده عند فيه بالعكس تعمل كده وهي عايزه تستمتع بوقتها فعلا وبدون ما تهمل في واجبات بيتها
ساعتها هيتغاظ غيييييييييييييييييييييييييظ ياسلاااااااااااااااااااااااااااااااااااام
قال يعني هم بس اللي لهم اللي يشغلهم لا حلوين احنا برضه نقدر نسوي الهوااااايل هههههههههههههههههه
 
ام حمزه ح ح قال:
شوفي ياستي انت طالما الدكتور اللي روحتي له بتاع الاطفال ما اعطاك نتيجه
سيبك منه وروحي على طول في اقرب وقت على دكتور انف واذن وان شاء الله يدلك على الخير
وحتى لو ودنه فيها حاجه المهم انك هتعرفي ايه اللي بيتعبه وتبدأي علاجه ان شاء الله
اصلي حمزه ابني شفت معاااااااه الحلو كله ههههههههههههههههههههههههه
واولا ما ترضعيه وانت نايمه لان اللبن بيتسرب على ودانهم ويعمل الالتهاب ده
وان شاء الله خير
أنقر للتوسيع...


معلش كنت عند حماتى تحت
الولد يا دوب نام بس صحى تانى اهه سامعه صوته
والله هاتجنن نفسى اقدر اريحه
بس انا عمرى ما برضعه وانا نايمه لانى خدت خبره
فى سوسن
اه على فكره انتى سألتى على اسمى
انا يا ستى اسمى رويدا 24سنه ونص
ليسانس اداب قسم مكتبات من جامعة طنطا
 
انا قلت كلمتين كده على الماشي عشان الحلوين حبايبي ياخدوا بالهم من نفسهم شويه بلا هم خخخخخخخخخخخخخخخخ
 
ياهلا ياهلا رويدا
انت بس احجزي انف واذن في اقرب وقت وكله خير ان شاء الله

انت من طنطا
 
الحالة
مغلق و غير مفتوح للمزيد من الردود.
عودة
أعلى أسفل