ملتــــــــــقى بنــــــــات مصــــــــــــر .......

[ام محمود]

ام نوران جت وحشتينى ووحشونى البطات وخصوصا البطه الصغنطوطه عروسة ابنى ههههههههههههههههه

 

[ام محمود]

طيب انا رايحه انام بقا اشوفكوا فى القريب ان شاء المولى
هحاول اتخانق مع بتوع الاى تى فى الشركة عشان يخلصوا بقا والكابل يركب واقعد معاكو اطول فترة ممكنه تصبحوا على خير

 

[ام محمود]

صحيح اخبار ورده ايه اشتغلت ولا حصل ايه ابقو طمننوى عليها
وام هاجر وحشانى موت
وامانى مبنتش لسه ولا ايه
ابقو طمنونى

 

[rere 123]

بنوتة استني حجاوب عاوزة اخد الدرجة النهائية

 

[om-noran]

زوار هذا الموضوع الآن : 16 (12 عضو و 4 ضيف) بنت اسكندرية, صيته تركض لسّوق, Nada_mans, ام حمزه ح ح, rere 123, هالةالقمر, habeba, sherwetta, تحيا مصر, اسم مستعار, كلبوزه هانم



مساء الخير يا بنات

الحمد لله روحت العيادة وظبطنا التقويم

بس الانتظار هو اللى اخد وقت لان بدون موعد
ورجعت البيت لاقيت حيدر زفت مقرقض قميص زوجي وبوظه خالص
والقميص جديد هئ هئ هئ شكله هيرميهم بكرة

والوطيس راح فين ؟؟

خلاص قفلتوا على الموضوع

عموما

ليا كذا سؤال وياريت كل واحدة تجاوب من وجهة نظرها

س 1 : لماذا تخرج المرأة من بيتها للعمل ؟؟

س 2 : وماهي الاسباب التي تدفع بالمرأة للعمل سواء نفسية او جسدية او فكرية او اقتصادية ؟؟؟

س 3 :وماهي المجالات التي تناسب عمل المرأة وتفيد بها المجتمع؟؟


والبقية تأتي

1-حمدالله ع السلامة..والحمد لله انكم ظبطوا التقويم

2-شفتي..اهو المشروع طلع بياكل القمصان اهو...يعني اللي هاتجيبيه باليمين هاتجيبي بيه قمصان بالشمال..ابقي اقفل القفص يا باتعة ههههههههه

اما بالنوسبة للاسئلة...الاجوبة من وجهة نظري هي كالتالي..مع اني مش هازود عن اللي البنات قالوه حاجة

س 1 : لماذا تخرج المرأة من بيتها للعمل ؟؟

علشان تفيد وتستفيد...هههههه,,,مفيش اكتر من اللي اتقال

س 2 : وماهي الاسباب التي تدفع بالمرأة للعمل سواء نفسية او جسدية او فكرية او اقتصادية ؟؟؟
اسباب اقتصادية...اسباب فراغية...اسباب نفسية

س 3 :وماهي المجالات التي تناسب عمل المرأة وتفيد بها المجتمع؟؟

دكتورة أو مدرسة او ممرضة او خياطة او اوبيبي سيتر..اوهاوس كيبر او محامية في شؤون المرأه او موظفة في بنك قسم نسائي..او في اي وظيفة في القسم النسائي في البلاد اللي مش عندها اختلاط..ولو راحت في شغل مختلط تكون ملتزمه في لبسها الاسلامي وسلوكها

 

[om-noran]

ام محمووووووووووود

اهلا يا اوختي...واحشانا والله...الواد جوز بنتي اخباره ايه من غير اللوز...سيبيه يتدلعله يومين..ربنا يخليهولك...

ريري...

اخبار الشنطة ايه؟؟ فيه جديد ولا خلاااااااااص؟؟

 

[بنت اسكندرية]

س 1 : لماذا تخرج المرأة من بيتها للعمل ؟؟
تخرج المرأة من بيتها للعمل في الحالات التالية
اذا كانت بنت في بيت أهلها لكي تتمكن من رؤية الناس والناس تشاهدها لعلها تجد عريس
وايضا تخف المصاريف عن اهلها ,,,كفاية من يوم ماتتولدت بيصرفوا عليها
وايضا تبتدي تجهز نفسها وتستعد للزواج
اما إذا تزوجت فهنا رأي آخر
وهذه الجزئية حسب شخصية المرأة نفسها مع اختلاف ظروفها
_تكون تزوجت والزوج اصلا متزوجها عشان عاملة لتساعد معه لان ظروف الحياة صعبة وإيد على إيد تساعد ومنها تتحسن اوضعهم المالية وخصوصا ان اول الزواج بيكون قطم وسط وضهر للطرفين.
_ او انها تشعر بفراغ كبير وتبدا تزن على ابو الشباب وتقرف عيشته لحد مايقول لها خلاص اشتغلي وتبدا حياتها الزوجية وهي عاملة وهنا نتفرع لنوعين :
* مراة تستطيع التوفيق بين بيتها واولادها وزوجها
* ومرأة اخري كفة العمل تتغلب على كفة الحياة الزوجية وهنا نلاقي مشاكل لا حسر لها




س 2 : وماهي الاسباب التي تدفع بالمرأة للعمل سواء نفسية او جسدية او فكرية او اقتصادية ؟؟؟

الحالة النفسية
فراغ في حياتها لخروج الزوج من الصباح الباكر ورجوعه بالمساء هلكان وتعبان وقرفان .

الحالة الجسدية
واحدة عندها طاقة تعمل بالخارج وتعمل بالداخل ونشاطها زيادة وتحب تستثمره في العمل

الحالة الفكرية
فيه ستات تحب تؤمن مستقبلها وتعمل لتحوش للزمن
وستات تحب يكون في ايدها قرش ,,,تصرف وتتحكم فيه كيفما تشاء بدون الرجوع للزوج ( ومن حكم في ماله فما ظلم )
فيه ستات تقول ان الست لازم تثبت نفسها بالمجتمع وتحقق ذاتها ويكون لها طموح وامال طويلة وعريضة

الحالة الاقتصادية
ودي صراحة بتكون احيانا مجبرة ,,,وفعلا محتاجة للعمل


س 3 :وماهي المجالات التي تناسب عمل المرأة وتفيد بها المجتمع؟
أغلبية الاعمال مطلوب فيها المرأة اكيد لكن المجالات التي تحتاج لها المرأة عموما ( دكتورة نساء _ معلمة ,,,,الخ ) ودي طبعا كثير جدا
بس المشكلة بالاماكن المختلطة ,,,,لان مش كل الناس بمكان معين كويسين ومش كل الناس وحشين
ودي ترجع للاشخاص اللي بيشتغلوا مع بعض
بس المرأة تستطيع اجبار الجميع على احترامها وطريقة التعامل الجادة في حدود اللياقة والزمالة والعمل

 

[بنت اسكندرية]

ام نوران

ده انا لو بعت حيدر ومراته وعياله السبعة مش هيجيبوا نص تمن القميص

اسكتي بقا احسن ابوهم مولع منهم وعاوز يرميهم ياحرام والخيبة طلع صدمته عليا اناااااااااااااااااااا

انا ذنبي ايه ؟؟

كنت بالعيادة بالبنت ورجعت لاقيته واكل القميص الجديد

 

[om-noran]

انا وانا صغيرة بجد مش بهرج..كان نفسي اعمل مشرووووووووع....

محدش يضحك ولا يتريق.....

كنت عاوزة







كنت عاوزة........


كنت عاوزة أربي معيز....بمووووووووت فيهم...بس هاحطهم فين بأه دول ان شاء الله..دول ياكلوا الشقة بالعيال...اصلي وانا صغننة كانت مامتي حبيبتي ربنا يخليها لينا يارب بتاخدني علشان اكل وتفرجني على كام معزة كانوا بيسرحوا على الكورنيش...واختكم بأه ايه...ضربت صحوبية جامده اوي معاهم..ومن يومها وانا نفسي اربي معيز...ياااااااااااااااه....الا ليت الشباب يعود يوما....فأخبره بما فعل المشيب

 

[om-noran]

ام نوران

ده انا لو بعت حيدر ومراته وعياله السبعة مش هيجيبوا نص تمن القميص

اسكتي بقا احسن ابوهم والع منهم وعاوز يرميهم ياحرام والخيبة طلع صدمته عليا اناااااااااااااااااااا

انا ذنبي ايه ؟؟

كنت بالعيادة بالبنت ورجعت لاقيته واكل القميص الجديد

ههههههههههههه

ماهو طلع من القفص ازاي...ولا انتو حاطينه في الدولاب؟؟؟ :sadwalk:

 

[om-noran]

زوار هذا الموضوع الآن : 15 (12 عضو و 3 ضيف) om-noran, بنت اسكندرية, Nada_mans, rere 123, اعماق البحر, ام محمود, habeba, كلبوزه هانم, اسم مستعار, صيته تركض لسّوق, ام حمزه ح ح, هالةالقمر

كل دوووووووووووووول ناااااااااااااااااااااااااااااس نايمة؟؟؟

محدش يسيب اسمه وهو ماشي

 

[om-noran]

ام هاجر مش ظهرت النهاردة يعني؟؟ لعل المانع خير ان شاء الله

 

[om-noran]

طيب...

مما هو واضح للعيان (ربنا يشفيه..هههههه) ان الناس كلها نامت...

ولذلك...

قررت قرار بلقيساوي...

اني اقوم اتفرج على التليفزيون شوية بأه...الحقلي شوية في البيت بيتك

يالا..

السلام عليكم

ونراكم في القريب المستعجل ان شاء الله

دمتم في حفظ الله وامنه

والسلام عليكم ورحمة الله

 

[اسم مستعار]

لا انتو معاندين معايا كل مافضى آجى الاقيكو زودتوا 10 والا 20 صفحة أقراهم ومالاقيش حد ولا الحق اكتب وبعدين امشي وهكذا
الرحمه بقى

 

[اسم مستعار]

أم حودة حمد الله على سلامته والله وحشتينى موووت ونيستي ع الزنجر ارجعى بسرعه بقه
ريري الحبوبه ازيك يا قمر يا طعم انت
أم نوران قلبتي الدنيا بأسئلتك وقلبتي المواجع
بنوته ههههههههههههه كفايه عليكي عمايل حيدر بلاش اتكلم بقه
أم حمزة منورانا باين عليكي طيوبه
ليا عودة للردود اصلها طويله
لو قفلتو باب النقاش ابقو قولولي

 

[اسم مستعار]

بالنسبه للشغل
أنا جربته سنين ليه؟
بصراحه عشان مهنتي كنت بحبها جدا وكمان الفلوس عشان كان لازم أجهز نفسي
وبعد الزواج حسيته مدمر لي جوانب كتير أهمها مع ربنا ثم مع زوجي وما كانش في ولاد لسه فاستخرت الله وأنعم عليا باني اسيبه وانا راضيه جدا وبعدها جبت جوجا حبيبتي
وبصراحة حسيت بفراغ لحد مالقيت حلول وانتهى الفراغ
ورغم اني بردوة ما عملتش قرش يسندني الا اني واثقه ان ربنا مش هيضرني حتى من غير جوزي هيصرفلي أموري لانه الرحيم
بالنسبه للولاد بنحاول نشيللهم قرش بين وقت والتاني
لكن اني اقصر مع ولادي وجوزي واشتغل دا مستحيل الا لو في سبب قوي وجيه ومفيش مصدر تاني للصرف
الزمن دة كترت فيه الفتن محدش يضمن يبعد عن جوزه وولاده ليفقدهم ويندم
ده رأيي في الموضوع الأول

 

[اسم مستعار]

س 1 : لماذا تخرج المرأة من بيتها للعمل ؟؟

اذا في حاجه ملحه للعمل ولا تجد من ينفق عليها ويكفيها وأولادها


س 2 : وماهي الاسباب التي تدفع بالمرأة للعمل سواء نفسية او جسدية او فكرية او اقتصادية ؟؟؟

نفسيه:انه ينضحك عليها ويتقالها اثبتي ذاتك
جسديه :طاقه زايدة
فكريه:بردوه الافكار الغربيه للضحك على المرأة ليخرجوها من بيتها
اقتصاديه : دي الوحيدة اللي ممكن أوافقها لان مش ليها حل تاني وربنا ما يحوجنا

س 3 :وماهي المجالات التي تناسب عمل المرأة وتفيد بها المجتمع؟؟

أي شغل بعيد عن الاختلاط ملتزم بالحجاب الشرعي ويفيد المرأة والطفل

 

[اسم مستعار]

بصوا بقه
حكايه نسيب أسامينا في الصفحه دي مستفزة ابقوا روحوا صفحه تانيه والا سجلوها في الفيفوريت وارجعولها عشان نعرف مين هنا ومين مش هنا يعني انا قاعدة أكلم نفسي أهوه يبقى أنا هنا
وانتو مش بتردوا يبقى انتو مش هنا
سهله خالص صح

مانامانامانا
أنا ماشيه واياكش أرجع الاقيكو عند صفحه عشروميه ومليون ونص

 

[um-hajar]

السلام عليكم ورحمه الله وبركاته

 

[um-hajar]

صباح الخير


فين الناس اللي بتصحي بدري