ملتزم يكلمني ويبي يتزوجني هل اتزوجه

[غربةاحساس]

السلام عليكم ورحمه الله وبركاته
ياااخواتي ابي استشيركم بسالفه وربي تعبانه منها لي شهرتقريبااناارمله عمري28وعندي بنت عمرها4سنين تقدم لي رجل متزوج ع30وعنده بنت وزوجته حامل هالرجل تقدملي 3مرات ححححيل يبيني وكل ماارفضه يرجع يتقدم من جديد بالاول كنت ارفض لاني بعدزوجي مااشوف الرجال رجال كنت اموت بترابه"الله يرحمه"
بس حسيت عمري جالس يجري قلت بنفسي الحين اناجالسه انخطب وارفض بكره اتمنى احد يدق بابي
وفعلا رجع هالرجل وخطب للمره الثالثه وقتهااخواني اجتمعوابي وقالولي هالمره استخيري وفعلا بديت استخيريوميا كل ليله استخيربه يتقربلي هالشخص بااي شي ثاني يوم ؛ولاحظت هالسالفه وامي لاحظت بعد قلت دام السالفه كذابستمرفيها
ملاحظه/الليله اللي مااستخيربهامايتقربلي ثاني يوم باي شي
المهم بعدماخطبني من اخوي باسبوع ارسل اخته لعندي وجلست معي وكلمتني عنه انوحابني انابالتحديداكون زوجه له لانوسمع عني اني وحده ملتزمه وجميله وست بيت ع قولهم لانوهوملتزم وامام مسجدوبصراحه سمعته طيبه خصوصن انوصديق اخواني ومحبوب جدامن ربعه"
بس بصراحه سمعة ابوه الله يرحمه موبزينه عشان هيك ابوي مومأيدني عليه
الزبده ادري طولتهاعليكم بس اتحملوونييييييي.
دقت اخته عليابعدشهر قلتلهامافي نصيب لاني بربي بنتي ومفكربالزواج بالرغم اني استخررت وشفت رؤيه وفسرتهاوطلع زواج بس انامبي الحين قالت اخوي ينتظرك بس عطيه الموافقه قلت مبي اربطه وبعدين مدري شيصير"
بعدهاجاني مسج من جواله جلس يستفسرليش انتي خايفه ومتردده دامك استخرتي وشفتي رؤيه وقالي انابعدشفت رؤيه وتفسيرهازواج قلتله خايفه من الزواج المهم حاول يقنعني ويحتويني فعلاحسيت معه بالامان بس فهمت منه انوماخذني لديني وسمعتي وشطارتي والاهم جمالي قال اناسمعت انك جميله وحتى اختي مدحت جمالك"بصراحه اناماحبيت هالسالفه،
المهم/مره بالليل دق ع جوالي ورديت عليه جلس يسولف شلون اناامنيته من النساءومايبي غيري :سألته تعرف حريم قبل التزامك قال عرفت واجد"تضايقت بس قلت قبل الالتزام،
وبعدسألته ليش تبي تتزوج/رفض لايجاوبني قلتله من حقي اعرف
قال:زوجتي طيبه وحبوبه وصابره معي ع كل شي بس هذاحقي اني اتزوج من ثانيه دام مراح اقصرمعهابشي
قلت:حرام عليك قال لاتقوليلي كذا
بصراحه اناموقادرااحبهاولاحاس معهابااي مشاعر واحساسي يقول انتي وبس انابي بركان من المشاعر وابي وحده بالحلال واتمناك انتي من بد النساء.
وانامن جدمحتاره واحدكان راعي بنات وقالهالي اناضعيف قدام الحريم
هل ممكن واحدهيك لوامتلكت قلبه خلص ماعاديفكربالزواج من ثالثه بصراحه اخاف يتزوج عليا،
وهوقالي اناابيك حب واحساس اكثرمن اي شي ثاني.وصاريكلمني بالساعات"

تكفوووووووووووووووون تفاعلوامعي وساعدوني

 

[دنيا المجد]

طيب مدام انك خايفه يتزوج عليك !!! نسيتي مشاعر زوجته الاولى...؟؟!!!!!!

طيب موتقولين ملتزم كيف يكلم وحده اجنبيه عنه؟؟!! ويتغزل فيها !!!

لو من جد التزم وماعاد له سوابق مع حريم صدقيني مايكلمك مدام بلغ اخوانك وكلمتك اخته بس يلعب ع الحبلين هذا لو يتزوج كل يوم 4 مايشبع قال اضعف قدام الحريم...؟؟ تخليلي انه زوجك يسوي كذا يترى وش بيكون شعورك؟!!

انا من وجهة نظري تنسين منه والله يرزقك بواحد احسن منه ويسعدك في الدنيا ولااخره...

 

[S.smsm]

السلام عليكم
استمري بالاستخاره
بس في شي حبيت انبهك منه
مافي واحد ملتزم يكلم وحده ماتحل له
يرسل لك ويكلمك بالساعات
وين الايمان اجل
الرجال يدرو حول الحرمه ويغرقها بالكلام الحلو وماادري وش
بس والله لمن ياخذ الي يبي وبعدين شوفي وش يسوي
كنت باقولك وافقي
بس بعد ماقلتي انه يكلمك ويرسل لك فتاكدي انه بيراسل ويكلم غيرك
الله يوفقك

 

[محتاره بدنيتي]

انا رائي من رائ دنيا المجد احسه ما يطمن
مدري استخيري انتى والله يكتب اللي فيه الخير بس اهم شي لا تسووووووووووولفين معاااااااااااااه انتبهى يغرك بكلامه وتذكري انه حرام قبل كل شي ..لاتردي ع اتصاله من ترك شي لله عوضه الله خير منه
الله يسهلك اختى

 

[صمتي يناديك]

دآمه شآريك واستخرتي وآآفقي

أفضل من

انك تضلين تكلمينه بالخفآآ >>


ولاتفكرين بأشياء صآرت زمأن ​

 

[watyn]

بصراحه اختي ابدا مايطمن .
لا كمان يقولك تحلمت نفس الحلم ,وانتي يامسكينه على طول صدقتيه خليه يلعب غيرها
معليش اختي اذ كان فيه خير ماكلمك اخر الليل كان استمر بالخطبه مع الاهل وبس
بس سبحان الله خيره انه كلمك عشان تعرفينه
موضوع خطبتك مايطمن من امور كثيره اول شي ابوكي مو مرتاح
تاني شي واحد يكلمك ويعترفلك له سوابق ومن ورا زوجته المسكينه الحامل اللي ماراعى مشاعرها لا وكمان من ورا اهلك
ونفس الشي بيسويه فيكي اذا اخذتيه
واذا كان مؤدب كان اتصل وماقال تفاصيل لا كان بس ارسل ليه ماتبغيني وبس مايعطيكي نبذه عن حياته
بصراحه اسلوبه مثل اسلوب الشباب اللي يلعبون عالبنات ويضحكون عليهم بالكلام المعسول اللي كله كذب .
ادعي الله ليل نهار انه يسخرلك اللي فيه الخير لكي ولبنتك المسكينه اللي تحتاج واحد يهتم فيها ويحافظ عليها .
اتمنى ماتزعلين من كلامي حبيبتي .

 

[@ســـــارة@]

اختي غربة احساس الله يكون بعونك وويوفقك
بس تبين الصراحة هذا الرجل فيه اشيااااء كثيرة ماحبيتها فيه ولا احب انك تنصدمين فيه بعدين
بالأول اتركيك من موضوع الرؤيا وما الرؤيا...
اول شي موضوع انه يكلمك وانت ماتحلين له هذا مصيبة لا وبعد متزوج >>بالله وش ترك للعزاب واللي موملتزمين قال ايش قال حبيتك والله اني حاسة انه كذاااب(عذرا على الكلمة)
عذره انه ضعيف قدام النسوان>>لا والله ؟؟مافي رجل موضعيف قدام النسوان لكن فيه فرق بين اللي يحترم نفسه ويكرمها واللي ......
ويوم يقول لك انه كلم نسوان قبل الالتزام>>يعني ربي سترك وشوله تخبر الناس بماضيك الله يسترنا دنيا وآخره>>هذه موصراحة هذه يسمونها سذاجة
لا يغرك مدح الناس واخوانك له ولا التزامه لأن الناس ماشافوا الا الجانب الحلو فيه غير كذا هو بين لك انه يبيك عشان جمالك يعني الدين مو فارقة معه >>والله انا خايفة انه من النوع اللي يتستر بالدين عشان يلقى القبول عند الناس وهذه النوعية مريضة وتمرض اللي معها..
انت لو ماجربت الزواج قبل اقول لك الله يسخره لك ويهديه لكن انت عفت الرجال بعد المرحوم وراح تظلمينه لو قارنتيه بواحد اقل منه بكثييييير
هذا رأيي واتمنى انك ماتزعلين منه لكن والله تعاطفت مع قصتك وشفت من واجبي نصحك
والرأي الاول والاخير لك والله يعوضك في الدنيا والاخرة ويقر عينك بما يسرك

 

[زوجة منسية]

أنت بنفسك ماتقبلتي فكرة إنه ملتزم ويكلمك وحاطه هالشي عنوان لموضوعك!!
العقل يستهجن كل ماهو غير مألوف ،وهذا اللي جالس يصير معاك.
لا تكلمينه حتى ما يعلقك فيه أكثر لأن شكله يعرف من أين تؤكل الكتف، وقاعدة أتمنى إنك ما تنسينها أبد عمر الحب قبل الزواج ما أدى لحياة ناجحة بعده لأنه ما بني على باطل فهو باطل والمنتدى مليان قصص اختاري وإقرئي.
الله يفتح على قلبك ويبعد عنك أولاد الحرام.

 

[Hno0odah]

بصراحه هذا التزامه مشكوك فيه
اول مره اسمع عن ملتزم ويغازل
بالعاده الملتزم يستحي يحط عينه في عين مره
مش بس يكلمها
انا من رايي اتعيدي واتصلين الاستخاره واذا انت مرتاحتله ربي يكتب اللي فيه الخير

بس صدق حرام زوجته مالها ذنب

وهو شكله من النوع اللي يببص
اليوم حبج انت .. ومن اتكونين ملكه ويشبع منج احس انه راح يدور وحده ثانيه عشان تملي الفراغ اللي في قلبه << هذا رايي فيه

 

[الأميره الناعسه]

أول شئ تصرفاته لاتمت للإللتزام بصفه وشلون يكلمك وأنتي أجنبيه عنه شكله عيونه زايغه وراعي حريم وأنتي مايجوز تكلمينه وتشاركينه بالأثم وبالساعاااااااااااات

 

[تشكرات]

انا وبصراحة ماعجبني طريقة كلامه عن زوجته الاولى وشريكة

حياته ....هذا وهو ملتزم يقول كذا >> ( خلف الله على التزامه )

( الدنيا ملئت بالمنافقين ) ....والالتزام الذي يدّعيه ..ماهو الا ( واجهه )

ليدخل من خلالها على ( مايريد ) ....والعياذ بالله ...

فيه عدّة نقاط :

يذم في زوجته ..

يكلّمك وانتي ( لستي محرم له )

والدك غير مرتاح لهذا الامر ..

زوجته الاولى شابه وصغيره ...يعني ماعنده عذر حقيقي للزواج

باخرى .....
..................................................................
اذا تبغي نصيحتي ...لا توافقي ...وأعرضي عن هذا الرجل ..

ومايحتاج تستخيري ...( فالاستخاره >> لمن نرضى بدينه وخلقه )

 

[وحيده في دنياي]

وين ملتزم وهو يكلم
لو انه ملتزم ماكان كلمك بالساعات
وكان دور له على ثانيه بعد مارفضتيه
الجمال كثير ومتواجد
حتى لو يبيك مايكلمك الزواج مو غصب

والله يوفقك

 

[Bounty~]

اللي عرفته منش

مميزاته :
ملتزم
متمسك فيش

عيوبه :
متزوج
و ضعيف امام النساء
و همه الجمال
ويكلم وحدة لا تحل له و هو ملتزم


فكري زين

 

[ام اليتيم]

اللة اعلم ماودنا نظلمة بس اصرارة غريب وكيف يكلمك وكيف تقبلى تكلمية ؟؟ واللة الحل الفيصل اهلك ولاتقوليلى حبوب الرجال خارج بيوتهم شكل وداخل البيت شكل تااااااااااااااااااااانى .. بس اهم شى وقفى مكالماتك معة . وشوفى الموضوع من كل الجوانب... واللة يوفقك

 

[الثرياا]

لاحول ولاقوة الا بالله اللهم لاتجعلنا اهون الناظرين اليك
تصدقيييييييييييييين ان ضغطي ارتفع ياحبيبتي انتي جربتي الزواج وتقدري تحطي نفسك مكان زوجته لو خانك زوجك وجلس يكلم الحريم وفوق هذا يسبك
انا لا احرم شرع الله بالزواج ولكن الطريق اليه والسعي الحرام
لا وماشي معاك على الخط ومصدقااااااااااه
اللي ابغا اقوله والله لو كان يخاف الله ومحترم ماارسل ولا كلم اخر الليل وافهميهاااااااااااااا
لو قالو لك يصلي طول النهار والليل لانه انتهك محارم الله ومن انتهك محارم الله خافي على نفسك منه
وخذي فرفره بالقسم وشوفي كيف انخدعو النساء بالمتخفي بالدين والعباده لان بعضهم اخذها ستااااااااااار له
والله ثم والله لو تقدم لاابنتي رجلا وفعل هالفعله وجلس يسب بزوجته لاارفض ولاارضى لها الزواج لان اللي ماقدر العشره لاام اولاده بيقدر العشرة لغيرهااا
لالالالالالالالالالالالالالا والف لالالا فأافيقي وحكمي عقلك ورتبي افكارك وضعي نفسك مكان زوجته ولاتجعلي لكلامه مكان في قلبك
لان هذا كلام الرجال واعذارهم عند الزواج من غيرهااااااااااااااا
هذا مجرد رأي واعذريني على الكلام ان اخطأت والله ماذكرت ذلك الا خوفا على اختا لي في الله لان الرجال صارو يستخفون بعقولنا ومن توفى زوجها او طلقت يضنووون انهاااااااااااا تموت عليهم وتتمنى اي رجل فقط لو كان فيه ماكان فلا حول ولاقو الا بالله

وحكمي غقلك لو كان يخاف عليك ويتمناك لالالالالا يطرق الا الباب ولايأتي من الشباك ليستدر عطفك
احذرييييييييييييي الف مرررررررررررره وانتبهييييييييييييييي :25:

 

[احلى قمر]

والله ياعيوني البنات ماقصرو كفو ووفو وانتي الان المر لك سواء بالقبول ولا بالرفض
بس حبيت اوضح لك نقطتين
اولا لاتكوووني مث ماقال المثل صاص وصااام وافطر ع بصل يعني تردين كثير بعدين تقبلين بواحد من كلامك مخلي الدين والالتزام الشي اللي يجذب.
ويوم تسالينه عن زوجته عمره ماراح يرجع الغلط عليه. وكيف راح توافقين ع شخص اولا خان دينه وخان زوجته وهي في وقت تكون محتاجته يعني اعرفي بيجي يوم وبتذبل زهره الحب حصوصا اذا حس بالمسؤليات عليه وبيدور ع زهره ثانيه. يعني بالعربي الله لايبلانا هو رجل يعشق النساء وهذا ابتلاء من الله وعمره ماراح يشبع منهم(اللهم عافه يارب). و اعرفي عندما يضعف الإيمان بالله بقلب الإنسان يتجرد من كل معاني الأخلاق السامية.
حبيبتي انتبهي ع نفسك لانك جالسه تسوين شي حرام وغلط لانك تكلمين رجل اجنبي ويعطيكي من كلام الحب واعلمي انك محاسبه ع كل كلمه قلتيها وكل كل سمعتيها منه وبيحي يوم ومثل ماخان زوجته وسمحتيله يكلمك بيجي يوم وبيصير لك نفس الشي.
الدنيا سلف وين ودقه بدقه .​

​

 

[مستشاره اسريه]

من صدقك انتي هذا رجال ملتزم----
هذا يسمع بالالتزام؟؟؟استغفر الله
وانتي يابعدي مصدقه ؟؟؟
من جد انسان مو مظبوط --فكري زين
بالله عليك تثقين في هالاادمي انه يكون زوجك------------------------------------
ويش السبب اللي خلاه يحبك وهو مايعرفك؟
ويش المبرر اللي يخليه يكلمك وانتي ماتحلين له؟؟
وين الدين ؟؟والطوع والايمان؟؟
الله المستعان صار الدين لحيه وثوب قصير ومسجد ومن داخل يعلم الله --هذا دينه على كيفه حبيبتي------
بما انه ارسل اخته تكلمك خلاص تكون واسطه ماله داعي يتدخل هووووووو
فكري زين حبيبتي ؟؟؟؟

 

[صدمتيز]

اسمحيلي ما كل من قال ملتزم طلع ملتزم اصلآ لو كان يخاف الله ما تكلام معك من غير حق
و مع احترمي لك جالسه تقولي اخاف يتزوج عليه وانتي اصلآ ما انتي زوجته يا ترا فكرتي في زوجته
لي ما تدري وش جالس يسوى من وراها
انتى كان تصرفك غلط يوم تمديتى معاه و عطيتيه فرصه يتكلام معك من غير وجه حق
لا تدخلي نفسك في معمعه انتى في غنى عنه بكره بقولك ليه اجل كنتى تكلمني
صدقيني غير يتصرف معك تصرف تندمي عليه لا يلعب عليك بصورة الملتزم وهو بعيد عنها

 

[حدي شموخ]

الزواج مسؤلية كبيره ولو الرجل يعرف ويقدر المسؤلية ما تزوج على زوجته وهى لسه صغيره ويمدحها في صبرها واخلاقها لأنه راح يرجع لها ويحن عليها دائما الرجل حبه الأول ما ينساه أبدا

يمكن احد حاط في راسه فكرة الزواج مرة ثانيه وخاصة اذا الزوجه حامل انتبهي لكلامي كثير يتزوجون على الزوجه الأولى وهى حامل يفتكرون إن الثانيه او الثالثه ماراح تحمل ولا تريد عيال ابدا

ملاحظه:

الرجل المتدين الملتزم ما يكلم او يرسل مسجات لوحده من دون علم أهلها وين الدين راح وين راحت حفظ صداقة اخوانك معه علشان نزوه وعلشان يمنيك بامنيات ماراح ينفذها ابدا ويا خوفي يندم على زواجه المبكر مرة ثانيه وأنت الضحية

​

 

[دلع ولكن]

غربه احساس

انا مع الاخوات تماما

امره غريب بس لاتسمحين له يكلمك يااختي لاتضعفين امام كلامه الرجال بياعين كلام

استخيري والله يرزقك بالزوج الصالح الي يعينك في الدنيا ويعينك ع آخرتك