مكواه البخار ايش رايكم فيها؟؟؟

[بسمةحب]

الموضوع باين من عنوانه
ودي اشتري مكواه البخار بس متردده شوي لاني خافيه ماستفيد منها :30:فياليت تفيدوني وتكونوا مجربينها وهذي صورتها ابغا الرد بسرعه تكفوون...

 

[نبضات زهرة]

أبدا ما راح تنفعك لأنها جدا متعبة و بطيئة و يبغالك واقفة على طووووووووول إلى إنتهاء الكوي و زوجي لما سأله قال له الرجال ان الناس أكثر شيء تستخدمها لفساتين الأفراح و العبايات

الأفضل اللي مثل اللاندري ( المغسلة اللي في الشارع ) اللي تنطبق
ممتازة و سريعة و بامكانك وضع أكثر من قطعة مثل ملابس الأطفال مرييييييييييييحة جدا

و بالنسبة للسعر ما تنقص عن 500 ريال
و الأفضل تشتريها من مكان يعتمد تصليحها مثل ساكو و هذه الشركات ​

 

[بسمةحب]

نبضات زهرة مشكوره اختي بس الكاويه اللي تقول عنا موجوده عندي ومااستخدمها احسها متعبه
ثانكس على المرور

 

[حلمي أنا]

هلا اختي
انا عندي مكواه بخار احسها مريحتني الحمد لله
بس فيها عيب لمن تسخن مره تحرق لاقدر الله اذا ماانتبهتي واذا صارت تخرج مويه كتير تبلل القطعه مدري كيف اشرحها يعني لازم تنتبهي وانت تكوي
واذا عندك اطفال تنتبهي لهم من الحرق لانه بخار زي بخار القدر على النار ساااخن
حرقت اولادي بس صرت انتبهلهم
وعموما انا مااعرف اكوي غير فيها ومريحتني بالذات لمن بخرج تكوي بسرعه ماشاء الله
اذا متردده استخيري واتوكلي
وصحيح انا تبعي صناعتها امريكي افضل وب600 او 700
لانه افتكر خربت المكواه حقتي لمن وديناها للراجل يصلحها قال لو امريكي اصلحو لو ياباني مدري صيني لا مالها قطع غيار والياباني ارخص اظنها ب300
انتي قبل ماتشتري اسالي لها قطع غيار وكده
انا وحده جربتها عندي وعجبتها والان مشتريه الياباني مدري صيني وتمدحو نفس الي بالصوره الي لونها ازرق

 

[بسمةحب]

تسلمي حلمي أنا بس ممكن سؤال تنفع لكوي الثوب والشماغ ولا لا؟؟؟

 

[حلمي أنا]

هلا بسمه حب
بالنسبه للثياب جربتها تماام
والشماغ لا ماجربتها بس لمن تجي من المغسله اشيك عليها خفيف

 

[ام متعب33]

لااا والله اني شريتها ومن ياربي ذاك المحل المعروف حق الدعايات بس نسيت اسمه
المهم والله مااستفدت منها لازم توقفين ومو عمليه

عندي اللي مثل كذا احسن
تريح

 

[عصفر]

حلو بس انتبهي للماء اجعليه حلو

 

[اوتار الشوق]

انا مجربتها يالغالية..روعه ومريحه جدا للثياب والفساتين والعبايات والبشت وكل الملابس بس لازم وانتي واقفة انا عندي العاديه مخليتها للشغالة بس البخار عندي في قسمي اي شئ حساس واخاف عليه اكويه بها واولادي الله يسعدهم الكبار اذا هم مستعجلين وانا مو فاضيه يكوون بانفسهم في ثواني بس انا ماخذه ماركة( ام جوي)ب350تقريبا من بنده ورائعة ..​

 

[بسمةحب]

يسلمون كل اللي ردوا علي ماقصرتوا

 

[حبة شوكولاتة]

خالتي اخذت وحدة نفس الي انت حاطتها ابيض واسود من بندة زي ما قالت الامورة اوتار الشوق وتمدحها مررررة ومريحتها ونصحتني فيها بس قالت ثياب زوجي تعبت لانها واسعة فتوديها للمكوجي المهم ما شاء الله تبارك الرحمن عندها خمس اولاد وبنت وكل الكوي عليها والله قالت لي استغرب من الي تكوي شراشف السرير واقول هذي فاضية انا اليوم الحمد لله اكوي حتى شراشف السرير

اتوكلي على الله وخذيها ومشكلة الوقوف اجلسي على شي مرتفع واللبس ثبتيه قدامك بعلاقة والله يوفقك

 

[مهاجرةبإحساس]

عزيزتي انا عندي زيها... مريحه صح لكن الاشمغه ما اتوقع تكويها
اللي ما اعجبني فيها كمااان..الثنيات اللي في الثياااب ماتضبط معااااايه
زوجي دايم يكوي ملابسه فيها اذا مستعجل لكن انا تندمت اني اخذتها..

 

[حبيبة روحها]

ماانصحك فيها مو عملية ابدا ومملة

 

[nibraas]

هاي
انا عندي اشتريته من اكسترا حوالي ب500 ريال لونه ذهبي الميزه الي فيها انه تقدري تتحكمي بالحراره مثلا لو تبغي للستاير تحطي البخار عالي و العبيات على للهادي
مره ريحتني من العبيات اكثر شي

 

[شقــآوة ورده]

طيب وانا محتاره ايش اخد اعرف مكوى البخار العاديه واحس هدى ماتستخدم غير في الحلات

 

[الراسيه11]

مكواة البخار الاخيرة اللي نفس اللي في المغاسل الي تكون بالكبس ام غطى من شركة كريستال عند ساكو على طريق خريص سعرها 600 فقط مريحة جدا و عملية ومثل ملابس الاطفال صفطيها مثلا ثلاث بلايز وحطيها مع بعض جنب بعض وسكري الغطاء و اظغطي البخار النتيجة مكوية من جميع الجوانب و لاتحرق ابدا انا مجربتها لها عندي (3) سنوات اتمنى اني افدتك يا عمري (او تلقينها في الشتاء و الصيف ) الى اللقاء:14:

 

[الراسيه11]

السلام عليكم ورحمة الله وبركاته
مكواة البخار اللي لها غطاءمن شركة كريستال ب(600) ريال من ساكو بصراحة عمليه ومريحة وتكوي حتى الاشياء الكبيرة صفطيها ودخليها واكبسي البخار و ملابس الرجال والشمغ بصراحة فضيعه و ملبس الاطفال ما يحتاج تكوين كل ثوب لوحدة صفطي مثلا ثلاث بلايز و حطيهن جنب بعض و اضغطي عليهن تكويها من جميع الجهات و لا تحتاج تقلبينها توكلي على الله واشتريها و الى اللقاء عزيزتي :14:

 

[ندى ورد]

موضوع مفيد لكن حيرتونا ناس تقول مريحه وناس تقول متعبه

لكن بتوكل على الله واشتريها واجربها بنفسي ان شاء الله

يعطيكم العافيه

تقبلي مروري

لك ودي?

 

[sarahcmpunk]

موضوع جميل يعطيك العافيه ًًً