مقهوووووووووووووورة ومجروووووووووووووحه..

[سرااااااااااب]

مرحبا بنات .. انا مسجلة جديدة.. وعندي مشكلة مع زوجي اتمنى تساعدوني في حلها .

اول ما دخلت المنتدى جت عيني على موضوع الاخت )اموت بحبه( اللي كشفت مع زوجها جوال وحامل بعد .. قلت تؤامي الروحي هنا نفس المشكلة ..

امس طلعت مع زوجي نقضي اغراض للبيت .. ونزل هو السوبر ماركت .. وانا عندي مولود عمره 8 اشهر وحامل بعد بالسادس .. المهم .. حطيت ولدي بمكان ابوه قلت الين يرجع ..طلع لي الجوال في باب السيارة وعلى الصامت.. جتني رجفة مو طبيعية .. زوجي مستحيل ..فتحت الجوال وشفت الرسائل واسماء البنات .. انقهرت .. كنت باصرخ باعلى صوتي .. لكني سبحان الله جلست استغفر واقول اعود بالله من الشيطان .. يارب دلني على الطريقة الصحيحة لهالموقف .. وشلون مسكت اعصابي مع انها مو من عوايدي .. مادري ..خبيت الجوال في شنطتي .. واول ماجا قال كيفك... قلت حياتي )اتصرف ولا كأنه شي صار )ولدك تعبني وحاسة بالم في بطني رجعني البيت وفي الليل اطلع كمل الاغراض.. المهم رجعني البيت وجاب الاغراض اللي شريناها ورجع السيارة دقيقة بس وطلع وانكشف الموضوع .. حاول يتكلم معاي بس انا كنت منهارة .. وشوي هديت جدا .. الا بردت تماما .. لية ؟؟ مادري .. كسر الجوال قطعة ..قطعة .. قدامي ,, وانا اطالع فية بسخرية واقول .. تقدر تشتري غيره.. قال لا والله انها غلطة تبت منها من زمان لكن ماتخلصت من الجوال .. قمت اناقشه في الاسماء والرسايل.. ومتى وكيف وليه وكم ؟؟؟؟؟..... و..و.. لكني خارجيا باااااااااااااردة وهااااااااااااااادية مادري مصدومة والا وش السالفة.. لدرجة انه تعشينا مع بعض زي كل يوم عااااااادي .. لكن داخلي ناااار .. وادا جلست لوحدي ابكي بحرقة .. وشافني قام يبوس راسي ويعتدر ويحلف انها نزوة ماراح تتكرر ..قلت له وديني لأهلي الى بعد الولادة ونتفاهم .. قال مستحيل ..قلت له ادري اني حملت مرتين ورا بعض مابينهم فرق ويمكن قصرت معاك غصب عني لكن مايبرر لك قال .. والله ماقصرتي معاي والموضوع ماله علاقة فيك..لكن كان حب استطلاع.. وتجربة جديدة.. ونزوة بس..
طبعا معطيهم الاسم الحقيقي.. ووظيفته الحقيقية.. وقال انه متزوج من سنة .. وحنا لنا 5 سنين متزوجين.. ومعطيهم ايميله ورفض يفتحه لي وقال راح الغيه.. طول امس حاولت اخترق ايميله ماطلع معي شي.. تعباااااااااااانة جدا حسو فيني ارجوكم..
طبعا اليوم صحيت وردة فعلي اقوى توني استوعبت وكارهته ومادري كيف اتعامل معاه ..قلت له ماراح افضحك ولا باقول لأحد ابدا..لكن طلقني .. وينتهي اللي بيننا.. قال مستحيل اطلقك وخلاص انسي نزوة وما تتكرر..
دلوني وش الحل .. احس بجرح عميييييق.. تعبااااااااااانة جدا جدا .. والله اني طول اليوم من كنبة في الثانية ماسويت شي مفيد ..مشووووشة تماما .. ابي اسافر لأهلي ارتاح وبعدين اقرر.. لكن خايفة اني ارجع والاقي خيانات اكثر.. وخايفة اتعامل معاه عادي يقوم يستسهل ردة فعلي وما تفرق معاه مرة ثانية.. ومو قادرة اصدقه .. وفقدت الثقة فيه وفي نفسي اكثر .وحاولت ارسله رسالة وهو في العمل ماطلع معي شي اقوله.. حسيت كل الكلام .. وكل الانفالات ماتساوي شي واقل من الموقف ومافي كلمة وحدة تعبر عن اللي بداخلي .. حتى البكا والصراخ .. وتكسير الاشياء.. كلها ماراح تريحني وماراح تعبر عن النار اللي في داخلي .. واسوني وشورو علي ارجوكم ..

 

[مشاعر مهمله]

الله يكون بعونك ويسخر زوجك لك يا رب

 

[MNN]

اجلسي ببيتك بس لاتعطينه وجه ولا كانه موجود طنشيه واحقريه حسبي الله ونعم الوكيل على بنات الحرام
الله يسخره لك ياااااااااااارب ويبعد عن رجالنا بنات الحرام
قومي بوجباته بس لاتعطينه وجه ابد اقسم بالله انقهرت اعوذ بالله بس

 

[ياربي انصرني]

بما انه قال لك نزوه سامحيه واعطيه فرصه ولاتضايقين نفسك وانتي حامل ومحتاجه ان تكون نفسيتك مرتاحه

عند الله سعه تعوذي من الشيطان واستثمري اعتذاره من صالحك واحتويه وهو الان عرف انك جاده في كلامك

واحمدي الله انا اقرأ الكثير من المشاكل تجدين الزوج لايهتم بزوجته وعادي الخيانه عنده ويقولها عاجبك او
روحي بيت اهلك ---ويكلم قدامها بل البعض يتحدث عن عشيقته000 امام زوجته00

لكن زوجك تدارك امره ولازال متمسك فيك ومايقدر يهدم اسرته لذلك استثمري ذلك بنصحه وتخويفه من الابتلاء وان يبلاه الله في عياله وصحته خوفيه بالله --- وا هذا الطريق لايزيده الابعدا عن الله000 ساعديه على تجاوز هذه السقطااات00

اسئل الله العظيم ان يغنيه بحلاله عن حرامه ويسخره لك وتولدين بالسلامه ويهون عليك في طلقه ويحسن خلقه وينفع به الاسلام والمسلمين امين000

 

[سنتوريا]

ياعمري الله يكون بعونك
دايما الوحده تنهار وتبكي وتحترق وتفكر بالطلاق وكل هذا يتلاشى ويبقى انه زوجك وابو عيالك واحمدي ربك انه ماصار يجاهر بهالشي ويغيضك ويقولك الباب ياسع جمل!!
تبين نصيحتي وانا اختك ؟؟؟
انتي شدي حيلك معه بمعرفة نمطه والتقرب وسد حاجاته وكل ماحسيتي بضيقه الجئي لله بالصلاة والدعاء وهذا هو الحل اللي راح يفيدك ويسعدك
على فكره انا مثلك حامل في السابع ومن كم شهر كشفته وسويت زي ماقلت لك ...تحديت عشيقته ورجعت لربي ..

 

[فجر القصيم]

هلا اختي الله يكون في عونك ويسخره لك ويعينك ويهون عليك
اختي نصيحه مني لاتتركي بيتك كثرين ندمانين علي ترك بيوتهم بعدماتزوجو ازواجهم ويتمنون ارجعه بالعكس تخالينه للخيانات اجلس معه وراقبيه
والله يعافيه ويعصمه اميننننننننننن

 

[قصه الم]

الله يكون في عونك
سامحيه يمكن صادق وعيشي حياتك وحبي زوجك
ولا تخلي مجال لبناتبيلس

 

[حياتي لعيالي]

الله يكون بعونك ونصيحه لا تتركي بيتك عاقبيه واتني في البيت قومي بحقوقه من اكل وتنظيف لكن لاتكلمينه فتره لين تهدين وحلفيله ان هذي المره راح اعديها عشان العشره والولد الي بينا والي جاي بالطريق لكن اذا تكررت مره ثانيه ماراح افكر بعقل وانك ماراح تقعدين عنده ولا دقيقه والله يهديه ويسخره لك
وواضح انه ماعنه خبره عشان قال اسمه ووضيفته الحقيقيه وانه فعلآ حب استطلاع بس لازم يتعاقب عشان ماتتكرر

 

[مــــرح]

شوفي انا بقولك اول شئ طنشيه فتره عشان يكره نفسه وماعاد يكررها والشريحه لو تخليها عندك كدليل لو انك خايفه يكررها مره ثانيه ..ووخذي فنره استجمام روحي عند اهلك لو اسبوع فكري كيف تضبطي اعصابك ..اكثر وان شاء الله ربي يلهمك الصح في اسلوب التعامل

 

[ورده رومنسيه]

اغلب البنات مرو بنفس المشكله بس هنا الشطاره كيف تحافظي على بيتك ووزوجك
وكمان توقفيه عن حده يعني العصبيه ماراح تفيدك بالعكس ممكن تتخذي قرارات تندمي عليها
طول عمرك لا تنسي وانتي تفكري ولدك والبيبي يالي جاي بالطريق
يعني لازم تحسبيهااا صح
على فكره في رجال كثير صار معاهم نفس النزوه واول ماانكفشوووو وخافو ينهدم بيتهم بسبب نزوه
بطلو حركات مراهقين صدقيني ذا مو كل الرجال اكيد اغلبهم بس مانقول خلاص ونترك الجمل بماحمل
هدي شوي وفكري زين وياليت تنسى حكاية بيت اهلك وان شاءالله ربك يوفقك ويسر لك امورك وتقومي بالسلامه

 

[سرااااااااااب]

اشكركم من كل قلبي .. والله اني ارتحت لماشفت ردودكم .. لأني لجأت لكم بعد الله تعالى ولحمد لله ما خيبتوني.. انا جالسة ببيتي وزوجي ندمان ويعاملني بكل حنية ولين لكني خايفة اثق فيه وانجرح مرة ثانية..
اسأل الله ان يسخره لي ويبعد عنه الحرااام وبنات واولاد الحرام ويسخر كل زوج لزوجته .. اشكركم على تفاعلكم ويارب مايصير الا كل خير...

 

[وهج الشمس]

ولا اجلسي في بيتك ... خلاص نزوة وان شاء الله مايكررها
بس لازم تطنشيه كم يوم
خليه يحس بحجم الغلط الي سواه
لايستسهل ويحس ان رضاكي سهل
لاتقصري معاه عشان لايلقى سبب عشان يستمر في الغلط
الله يعينك والله حاسة بالنار الي جواكي ... اسألوني انا عنها
الله يعين بس