مقهووره حسبي الله عليها

[قهر وألم]

السلام عليكم


مدري شلون ابدا


انا عندي خالتي اخت امي


امي متووفيه


وهذي مسوويه نفسها بمثاابت امي


والله يابنات ها الانسان كانت دااايم تجرح المرحوومه وكانت دوووم تبكيها


المهم كبرنا ومرت السنييين ونسييت سوياها الشيينه في امي


انا قااطعتها بعد ماتزووجت لضرووف حيااتي وبيتي وانشغال الحياه بعد الزوااج



المهم قبل سنتتتين دعت علي ب اني ما اجيب عياااال والحمدالله ع كل حاااال ياربي


الى الان لم يرزقني الله بعيال وانا لي 3 سنوااات متزووجه


وتخيلووو لها 3 سنواات تقرقع بقلبي


نفسي اقوولها كنت انتي دعييتي علي وانتي وانتي



المهم عاد مررت الثلاث سنوات ونسييت دعوتها علي ووكلت امررري لله



بس مو قاادره انسى دعووتها اتذكرها كل بعد لحضه



المهم


اول يوم با العيد قلت لازم ارووح اعاايدها واسلم عليهاااا


ووجيتهاا في الليل


وسألتني شلوون زوجك وياك وشلوون حيااتك



انا كأني ماصدقت ان احد يسألني


وجلست اقولها مو مرتااحه وخااطري احمل وهو يضررب وهو عصبي


قلت كل شي عن حيااتي


والله العضيم والله يشهد علي


اني رجعت بيتي


مااقدرت انااام اقوول شلون قلت لها عن حيااتي شلون عرفتها ان زووجي عنده مشكله

في الانجااب شلووون وقعدت ابكي وندمت ندم مو صااحي



وتخيلووو يابنااات البارح وصلني كلام


انها قالت لفلانه وعلانه


ان زووجي عنده مشكله با الانجااب وانه يضرررب وانه وااانه


يعني نشرررررررررررررررررررررررت غسيييلي كله




في قهررر مو صااحي ابكي من القهرررر



لييش مثلت علي انها طيبه ولليش تسووي نفسها انها بمقاام امي



ياويلي ان وصل لزووجي اني حكييت ل احد عن اللي يصير في بيتي

لا احد يلووومني اني حكيت لها


انا مخنوووقه من وضعي

مااصدقت احد يسألني


ابي اوااجها ابي اكلمها

قاااهرتني


وش اقوولها


كيف اقولها انتي مو كفوو تصيررين خالتي

 

[أسماء زكي الدين]

وفيم ينفع الكلام والعتاب واللوم الآن؟!

والكلام اللي انتشر لما يوصلك انكري أنه يحدث من زوجك أو انك قولتي لها أي شيء حتى لو وصل إنك تقولي إن خالتك فهمت غلط فقولي لكن دعي الأمور ترمم ... وحتى يمكنك أن تقولي إن زوجي طيوب وحنون ووووو وامدحي فيه حتى تغلقي هذا الباب ويقف شلال الكلام اللي فتحتيه وتعلمي من الدرس ...


أما خالتك فهي أخت أمك ورحمها فلا تقطعيها لكن احذريها ولا تنسي أن ذلك من صلة الرحم ... ​

 

[حبيب قلبي123]

الله يعينك الحين الي صار صار وماينفع الندم وخالتك الله يهديها ليش تنقل كلامك انت ثاني مره خليكي حريصه ولاعاد تامنيها على اسرارك واذا وصل لزوجك كلام سوي نفسك ماتدرين عن شي
والله يرزقك الذريه الصالحه انت وكل محرومه

 

[رندا كووول]

مع الاخت اسماء

 

[نجـــــاح]

حاسة فيكي والله ..

وضعك صعب وتفتقدين امك اللي تريحك لما تفضفضيلها


لكن مادام هذا وضعك حاولي تتكيفي

وخوذي الأمور ببساطة وسلاسة


يعني لا تذكري زوجك الا بالخير عند الناس

لو احد سألك قولي الحمد لله واشكري بزوجك بدون مبالغة ..


وبالنسبة لخالتك اذا شفتيها مرة ثانية

وسألتك قولي الحمد لله اموري تماأأأأأأأأأم ..

والرزق بيد الله وانتي ادعيلي يا خالة ,, وووبسسس


وع طووول غيري الهرجة لا تعطيها فرصة تاخذ راحتها بالاسئلة

وانتي بعد عارفة نفسك تزلين وبعدين تندمين


غير ي الموضووع وخلي السوالف عنها هي واوحوالها ..



والله يرزقك بالذرية الصالحة لاتشيلي همممم ..




>> اي وبالنسبة لدعوتها :::

انتي ادرى هل ظلمتيها او تطاولتي عليها او عايرتيها مثلااا

وبعدها دعت عليكي ؟؟


او هي دعت عليكي من غير ذنب بس كذااا ...!!


اذا انتي ما غلطتي عليها فلا تظنين ان السبب

في تأخرك في الخلفة هو من دعوتها عليك !!


لأن الله لا يقبل الاعتداء في الدعاء

وفي معنى الحديث :


(( يستجاب للمؤمن ما لم يدعو بإثم أو قطيعة رحم ))



وان كنتي غلطتي عليها :

فطيبي خاطرها واستسمحي منها ..




والله يشرح صدرك وينور بصيرتك

ويسخرلك زوجك .

 

[رازيا]

خلي علاقتك بخالتك رسمية جدا وزوريها في المناسبات وعلاقتك مع زوجك لا تقوليها لاي حد الا لصديقة مقربة وتوثقين فيها وعليك بالدعاء انه الله يكفيكي شرها ويشغلها بحالها وانه الله يستر عليك وما يفضحك وان وصل الكلام لزوجك انكري وخلاص لا تنسي كل ليلة تقومي الليل بركعتين وتدعي الله يستر عليك

 

[اقوى من الايام]

شوفي خليها تهرج للصبح
حسبي الله عليها
انتي خليكي واثقه من نفسك
واي احد يسالك قولي مو صحيح هي تكذب
انتي اتخيلي نفسك ماقابلتيها ولا علمتيها بشي وشوفي ايش حتكونين ردة فعلك بتكونين ماهمك وواثقه من نفسك انك ماعلمتيها
خليكي واثقه كانك ماقلتي واي احد يقول لك حاجه انكري
وتاخرك بالانجاب ماله علاقه بدعائها
ربي عادل مايستجيب لدعاء ظلم بدون وجه حق
طالما انتي ماظلمتيها ولا اذيتيها ان شالله دعائها مايضرك باذن الله
واجتهدي والحي على الله بالدعاء يكفيكي شر السن الناس ويرزقك بالذريه الصالحه يارب

 

[قهر وألم]

الله يستر ويوفق كل من ردت علي ويسخر لكم ازوااجكم يارب

والله انكم رييحتووو قلبي فديتكم

والله انكم اخواات وحبيبات وحكيكمات ماشاء الله عليكم

وهي والله ماظلمتها بس اول سنه زواج قالت كشفتو ليش لك سنه ماحملتي قلت ايه انا ماعتدي مشكله

هو تطلع نتيجة تحليله بعد يومين ورفعت ايدها لسماء وقالت يارب يطلع البلا فيه ولا يجيب عيال

وجلست ابكي ليييش ها الدعوه ذي ..

وليومكم هذا مو قادره انساها يوم دعت...

 

[نانو_نانو]

حبيبتى ربى يصلح حالها وأرجوكى الجأى لله هو اقدر برد ظلمها عنك وارجوكى لا تفشى سرك لاحد لقد اخذت دروس من رأسى حتى اخمص قدمى ان لا اقول لاحد لا أحد مضمون فى هذه الدنيا وسلامه نيتنا توقعنا فى الخطأ

 

[حلااميرة الزوق]

حبيبتى لاتشغلين بالك بل العكس كونى طبيعية جداولوزوجك عرف كونى جريااكيد تاخرالانجاب فى اى بيت الناس بتسال وهزا طبيعى اماعن خالتى الحين انا اجلس معك سنين هل سمعت شى وهزة حرمة كبيرة مااظن انها تكزب كونى واثقة وتاكدى ان امك ياقلبى قد توقت رحمة الله عليها وليس هناك من يحل محلها وهذا درس لكى تتحملى زوجك ولاتشكين لااحد

 

[جمانهR]

الله يرزقك بالذريه الصالحه

 

[قهر وألم]

اللهم اميين يا ارحم الراحمين


ويرزق كل محروومه يارب

 

[الجده الصغيره]

طيب انت عاارفتها من يووم ماكاانت امك موجوده....ليش ماااااتعلمتي؟....

الله يهديك اسراار بيتك ماااااااااااااااتطلع لاي احد...

 

[دوم الثانيه]

لا تشغلين بالج فيها بس يبالج تداومين عالاستغفار والدعاء اثناء السجود في صلاة قيام اليل والل يرزقج

 

[اقوى من الايام]

انتي قلتيها رفعت يدها ودعت وقت مازوجك سوا التحليل
يعني اكيد البلا بزوجك من قبل دعائها
ارضي بما كتبالله لك
ولا تهمك
اصبري انتم بابتلاء الله يعظم اجركم ويرفع عنكم البلاء يارب
ويرزقكم
ولو انك ماعلمتي احد ابدا انكم كشفتوا اصلا
هالامور حساسه ياليت تكون بينكم وبس

 

[ياربي انصرني]

وهي والله ماظلمتها بس اول سنه زواج قالت كشفتو ليش لك سنه ماحملتي قلت ايه انا ماعتدي مشكله

هو تطلع نتيجة تحليله بعد يومين ورفعت ايدها لسماء وقالت يارب يطلع البلا فيه ولا يجيب عيال
طيب يااختي ربما ماتقصد ان الله يقطعك من الذريه لنحسن الظن انها تقصد ان العيب منه مو منك حتى لاتحزنين ان ان العيب منك او يتزوج عليك
مع اني ضد الدعاء بهذه الطريقه لكنها تعاملت مع الموضوع بجهل منها
وبالنسبه لخالتك زوريها واحسني اليها واحتسبي اجر ذلك لله تعالى
لاتعلمين ربما يرزقك الله وتحملين بصلة الرحم
ولاتدعين عليها ابدا واكتفي بحسبي الله ونعم الوكيل
واذا زرتيها وسألتك عن احوالك قولي الحمد لله
كل التحاليل طلعت سليمه والرزق بيد الله
ولاتكثرين كلام وحتى الزياره لاتتعدى النصف ساعه وان تعذر زيارتك لها اكتفي بالاتصال والسلام عليها وعامليها بالحسنى والكلمه الطيبه 00واصدقي مع الله في ذلك انها لااجل الله واطلبي منها الدعاء لك بالذريه الصالحه00
وصدقيني متى ماصدقتي مع خالقك بالنيه الحسنه بيرزقك ربي الذريه
وثانيا
انظري لعلاقتك مع الله ان كان فيها تقصير او تفريط اصلحيه وكوني مع الله وتقربي اليه بالنوافل وكثرة الاستغفااار بنية غفران الذنوب
والزمي قيام الليل والدعاء وتلاوة القران والتدبر فيهواجعلي حياتك مشغوله بالله
لاتركنين الى كلام خالتك ودعائها ربما نحرم من امنياتنا والرزق بسبب الذنوووب
استعيني بالله وتوكلي عليه والله المستعان000