مقهوره وابي دعوتكم

[كم اعشق هدوئك]

صياح الخير

انا قبل فتره كتبت لكم على وحد تقدم لخطبتي وساكن في مدينه ينبع وانا في الرياض
واني كنت متردده كثير في اني ابعد عن اهلي وكنت استخير كثير وارتح الحمد الله

بس مشكلتي في الدراسه انا في الجامعه وباقي لي سنتين فكرنا كثير انا وابوي قبل نرد على الناس وقررنا اننا نوفق والملكه متى مايبون بس الزواج مايصير غير بعد سنه يعني لما اخلص ثالث وباقي رابع احلول فيها انتساب لان لو حولت من ثالث انتساب ماراح اقدر انجح في كل المواد يعني رابع حدرسها على سنتين عشان حكون انتساب

المهم قلنا لهم راينا تخيلو الولد ماوفق يقول هو مستعجل انا صراحه مره انقهرت يعني معقوله مايقدر يستنا سنه يبي الزواج بعد شهرين او ثلاثه

مع العلم انه في السنه الي راحت خطبني ورفضت عشان كنت توني في اول الجامعه ومره سنه كامله ولا تزوج ورجع وخطبني هذي السنه


انا ماودي اخسر درستي وفي نفس الوقت ماودي اخسره وماقدر اغير راي الحين واكسر كلام اهلي اصل مو حلو في حقنا نرجع نقولهم خلاص الزواج متى ماتبون واصل انا مابي اتزوج بهذي السرعه ابي فترة ملكه عشان اتعرف عليه




بنات تكفون ادعولي انو اذا فيه خير يرجع يتقدم لي ويوفق على شروطنا واذا مافيه خير ربي يعوضني باحسن منه يارب عاجلن غير اجل

 

[لميس الحنونة]

من رأيئ تستخيرين وتكررين الاستخاره واذا هو اخلاق وما عايبه شي يأختي انتسبي عادي اعرف كثير اتزوجو في الرياض وانتسبو ومااااشين وهم بنفس المدينه ماكملو انتظام
ياأختي فرصه الزواج اخاف ماتتكرر في هالزمن اللي يخوف والله يووفقك وييسر امرك ..

 

[^عطرالندى^]

الله ييسر امرك ويكتب لك الخير واذا لكي خير بيرجع ان شاءالله الله يسعدك ويرزقك ويفرحك يارب,,
دعوااااااااتك بالفرج وان الله يصلح حالي وبرد لي زوجي عاجلا غير اجل,,

 

[مدمنة صبر]

انتي مو مضطره !! دعوة المضطر مستجابه

ادعي ربي انتي اللي محتاجه والله يكتب لك اللي فيه الخير ولاتفكرين في الموضوع فكري في دراستك يمكن خيره لك وانتي ما تدرين

 

[أخت عبدالعزيز]

الله يسعدك ويوفقك يالغاليهـ

ويكتب لك الخييييييييييير

اذا الرجال مايعيبهـ شي خلاص توكلي ع الله ووافقي


معليش ع لفاقتي خطيبك من اهل ينبع ولا الرياض ؟

 

[رندا كووول]

اذا كان طيب واهله طيبين كملي انتساب
والله يوفقك ..واذا كان لك فيه خير يرجعلك

 

[كم اعشق هدوئك]

هو من اهل ينبع وانا من الرياض

احس لو الحين قلنا للولد اننا موفقين بعد مارفض شروطنا فيه اهنى لى و لي اهلي

 

[أخت عبدالعزيز]

مآشـأء الله تبـآرك الله

الله يوفقك ويرزقك الرزق الطيب

 

[نتوس]

انا ما اشوف في اهانة وتقدري نتقلي لو لقيتي تخصصك في ينبع واكثري من الاستخارة لانة لو تسهلت الامور راح يكون نصيبك وان شاء الله ربنا يكتب لك الخير

 

[أخت عبدالعزيز]

آنا راي من راي نتووس قالت اللي بقولهـ

كم آهواك

انا ارسلتلك رسالهـ رسالهـ مادري اذا وصلتلك او لاء