الريم الشارد
New member
- إنضم
- 2010/02/28
- المشاركات
- 25
السلام عليكم اخواتي شخباركم بطرح عليكم مشكلتي صارت مع زوجي ويمكن ماتعتبرونه مشكله بس ودي اخذ رايكم فيها ابي حل ودي اغير طبيعة زوجي هو طيب بس عصبي والمشكله هي اني كنت عند اهلي الاسبوع اللي مضى رحت عندهم الاربعاء اهلي ساكنين بمحافظه بعيده عنا تقريبا 90 كيلو ورحت عندهم وطلبت من زوجي اني اجلس لسبت قال عادي وافق ولما جا الجمعه بالليل تقريبا 11 بالليل كلمني قال ابي اجي اخذك قلت كيفك وجيت للبيت وقالي وانا عند اهلي لما كلمني انه بكرى بيطلع مع شلته بالدوام لاستراحه وماراح يرجعون الا المغرب يعني بيتركنيي طول اليوم وقلت عادي لان وقته كان مشتاق وماحبيت ارده المهم السبت طلع لدوام ولا رجع الا المغرب وانا وبنتي نمنا للمغرب حتى جا ودخل وانا نايمه وطلع راح لاهله وبعدين للاستراحه ورجع تقريبا 12 وانا ماصحيت يعني السبت كله نايمه كنت مواصله عند اهلي وسهرانه مع خواتي وجيت للبيت تعبانه المهم لما صحيت الصباح الا زوجي زعلان واخذ المحمول ورافعه عني يبي يعاقبني حتى بعد ماصحى مايتكلم معاي حيل زعلان مدري ليش حتى مايتكلم معاي وكانت امي واختي وخالتي بيجون عندي يتقهون العصر ونطلع لسوق مع بعض وكنت معطته خبر من كم يوم انهم بيجون عندي ونطلع لسوق سوا وقال عادي اذن لي اني اروح المهم كانت جيتهم الاحد وهو زعلان ورفض اروح معهم وهاوشني وكبر الموضوع وقال ليش تنامين وتتركيني وتخيلو هو اللي تاركنا طول اليوم برا انا اجلس وش اسوي اجلس لحالي وفيني نوم المهم هاوشني مره وقال انتي لازم تتغيرين والا ماراح ارجع مثل اول وقال كلام حيل يجرحني وزعلت ولحد الان مانتكلم مع بعض الا كلام خفيف والظهر طلع الجهاز وتركه ودخلت اطرح مشكلتي منقهره حيل وهو ماتاسف وانا ماتاسفت منه وانا احس ماخطيت بحقه تكفون حبيباتي قولو مين الغلطان وش اسوي معه مابي افوتها كذا قهر يجرحني ويهاوش ويبيني ارضى كذا يحاول يتكلم ويمزح بدون لايتاسف وانا منقهره ابيه ع الاقل يعبرني كلامه لحد الان مانسيته قاهرني مرره تكفون وش اسوي وهو من النوع العنيد ولا يحب يتاسف وانا ماودي اتكلم الا بعد ماياخذ بخاطري تكفون ابي حل اللي تدخل تعطيني رايه
