مـــاهـــي قـــنـــاتـــكــ الـــمـــفــــضـــلــــهـ ..؟

[الحياه حلوه ..]

السلام عليكم ورحمة الله وبركاته ..​

اشحالكم بنات حبوبات ..:e130: وسيدات موقرات ..:c018:​

مثل ماتشوفون من العنوان .. ماذا تشاهدون من القنوات ..؟​

وماهو برنامجك المفضل في كل قناة .. ولماذا ..؟​

أفيدينا .. ​

بنشر معلومااتك حتى نستفيد مما تستفيدين ..​

ونعلم بمزاجك وماذا تحبين ..​

أترياكم ..لاتبطون ..:a194:​

 

[حاملة المسك]

وعليكم السلام ورحمة الله وبركاته

موضوع حلو جدا

بالنسبه لي مافي قناه معينه انا احب اشوف البرامج اللي تشدني

والقناه اللي كنت دايما اشوفها واتابعها قناة سمات وي بس

غيروا التردد وصرت ماشوفها

واحب برامج قناة اقرا والرساله خصوصا برنامج الثويني

واحب اشوف دكتور ابراهيم الفقي فالكويت

وبرنامج اوبرا في mbc4

وبصراحه اتاااااااابع سبيس توووووووون *_^

وانتي ماقلتي لنا شنو تحبين ؟

وهذا اللي فبالي الحين

فمان الله

 

[الحياه حلوه ..]

هلا بالمسك وحاملة المسك ..

الله ذكرتيني بالمسك ..صار لي فتره مااشتريته ..

ياالله باخذ منج سلف شوي ..والحساب على أول الشهر ..:nosweat:

امممم ماشاالله باين عليج مثقفه من نوعية البرامج اللي تتابعينها ..

لكن خربتيها بسبيس تون..:shiny:

أمزح ترى ..

وماالومج فعلاً انا لو جلست مع بناتي ماعاد ودي اقوم ..

برنامج اوبرا بعد حلو لكن مشكلته بالموسيقى اللي فيه..

انا لو شفته تحصلين الريموت بيدي على طول عالميوت ..

وقناتي المفضله..

الــــمــــجــــد ..

لاخلا منها ولا عدم .. لي ولبناتي .

.ماشاالله كل دقيقه فيها مفيده ..

يابخت راعيها بالأجور..

وبرامجها بصراحه كلها غاويه ..

وأهم شي برنامج ..

(( يتدارسونه )) و (( بر الأمان ))

(( كلمه مضيئه )) و ((الجواب الكافي )) ...الخ



وهذا مالدي وننتظر باقي الأخوات يدلون بدلوهم معنا ..













​

 

[حاملة المسك]

المسك وراعيته حلالك يالغاليه

وبخصوص سبيس تون انساها بس يذكروني فيها الصغار دايما

والمجد فعلا قناه راائعه ومميزه بكل مافيها

وبرنامج اوبرا احب اشوفه اذا كان موضوع هادف لكن لما تجيب

مغنيين وخرابيط مالها داعي اغير هالحلقه على طول

ونشوف البقيه شكلهم نايمن

حبي وتقديري

 

[عبق الشهادة]

:cupidarrow:​

السلام عليكم
هلا وغلا باخواتي
حبيت أشارك معاكم لعل الفائدة تعم:icon30:
هناك قنوات كثيرة فيها من الفوائد ما الله به عليم ..
لكن أين الوقت ؟؟:questionmark:
نسأل الله أن لا يحرمنا

طيب نبدأ الحين
أجمل القنوات عندي قناة الناس...آه كم أحبها :icon26:وأحب علمائها:icon26: ودروسها:icon26:
أكثر ما يعجبني فيها دروس :icon26:الشيخ محمد حسين يعقوب :icon26:
رائعة ..رائعة..رائعة
فعلا أشعر أنها تربية حقيقية للنفس
برنامج فضفضة
كيف وأخواتها
قبسات ونسمات
نبضة قلب
(أسأل الله أن يتقبل حجه ويرزقه حجا مبرورا ويعيده إلى أهله سالما غانما قولوا آمييين:tears: )
برامج الشيخ محمد حسان منها فضفضة الخاص به
وكذلك البرنامج الرائع أمراض الأمة
وكثير أيضا
بصراحة قناة متميزة في مضمونها
قناة الشيخ العفاسي ..يا كثر ما أسمعها وأنا في المطبخ:nosweat: ..تزيل الهم بصراحة:icon30:
قناة الشارقة تعجبني فيها برامجها التي تحتوي على فوائد قد لا توجد في أي برنامج آخر
كما في لمسات بيانية للدكتور فاضل السامرائي تقديم محمد خالد رعاهم الله
كذلك برامج الدكتور عمر عبد الكافي حفظه الله
برنامج أنصح الجميع بمتابعته
قناة بداية
تعجبني اللمسات والنصائح والإرشادات من المختصين فيها خاصة ما يتعلق بالحياة الزوجية:icon31:
كذلك الدورات التي أقيمت فيها كانت مفيدة خاصة ما يتعلق بالإصلاح
قناة المجد:showoff:
كذلك راائعة لكن لا أتابع برامجها كثيرا
أتابع برنامج الجواب الكافي وماااا أكثر فوائده
أسأل الله أن يبارك في القنوات الإسلامية و يؤجر القائمين عليها ويوفقهم لنشر الإسلام ومبادئه في أرجاء المعمورة
أشكرك على الموضوع الجميل وأنتظر مشاركات البقية لتعم الفائدة
تحياتي لكِ
:cupidarrow:​

 

[.-. ذوق .-.]

آنا مو وايد ويا التلفزيون واذا شفت ،،
العفاسي والوطن والراي :smoke1: ..​

 

[غدير الحب]

موضوع رائــع فعلا كصاحبتــه:idea:

قنوات كثيرة احبها ولكن ع حسب برامجها

احب قناة الرسالة
اقرء

الراي

الشارقة

سمارت واي

احب اتابع قناة البداية وخاصة دردشة نسوان

وعالم حواء هي عبارة عن صفحة فيها معلومات كثيرة وخلفيتها محاضرة دينية

والكثير يوم بتذكر برد عليكم

لاني احب اشوف قنوات بقية الدول وخاصة لوبرنامج ثقافي اويتكلم عن البيئات المختلفة والشعوب

موفقة حبيبتي:icon26::icon30::icon26:

 

[نسائم الوجدان]

موضوع رائع عن جد
القنوات المفيدة كثير
وعندي أفضل قناة هي المجد
ثم الشارقة
بداية
الساحة (أموت بالشعر)

 

[flown.detente]

قناة المجد فديتها الله يجزى الشميمري خير الجزاء ومن كان بعونه ,,
الله يعطيك العالفيه موضوع رائع,,

 

[blue light]

المجد ,,,,,,,,,

الله يجزى القائمين عليها الف خير ,,, لي ولأطفالي

 

[ೋ دلع قطــر ೋ]

اممممممممم حسب كل دورة برامج..

يعني جات فترة ما كنت اغير عن الفجر..

و المجد فيها برامج رااااااااااااائعه خصوصا برنامج محمد القضاة <<< تبارك الله الي يبي يشوف نور الايمان يشوف وجه الشيخ هذا
في برنامج تصحيح التلاوة..

احب برنامج محمد العوضي قذائف... اعشق اسلوبه في طرح ومناقشة مصائب المجتمع...


احب برنامج رفيق الدرب للعريفي...


وفي برامج كثيررررررررة... وعلى قنوات مختلفة...منها الثقافية و منها مطاردات الشرطة خخخخخخ تغيير جو..

اشكرج ياقلبي على الموضوع... ^_^

 

[الحياه حلوه ..]

حاملة المسك ..تسلمين ياذوق ..خجلتيني :blush-anim-cl:..

ونورتي الموضوع وفرحتي راعيته بمرورج مرتين ..

وياهلا فيج على طول ..

ترى البنات صحصحوا وشاركونا ..

تابعي ويّانا ..


----------------------------


وعليكم السلام ورحمة الله وبركاته ..


وهلا بج زوود يا عبق الشهاده ..

ماشاالله تعليقج دسم بالبرامج المتنوعه والغنيه بالفوائد ..

وشكلج متابعه مخلصه للتلفزيون ((ماشاالله )) ..والله يبارك لج في وقتج اكثر واكثر ..


و يبالنا نسوي جدول بأوقات البرنامج المفيده في القنوات ..

وننسق بينهم ..

شي نشوف منه المباشر وشي الإعاده عشان لايطوفنا من الفوايد الكثير ..

مع انه احياناً تصيبني حالة هجر للتلفزيون ..ويكون النت البديل وأحيان العكس ..

بس الفتره اللي اقضيها مع برامج المجد استفيد منها واااايد ..

واتحسف عالحلقات اللي تطوفني ..

لأني افوت خير عظيم ومعلومات لو جلست عالنت شهور لن أعرفها ..

وشكلي بحط قناة الناس ضمن الخطه القادمه ..

ف محمد حسين يعقوب .. ومحمد حسان من المشايخ اللي وضع الله لهم القبول في الأرض ..

وكذلك العريفي ..والكثير ممن ذكرتي وذكرن الأخوات ..



بوركتي عبق الشهاده .. وجزاك الله خير على هالمشاركه الفعّاله ..



-----------------------------


هلا بألومه ..محبوبة الجماهير ..

لايكون كل هالقنوات كويتيه ..؟

بيكون تعصب ترى ..


------------------------------


هلا غدير الحب ..الروعه منج وفيج ..
يكفي انج غدير الحب ..:cupidarrow:

ماشاالله عندج تنوع حلو مابين الديني والثقافي ..

وقناة عالم حواء وايد سمعت عنها لكن ماشفتها ولا مره ..

وننتظر رجعتج بالجديد ..


------------------------------


فروحه المجروحه ..شكلنا ربع ..

لأن للشعر مكان كبير ضمن خطة مشاهدة التلفزيون ..

لكن لابد نحاول نتجنب الموسيقى ..

وهاالله الله بالريموت لايطيح عن يدج ..

إذا يت الموسيقى اكتمي الصوت على طول ..

وباقي قنواتج كلها شي راقي ..

الله يوفقهم ويسدد خطاهم ..



---------------------------


هلا بمشاهدي المجد ..

نورتي flown.detente ..

والله يسمع منج ..ويكثر من أمثالهم ..

-------------------------------


وهلا بعد بــ layla sweet ..

وفعلاً للأطفال المجد وبس ..

حياج الله حبوبه ..


-------------------------


هلا دلع قطر .. نوورتي الحته ..

وفعلاً ..تصحيح التلاوه مع محمد القضاه وبس ..

بارك الله في علمه وعمله ..

لكن وين برامج العوضي والعريفي اللي قلتي عنهم فأي قناه يعني ..؟

أما مطاردات الشرطه ..تووووتر ..نص البرنامج انا مغمضه عيوني ..

ويا هلابج دووووووم ..




​

 

[والله أحتاجك أنا]

مرحبا يا الحياه حلوه
بالنسبه للبرامج إلي أتابعها مو وايد والسبب إن عيالي الله يهديهم متابعين للرسوم المتحركه في قنوات :
سبيس تون ـ mbc 3 ـ art للأطفال ـ الجزيره للأطفال :idea:
ولكن مرات أشوف برنامج سيرة الحب للدكتوره فوزيه الدريع وبرنامج الرجل في قناة الراي
وأحب أشوف سوبر ناني وكلام نواعم وبرنامج آدم على mbc 1
وأوبرا طبعا
وأحب أشوف البرامج الطبيه والبرامج اللتي تخص التجميل والأزياء
وإذا كنت أقلب وشفت شي يخص المواضيع الأسريه أشوفه :msn-wink:
ومرات قناة عالم حواء
وأكيد أموت بالأفلام سواء عربيه ـ أجنبيه ـ هنديه :blush-anim-cl:
ومثل ما قلت سابقا إنه مو وايد..بس حبيت أعطيكم نبذه عن إلي أحبه
شكرا على الموضوع الرائع :bye1:

 

[ೋ دلع قطــر ೋ]

بالمهلي فديتـــــج... ^_^

نسيييييييت اقول اني احب برنامج وصلة على الجزيرة للاطفال.... وترى القناة مفيدة جدا جدا للاطفال خصوصا برنامج الدرب... عيالنا يموتون عليه ويحاولون يجاوبون على الاسئلة.. حتى الكبار اذا موجودين يحاولون يجاوبون بعد.. ^_^


برنامج رفيق الدرب للعريفي في قناة قطر.. يحطونه يمكن بعد صلاة المغرب.. بس ماادري متى بالضبط... وااااااااايد حلوووووو ومفيييييد... واسلوب العرض رااااااااائع...


اما برنامج العوضي... فهو قذائف على الراي الساعه تسع بتوقيت قطر..


الاخوات ذكروا برامج رائعه ياليت نقدر نعرف توقيت عرضهم عشان نستفيد...


بالنسبة لتوقيت عرض تصحيح التلاوة.. فانا اشوف البرنامج في الاعادة .. يوم الجمعة قبل الصلاة...

 

[حلم ن ج م ه]

انا اتابع على حسب البرامج في كل قناه

 

[الحياه حلوه ..]

والله أحتاجك أنا ..

هنا ..

هلا

هلا

هلا والله وغلا ..

أرحبي ..أقربي ..

أجلسي جنبي شكل السوالف وياج بتطووول ..


ماشالله عليج أنتي وعيالج ..

هم مشطبين قنوات الأطفال .. وأنتي مستلمه الأفلام ..:nosweat:

وطبعاً هالشي خطأ وليس بصحيح ياصديقتي العزيزه ..


بنبدأ أول شي بالعيال يا أم ..........

العيال لو تركتيهم على هواهم مش في صالحهم ..

لأن بعض القنوات تكون فيها برامج ورسوم تنصيريه ..

وكثير منها فيها مشاهد خليعه ..

وخصوصاً mbc3 هذي معروفه عند كل الناس أنها من القنوات المُفسدهِ للأطفال ..

وعشان تستفيدين أكثر ضروري تقرين هالموضوع ..

كرتون للإثاره الجنسيه .. للأخت الملكه ..



وبالنسبه لج أنتي ..

ماشاالله شهيتج مفتوحه للتلفزيون وايد ..

كل هالبرامج تحبينها ! ..

ولكن لأنج صديقتي وأعرفج زين وأعرف اهتماماتج فلن أستغرب ..:msn-wink:

ولكن أنصحج ان يدخل ضمن برامجك المفضله برنامج ديني ..

تشهد برؤيته عينيك يوم القيامه ..

و أفضل لو تقللين شوي من حبج للأفلام تراها مضيعه للوقت ..

و الريموت يكون بيدج على طول عساس الموسيقى تكتمين الصووت لو جت ..

واقري ردود الأخوات المشاركات في الموضوع فيه كثييييير برامج مفيده ماشاالله ..

عن نفسي أنا تفاجئت بوجودها ..

أشكرهم من كل قلبي والله وان شاالله يكون في ميزان حسناتهم ..





--------------------------------------




والمهلي مايولي يا دلع قطر .. ويا عسا هالطله دوووم ..

صراحه سمعت عن الجزيره للأطفال ان فيها برامج مفيده للأطفال .

.لكن مشكلتهم الموسيقى ..

أنا أحاول اجنبهم سماعها من الحين عشان مايتعودون عليها ..

لانهم لو تعودوا على سماعها ماراح يقدرون يتركونها يوم يكبرون ..

ويتعبون نفس ماتعبنا احنا الى ان تخلصنا منها ..:sadwalk:


يزاج الله خير عالمتابعه والإهتمام يادلع ..

الله يكثر من أمثالج اللي يحبون نشر الخير والمعرفه وان شاالله يكون في ميزان حسناتج يالغلا ..



--------------------------------



جاده جداً أنا ..

حياج الله ..وتسلمين عالمرور السريع ..

ولكن لأنج جاده جداً ..فليس بغريب ..

وهلا بج دوووم ..









​

 

[umm_reem]

انا مو وايد مع التلفزيون....
دوم على ام بي سي 3..وسبيس تون...
بس اذا حبيت اقلب المحطات احط...البداية...الامارات..الراي..ومرات فنون

 

[هدوئي سر قوتي]

بالنسبة لي .. فانا لا أتابع التلفزيون .. ولا يوجد في منزل اهلي وحتى بعد زواجي جلست سنوات بدونه .. لكن بعد افتتاح قناة المجد اشتركنا فيها - بكامل قنواتها - .. والحمدلله تحسين بيتك اسلامي ونظيف مافيه موسيقى ولا منكرات ..\

ومن البرامج الي أحبها :

ساعة حوار للأستاذ فهد السنيدي .. حيث يختار قضية كل حلقةو ويستضيف مسؤول له علاقة بهذة القضية ++ أنصحكم تشوفونه يجي الأحد 9 مساء بتوقيت السعودية .

أيضا البرامج الترفيهية وبرامج الأطفال حلوة ومنتقاة ++ أحيانا لما أكون فاضية افتح قناة مجد للأطفال ولا أقدر اقوم !!!

أيضا القناة الوثائقية التابعة لباقة المجد ممتعة ولذيذة .
وأتابع نقل صلاة الجمعة من مكة والمدينة و والرياض

أممم ايش بعد

ايه تذكرت :

برنامج حياة تك == عن التقنية في الحياة .. روعة يجي يوم الثلاثاء 10 ونص مساء

وبرنامج أعذب النشيد ++ يعجبني

وبرنامج تواصل == كل مرة يختار برنامج من برامج المجد ويستضيف مشرف البرنامج ويتواصل فيه مع المشاهدين ويرد على أسئلتهم واستفساراتهم ..

وأيضا برنامج الجواب الكافي = هو برنامج الإفتاء الذي يزيدك علما مجرد الإستماع إليه .= مغرب الأحد

..........................

خلاص بسكر فمي :shutup: خايفة لا أكون كثرت عليكم .!!!

 

[موهوبة]

555647]بالنسبة لي .. فانا لا أتابع التلفزيون .. ولا يوجد في منزل اهلي وحتى بعد زواجي جلست سنوات بدونه .. لكن بعد افتتاح قناة المجد اشتركنا فيها - بكامل قنواتها - .. والحمدلله تحسين بيتك اسلامي ونظيف مافيه موسيقى ولا منكرات ..\[/size]

ومن البرامج الي أحبها :

ساعة حوار للأستاذ فهد السنيدي .. حيث يختار قضية كل حلقةو ويستضيف مسؤول له علاقة بهذة القضية ++ أنصحكم تشوفونه يجي الأحد 9 مساء بتوقيت السعودية .

أيضا البرامج الترفيهية وبرامج الأطفال حلوة ومنتقاة ++ أحيانا لما أكون فاضية افتح قناة مجد للأطفال ولا أقدر اقوم !!!

أيضا القناة الوثائقية التابعة لباقة المجد ممتعة ولذيذة .
وأتابع نقل صلاة الجمعة من مكة والمدينة و والرياض

أممم ايش بعد

ايه تذكرت :

برنامج حياة تك == عن التقنية في الحياة .. روعة يجي يوم الثلاثاء 10 ونص مساء

وبرنامج أعذب النشيد ++ يعجبني

وبرنامج تواصل == كل مرة يختار برنامج من برامج المجد ويستضيف مشرف البرنامج ويتواصل فيه مع المشاهدين ويرد على أسئلتهم واستفساراتهم ..

وأيضا برنامج الجواب الكافي = هو برنامج الإفتاء الذي يزيدك علما مجرد الإستماع إليه .= مغرب الأحد

..........................

خلاص بسكر فمي :shutup: خايفة لا أكون كثرت عليكم .!!!

نفس البرامج اللي اتابعها
بالاضافة لبرنامج اجواء يجي يوم الاثنين الساعة عشرة ونص
وبرضوا قناة شدى وهي قناة انشادية خا لية من اي موسيقى

 

[رونق]

خوش موضوع إختى ..:idea:

أحب
mbc4
أحب برامج راشيل راى و د.فيل و أوبرا ...
discovery
bbc food

و باقة قنوات شو موفيز حق الأفلام و المسلسلات ....​