مغتربة ومحتاجة مساعدتكم اخواتي

[fatimah.m]

هاي بلقيسيات
أنا أخذت حبوب منع الحمل لمده 8 أيام وتركتها بعدها لانه جاتني اعراض جانبية
توجب ترك المانع وأنا عادة دورتي تاخذ 35يوم وتنزل
انتظرتها 35 ولا نزلت وجاني خووف فضيع اني اكون حامل
ولما اخذت 40 يوم تقريبا رحت المستشفى والطبيبة سوت لي اختبار الحمل بالبول
وطلعت النتيجة سلبية مافي حمل ارتحت
بس المشكلة إلى الآن الدورة ما نزلت قالت لي الدكتورة لازم اروح لمستشفى متخصص
لانه عدم نزولها وبدون حمل يعتبر في خلل عندي ومو من صالحي
انا لي سبع شهور من تزوجت وكنت ما ابغى احمل عشان دراستي أول سنه والطريق طويل وغير هذا انا بالغربة ما عندي احد ينصحني او يعلمني
اخواتي افيدوني بلييز
خايفة يكون جالي تكيس​

 

[fatimah.m]

بنات
ليه مافي احد رد علي
على الاقل طمنوني شنو سبب التأخر وهل يعتبر خطير ولا لا​

 

[قلب يحيا بالأمل]

والله ياقلبي ماادري بس الافضل انك تروحي تكشفي وتتطمني على نفسك

 

[رقة القـلب]

والله حبيبتي ماعندي خلفيه
الافضل تروحي للدكتوره وتتطمني
​

 

[فيافي الورد1]

الافضل ان تذهبي لطبيبه مختصه
تحدد لك مانع يناسب حالتك
وعلى فكره هناك موانع تعطي مانع ضعف المده
مثلا 4 شهور وتركتيها تعطيك مناعه 4 الشهور القادمه

 

[fatimah.m]

مشكوورين اخواتي اللي ردوا
إن شاء الله يوم الاثنين بروح المستشفى واشوف
على انه معاملتهم هنا لا تطاق بس شسوي الحاجة بتوديني لهم​

 

[أصدق الأحاسيس]

أختي فطوم طمنينا وش صار معاك رحتي لدكتوره ولا لا ؟؟؟
والله يعينك على الغربه والمعامله الشينه ..