السر العاشر والاخير : لاتعش دور الضحيه
ايش معناه ؟؟
الناس صنفين صنف يعيش دور الضحيه
وصنف مسئول عن نفسه ويتخذ قرارته
طيب ايش معنى دور الضحيه
هو النوع اللي بس يتشكى ويتذمر وبس حزين وانه مظلوم والناس ظالمته وراتبه مايكفيه ومادفع حق الايجار وماعنده فلوس
ويتشكى للناس بشكل كبير عشان يبتزهم عاطفيا ويعطي احساس لمن حواليه انه مظلوم في كل شي عشان يشعر بالاهتمام والشفقه من الناس
يمكن يسمع منهم كلمه تجبر خاطرهم انتي مظلومه زوجك ظالمك وهكذا
وهذا النوع يعيش ويتغذى على كلام الناس
واستغرب بعض البنات الله يهديم تنزل شكوى وتكتب عبارات تكسر خاطر الناس واخر شي تكتبه تكفون قولولي كلمه تريحني
طيب وقالولك كلمه وبعدين انتي تبين كلمه تواسيك والا تبين حل ؟؟
انتي ياللي تشكين للناس حابه اقولك ان الناس تتكلم بوجهين وجه قدامك وتواسيك ووجه من وراك تقول هذي ازعجتنا من نجي عندها بس تتشكى وكئيبه
لاتقولين مايقولونها الا يقولونها ومن قدامك طيبين ويحبونك ومن وراك حش فيك
ونصيحه لاتتشكين لصديقاتك لان بتاخذهم العاطفه ويقولون انتي معك الحق وينصحونك بنصائح كاذبه ويمكن تدمر لك حياتك
انتبهي تعيشي هالدور الضعيف قدام الناس اللي بس يتشكى
ابيك تعيشي الصنف الثاني اللي اذا صارتله مشكله يجلس مع نفسه جلسة مصارحه يفهم المشكله يدور حلول ماينتقد حياته بس يعمل لتغييرها للافضل
مايتشكى ولكن صابر على مشقات الحياه حتى يصل الى مايريد
ويعرف ان كل مشكله ولها حل استخيري ربك ومافيها شي تستشيرين الناس بس استشيري ذوي الخبره والحكمه اللي يعلمك خطأك ويعطيك الحل الصائب
ولا يتشفق عليك بكلمه ويقولك انتي مظلومه ومسكينه
الرسول يقول في مامعنى الحديث (( ماخاب من استخار ولا ندم من استشار))
ابيكم جميعا تتركون دور الضحيه في الدنيا
وتاخذون دور المسؤل عن نفسه وقراراته ولامانع من الاستخارة واستشارة اهل الخبره والحكمه
