هلاااااااااااااااا سهومتنااا ....اقصد ابله سهوومه
ابشرك ايه شريت لنفسي هديه >>>دفتر وقلم مزين بالريش الوردي والدفتر ماله هم نفسه فيه شغلات حلوه بس مو من السنتر بوينت...من مجمع الأفنيوز>>بالكويت لاني سافرت لهااا وزينة العلبه بالورد المجفف وحطيت شمعه بوسطهاا معطره يعني رووقت على الآخر...
هاااه وش الدرس الجااااي ترى مب على كيفي ادخل كل يوووم اوكيه حبيبتي...
ملاحظه لاتحسبيني ناسيتك بالعكس الا على باالي بس ادور الفضووه..^_^
ياي رحتي الكويت امووووووووووووت فيها
بس انا كنت اقصد هديه بروحها و الدفتر شي ثاني
عموما خذيها قاعده اذا جيتي تروحين للسوق خلي تفكيرك ان الي بتشترينه هديه لك
مثلا ثياب العيد نشتريها كل سنه علشان نكشخ فيهاصح؟؟
الحين لما تروحين تشترينها حطي في بالك انها هدية العيد تقدمينها لنفسك
رحتي تشترين عطر زي كل مره
قولي لنقسك هذا هديهلاجتهادي في المنزل
ودايم تعاملي مع نفسك بهذي الطريقه
الى ان تصبح عاده عندك
والمرايه
خليها صديقتك دايم
انا اذا جيت اتوضا للصلاة اناظر نفسي و ابتسم و اقول هلا بالغاليه
والدفتر
اقعدي يوم يروحك مافي احد يزعجك نومي عيالك صرفيهم هم و ابوهم
وامسكي القلم
واكتبي كل نجاح قدمتيه في حياتك او تصرف نبيل ظهر منك سواء نجاح كبير او صغير
مجرد ماراح تبدين ما راح توقفين
اكتبي حتى ابسط شي
انا لما كتبت جا في بالي اشياء قديمه نسيتها بس لما سويت هالتمرين تدربت اني اقدر كل عمل اقوم فيه
مثال لما كتبت:
1:في المرحله الابتدائيه شاركت برسمه لمسابقه رسم في ارمكو وفزت بقلم (على فكره كل شخ مشارك يفوز بقلم يعني مو انا بروحي) بس اعتبرته نجاح ليه لاني بذلت جهد فقط.
2:طبخت كيكه و كانت روعه.
3:انهيت دراستي الجامعيه.
4:في العزيمه الفلانيه سويت مكياجي صح ..................الخ
بتلاقين اعتزازك في نفسك بدى يرتفع لانك قاعده تقدرين جهودك
الحين قيمي علاقتك مع نفسك من عشر نقاط.
يمكن انشغلر اعذريني اذا انقطعتالفتره الجايه
