معلقة في بيت اهلي.. وهذه قصة معناتي.. ارجوكم انصحوني وادعوا لي..

[فتاة الأمل]

لاحول ولا قوة الا بالله
ربي آجرني في مصيبتي واخلف لي خيرا منها
استغفر الله العظيم واتوب اليه
لا اله الا انت سبحانك اني كنت من الظالمين..

​

 

[فتاة الأمل]

للرفع​

 

[واثقة]

ربي يفرج همك وييسر أمرك ..

ويفرجها عليك من حيث تحتسبين ومن حيث لا تحتسبين..


الزمي سجادتك والإستغفار والصدقه وستفرج يا غاليه

 

[فاقده صوت ابوها]

يا حبيبتي الله يصبر قلبك ويريح بالك احتسبي واصبري حاولي كل المحاولات واذا باءت بالفشل اعرفي انه بايعك في هذه الحاله اشتري راحتك والله يعوضك باحسن منه واحد يعرفك ويقدرك والله يسهل امرك ودمـــــــــــــــــــــــــــــــــــــــــــــــــــــــــــــــــــــتي بعز ابيك

 

[قطعة جالكسي]

السلام عليكم ورحمة الله وبركاته​

انا عضوة جديدة في هذا المنتدى الرائع الذي سمعت عنه كثيرا وقرأت عنه كثيرا​

واتمنى ان تقبلوني اخت لكم​

فانا اخترت هذا المنتدى ليكون ملاذي بعد الله​

انا الان امر بفتره عسيرة وصعبة جدا من حياتي​

ماتخيلت امر فيها في يوم من الايام​

ولا اعرف من اين أبدأ قصة معاناتي مع زوجي​

تزوجت منذ سنتين ونصف من رجل من عائلة معروفة ويحافظ على الصلاة ويحبني وانا احبه.. ومايقصر معي ماديا ويلبي كل طلباتي.. ولا يحب الطلعات والسهرات حتى التدخين ما يدخن..​

ورزقني الله بولد عمره سنه ونصف​

ولكن مع الاسف زوجي ((اشــــك)) انه يعاني من ((مشاكل وعقد نفسية صعبة جدا))​

وانا اعيش معه حياه كلها تناقض.. يوم حب ودلال.. ويوم اهانة واذلال​

وهو نفسه اعترف بهالشي انه انسان متناقض بتعامله معي كزوجة​

وانا الضحية.. فهذة المشاكل دمرت حياتي معه​

ودمرت صحتي ونفسيتي​

المشكلة الاولى:​

في البداية لما خطبني زوجي قال له ابوي عن شروطي ((سكن خاص.. الوظيفة.. اكمال الدراسة))​

ووافق عليها.. بس في يوم الملكة طلب ابوي من الشيخ انه يكتب الشروط في عقد النكاح.. وفعلا كتبها وتم التوقيع عليها.. بس بعد الزواج قام زوجي يهزئني بكتابه الشروط ويسب ابوي.. ويقول انه زعلان ((ليش تكتبون الشروط مادام ابوك من البدايه واثق مني وموافق يسلمني بنته ليش يطلب كتابة الشروط)) بزعم ان ابوي جرح رجولته..​

وانا اقول له هذا شرع الله ومافيها شي البنت تضمن حقوقها وتكتب الشروط​

وتخيلوا يا بنات استمرت عقدة كتابه الشروط طول فترة زواجنا ختى بعد ما جبت له ولد.. كل ما بين فترة والثانية يهزئني ويلعني ويلعن ابوي ويسبه ويشتمه ويجرحني تجريح عظيم بالكلام​

تخيلوا يا بنات يوم الملكة اللي تحلم فيه اي بنت بكل عفوية ورمانسية.. تحول الى كابوس مؤلم يعايرني فيه طول عمري​

ووصل لدرجه انه مايعبر ابوي ولا اهلي ولايسأل عنهم ولايمر يسلم عليهم حتى بالعيد!!!!​

وانا الحمدلله واصله مع اهله ومعتبرتهم مثل اهلي​

دايما ازورهم واقوم بالواجب معهم​

واستقبلهم احسن استقبال في بيتي​

ودايما اهله واصدقائه يمدحوني ويشكروني عنده..​

المشكلة الثانية:​

بالاضافة الى انتقاده وتجريحه لي بالكلام.. زوجي عصبي جدا جدا.. واكثر من مره يمد يده علي ويحط حرته فيني لاتفهه الاسباب.. اكثر من مره يضربني ويشق ملابسي.. وانا مااحس بالالم قد ما احس بالقهر والاهانه الكبيرة بحقي!!!!!!​

وربي يشهد علي يا بنات ان انا انسانه هادئة ومسالمة ومحترمة من الجميع.. واحب زوجي وقايمة بشؤون بيتي وزوجي وولدي خير قيام.. وقسم بالله ما استاهل هالمعاملة!!!!!!​

وانا من منطلق حبي له ومحاولتي لحماية بيتي صبرت كثييييير وسامحته كثييييييير​

وكنت دايم اصبر نفسي واقول انه فيه ايام حلوة عشناها مع بعض وهذا زوجي وابو ولدي ولازم اصبر عليه ويمكن ربي يصلحه مع الوقت​

وما حبيت اتنكر للحظات الجميلة حتى لو كانت قليلة​

ودعيت ربي يهديه... ولكن طفح الكيييييييل!!!!!!!!!​

المشكلة الثالثة ((الادهى والامر))!!!!!!!​

زوجي اكثر من مردة يهددني بالطلاق والطرد من البيت..​

بزعم انه يبي يأدبني.. وانا الحمدلله مؤدبة ومتربية احسن تربية بشهادة الجميع​

وماله داعي يستخدم معي هالاساليب علشان يحقق اللي يبيه من توافه الامور​

واغلب التهديدات تكون بسبب انه يلعن ابوي او يشتمه او يسبه (( بدون مبرر وبدون مناسبة)) قدامي وانا ما اتحمل​

فاذا زعلت ورديت عليه وقلت له انا ما اسمح لك​

يقوم يهددني بالطرد من البيت​

ونفذ تهديده اكثر من مرده وطردني من البيت ورماني على اهلي​

وانا كنت اذا رحت لاهلي امثل عليهم اني جايه زياره.. ومن بكره اركب مع اخوي بسيارته وارجع لبيتي..​

وانا دائما من من حبي لزوجي ومن منطلق تربية اهلي والمجتمع من حولي ((ان البنت السنعه هي اللي تحب زوجها وتدللـه وتصبر عليه وماتطلع اسرارها برا بيتها))​

كنت قدام اهلي ابين لهم حبي لزوجي وحب زوجي لي.. وامدحه عندهم واذكر محاسنه واطمنهم اني مرتاحة ومبسوطة معه.. علشان يتطمنون علي ويحبون زوجي ويحترمونه.. مثل ما انا احبه​

والباقي (مساوئه) كنت اخبيها عنهم واكتمها بقلبي.. عسى ربي يهديه ويصلح حاله..​

وقبل ست شهور نفذ تهديده وطلقني طلقه واحدة.. بسبب عصبيته نطق بالكلمة ((انتي طالق))!!!​

وبسبب اني انا كنت زعلانه وكان يسب ويشتم بي وباهلي ومد يده علي.. وبعد صبر طويل ماحسيت بنفسي الا وانا طايحة ومنهاره نفسيا واصيح واصارخ وادعي عليه لاول مره.. فماتحمل وطلقني!!!!!​

وجلست شهر مصدومة ومكسور خاطري في بيت اهلي.. وماصدقت ان هالانسان اللي يحبني يرمني برصاصة قتلتني ((انتي طالق))​

واهلي انصدموا!!! فكيف بعد هالصورة الجميلة اللي انا رسمتها لهم عن بيتي وحياتي مع زوجي ارجع لهم فجأة مطلقة ويكتشفون المشااااااااكل كلها دفعة واحدة!!!!!!!​

اهلي لاموني وزعلوا علي ليش اصبر واسكت.. ولا افضفض لهم ولا استشيرهم...​

وكان اخوه الكبير ((بمنزلة ابوه لان ابوه متوفي من زمان الله يرحمه)) يتردد علي بيت اهلي ويحاول يصلح الامور مع ابوي.. اما صاحب الشأن اللي هو زوجي وابو ولدي مااتصل ولا جاء ولامره!!!!!!! لانه يكره ابوي ولا يبي يقابله!!! تخيلوا لدرجة انه مايتنازل يجي ياخذني وقال لاخوه انت رجعها معك!!!!!!!!! وطبعا انا وابوي رفضنا رفض تام​

وقال ابوي اذا يبي يرجع بنتي يرجعها حسب الاصول​

يجي للبيت ويدخل ويتفاهم معي​

انا ابوها من حقي اتطمن عليها واحميها​

وفعلا جاء بس مغصوب مع اخوه الكبير ودخلوا عند ابوي وجلس ابوي يتفاهم معهم​

وسأل زوجي ((انت وش جايك مني علشان تهزيء بنتي وتهزيء اهلها؟؟؟!!! هذا انا وياك جالسين مع بعض تكلم قل اللي بقلبك وفش خلقك))​

يعني ابوي ماقصر مع زوجي جلس معه وحاول يفهم منه سبب معاداته له​

وزوجي مالقى رد مقنع غير ((ليش تكتبون هالشروط يوم الملكة وتجرحون رجولتي؟؟))​

قال ابوي ((هذا شرع الله ومالك حق تزعل.. طيب ليش مااعترضت بنفس اليوم وطلعت.. بدل ماتاخذ بنتي وتعذبها!!!!!!!!))​

قال ((لو ما احبها وابيها ماتزوجتها))​

وقبل ما يجي هو واخوه كلمني على جوالي قبلها بكل يوم بناء على طلب من اخوه.. وقلت له انا موافقه ارجع لك بس بشرط.. ما نرجع لنفس حياتنا الاولى.. نرجع علشان نبدأ صفحة جديدة وحياه جديده افضل من اللي قبلها​

واتفقت معه على ثلاث امور:​

1. يحترمني ويحترم ابوي وهلي ومانتكلم بالماضي.​

2. عدم التجريح بالكلام او مد اليد.​

3. يحسسني بالامان ومايهددني بالطلاق او بالطرد من بيتي.​

ورجعنا لبعض.. انا رجعت له فرحانه وعروس جديدة متزينه له وناويه ابدا حياه جديدة.. وهو من اول يوم نقض كل الامور الثلاثة وعاقبني وهزأني وسب ابوي وشتمه ليش يدخل غصب لبيت اهلي!!!!!!!!!​

قتلني مرة ثانيه ((برصاصة الكذب))​

ومرة ثانية انهار نفسيا وطحت مغشي علي من الصدمة.. وبعدين صحاني وهدأني وقال انه يحبني ومشتاق لي ((بس انتي السبب اجبرتيني ادخل بيت اهلك وتحملي النتائج!!!!)) ​

جلست ابكي وقلت له ما ابيك هذي اولها ينعاف تاليها رجعني لبيت واهلي.. بس هدأني.. ويوم هديت قلت باصبر وهذي اخر فرصة لك..​

وعشت معه وحاولت اكون احسن منه.. رجعت اقوم بشؤون بيتي وزوجي وولدي خير قيام وبصورة طبيعية.. حتى اهله رجعت ازورهم كالعادة ولا كأن فيه شي صار..​

بس قلبي كان ينزف دم وكنت اتصبر وادعي ربي يصلح زوجي واعيش حياه مستقرة امنه سعيدة حالي حال صديقاتي وبنات عمي..​

كنت دايما اجلس معه واتكلم معه عن حياتنا واحاول اصلحها.. وكنت شرهانه عليه ليش بعد مارجعني مالتزم بالاتفاقات اللي بيننا.. ليش ما جبر خاطري المكسور ونفسيتي التعبانه بكلمة طيبة او ليش مايراضيني ويفرحني بهديه بسيطة تسعدني.. ليش يبخل علي ومايطلعني اتمشى واغير جو!!!!​

وكان دايما يتهرب مني.. مرة يقول ((انا ماابغى افرحك لان بنفسي شي عليك!!!!!)) يعني شايل علي ومستكثر علي يفرحني.. مرة يقول ((عندي ديون))!!! ليش جبر الخاطر والمعاملة الطيبة تحتاج فلوس!!!!! انا ماطلبت شي منه.. بالعكس المفروض هو يجبر خاطري ويحسسني بالراحة والامان بدون ما اطلب منه..​

بس مع الاسف بعد شهر ونص من رجعتنا لبعض طردني من البيت ورماني على بيت اهلي انا وولده بزعمه اني انا احتاج الى تأديب!!!! وقال ((باوديك لأهلك واذا عقلتي تعالي))!!!​

وبعدها بعشر ايام كتبت له رسالة بالجوال وطلبت فيها ورقة الطلاق والخلاص منه مع شرح الاسباب​

وابسط هذي الاسباب اني صبرت عليه وحاولت اتفاهم معه بس مافيه فايدة​

حاولت اعيش حياة امنه مستقرة وسعيدة بس ما فيه فايدة​

واهم الاسباب ان بنات الناس ((مو لعبة)) كل شوي تطردني وتبيني ارجع لك​

واذا سامحتك مرات ومرات فخلاص طفح الكيل!!!!​

ومارد علي ولاجاب خبري ولا جاب ورقة طلاقي.. حتى ولده مامر يشوفه او ارسل له مصروف ولا سأل عنه..​

وبعدها بشهر اتصل على جوالي ((مره واحده فقط)) ومارديت عليه.. وراح وقال لاهله ان ابوها مانعها تكلمني!!!! اتهم ابوي!!! وقال ان ابوها مسكر جميع الابواب بوجهي!!!​

فراح اخوه الكبير واتصل على ابوي واخوي وجاء لبيت اهلي وقال لهم ليش انتم واقفين بطريق اخوي وزوجته!!!!​

قال ابوي اخوك كذاب بس اتصل عليها مره وحده وماردت عليه وبعدها ما اتصل على اي احد فينا... حتى اصلا ماجاء وطق الباب علشان نرده..​

والان انا صار لي اربع شهور معلقة في بيت اهلي انتظر مباردة صلح من زوجي دون جدوى!!! انتظر ورقة الطلاق دون جدوى!!!​

وولدي المسكين ابوه ماسأل عنه..​

حتى أم زوجي اللي كانت تقول لي ((انا احبك مثل بنتي)) مااتصلت تسأل عني ولا عن ولدي اللي هو حفيدها من لحمها ودمها.. وخوات زوجي نفس الشي ماسألوا عني واللي كانوا يقولون ((انتي اختنا وحبيبتنا))​

حتى لو كان قصدهم مايبون يتدخلون بمشكلتني مع زوجي.. بس على الاقل يسألون عني وعن ولد اخوهم بعد هالغيبة.. انا ياما اعتبرتهم اهل لي..​

بس اللحين انا مصدومه منهم ومن ولدهم اللي هو زوجي!!! ​

الحمدلله اهلي عايشين بعز وبخير وماخلوني احتاج اي شي انا وولدي..​

بس انا متضايقة ونفسيتي تعبانه من وضعي ((معلقة)) لامتزوجة ولا مطلقة​

هذا غير الذكريات الاليمة اللي عشتها مع زوجي واللي يوميا تمر قدام عيوني!!​

دعــــــــــــــواتكم لي ربــي يختــــــار لــي الخيـــــــرة​

ارجـــــوكـــم انصـــــــــحوني..​

اختــــكم..​

فتــــاة الأمـــل..​

والله يالغاليه
كأنك تتكلمين عن زوجي
وعن حالتي اللحين
لكن انا صح قالي في الاول طااااالق
ورجعنا لبعض
بس ما كملت سنه من يوم مارجعت لبيتي
الا يرجعني بيت اهلي انا سمعت كلمة طالق مرة ثانيه
لكن
هو يحلف وينكر
ويقول انا قلت
طااااارق

وانا نفسك بالضبط لي اسبوع عند اهلي ولا صار شيء
والادهى والامررر
انه يسب ابوي (الله يرحمه) وماله 3 شهور متوفي
يطري اشياء عليه
ويقولي ان شاء الله تموتين زي ابوك وتلحقينه
تخيلي

انتظر فرج الله
​

 

[قطعة جالكسي]

للرفع
​

 

[القوية]

عزيزتي قصتك محزنة ولكن صديقيني يوجد مثلك الكثيرات والحياة فيها الكثير من الاحزان والهموم اصبري من اجل ولدك وطلبي من رب ان يهديك للطريق الذي فيه الخير لك ولولدك اتمنى لك التوفيق

 

[الوردوالياسمن]

والله انقهرت مررره من اسلوبك مع زوجك كان لازم تفرضين لك شخصيه وانصحك تشوفي نمط الشخصيات عشان تعرفي اشلون طبيعه زوجك بس الحين خلي ابوك يكلم اخوه انه ماجاء ولاسال ولا ترفعي امرك الى القضاءواذا تحسي انه ماراح يتغير الطلاق احسن واذا رجعتي انتبهي تحملي لمن تطمئي على حالك وتحسي زوجك تغير اسال الله ان يسخره لك ولولدك وان يرده اليك رداجميلا

 

[فتاة الأمل]

اشكركم اخواتي الغاليات
على مروركم وردوكم الجميلة
والله ماتتصورون وش كثر ارتحت لما فضفضت لكم ورديتوا علي


اختي قطعة جالكسي
اشكرك حبيبتي على مشاركتي في مشكلتي الله يفرج علي وعليك
وربي يختار لنا الخيرة في ازواجنا
اذا فيهم خير الله يردهم لنا ردا جميلا
واذا مافيهم خير الله يصرفهم عنا ويصرفنا عنهم
ويكفينا مشاكل وهموم وعذاب!!!!
ويعوضنا خيرا منهم
اللهـــــــــــم آ مـــــــــــــــين

اختي القوية
والله كلامك واساني وريحني كثير
وانا بصراحة صار لي فترة كـــــااااااااتـمـــة بقلبي ونفسيتي تعبانة ولا ابين لاحد ولا احد من اقاربي او صديقاتي يدري عن مشكلتي
فأحس بالنقص واني انا الوحيدة اللي اتعذب وماتهنيت بزواجي ولا تهنيت بحياة مستقرة آمنه حالي حال غيري من البنات..

ربي يبعد عني وعن الجميع شر الهموم والمشاكل..


​

 

[فتاة الأمل]

للرفع​

 

[أريد حل]

حبيبتى فتاه أمل كأنك تحكى عنى زوجى نفس طبع زوجك بالعصبيه والتهديد والأهانه لوالدى
وأنا عند أهلى من شهر
وكمان المشاكل زادد بسبب تأخر الحمل
وأبوى لازم يرد كرامته قبل أما أرجع له
ربنا يهديهم ويسخرهم لينا
أختك فى الله

 

[أريد حل]

أسألك أن تدعى لى أن الله ينصرنى ويهدى لى زوجى
لأنى خايفه من الطلاق وأتمنى من الله أن زوجى ينصلح حاله
ويتغير ويقدرنى ويعاملنى كويس
صعبان عليا من زوجى انه مبيسألش عليا دا أنا مراته ولاحتى أهله بيسألوه
مع أنهم كانوا دايما يشكروا فيا
اكن أول لما نوقع فى ضيقه كله يتخلى عننا ويغلطوا فى حقنا

 

[انا اعترض]

الله يعينج اختي ,, بس انا اشوف انج تتصلين على عمتج وتكلمينها وتعاتبينها بأسلوب حلو وتخبرينها بكل شي من طقطق لسلام عليكو .. وقوليلها على شروطج وخليها تتفاهم معاه .. واذا ما صار شي ولا عبرت ولا عبر انصحج بما نصحتج به الاخوات ارفعي عليه قضيه وخليه يتأدب هو .

 

[ZeeZey]

ياااقلبو انتي كنتي فاهمه الحياااه الزوجيه غلط ودي نتيجتها كيييييييييف تسمحي له و يسب ابوك؟؟؟ يسب ابوك ولسى فيها جلسه معاه وصبر؟؟؟ يضربني ويطردني واصبر؟؟؟يزعل منشرع الله واجلس افهمه انه شرع الله؟؟عنو لافهم ولارضي ولا اقتنع انتي اعطيته مسااحه كبييييييييييييره وخليتيه يهينك وتقولي الحمدلله يحبني واحبه؟؟؟ دا حب؟؟ الصبر في الزواج مو اصبر ع اهانته لا اصبر ع ظروفه الماديه اصبر لو كان مريض اصبر لو كان هوه عسل بس اهله بصل لكن مااصبر ع اهانته ليا..كيف بيتربى ولدك بهالجو المشحوون؟؟ وبعدين شوفي نتيجة صبرك ع الغلط نهايته بنوته بعز شبابها محطمه ومبهدله وحزييييييينه وكلو عشان مييييين عشاان واحد مايستااهل... الله يسعدك ويوفقك ونصيحه لاتزعلي وتنكدي ع نفسك ع واحد مايعرف لا الحب ولا الاحتراام..

 

[أبكاني ذنبي1]

لاحول ولاقوة إلا بالله

 

[رمانسية حب ودلع]

اسأل الله العظيم ان يصبرج الغالية ويرد لج ريلج يااارب و تردوووون لبعض ويصفي ويصلح كل شي امبينكم

مالج الا تدعين الله ولا تيأسين من رحمتة والله قااادر يبدل من حاااال الى حال والله يقرب لقلووووووووووووب ياارب

 

[فتاة الأمل]

جزاكم الله خير يا اخواتي الغاليات

اختي ((اريد حل))
ادعي الله العظيم رب العرش العظيم
ان يهدي لي ولك ازواجنا ويردهم لنا ردا جميلا (اذا فيهم خير)
(واذا فيهم شر) اسألك الله العظيم ان يصرفهم عنا ويصرفنا عنهم
ويعوضنا افضل منهم..
ويختار لنا الخيرة في حياتنا
ونعيش حياة مستقرة آمنه حالنا حال غيرنا من البنات..

اختي (انا اعترض)
امه الله يسامحها واللي طالما قالت انها تعتبرني مثل بنتها
وانا كنت احبها واعتبرها مثل امي
تخلت عني في اشد الظروف قسوة
واظنها واقفه في صف ولدها ومتعاطفة معه
او اظنها على الاقل قمه في السلبية بسبب خوفها من التدخل الذي قد يجر عليها متاعب ومشاكل..
فكيف تبيني اكلمها!!!!!!
مستحيل!!!!!
انا من يوم انصدمت فيهم تعبت نفسيتي وطابت نفسي منهم كلهم!!!!
ولا احب اشوف ولا اسمع اسم اي شخص فيهم..


اختي (Zeezey)
كلامك صحيح 100%
ونفس كلام اخوي
بس خطوة طلب الطلاق ليست سهلة ابدا... ماتجي الا بعد صبر وتروي طوووووووويل
وهذا كان قصدي من صبري وتحملي..



​

 

[&الماس&]

الله يفرج همك ويكتب لك مافيه خير وصلاح يارب العالمين.

 

[الأميرة الباسمه]

الله يفرج كربتك ارجعي لكلام دلع قلبه فكلامها صحيح

 

[ميعاد 2010]

هلا اختي فتاة امل واللة قطعتي قلبي
بس كل الناس كذا حياتهم اللي مطلقة ..واللي معلقة
واللي خاينه زوجها.. واللي.....
مو انتي بس ...
ماراح ينفعك ولا ييصلح حاللك الاربك..
ابدي من الليلة ..صلي اخر الليل ركعتين ..
وادعي ربك يبدل حالك ..ويعوضك انتي وولدك عن كل يوم حزين مر عليك
.يكتب لك كل امر في خير لك ولولدك..
اظهري ضعفك وافتقارك لربك ..ألحي بالدعاء..
اكثري من الاستغفار..
اقري سورة البقرة كل ليلة..واللة فيها فوائد كثيرة..
اللة يصلح حالك اللة يصلح حالك ويكتب اللي فية خير..
اللة يصلح احوال الناس ..ويبعد عنهم المشاكل..
ويسخر ازواجهم لهم