معلقة في بيت اهلي.. وهذه قصة معاناتي.. ارجوكم انصحوني وادعوا لي.. ((الجزء الثالث))

[فتاة الأمل]

السلام عليكم ورحمة الله وبركاته​

كيف حالكم اخواتي الغاليات؟؟​

ومبروك عليكم شهر رمضان الفضيل
والله يقبل منا ومنكم صالح الاعمال​

انا اختكم.. فتاة الامل​

صار لي معلقة في بيت اهلي سبعة شهور.. بعد ماطلعني زوجي من بيتي وتركني انا وولده بدون مايتصل او يصرف علينا..​

وانا بعد ماعمل معي هالحركة ((وليست اول مرة)) طلبت منه الطلاق مع شرح الاسباب اللي كنت اعاني منها..​

ونزلت قصتي ((الجزء الأول)) بالتفصيل قبل فترة على هذا الرابط:​

http://www.niswh.com/vb/showthread.php?t=255557​

وهذا هو ((الجزء الثاني)):​

http://www.niswh.com/vb/showthread.php?t=265305​

وهذة هي آخر التطورات:​

((الجزء الثالث))​

****************​

بإجازة الصيف.. سافرت مع اهلي لمده 12 يوم​

وقبل اسافر ارسلت لاخو زوجي ايميل فيه كلام ورد المرشدة الاسرية على استفساري
وانا قلت له من قبل بانني اتواصل معها​

وقلت له اني راح اسافر.. قال لي سافري واستمتعي واذا رجعتي يصير خير​

ولكن وانا مسافرة.. كنت طول الوقت افكر بحياتي وبمشكلتي..وقلت في نفسي لازم احاول اكثر من محاولة قبل افكر بالطلاق.. وتوصلت لطريقة يمكن تفيد في الوصول الى حل حلو بيني وبين زوجي.. واللي شجعني اكثر على هذا الحل هو كلام اهله لي ولاهلي ((ان زوجي تغير وماهو نفسه الاول.. وانه يحبني ومشتاق لي ولولده.. بس كبريائه الزايد منعه)) فقلت في نفسي ليش ما اكون انا اطيب واحسن منه وابادر بارسال رساله على جواله.. ومهما كان هذا الرجل هذا مازال اسمه زوجي وابو ولدي وحياتي مرتبطه معه.. ويمكن هالرسالة تكسر حاجز كبريائه الزايد.. واستخرت وتوكلت على الله وارسلت لزوجي رسالة على جواله​

وهذا نصها:​

((السلام عليكم.. الى زوجي وحبيبي.. وابو ولدي الغالي​

اولا.. شخبارك؟؟​

انا وولدك نحبك ومشتاقين لك وحياتنا مو حلوة بدونك​

ثانيا..​

انا آسفة وسامحني وحللني​

وانا مسامحتك ومحللتك​

والله انا ما ادري وش البلاء اللي جانا على بعض؟؟​

شي غريب ومو طبيعي​

هل هو عين وشر حاسد؟​

او من انفسنا والشيطان؟​

بس اكيد احنا نحتاج قران​

ثالثا..​

انا اتمنى نرجع لبعض.. بس ما اخبي عليك.. انا قلقة جدا من الرجوع وخايفة جدا من تكرار المشاكل..​

فانا ارى اننا نكلم بعض ونتفق مع بعض على الخطوة الجاية والحل الانسب لنا.. بس ارجوك بدون مانتكلم بالماضي اللي كله عذاب ودمار..​

والله يختار لنا الخيرة​

وش رايك؟؟​

زوجتك وحبيبتك..​

فتاة الأمل..))​

وانتظرت الرد منه.. ولكن زوجي لم يرد على رسالتي​

انا فكرت بيني وبين نفسي انه اذا كان كلام اخوه واهله صحيح بان زوجي تغير.. هذه الرسالة ستكون بماثبة ((جس نبض لزوجي)) ولكنه لم يرد.. فاحسست بالنفور منه وزاد القلق من الرجوع اليه..​

وقبل رضان بيوم ارسلت له تهنئة بشهر رمضان المبارك..​

بعد اسبوعين تقريبا من رسالتي الاولى له.. وكان اليوم الجمعة اتصل علي زوجي الساعة 11 الصبح​

بس انا كنت نايمة وجوالي على الصامت ومارديت عليه​

ولما صحيت من نومي شفت اتصاله وتفاجأت وارتبكت​

وترددت هل اتصل عليه او لا​

وطبعا سبب ارتباكي وترددي هو حرصي الشديد والشديد جداجدا على ان اتصرف التصرف السليم وان اقول الكلام المناسب والمفيد في حل مشكلتنا​

فأنا تعبت من الفراق ومن المشاكل​

ويجب ان لا اخطو اي خطوة الا وهي مدروسة...​

واستشرت امي والمرشدة الاسرية وقالوا لي ردي على اتصاله​

ودام نيتك طيبة لا تخافين ولا ترتبكين.. سلمي عليه واسأليه عن حاله واتفقي معه على حياتكم ومستقبلكم..​

وجهزت ورقة وقلم.. وكتب النقاط المهمة اللي راح اتفق عليها معه..​

واتصلت عليه... ولكن النتيجة كانت خيبة أمل..​

اتصلت ورد علي..​

أنا: السلام عليكم​

هو رد علي بكل جفاف وبلهجة حادة: هلا!!!!ه​

قلت: أهلين كيف حالك؟​

رد من غير نفس: بخير​

أنا: مبروك عليك الشهر​

هو: شكرا​

قلت: اتصلت علي قبل يومين صح؟؟​

قال: ايه يمكن الظاهر <<<< يتظاهر بعدم اهتمامه​

أنا: طيب آمر وش عندك؟​

هو: انتي وش وضعك؟​

قلت: أنا اسعى للتصالح​

!!!!اقال: شوفي انتي ارتكبتي خطأ كبير بحقي واذا تبين ترجعين لبيتك لازم تعترفين بخطأك وتعتذرين​

قلت له: انا ما اتصلت علشان نتكلم بالماضي.. وبعدين انا ارسلت لك مسج على جوالك قبل اسبوعين وقلت لك انا آسفة وسامحني وحللني على اي حاجة بدرت مني في الماضي.. وانا مسامحتك ومحللتك.. وبعدين الكلام بالماضي ماهو من صالحي ولا من صالحك​

قال: لا لازم نتكلم ولازم تعتذرين عن خطأك.. ومافيه رجال عنده ذرة رجوله يرضى باللي انتي سويته ((وهو كان دائما يردد كلمة انا رجال))​

قلت: طيب انا مين يعتذر لي عن اخطائك.. وانا ما ابغى ارد عليك بنفس اسلوبك واقول لك انا مرأة وعندي كرامة وما ارضى باللي انت سويته.. لاني انا اصلا ما اتصلت علشان اتكلم معك بهذه الطريقة.. وبعدين الكلام بالماضي ماراح يكون لا لصالحي ولا لصالحك.. ولا تحسسني انك اناني بس انا اللي اعتذر وانت لا..​

قال: انا ابدا ماعندي اخطاء!!!​

قلت له ((بعد ما اصابتني حالة خيبة امل ويأس)): شكرا ماقصرت​

قال: شكرا على ايش!!!! ​

<<< وحسيت انه يبي يكمل المكالمة.. بس انا ماتحملته ولا تحملت اسلوبه معي واتهامه لي..​

فقلت له: مع السلامة.. وسكرت الخط..​

وانتهت المكالمة..​

ولا حول ولا قوة الا بالله..​

----------------------------------------------​

ايش رايكم اخواتي؟؟
انا قصرت معه؟؟ انا استاهل هالرد والتصرفات منه!!!!!!!
ايش رايكم برده علي!!​

انصـــحوني وادعـــوا لي​

اختكم.. فتاة الأمل..​

 

[ملكه الجليد]

الله يفرج همك ويسهل امورك ويحقق لك الي في بالك ويهدي زوجك

 

[هند بنت عتبة]

لاحول ولاقوة الا بالله

عليك بالدعاء والاستخارة والي فيه الخير ربي بيقدمه لج​

 

[كان الحب لك]

أنت زوجك جنوبي الشخصيه
اسلوبك خطأمعه

 

[أم الأقمـــــار]

للاسف كنتي ماشيه صح بس خربتيها بالرساله وكملتيها لما انهيتي المكالمه وانتوا مااتفقتوا

.
.

الحل الوحيد تكلمين امه وتطلبينها انه يرسل ورقتك بهدوء عشان تضغط على ولدها وتقول لاتطلقها وروح جيبها

انتي حاولي لارجعتي ماتنرفزينه وتخلينه يدعي على ابوك

وترى كلام الرجال لاصار عصبي ماتاخذينه لانه يسم البدن لكن اذا كان واعي ورايق ويسب ابوك هذا اللي تنقهرين


.
.

خلي اخوك يكلمه ويقول له انك انخطبتي خخخخخخخخخخخخخخخخخخ

استغرب اذا يحبك كيف يصبر هالمده !!

 

[فتاة الأمل]

اشكركم اخواتي على مروركم ودعواتكم

اختي كان الحب لك
انا اتوقع ان زوجي شمالي شرقي
مع اني ماعملت الاختبار على شخصيته
بس هذا الواضح من تصرفاته

طيب ياعزيزتي انصحيني وش الطريقة الصح
ابغى استفيد من وجهة نظرك..
وشكرا لك على مرورك..

​

 

[فتاة الأمل]

اختي ام الأقمار
حياك الله عزيزتي

والله انا مثل ما كتبت بموضوعي.. انا ارسلت الرسالة لاني حاولت اكون احسن منه واعطيه فرصة..
وبالسبة للمكالمة انا انهيتها لاني ما تحملت اسلوبه وهالاتهام الكبير والشين بحقي..
وهو يحبني.. بس اللي صبره عني كل هالمده هو كبريائه الزايد عن حده ونفسيته الغريبة..
وانا واهلي حاولنا نقنع اخوه انه يروح لمستشار اسري او طبيب نفسي..
بس مااقتنعوا..

الله يصبرني ويفرج كربتي وكربة كل مسلم..

​

 

[قطـــــريه]

اختي اسمحي لي انا مع زوجك ومو معاك .. شلون تبدون حياة جديدة وانتوا ما نهيتوا اللي فات وصفيتوا النفوس ؟ غلطتي لمن رفضتي تتكلمين باللي فات .. خلك من كلامه انه رجال لانه في الاخير فعلا رجال .. لكن لمن اصر انه يتكلم باللي فات كان تكلمتي واللي انتي فيه غلطتي اعترفي قدامه واعتذري عليه واللي هو غلط فيه يعتذر وكان المفروض تقولين له انا ماعندي مانع نفتح اللي صار بس اللي انا غلطت فيه بعتذر واللي انت غلطت فيه تعتذر شرايك ؟ بهالصورة تبدين صح .. لكن تعال حبيبي وزوجي نبدا صفحة جديدة ولا نتكلم في اللي فات ولا كأن شي صار !!! غلط اسمحي لي ..

دام عندج رغبه بالمصالحة دقي عليه لان انتي اللي سكرتي وافتحي الموضوع ليش ماتبين تفتحينه ؟؟ خايفه تطلعين انتي الغلطانه ؟؟ واذا انتي الغلطانه مب عيب نغلط ونعترف ونعتذر .. مب معناته انج طرشتي له مسج اعتذار خلاص المطلوب انه ينسى ويسامح على طول .. لا اختي هاي مشاعر واحاسيس .. اللي انا مستغربته ليش ماتبين تفتحين اللي فات ؟؟

هاي رايي والقرار لج

 

[فتاة الأمل]

هلا وغلا فيك اختي قطرية

انا سكرت الخط وانهيت المكالمة لانه هو من اول ما رد علي رد بنفس شينة وسبب لي احباط وخيبة امل.. وما ارتحت بالكلام معه نهائيا..

وبعدين انا يوم طلبت منه ننسى الماضي ومانتكلم فيه لاننا لو نبي نتكلم نتكلم عن ايش ولا ايش؟؟؟ هو الله يسامحه سبب لي ولاهلي مشاكل بما فيه الكفاية... وهالشي تلقينه في الجزئين الاول والثاني من قصتي..

وحتى لو انا ضغطت على نفسيتي وقبلت اتكلم بالماضي هو ماراح يكون منصف وعادل معي.. بالعكس كان اناني معي ويتزه نفسه.. ومن بدايه المكالمة رمى على اتهام كبير بحقي وقال لي انتي الغلطانه وانتي اللي لازم تعتذر.. اما هو يقول عن نفسه انه ماعنده اخطاء نهائيا!!!!!!! وهذا اللي جنني
اجل مين مدمر حياتي ونفسيتي غيره!!!!!!!

​

 

[فتاة الأمل]

باقي اخواتي وينكم
انتظر ردودكم ونصائحكم
يا رب لكل وحدة ترد علي
انك تسعدها وتفرج همها
وتقبل منها صيام رمضان وقيامه..
اللهم آمــــــــــــــــين..


​

 

[كلي حنو]

هلا والله خيتوو ..

انا قريت كل مواضيعك .. يعني جرحك جرح يمكن حتى انتي ماراح تنسيه مع الاياام ..

يمكن راح تتناسيه اييه بس تنسي ما اتوقع صراحه الا بعد ما يملي عليك الحب والحناان

ع طوول ولا تجو بالمشاكل عشاان ماتتذكرين الكلام اللي كان يقوله لك ..

يعني صراحه كلامه حيل قووي ولا اي بنت تتقبله ..

لو فرضنا انا حطيت محلي مكانك وقلت حق اهلي والله ما اتوقع ان اهلي برجعوني حق زوجي الا

اذا هو بنفسه جاني واعتذر لي قدام ابوي واخواني .. وفووق كذا يعتذر حق ابوي لان ماسوى شيء خطأ

سوى انه كل مره يقولك وش هالشروط ومدري شنوو .. من حق كل بنت تحط شروطها بس الشروط تكوون

عاديه ماتكون جارحه للزوج .. لكن انتي شروطك مافيها اي حاجه يعني من حقك هالشيء ..

ورسالتك اللي رسلتيها له انا لو منك والله ما ارسل له ولا افكر اني ارسل له ..

اذا هو معند كبريائه انا اصير اعند منه ليش يعني هو عنده عاتي يعاند كبريائه وانتي لا ..

وربي لو انا منك مافكرت مجرد تفكير ارسل له هالرساله .. لين ما اعرف انه فعلا صار احسن من اول ..

وش يضمن لي كلام اهله ويا اخووه ليه مايخبوون ع اخوهم ..وانا كل شيء عندي ولا اذل نفسي حق رجال ..

صراحه الرجال في ذي الزمن عامليه نفس معاملته لك .. ان عاملك باحترام عامليه انتي بعد بأحترام ..

واذا ما احترمك ولا قدرك ولا قدر اهلك اللي هم سندك بالحياه ..انا ليش اقدره صحيح مابرد عليه

واذا قال اي حاجه بطنشه لكن صراحه للصبر حدود .. مافيه بنت ترضى ان زوج ينقال عن ابوها كذا ..

لان انا اقولك اياها الزوج والولد يتعوضوو لكن يالغلاا الابو والام عمره مايتعوضوو..

وع اي اسااس هو يسووي كذا ويعاملني هالمعامله وانا محترمتنه وحاطتنه فووق راسي ..

صراحه شيء صعب صعب .. واقولك اياها لا تفكرين فيه ولا تجيبي طاريه ..

واذا اهلك الحمدلله مو مقصرين معك والله لا تفكري ولا حتى تجيبي طاريه عند احد ..

لهي نفسك بأي حاجه .. واذا هو حب انه يجي ويرجعك حياه الله لكن بشروطك انتي ..

واصلا انا اشوفها بدون ماتشترطي والله الرجال العدل هو اللي بيحس انه غلطان وبيعتذر بدون ماتقولي له

اذا سووى هالشيء صدقيني زوجك يبيك ويبي يفتح معك صفحه جديده واذا شفتي انه ماجاب طاري

ولا اعتذر لك اعرفي انه بيستمر ع حالته اللي قبل .. ولا راح يتغيير .. واذا انتي كل مره ادقي ومدري شنو

ترى تكوني رخيصه بالنسبه له خليك قويه ولا يهزك ريح وانا اختك .. واذا شافك كذا هو بعدين بيعرف

غلاتك صدقيني .. وبيعرف قيمتك عدل لان ماعطيته وجه صدقيني بصير هو اللي يرك

 

[عشق الأمل]

حبيبتي الله يكون بعونك
تأثرت وايد بقصتك .. يكفيك أختي تنازل
دورك وقف عند هذا الحدوانتي ما قصرتي بيض الله وجهك سعيتي وحاولتي تحافظين على بناء بيتك في الوقت اللي هو يهدم ويكابر
الحين دوره هو
نصيحتي لك لا تسمعين للي يقولك سوي وسوي يعني لا تتخذين أي خطوة زيادة لا اتصال له ولا اتصال لأهله ولا توسيط حد بينكم حتى الطلاق اتركيه هو ياخذ القرار خل هو يسعى عشان يحط نهاية لأخطاءه خليه يحس بقيمتك
ترا هو طالما شايفك تسعين وتحاولين ومهتمة صدقيني راح يزيد في مكابرته ظنا منه إنه يستاهل لكن لين وقفت كل هذيه صدقيني بيحس أنه بيفقدك وانك مو مهتمه وبيعرف قدره صح ومن يدري يمكن يصحح من أخطاءه
وطبعاً ما أوصيك بالتقرب إلى الله وخلي ربك هو أقرب إلى قلبك وادعيه فهو بيده سبحانه تفريج كربتك ..
عسى الله أن يحدث بعد ذلك أمرا
وفقك الله وسدد خطاك ​

 

[زوجه مؤدبه]

شوفي اصحي تحلين الامور بينك وبينه بدون ابوك او اخوك ترى بتندمين اللي مثل زوجك متكبر لازم ماايحس انك راجعه ذليله ترى انه يسب هلك ويمد يده شي مو سهل فكري بنفسك وعيالك بكره وامهم تنطق قدامهم عقد نفسيه منتب ملزومه تعالجين ولدهم ولا تفكين عقده .. انا نفس حالتك ونفس المشكله ليش تشرطون بيت والوظيفه وستخدمت نفس اسلوبك زعلت ورجعت وما استفدت من الرجعه قالو تغير بس هو نفسه وزادت الامور والحين بكمل سنه عند اهلي .. المتكبر ماينفعله الا التهميش ولاتكلمينه االحين ولاتردين عليه اذا اارسل لازم يحس انك منتب ميته عليه وبداله عشره شوفي كلام الاستشاريين ترى مو دايم يكون واقعي انتي خوذي اللي تحسين انه يفيدك بمشكلتك ولباقي اللي ماتقتنعين فيه ارميه ورى ظهرك يااختي تراني ندمت اني مااتخذت موقف من الاول لاتكررين غلطتي مشكلتك حلها عند الرجال "ابوك " مو عندك .. والله يصلح حالي وحالك .

 

[كلي حنو]

هلا والله خيتو ..

انا صراحه شفت المواضيع اللي تخصك انتي وزوجك .. يعني وش اقولك

كلامه كان حييل قاسي وقووي لدرجه ان مو اي بنت تتحمل اللي ينقال عنها وعن ابوها واهلهاا ..

انا بحط موقفي مكانك تدرين لو انا مكانك وربي ما افكر حتى ارجع له .. ولا اذل نفسي له..

يمكن حتى اهلي لو عرفو ان زوجي كذا وربي يلعنو خامسه .. وربي ولا يخلوني ارجع له لو كان اللي كان ..

الحمدلله انتي في بيت اهلك معززه مكرمه ماكان احد يهينك او يسبك او يغلط عليك ..

يجيك واحد ويسبك ويسب ابوك .. لاترضى ع هالشيء .. وحتى لو فرضا قلتي معليه بصبر

وبصبر يعني الا متى هالصبر .. يعني كل شيء له حدود .. بعدين حتى انتي خلاص مارااح تتحملي ..

بتقولي خلاص طفح الكيل كل يوم اهانه وسب ولعن فيني وفي ابوي واهلي ليش ..

ع اي اسااس بس عشاان ان ابوك قال شروطه واذا قال شروطه .. قولي له من حق اي ابو يقول شروطه حق الشيخ ..

طبعا اذا البنت موافقه واذا انتي موافقه اكيد راح يكتب الشيح بالورقه .. ااصلا حتى هو له شروط ..

والا بس حلال ع الرجال شروط وحرام ع البنت .. ولا اشوف فيها حاجه هالشروط والله لو فيها اهانه له

او حاجه كان قلتي اي ماعليه من حقه يسووي كذا بس شروط جدا عاديه ..

اي وحبيت بعد اكتب لك ان رسالتك اللي رسلتيها له اهانه بالنسبه لك .. صحيح تبي تكوني احسن منه ..

وانتي اللي تبداي بس انا ما انصحك فيها .. والله ان الرجال هذي الاياام مايستحو اللي نسوي لهم احنا

بالبنات نتعب عشانهم ومدري شنو بالاخير نشووف من وراهم غير الاهانه والتجريح .. والذل والطرد..

وانا لو منك انا اللي اطرده لان البيت يكون حق المره وليس للرجال احنا هذي عادتنا مدري عنكم ..

يعني لما الرجال يطرد المرأه تقوله انت اللي طالع وانا الداخله وحتى لو البيت مو باسمي ..

بس انتو مدري عنكم كاذا عاتكم والا غيرر عناا ..

وع قوله اهله انه تغير ومدري شنوو المفروض انك مارسلتي له هو اللي يجي ويعتذر لك ..

لان هو اللي غلطان مو انتي لو انتي كان قلت اي من حقك انتي تروحي وتعتذري له ..

بس الغلط منه هو ..يجي لك الا البيت لو يبي ويعتذر لك قدام ابوك واخوانك .. واذا اعتذر لك يعتذر حق ابوك

اللي كل يووم جايب طاري ابوك يعني رجال كبير واكبر منه يسووي له كذا مو عيب عليه ..

والله ناس ماتستحي ع دمها وتقول هو اكبر مني المفروض احترمه وله احترامه ومقامه ع الرأس ..

وحبيت بالنهايه اقولك لاتفكري بزوجك كثير وخليك بيت اهلك لين مايفكر بحضرته يجي حتى لو كان

يحبك ويحب ولده ع قولته ..انا صراحه اشوف اللي يحب هو اللي يرجع حق زوجته مو زوجته ترجع له ..

وهو يقول انه متندم ومدري شنو دامه متندم وينه وليه ماجالك والا بس كلام دوون فعل ..

وانصحك لا ترجعي له انتي اذا يبي هو يرجع لك لانك لو رجعتي له كل مره بسووي كذا

بشوفك انتي اللي تروحي له بيقول اي هي بترجع لي ومدري شنو لا خليه هو يجيك ..

لان الرجال اذا شاف البنت هي اللي تجي له والله يتمادى بيقول بالنهايه هي بترجع لي حتى

لو هو غلطان لا خليه هو يجي لك عشان بعدين يحترمك ويقدرك ويحطك فوق الرأس يالغلاا ؟.؟.

والله يشفيه يارب ويرجع لك اننشاء الله .. ويرجع لك مذلوول وتحسي انه فعلا متحسف وندماان

ع اللي سوااه معك من قبل ..

والله يوفقك يالغلااا في حياتك ويخلي لك ولدك .. بحق هالشهر الفضيل ..

نسيت ماقلت لك لاتزعلي من اللي كتبته لك .. لكن انتي قلتي احنا خوات ومحتاجه نصيحه وانا

هذي نصيحتي لك .. واذا ماعجبك نصيحتي كانك ماشفتي كلامي وردي لك ..

 

[كلي حنو]

اثر صار ردودين لي ..

معليش ياغلااا ما انتبهت له لان فجاه طلعت من الصفحه

 

[حالمه ولكن]

الله يفرج همك ويسخره لك اكثري الاستغفار واحنا بشهر فضيل اكثري فيه الدعاء وقراة القران

 

[وايليه]

الله يسخره لك ويهدي النفوس

 

[فتاة الأمل]

اختي الحبيبة ((كلي حنو))
اشكرك من اعماق قلبي على مرورك وتفاعلك معي..
والله يجزاك خير على نصيحتك الصـــــــاااااااادقة لي
قسم بالله وانا اقرأ كلامك حسيت اني جالسة مع اخت مقربة لي..

اختي ((عشق الأمل))
اشكرك غاليتي على تفاعلك ونصيحتك الحلوة
وماشاء الله عليك كلامك صحيح
وتصدقين!!! نفس كلام امي معي اليوم!! سبحان الله!!
جزاك الله خير والله يسعدك ويوفقك بحياتك ويحقق احلامك..

اختي العزيزة ((زوجة مؤدبة))
جزاك الله خير اختي الغالية والله يفرج همي وهمك ويختار لنا الخيرة
ونعيش حياة مستقرة وهانئة حالنا حال غيرنا من البنات..

بس يا اخواتي

والله اني مدري وش اقول لكم
انا مشكلتي الطيبة الزايدة وقلبي على الفطرة احب زوجي وولدي واحن عليهم وارحمهم.. وبسرعة انسى واسامح اذا زوجي اواي احد غيره غلطوا علي..
طبع فيني ما اقدر اغيره.. وحاولت بس ماقدرت.. مع ان الدنيا تتطلب شوية قسوة وصلابة..

وانا اكيد راح اطنش زوجي على الاقل شهر.. بس مع التطنيش ايش اسوي علشان يتحرك الموضوع؟؟.. وكيف ارقع رسالتي الحلوة اللي هو مع الاسف طلع مايستحقها؟؟؟
وينفع اني انا اطلع نهائيا من الموضوع واخلي الموضوع فقط عند الرجال ((ابوي واخوي)) ؟؟؟

معليش اعذروني على هالاسئلة.. بس مثل ماانتم عارفين الواحد لما يطيح بمشكلة تتعب نفسيته ويتخربط تفكيره.. ولا يدري وش يسوي..

طيب وش رايكم اذا انا طنشته شهر وهو ماجبر خاطري ورجعني ارسل له رسالة على جواله واقوله اني انا سويت اللي علي وبادرت مبادرة طيبة وبحسن نية وحاولت اصلح واتفاهم معك بس انت مع الاسف ما فيه فايده معك.. وانا تعبت من وضعي ((معلقة)) في بيت اهلي.. واذا حياتنا ماراح تتحسن انا ماراح اصبر واتحمل اكثر.. ولو سمحت طلقني لوجه الله..

وش رايكم؟؟

​

 

[فتاة الأمل]

اخواتي ((حالمة ولكن)) و ((وايلية))

جزاكم الله خير على مروركم ودعواتكم لي
وآمــــــــــــــــين الله يسمع منكم..

​

 

[عاليه الصيت]

الدنيا ماتسوى انا لو مكانك اتطلق وانساه واريح بالي واذا جت فرصه وحنيت له اتذكر الي سواه عشان انساه نهائيا
والله حياتك معه عذاب مع انسان لو بيتعدل كان تعدل من زمان بس بو طبيع مايجوز عن طبعه
انا صراحه لو مكان لو قال عن ابوي نص كلمه ماأقعدله في البيت هذا ابوي وانا بنته كيف اسمحله يسبه