معقوله؟!! داخله على الله ثم عليكم ساعدوني

[صافينااز]

الله يشفيه ويعافيه و عليكم بالصدقه

 

[نظرة صدق]

الله يشفيه استخاري كم مره والخيره فيما ارده الله

 

[نجـــــاح]

أعتقد الاستخـــــارة هي الحـــــل .



وبإذن الله ربي يقدم اللي فيه خيــرر


لكن كوني واثقة بربّـــك ولا تهتز ثقتك بالله سبحانه .​

 

[زوجة الشيخ حمد]

شوفي الأمريكان كشعب جدا محترمين وطيبين وأنا ماعمري سمعت بهالشي. عمتي جاها سرطان بالصدر وراحت وتعالجت ورجعت ماشاء الله. وأمي وأبوي راحو درسو بأمريكا والله يقولون ماشفنا منهم إلا الطيبه والإحترام والمصداقيه والغش للأسف كان من العرب. الحكومه طبعا ماتمثل الشعب ولا آرائه وأنا منكم أستخير وإذا إرتحت رسلته وماعلي من كلام الدكاتره.

 

[رنودة**]

الله يشفيه شفاء لا يغادر سقماً

 

[زوجة الناظر]

استخيري والله يشفيه

 

[ابي اوصل فوق]

فيه وحده تقرب لي جاها السرطان الله يشفي كل مسلم منه
ارسلو اوراقها لامريكا لمستشفى الاورام هناك رد عليهم المستشفى وقال الحين عندكم مستشفى الملك فيصل التخصصي من اكبر وافضل المستشفيات با العالم فيما يتعلق با الامراض وتشخيصهم وعلاجهم بعد ما اطلعنا على الحاله هي نفس الي بنسويه لها يعني لا اتعبونها وخلوها عند مستشفى الملك فيصل

 

[Ibtisama]

جزاكم الله خير حبايبي على نصايحكم


يعل ربي يدفع البلا عنكم

انا اعتمادي الاول و الاخير على الله و ان شا الله بعد ما استشير الاهل نقرر و نتفق على تحديد وجهتنا و نستخير و نتوكل على الله

انا على يقين ان ربي ما راح يضيعنا

ادعوا لنا يا بنات عسى الله يبعد عنكم كل شر وأذى و يسهل لكم كل صعب

 

[Ibtisama]

مشكورين حبايبي انتوا

اليوم كلمت ابوي و قلت له عن كل شي قاله الدكتور

وقال لي ما عليج منه و خليه يولي

عاد قمت دشيت موقع المستشفى و لقيت انهم يعالجون نفس حالة اخوي سنويا 3600 حاله بالسنه و كلهم تشافوا

عاد يقول لي ابوي انهم لما كانوا بامريكا الدكتور اللي عالج اخوي يقول انه مستعد يخلينا نتواصل مع المرضى اللي نفس حالة اخوي و تعالجوا عنده و شفوا


ما اقول الا حسبي الله عليه من دكتور ان جانه يجذب علي و يدري انه يجذب

لا حول ولا قوة الا بالله العلى العظيم