معقولـــــــــــــــــــــــــــــــــــــــــــــ ــــة

[سمو~وعزهـ]

:33:بسم الله الرحمن الرحيم
السلام عليكم ورحمة الله وبركاته
مرحبا حبايبي أتمنى تكونوا بصحة وعافيه دومـ ياآآآرب.
بصراحة أنا آخذه بخاطري منكمـ كثيييييييييير.
ماشاء الله الكل متزوج وان شاء الله الكل سعيد او بطريقه للسعادهـ
الغريب انه مافي مواضيع لبداية هذي السعادة اللي هي الخطبة بإذن الله .
والكل يساعد بعض ويتمنى الخير لغيره.
كثيير دورت وكثير بحت بس مالقيت جواب ماأبغى الطريقة اوخطوات كيف الدخول وكيف الخروج وايش تحتاجين وايش ماتحتاجين .
حاليا الكل متزوج وما أعتقد لموضوعي مكان غير هنا
ياليت الكل يساعد البنات اللي ماتزوجوا واللي محتاريين بحايتهم ومايدرون كيف يقررو وهل قرارهم صحيح او خطأ؟!
وممكن تضيع انسان لمجرد تفكير سطحي او لقت معلومه خطأ.
لما تنخطب البنت بتكون جدا محتاره خصوصا بعد ما انفتح العالم وكثرت المسلسلات والافلام والوجوه الجميله والحياة السعيدة اللي تخلي الواحد ينصدمـ ويعطي الموضوع اكبر من حجمة والسبب انه ما فيه الموجه الصحيح والمعلومات قليله
اتمنى الكليشاركنا بتجاربهم يوم اختاروا الشريكـ.
استرخي على كرسيك واملئي كوبك بمشروبك المفضل وابدئ بسرد أحداث خطبتكـ...^^ :32:
اللي نبغاه منك اكثر شيء هل كان زوجك عندما رايتيه اول مره ما تتمنين وهل ندمتي بعد الزواج ؟
اذا كان مو اللي تمنتيه موافقتك عليه ضغط من الأهل ؟
أو أحببت امر آخرمنه ؟
أم عدم إهتما ؟
وكيف حالك بعد الزواج هل حمدت الله ام ندمتي ورضيتي ؟!
سؤال محيرني وهو اللي خلاني افتح الموضوع لو كان الرجل ذو خلق ودين ومأعجبتِ بشكلة راح توافقين ؟وهل في احد مر بهذي التجربه وكيف هي حياته ؟؟
والسمووووووحه منكم ان اخطيت بشئ
فإن أصبت فمن الله وان أخطأت فمن نفسي وأسأل الله أن يجنبنا الاخطاء ...

 

[مرام الأمل]

أنا اعرف كثيرات يتابعن المنتدى وهم بنات مثلنا يردن تكوين ثقافة أسرية
ونصيحة لك ان لا توافقي دون اقتناع بشكله وحاله فهذه عشرة عمر ماهي يوم وليلة
الله يكتب لنا الخير حيث كان ويصرف عنا الشر حيث كان آآآآمين

 

[a7LA amL]

صح كلامك محتاجين مواضيع تخص الخطوات الاولى للدخول الحياة الزوجيه

ولما رحت على قسم العرايس

ممممممممم بصراحه ماشفت مواضيع ثقافيه لها علاقه بالعلاقة بين الزوج وزوجته
انا مثلك وبنفس حالتك

ياليت في دردشه خاصة للمقبلين على الزواج
وتتعلق مواضيعها >>> بالثقافه الزوجيه <<<

مو بالتجهزات والعناية والخ .....

بس اهم شي لا تاخذي بخاطرك ان شاء الله المنتدى تلقي فيه الفائده والمتعه

 

[~أسرار البنفسج~]

المنتدى يزخر بالمواضيع والمعلومات المفيده وكل وحده تقدر تستنتج اللي يفيدها:22:

وهذا رابط لموضوع بإذن الله راح يفيدكم..
http://www.niswh.com/vb/showthread.php?t=285316​

 

[يقين الحب]

السلام عليكم ورحمة الله وبركاته

عزيزتي ان شاء الله ربي يكتبلك الزوج الصالح والذرية الصالحة
بالنسبة لشكل الشخص بكتبلك تجربتي
كنت اعرف انه زوجي شخص فارق العمر بيني وبينه كبير لكن طمعت بأخلاقه ودينه يلي سمعته من الناس عنه
لكن بيوم الشوفه انصدمت بشكله وحسيت بضيقه بداخلي لكن توكلت على الله واستخرت والحمد لله تيسرت امور زواجي بشكل كبير جدا
الى درجة انه الوالدة الى الان بعد مرور سنوات على زواجي تقول ماني مستوعبه كيف وافقت على زواجك

اما بالنسبة لزوجي وبعد مرور سنوات العشرة فالحمد لله اكتشفت فيه صفات حلوة كثيرة جعلتني اتعلق فيه اكثر

فنصيحتي لك استخيري قبل كل شي
والمهم في الرجل هو معاملتة لاهل بيته مانقيسه لا بالشكل ولا بالمال ولا بالمركز اهم شي تطمني من ناحية اخلاقه ودينه
​

 

[سمو~وعزهـ]

صباح الفل
مشكورات على ردكمـ صحيح حنا البنات نتحير خصوصا لما مايكون في احد تفتحي معاه الموضوع فعلا ياليت يفتحو دردشة فكرة حلوه .
أسرار البنفسج حبيبتي كنت قد قرأت الموضوع كتبت عنه لاكن ماركزت على الموضوع الله يعطيك العافية .
يقين الحب ^^حبابه هل إسمك كان نتيجة هذي التجربه؟ وهذا اللي محيرني حاليا انا مثل حالتك قبل .

 

[يقين الحب]

اسمي هو ثمرة هذه التجربة​

 

[سمو~وعزهـ]

اللهـ يحفظكـ يآرب وبهنيكـ^^

 

[حياتي معك]

انا كنت اتخيل فارس احلامي مثلي مثل البنات
طويل عريض وسيم مركز مرموق يتحمل المسؤولية وحنون
وينعجب فيني قبل يخطبني واكبر مني بكثير عشر سنوات اقل شي
وكنت راسمه كيف شكل عينه خشمه فمه اسنانه شعر وجهه وراسه ولون شعره ولون بشرته
وكيف جسمه
وايش هي وظيفته وكيف ترتيبه بين اخوانه .....يعني ادق التفاصيل


طبعا في داخلي مستحيل بيجي واحد متفصل مثل مابي
لكنها امنيه


اول ماشفته حسيت برهبه
لدرجة ماقدرت اكمل وادخل
ويمكن هو فسرها نفور
وللحين هالرهبه موجودة لو طالعني بنفس النظرة

ماقولك فيه كل المواصفات اللي اتمناها
لكن في بعضها وهذا اللي خلاني اوافق عليه


لو جاني شخص صاحب دين وشكله مو مقبول
يعني فيه فرق بين شكله يعجبني وبين شكله اتقبله
لو شكله مو مقبول عندي ابد
وانا ادري ان خطابي كثار
مارح اوافق عليه الا اذا اغراني بمركزه الاجتماعي

انا لساتني متملكه عليه
لكن اي احد الحين يقولي لو تزوجتي فلان
او فلان اللي تقدموا لك قبله
ويذكر لي مميزات عندهم مو موجوده بخطيبي

في داخلي اقول الحمدلله ان هذا هو نصيبي

لان في مواصفات حلوه اكتشفها مع الوقت
رغم ان في اشياء للحين اتمنى انها تكون موجوده فيه
لكني مااجاهد عشان تصير موجوده عنده

ابي احبه مثل ماهو وابيه يحبني مثل ما انا