معقولة يتغييير!!

[قساوة زمن]

أنا عضوة جديدة عندكم00وبنزل مشكلتي اللي سبق ونزلتها بمنتديات ثانيه لكن أنا متأمله بالله ثم ببنات المنتدى هنا:icon26:

أنا متزوجة من سنتين من واحد بعمري مستواه التعليمي الكفاءة وأنا جامعية00
بالبداية كانت حياتنا هاديه وحلوه00لكن بعدكم شهر بدأ مسلسل أهله خاصة أخته اللي زوجها متزوج عليها ثنتين وهي ماكملت خمس سنوات زواج00ومشكلة زوجي الكبرى أنه يتأثربكلام الغييير بدرجة ماتتصورونه00ويجي يطبق علي كل الكلام اللي قالته له اخته 000أوأصحابه 00وتفكيره سطحي جدا ولايعتمدعليه بتخاذالقرارات 00أنا قعدت سنه وثمان شهور ماحملت فكان كل شوي يقولي إذا ماحملتي هالشهر بتزوج عليك00 خصوصا بعد ماجاء اخوه اللي تزوج معنا ولد0 نفسيتي صارت زفت وكل يوم بكى ومشاكل 0والله الشهر اللي فات أكرمن بالحمل فرحت وقلت خلاص بيعقل ويتغير 00إلاوزااد شره0يقول لو جبتيلي عشر اعيال بتزوج0 قبل كان يصلي ومايدخن لكن بعد ماتوظف صادق شلة فاسدة فترك الصلاة وبدأ يدخن ويعاملن اسوأ معاملة ويسب أهلي واخواني مع انهم يحترمونه علما انه مايشوفهم بالسنه إلا حسنه00والحين هو يدخل البيت مبوز:schmoll: وزعلان ويهاوش:santa_1::busted_red: على اتفه سبب وكل شوي يقولي انا مابيك قومي ابوديك لاهلك0مع اني موشينه لابالطبخ ولاالشكل ولااللبس0والله يابنات دموعي ماتنشف00مادري وش اسوي00ماودي اعلم اهلي واضيق صدر امي وبوي و ارفع ضغطهم0أنا أقرأسورة البقره محافظه على وردي لكن انا خايفه يطلقني00 لانه متهور00الله يستر عليكم يابنات قولولي وش أسوي ولازوجها مثلي تقولي على حل00ولاتنسوني من صالح دعاؤكم
والله يسخرلكم ازواجكم000

 

[معشوقه]

عزيزتي ...

أنا بدعي لك الله يهديه ويصلحه ويسخره لك ..

ولا تفهمين ردي إني أخليكي تتحاملين عليه بس كل إلي حسيته من رسالتك إنك وايد ضعيفه أو مضعفه روحك ...

أختي تقوي إشوي لكن بالعقل ... حاولي اتردينه لك و تجذبينه للبيت و فرضي نفسك و شخصيتك لا تبكين وايد و تبينين

ضعفك أحيانا ضعفنا يعطي فرصة للأخرين يستقوون علينا و هو مو في هالقوة ...

و الله يعينك و يسهل لك حملك و يسعدك ...

 

[أحب زوجي*]

الله يجعل لك من كل هم فرجا ومن كل ضيق مخرجا ..

اجلسي معاه جلسة هادية رومانسية بعيد عن كل شي وحطي معه النقاط الاساسية لحياتكم ,,

ثقي بنفسك كثير كثير وبيني له هالشي .. دللي نفسك أكثر من أي شي .. ولا تخلينه يهينك إن قال ما ابيك ناظريه بنظرة معناها من زينك ههههههههههه والله حقدت عليه من جد

الله الله بالدعاااااء والاستغفار أكثري منه ..

 

[رسيل الحب]

الله يصلح حالك مع زوجك الله يعينك ويصبرك والله حاسه فيك لاني صار لي مشاكل مع اهل زوجي لان زوجي متعلق فيهم واي مشكله تصير لهم حنا السبب فيها ليش؟ لاني ساكنه عندهم يارب عسانا ننقل اليوم قبل بكره

 

[@أم الوليد@]

الله يعينك اختي يارب ويصبرك وشاوري اهل الخبرة
يعني المستشار الاجتماعي انشاء الله يفيدونك

 

[روكا]

الله يفرج همك يارب
خلى شخصيتك أقوى شوى واتركى عواطفك جانبا بعض الشيئ وابدئى فى رسم خطتك لاستعادته وكونى واثقة انك باذن الله قادرة على ذلك فكيد المرأة عظيم
أقرئى الكثييييييييييير فى المنتدى خصوصا فى قسم الحكايات والمقالات التى تكتبها ناعمة وقسم الزوج والزواج وهذا القسم ورتبى أفكارك وابدئى بالعمل فورا
أهم نصيحة لك التقرب الى الله والدعاء
وكونى هادئة واضبطى اعصابك
يعنى لو قالك أبى اوديك لأهلك لا تجلسى تبكين لا قوليله انت بتقول كدة عشان عاوزنى أبكى؟بحزن كدة
واتركيه وانصرفى فى مكان اّخر ومارسى حياتك عادى دون ان تبكى
والله معك يارب
قلبونا نعك يا حبيبة الله يوفقك يارب

 

[نور الصفاء]

حبيبتي المشوار بينكم طويل وبيكون متعب اذا ضليتوا على هالحال وغلط انك حملتي في هالفترة ولكن لا اعتراض على حكمه ,, اللي حسيته منك انك ضعيفة جدا ومسالمه وانتي تعتقدي أنك بهالضعف بتحافظي على بيتك وزوجك ,,
غلط انك تكوني بهالصورة صحيح زوجك وهذا الواضح من كلامك بس انسان ضعيف شخصية كلمه توديه وكلمه تجيبه
وانتي ضعيفة المعادلة سهلة الحل وهو الفشل المحتوم الله لا يقولها
لازم تتغيري وتغييرك انك تبعدي عن زوجك فترة سواء جلستي بالبيت او رحتي بيت اهلك حتى لو ما خبرتيهم بالحقيقة
قولي ابي اغير جو والافضل انك ماتطلعي وانتي جالسه بالبيت حاولي بقد ماتقدري انك تبعدي عنه واهتمي بنفسك وصحتك وبيني له انك مو مستعده تدخلي في مشاكل وهواش عشان حبيب قلبك الضيف العزيز ,,
ولما يجيب طاري الزواج لا تقهري نفسك ولا تناقشيه في شيء ابد يا انك لما يخلص كلامه تمشي وانت ساكته
يا انك تقولي له انت اللحين جاي تعطيني خبر او تستأذن مني وفي كل الحالتين انت تعرف جوابي
وما اظن كلامي بيقدم ولا بيؤخر بالنسبة لك ,,
وخلك دوم مبسوطه ومطنشته بتشوفيه كيف يتغير وعلى فكرة الرجال اللي يهدد بالزواج ما يتزوج بس يبي يثبت رجولته من كثرة ما يزنوا على رأسه ..

 

[توليب88]

انشاءاللـــــــــــه يتغير ومثل ماقالو البنات ريحي عمرك اهتمي بنفسك و سوي لك اجاااااااازه لنفسك في بيتك بدكير ومنكير وتسبحي وبرررردي على عمرك والله يااما حرقت اعصابنا عليهم الله يعين بس زوجي نفس زوجك ومالهم الا الطنااااااااااش والسكوت طبعا مو بالمررررره ! يقوم يزعق عليك بعدين ههههه ولاتبيني له ضعفك ابدااا ولا قوتك ابدااا خليك وسط واذا عالزواج زوجي كان كذذذا تزوجت انا واختي سوا وحملنا سوا لكن انا صابني حسد واسقطت اكثر من مررره لدرجه اخر مره قال لو ماتهتمي بنفسك عشان البيبي بوديك بيت اهلك !! والحمدالله ثبت حملي ولا كنت الحين ببيت امي !! اهم شي اطبخي ونظفي بيتك ولاتقصرين عليه واهم شي نفسسسسسك اوك وقولي لنا ايش بيصير بعدين موفقه

 

[((شـمـا بـوظـبـي))]

1. قوي علاقتك مع الله سبحانه وتعالى والجألي له واطلبي منه العون وأكثري من الدعاء فله سحر عجيب وأكثري من قيام الليل وسوف ترتاحين راحة نفسية كبيرة

2. ادرسي نمط شخصيته لتعرفي أي نوع هو شمالي - جنوبي - شرقي - غربي لكي تعرفي خبايا شخصيته ولتعرفي كيف تتصرفين معاه ... أيضا كمحاوله لفهمه أكثر ولمعرفة السبيل إلى التأثير عليه

3. قوي شخصيتك أكثر ولا تبيني ضعفك وخضوعك له ... وارفضي فكرة زواجه من أخرى تمام الرفض إذا ذكر ذلك أمامك .. وأعلميه بوضوح برفضك لهذا الموضوع .. وبيني له أنه إذا تزوج عليك فأنتي لن ترضي وبأن ما بينكما عبارة عن عهد وعقد له بنود وإذا تزوج سوف تختل هذه البنود ولن يعود العقد قائم بينكما ... واعلمي أنه عندما يكرر على على مسامعه ذلك فإنه يختبرك ويختبر ردة فعلك ويجس نبضك فبيني له الرفض التام ليخاف ويرتدع ويحسب لج ألف حساب

4. اقري مواضيع هذا المنتدى وحاولي الاستفادة القصوى منها

5. بما أن زوجج سهل الانقياد وسهل الانصياع لكلام الآخرين ليش ما تستغلين انتي هذا الشي فيه وتحاولين التأثير فيه ليتأثر بكلامج وأفكارج - أتوقع راح يصير تابع لج -

الله يوفقج ويسهل أمورج ويريح بالج ويهدي زوجج

 

[دمعة حزيينة]

ادعو الله ان يهديه هداية دائمة

 

[مرمررر]

اسمحيلي اقولك انك سلبيه ليش تبكين اذا كانت شخصيته ضعيفه حاولي تكونين قويه يعني مثلا لما يقول باتزوج عليك قولي انت حبيبي ومااظن تقدر تجرحني اذا قال بوديك لهلك ناقشيه قولي انت تتكلم جد قولي والله انا راحمتك تحسب كل الحريم اجوديات مثلي مصير في يوم تجرب وتعرف فرقي على الحريم بعيد الشر طبعا ولكن كتخويف حسسيه انك طيبه والحريم غيرك قشران طلعي الكيد يختي الله ليش قال كيدكن عظيم خليه يلمس حركات طفلك تكلمي عن الطفل قولي احسه يشبهك حننيه عليه لين يتعلق بكم الله يسخره لك واذا لا قدر الله خليك شجاعه ولاتشترين اللي يبيعك

 

[فطومة الحبوبة]

الله اعلم .. يمكن لا

 

[رناا]

الله يهديه

 

[ميسونونو]

الله يسخرلك زوجك00وماشاءالله فيه عضوات حكيمات إن شاءالله بيساعدونك00