معاناتي مع زوجي

[مثل المطر صافي]

السلام عليكم مابي اطول لاني والله اول مررره اشارك في النت واتمنى القى حل لمشكلتي وهي ان زوجي ماهو متوظف ويشتغل بالتجاره يعني يوم فيه فلوس واكثر الايام مافيه فلوس وزوجي كريم جدا جدا مع اهله ومع اخوانه علما انهم في وضع مادي احسن منا وكل شهر يطلبه اخوه الي اكبر منه فلوس ويعطيه واخوه يدي زوجته مصروف وزوجي رافض يديني مصروف ويعطي اخوانه الي اصغر منه فلوس بدون حساب علما ان ابوهم حي وغني وانا اذا اعطاني خمسين ريال وبعد اسبوع اطلبه فلوس يحاسبني وين وديتها السؤال ايش ريكم في تصرفاته هي تدل على عدم حبه لي صح ام لا ؟ اتمنى من اصحاب الخبره يردون لاني محتاره علما اني احاول اخليه يحبني بعض الاحيان اسوي له حفله ومفاجائات وكل شي يطلبني انفذه له حتى هو شكرني ع هذا الشي والله لادعي للي ترد بكل امانه وخبره

 

[دموعي شي معتاده]

انا اعرف ناس ازواجهم مايعطونهم مصروف
بس انا مأأيد كيذا
لازم الزوجه يعطيها زوجها مصروف اذا كان مقتدر
وليه يعطي اهله وانتي لا
تفاهمي معه عادي هذي مافيها احراج
انتي زوجته ولك حق عليه

انا زوجي كان مثلك وتفاهمت معه

 

[نقااء الثلج]

ياااقلبي مو شرط انه ما يحبك يمكن يجمع يبي يسفرك يبي تكون مفاجاه لك والفلوس مو كل شي اهم شي الحب اللي بينكم وانتي باسلوبك تقدرين تغيرينه ربي يوفقكم ياارب.

 

[ناصرة المظلوم]

حاولي معة بالحوار والله أني حاسة فيك بس أكيد يحبك لان عدم أعطائة لمصروف لك مو شرط أنه مايحبك لاتوسوسي وحاولي معه ولاتيأسي

 

[حياتي بيد حبيبي]

ماعتقد انه بخل منه او انه مايحبك لا اعتقد انه جهل منه او حاطك في باله انه مو مقصر عليك فما يعطيك مصروف حاولي تغير منى اسلوبك معاه او روحي معاه السوق وقولي حبيب نفسي في هالفستان ونفسي في هالعطر وانت مابتقصر معاي

 

[marchdaughter]

ربي يعينك