معاناتي مع بنتي الوحيده..

[قاتوة]

السلام عليكم ورحمة الله
الشهر مبارك عليكم حبايبات قلبي..
طبعا انا ماابغى اطول عليكم وحبيت اطرح مشكلة جارتي مع بنتها وهي من امرني بذلك لعلي اجد منكم حل لهذه المشكله الله يفرح قلبها الي تكتب لو دعوة صادقه...
هذهالقصه على لسانها
"عندي بنت عمرها 22سنه اكبر عيالي وبعدها4اولاد مشكلتي معها غويصه مالها نهايه اولا تقعد في غرفتها على النت 24 ساعه اللهم تطلع وقت الاكل طول وقتها اكل وع طول على غرفتها اسالها ايش تسوين ع النت تقول العب اذا حاولت ادخل عليها فجاءه تغير وتحط اللعبه واسالهعا ليش تغيرين تقول مالك شغل والحين صارت تقفله اول ماتشوفني ,حتى كلمه حلوة مافيه بس " لا ؟ايوه؟ خلاص ؟ حتى مع الناس ماتتخاطب مع احد قاطعه علاقتها مع البنات الي في سنها ماتحب احد يكون قريب منها حاولت اتقرب منها لكن لا حياة لمن تنادي تقفل الغرفه في وجهي لدرجه انها بغت تمد يدها علي وانا ميته بحسرتي ..تكفون دلوني على طريقه اقدر اخليها تغير وضعها او تقلل منه ابغاها ياعالم تجلس معي لو ساعه في اليوم ""
هذه مشكلتها املي من الله ثم منكم الحل""

 

[رانيا شعبان]

ظروف البيت ايه ؟ جو البيت اللي معيشين البنت فيها ازاي

وبعدين لو النت متضايق الام او مخلي البنت متعلقة كده وقاطعة الناس كلهم ومركزة فالنت بس ممكن والدها يقطع عنها النت مش مشكلة دي ويكلمها ويشوف مالها لو والدها راجل بيعرف يتكلم لو راجل مالوش فالكلام والتفاهم لا الافضل مامتها ولو رافضة ماماتها يبقى جدتها او خالتها شوفي اي حد كبير وهي تحترم كلامه يكلمها ويخليها تبوح باللي مخليها غارقة فدنيا تانية وقاطعة الاتصال باللي حواليها


ربنا يفرج هم مامتها ويريح قلبها على بنتها

 

[abeer abdulmohs]

فرصه في رمضان اقطعوا النت بعد ما تتفقين انت وابوها الين نهايه الشهر وراح تشوفينها متسمرة بالصاله طول اليوم. على فكرة بنتك مهب الوحيده كثير بنات واولاد شباب نفس المعاناه من اهلهم. جربي الفصل وشوفي " لا تقولون لها انكم قطعتوها وكان العذروب من الاتصالات"عشان ما تسوي اضراب. الله يصلح اولادنا والمسلمين.

 

[مناكير وردي]

"وانا ميته بحسرتي"
قوليلها تتعلم تبني لنفسها شخصية الام الصارمة والقوية وهي بتلقى انشالله الحل

 

[قاتوة]

الله يجزاكم خير كل من رد على الموضوع
المشكله ابوها الله يهديه امها تكلمه يقول ماعليك منها انتي تغارين منها بالنسبه للفصل النت صعب عنده دي اس ال وكونكت يعني ماراح تصعب عليها. وهي ماتتقرب من احد ابدا لاصغير ولاكبير همها الاول والاخير النت وغرفتها بس.

 

[فتاة الخير]

المهم البنت ماترتبك اذا جت امها الا ان السالفه فيها ان
الحقي على بنتك قبل تعضي اصابع الندم..
وازعلي عليها وقولي ماتحبيني ولاتجلسي معي ولا ربع ساعه ..ولا تكلميها وشوفي ان مالقيتي نيجه خري ابوها انها تتربك اذا اجيت لها..والا خليك صارمة وقويه واحلفي انها ماتفتح النت لمدة اسبوع والا ماراح تكلميها..

 

[دلع قلبه]

الله يهدي بنات المسلمين وشبابهم اجمعين..
هالشي موجود في اغلب البيوت اسال الله العافيه..لكن المفروض اول شي تتاكد منه ان بنتها ماتكون على
علاقات محرمه !!!الشي اللي يخلي بنت في عمرها تنسى حتى امها!!!
ممكن بدون ماتدري البنت تفتش محادثاتها او اخر شي دخلت عليه فالمواقع واذا كان الاب متفهم ممكن تتفاهم
معاه من هالناحيه
او ممكن تبتخبرها مره وتتكلم كأنها قصه بنت تعرفها اكتشو اهلها علاقاتها المحرمه فالنت وعقابهم لها
وتشوف ردة فعلها؟؟
بعد ما تتاكد ان بنتها مالها في هالامور شي!!
ممكن توصي عليها احد تثق فيه يصادقها عن طريق النت بدون ماتدري انه من طرف امها ويكون هالشخص
ثقه وقد المسؤليه في صلاحها
كذا وبكل صراحه البنت اذا لقت احد تحبه بااخلاص بتسمع كلامه وش مايكون سواء صح او خطأ
عشان كذا اقولك لازم تختار الثقه..
البنات بالعمر غالبا لهم توجهات معينه ياعلاقات محرمه نسأل الله السلامه ..يااهتمامات انثويه وهذا شي ممتاز
بااختصار البنت بهالعمر لازم تشغل نفسها وغالبا البنات عندهم استعداد لتجربة وش ما كانت
الام دورها عظيم في لم بناتها يعني لا احد ينتظر من بنته خير او حتى كلمه حلوه وانتي ماتعطينها شي من هالاشياء
مثال صلحي قهوه وحلا واعزميها تتقهوى معاك او حتى اطلعي لها في غرفتها واجلسي معها بدون موال النصح
والارشاد خلي جلستك معاها مدح فيها في شكلها في جسمها في بشرتها في ترتيب غرفتها
البنت تبغى الكلمه الحلوه بس وبعدها تكون تحت امرك
امي الله ييحفظها ويدمي عليها الصحه والعافيه تتضايق لما تشوفنا فاتحين التلفزيون على فلم او مسلسل
لكن تدرين وش تسوي تجلس تتفرج شوي بعدين تعلق بضحك بعدين تفتح موضوع مثلا الشوفه الشرعيه كيف تكون ووووووو موضوع يهم كل فتاة تقريبا غصب نتحمس معاها وننسى شي اسمه تلفزيون!!!
احيانا وحنا على النت تدخل تقول سوو لي بحث بفوائد كذا !!!منها نسفيد وتستفيد وتكون جلست معانا وكسبتنا..
في جعبتي الكثير اذا اعجبك ابشري بالمزيد..

 

[*همسة*]

الله يهديها ويعقلها ان شاء الله

 

[أليسار]

الله يهديها واشوف لازم مراقبة شديدة على الأولاد بالنت وخاصة البنات الله يحفظ جميع بنات المسلمين

 

[جـرح انثـى]

خليهم يفصـلوا النت

 

[سمتي الوفاء]

الله يهديها بس ما ينفع ابوها كذا مخليها على الاخر اول خلي الام تقنع الاب
بانها على خطا حتى لوكانت مو راعية خرابيط بس جلوسها كذا بغرفتها لحالها يسسب لها الوحدة والانطوائية وبعدين يعالجون فيها عند اطباء النفسيين
فالامر في البداية اذا اقتنع الاب اعتقد هذا نص الحل لانه معروف الاب ينخاف من عقابه وهيبته
اقنعيه لو تقصي عليه بعض القصص ولو من خيالك بس من شان يقتنع ويقوم هو بالدور

 

[حلاالكون و نورا]

فصل النت موعلاج
اذا مااكو نت اكوو نقااال اكو تلفزيون البنت في شي مكدرهاا
قولي حق امها تحاول التقرب منهاا يمكن تعرف شي
و الله يهديهاا

 

[قاتوة]

الله يسعد كل من رد على هالموضوع واتمنى من اختي دلع قلبه ان تنورني بافكارها لتصل الى جارتي الغاليه اسال الله ان يصلح لها بنتها ويردها لها ردا جميلا

 

[دلع قلبه]

الله يهديها وبنات المسلمين وشبابهم اجمعين ياحي ياقيوم..
مثل ماقالو بعض الاخوات قطع النت ماهو حل ..الحل انها تتقرب لها وتمدحها وتثني على جمالها وووووو
فرصة العيد جاي بإذن الله تتطلع تتسوق معاها وتثني على ذوقها واذا كان يحتاج تعديل بااسلوب لبق تعدله
ممكن تكسب قلبها بالهدايا البسيطه عطر, مكياج ,فستان و.......
تحاول تعرف صديقاتها واذا كانت ترغب زيارتهم تروح معاها تتعرف على الاسرة وعلى من صادقت بنتها.
اهم شي لازم تبتعد عنه النقد والذم لان هذي المرحله حرجه ابسط نقد ممكن يكرها فاالعالم كله
وطبعا لاشي كأن الا بامر الله عليها بالدعاء والألحاح فيه فرصة في هذا الشهر الكريم والاستغفار بنية صلاحها وبعدها عن السوء..
هذا الموقف مثال: لي اخت بها العمر تقريبا كثير كانت بغرفتها على النت وماكان فيه شي يجذبها عشان تقعد معانا
لان اهتماماتها غير عنا حاولنا يكون الجو يناسبها وخوفنها من الوحده وان الشياطين تتسلط على الوحداني
قلنا لها عادي انزلي بلاب توبك عندنا مااحد بيزعجك بس لاتقعدين بالحالك نخاف عليك من الوحدة وفعلا جابت نتيجة ممتازه معاها.

 

[Ms.RoZa]

الدلع الزايد والإهمال ومايسوي !

ليش تاركتها ع راحتها , وين التربيه والإصلاح ووين دور الأم معاها ..
اسمحيلي لكن امها جدا متخاذله ومتهاونه في بنتها , المفروض توقفها عند حدها بالين , وإن لم ينفع الين فعليها بالشده , اما تترك الحبل ع الغارب وتقول بنتي تخبي علي وشكلها وراها بلاوي , ايه ياحبيبتي لاتستبعدين اي مصيبه تجي من بنتك طالما انه بينكم حاجز وهي عندها فراغ كبير و متروكه ع راحتها ..

الحل / تنصح الأم بنتها , وتتقرب منها , مااستجابت البنت , فورآ تفصل النت وتراقبها صح هذي مسؤوليه مهمله !
ولازم البنت تخاف وتحسب لأمها حساب لجل تحترمها وتوقف استخفاف ووقاحه معها ..

 

[غلطت بحقي]

الحين في الموضوع اكثر من مشكله انا اشووف مو بس انها متعلقه في النت
اول شي وين احترامها لامها هذا الاهم !!! لان لو احترمت امها او حتى احترمت الوالد ماكانت بتاخذ راحتها لهالدرجه لا بتسويلهم الف حساب
وثانيا اكيد انه في شي مخليها متعلقه للدرجه هذي في النت ومستعده انها تعزل نفسها عن العالم عشانه

الحل هو:يحددولها وقت معين تجلس فيه عالنت واذا ماعجبها وقعدت تتشكى يقلولها بنفصله واكيد هي بترضا بالحل الاول وحبذا لو يكون الجهاز في الصاله عشان ماتاخذ راحتها عالاخر..

والله يستر ع بنات وشباب المسلمين