معلومات دانسميز
- إنضم
- 17 أكتوبر 2011
- المشاركات
- 2,473
- مستوى التفاعل
- 2,569
- النقاط
- 113
معاناتي مع الغدة وكيف تعالجت
نقلت هذه القصة لما كتبت عن أهمية الغذاء الصحي وكيف يمكننا من خلال الغذاء ان نتجنب الكثير من الأمراض بإذن الله.....
كيفكم صبايا ... حكتبلكم قصتي كاملة وهي عبارة عن معاناتي مع مرضي وعلاجي وحميتي العلاجية وطريقتي كيف نحفت ورجعت انسانة طبيعية كاني عمري ما مرضت .. حبدأ بقصتي وكيف ما يئست من رحمة رب العباد ومن شفاؤه مرضي هو التهاب درقي (معروف باسم هاشيموتو وهو اسم الطبيب الياباني اللي اكتشف هاد المرض) وهاد المرض هو السبب الرئيسي بنسبة 90% لكسل الغدة وحالات نادرة جدا كسل الغدة بيجي من نقص اليود (بمعنى 90% اللي عندهم كسل غدة او خمول بالغدة سببه التهاب درقي اما باقي النسبة بتكون من ضمنها سبب كسل الغدة عندهم هو نقص اليود او نشاط الغدة وتعالجو باليود المشع وصار عندهم كسل غدة او ازالة الغدة او جزء منها بتسبب كسل الغدة وعشان تعرفي انتي شو سبب مرضك لازم تعملي فحص TPO عشان تتاكدي اذا في اجسام مضادة بتهاجم الغدة الدرقية والا لا ، واذا طلعت النتيجة ايجابية معناته عندك التهاب درقي اما اذا طلعت سلبية يبقى الاحتمال انه عندك من نقص اليود وهاي المعلومة الدكاترة ما بيحكولك اياها وما بيهتمو بالسبب المهم عندهم انه نفس الدوا وخلاص) قبل اكتر من خمس سنين عانيت الامرين كنت اسمن بشكل مو طبيعي على الرغم من اكلي ما تغير نفس ما هو وبنفس الوقت كنت اذا مشيت خطوة كل جسمي من شعر راسي لاصابع رجلي عرق ما ألحق امسح لدرجة شعري يصير مي كانني متحممة ، فنصحوني اروح دكتور غدد صماء وسكري المهم رحت وهاد كان للاسف الشديد اول دكتور متخلف عقليا رحتله ، طبعا طلب افحص سكري وفحص الغدة TSH طبعا زي كل الدكاترة الاغبياء وطلعت النتيجة تقريبا 3.5 وكان المعدل الطبيعي بين 0.5 – 5 وفحص السكري كان ممتاز عندي الحمدلله بس الغبي قالي ما مالها غدتك شي بالعكس ممتازة (المعلومة اللي لازم كل بنت تعرفها انه فحص TSH لازم يكون الحد الاعلى عشان فعلا تكون طبيعية هي 2.5 حتى لو بالمختبر كاتبين الحد الاعلى 5 او 4.5 هاي ماحدا من الدكاترة حيحكيلكم اياها الا اذا فعلا دكاترة متخرجين جديد اما الكبار بالسن انسو الموضوع ما حيفيدوكم باي موضوع وحيسخفوكم اذا سالتو اي سؤال.. واكتر من هيك 2.5 معناته في بداية مشكلة عندك واحتمال كبير التهاب درقي ولازم تعيدي الفحص بعد اقل شي ست شهور .. ياريت اي بنت عملت فحص تتاكد من الرقم اللي عندها) المهم انا صدقت اني طبيعية وما مالي شي بس السمنة صارت تزيد وخمول قاتل ودايما تعبانة .. الله يوفقه مديري قالي كتير سمنانة انتي اكيد عندك مشكلة بالغدة (مرته عندها كسل غدة) وقالي روحي على دكتور تاني رحت على دكتور تاني برضه عملي فحص TSH وزاد عندي صار 4 وبرضه قالي ما مالك شي ومديري يحكيلي نفس الشي غندك مشكلة بالغدة فرحت شفت كمان دكتور وعملي نفس الفحص وطلعت نفس النتيجة وقالي طبيعية صرت اتعب واتعب واتعب وابكي ليل نهار وجع بالعضلات ونسيان وصرت سمينة لدرجة كنت ألبس قياس 36 وصرت 44 مرت مديري اتصلت فيني واعطتني اسم دكتورها وقالتلي شاطر روحي عنده وفعلا رحت عملي فحصين TSHو فحص TPO وطلع TSH 5 اما TPO 50 والحد الاعلي لـ TPO لازم يكون 12 وصرت ابكي للدكتور احكيله شو هاد الفحص يعني ليه عندي كتير برضه ما فهمني شي قالي ما مالك شي عندك بس اضطراب بالاجسام المضادة وبالدوا (ثايروكسين) حتصيري طبيعية وصدقته طبعا ما فهّمني انه مرضي لاخر يوم بعمري ولازم دايما ارجع كل تلات شهور بالكتير 4 شهور عشان يعدلي جرعتي ... فاخدته لخلصت العلبة وما رجعت وماراحت الاعراض بالعكس كانت تزيد وبعدها بست شهور تقريبا او اكتر شوي رجعت انتكست من اول وجديد وزادت حالتي دايما مرمية بالتخت ما بقدر ارفع راسي وبتاخر على الدوام ومرات بنام بالدوام وصوت شخيري موصل لاخر الشارع من كتر التعب وصار عندي حالة اكتئاب قالولي فيتامين د وبي 12 فعملت الفحصين طلع بالحضيض (وطبعا دكتوري اللي بيفهم ما حكالي انه جسمي ماعاد يقدر يمتص الفيتامينات والمعادن واذا قدر يمتص فحيكون بنسبة قليلة) المهم قررت ارجعله على الاقل بنظري "طبعا زمان" انه فهم مشكلتي زادلي الجرعة من 25 ل 50 وقالي لازم ارجع دايما ونسيت احكيلكم طبعا الاجسام المضادة زادت عن 80 ومشيت على الجرعة وكتبلي فيتامين د وابر بي 12 وتحسنت شوي صغيرة بس رجعت انتكست فقررت من حالي لحالي ازيد الجرعة ل 100 وبعد ما قريت نبذة عن مرضي اجيتله فارعة دارعة ابهدل فيه كيف ما بيحكيلي انه مرضي التهاب درقي وانو بسخف فيه وانه كيف ما يعطيني السيلينيوم والزنك وهدول اهم شي للي عندهم اي مشكلة بالغدة وما رجعتله بعد هيك بعدها صرت اخد الزنك والسيلينيوم وبي كومبلكس و القسط الهندي (فيتامين د كان كاتبلي على 50000 كل اسبوع لمدة 8 اسابيع يعني 8 حبات) ما بنكر اديه فادني القسط الهندي كنت اخد معلقة قسط و احط معلقتين عسل في الصحن واخلطهم منيح واكلهم بس بعد اقل من سنة تعبت من طعمه بطلت اقدر اتحمله ولما اخدته كبسولات بطلت استفيد نهائي منه فوقفته صح تحسنت عليه ما بنكر بس بطلت قادرة اتحمله وحاسة في شي ناقصني اللي هو دايما تعبانة ودايما نعسانة وعندي وجع عضلات كتير ما كنت انام من الوجع وغير الغدة نفسها كانت تموتني وجع وضليت سمينة ووزني كان 64 تقريبا بعد ما كنت 48 وكنت اكره اشوف حالي بالمراية وزاد عليهم بقلق بالليل ومرات بصحي مرعوبة وبختنق وانا نايمة وقربت اصير صلعة من تساقط الشعر ودايما اضافري متكسرة مهما اهتميت فيهم ومن النص بينكسرو وغير جلدي صار زي جلد الحية مهما حطيت كريم صار خشونة وجفاف قاتلين والا صوتي مرات احس حالي جورج وسوف من ضخامته بعد ما كان ناعم وكرشتي كاني حامل بالشهر السابع واحس مخي فاضي ما عندي مواضيع فاضطر اسكت واعتزلت الناس وغير الاكتئاب وصل مواصيله عندي وغيره وغيراته بحكم اني فقدت الامل بالدكاترة قررت اترك الدكاترة وانا اصير اعمل فحوصاتي بحالي واقرر جرعتي (ما ظنيت في حدا اجرا مني) وطبعا اهلي انجنو ... اختي اجتني بعدها بفترة بتحكيلي في ناس معها بالشغل راحو عند دكتور شاطر وبيمدحوه جربي روحي قلت خلاص بروح على الرغم انو ضليت على جرعة 100 ما غيرتها من وقت دكتور القديم وتحسنت فترة ورجعت انتكست واهلي شافو بعينهم عشان هيك كانو يدورو من وراي على دكاترة شاطرين، لما رحت للدكتور الجديد اجيت عنده وكلني ثقة حكيتله انا عندي التهاب درقي والدكاترة اللي رحتلهم ما حدا عرف فيهم يعالجني وبتمنى الاقي الحل عندك عملي نفس الفحوصات بس زاد عليه فحص FT4 وانا ما عرفته كنت لسة مو مطلعة على اي فحص بس هو عموما بيفحص اديه عندك هرمون T4 الحر وانا على الرغم انه كان على الحد الادنى يعني جسمي ما عم يتجاوب على العلاج قرر انه الجرعة مناسبة 100 وقعد يحكيلي فحوصاتك ممتازة هون فقدت عقلي قلت مو معقول السرطان عم بيلاقوله علاج والغدة الدرقية عاملة كل هاي الازمة ومن هون بدأت رحلة البحث عن طريق جوجل بس بالمواقع الطبية الاجنبية بس لسة كنت جديدة يعني مو متمكنة لسة من المعلومات ، المهم رحت على دكتور قالو هاد اشطر دكتور بالاردن وما حيجي بعده من شطارته انا قلت هو ده اللي انا بدور عليه وعلى طول اخدت موعد ورحت وياريتني ما رحت حكيتله كل مرضي وقصتي وشو الاعراض اللي عندي وقلتله عضلاتي ما بنام من وجعهم ومديري هددني انه يفصلني لاني بنسى اذكره بالمواعيد ودمعت عيوني اد ما كنت موجوعة حتى من الغدة نفسها .. لو تعرفو شو الجواب طبعا كان معه دكتور متخرج جديد تحت ايده وبلشو الاتنين يحكو بالانجيليزي عأساس اني مو فاهمة عليهم المهم المساعد بيحكي للدكتور لازم نزيد الجرعة شوي والدكتور الغبي المتخلف عقليا بيحكي لا هي مريضة نفسيا لازم تروح دكتور نفساني لانها مو متزوجة وانا سامعة طبعا ... هو لسة الدكتور بيحكي علاجك عند دكتور نفساني على طول قلتله انا حمارة اني اجيت لعندك انت اللي زيك شهادته لازم تنحرق وتخلي عيادتك لمساعدك لسة بفهم اكتر منك وحملت حالي ومشيت وبنفس اليوم كان عندي موعد عند دكتور القلب لانه قلبي كان بموتني وجع وضرباته قوية جدا وحكيتله عن مرضي وبعد الفحص طلع الحمد لله مافي شي بقلبي وقالي لازم ازيد الجرعة يوم واحد 150 وباقي الايام 100 وتضايق من حكيي الدكتور وقالي هاد حمار لازم يزيدلك الجرعة زي ما حكى مساعده لانه مرضك باثر على القلب وقالي ارجعله قبل رمضان (اللي فات) وما رجعتله (نسيت احكيلكم جرعتي قبل كانت 6 ايام 100 ويوم الجمعة ولا حبة) وبديت اقرا بالابحاث والدراسات والاكتشافات الخاصة بمرض هاشيموتو وعرفت معلومة من الجمعية الاميركية للغدة الدرقية والمواقع الطبية الاجنبية بانه في نسبة قليلة من الناس ما بيتجاوبو مع T4 اللي هو دواء ثايروكسين ولازم ياخدو هرمون T3 وبيجي دواء عادي انا بستعمل تيرومل هو صناعة تركية لانه بالدول الاجنبية بخاف يكونو مستعملين هرمون الخنزير لانه في ادوية عندهم لثايروكسين من هرمون الخنزير .. وطبعا لانه دايما عندي نفس الاعراض موجودة ما خفت بالعكس عم بتزيد وعندي الفحص تبع هرمون T4 كان على الحد الادنى على رغم جرعتي 100 طبعا ما كذبت خبر وجبته والعيار 25 وتحسنت شوي عليه وخفت الاعراض بس ما راحت.. وبعدين بشهر 11 افرنجي اجو عندي مجموعة من الموظفين بنات ورجال وحكولي اروح عند دكتورة بتعالجهم او بتعالج زوجاتهم وبالفعل رحت وكانت كتير شاطرة بس انا كنت فاهمة مرضي ومتمكنة منه وحافظة كل شي عن ظهر الغيب المهم حكتلي انتي اول واحدة بتدخل علي من اول ما فتحت العيادة ليومنا هاد وفاهمة شو مرضها بالزبط وسالتها في امل اني اشفي جاوبتني وجوابها لهلا ببالي مستحيل كيف الارض المحروقة مستحيل ترجعي تزرعي فيها ونفس الشي الغدة وجاوبتها بس املي بربنا كتير وحيشفيني وما في شي مستحيل على رب العباد ونسيت احكيلكم لما فحصت غدتي بايدها صرخت كاني واحدة عم تولد من الوجع وبلشت رحلتي الحقيقية بالبحث بجميع الدراسات الطبية اللي بتوقع بايدي والكلام اللي ما افهمه الجا لترجمة جوجل خاصة المصطلحات الطبية وما تركت بحث والا دراسة والا اكتشاف الا قريته بخص الامراض المناعية بشكل عام والتهاب الدرقي بشكل خاص وبديت اطبق اللي بقراه وبديت بالعلاج الحقيقي بالمكملات الغذائية وبالاكل الصحيح وكل ما يحكو عن شغلة مثلا مضرة ارجع على البيت وارميها واحكي لاهلي ما في تاكلوها واجيب بدالها المفيد وبعدين من موضوع لموضوع قريت عن الحمية اللي انا ماشية عليها وطبقتها بحذافيرها بديت فيها بنص شهر 12 ورحت عندها اول شهر 1 افرنجي مع انه موعدي بعد تلات شهور ولما فحصتني انجنت قالتلي مو معقول غدتك كتير متحسنة وتضغط عليها بايدها ابدا ما في وجع سالتني شو عاملة قلتها حمية عن الجلوتين بالاساس وفيها اشياء تانية بتضايق الجهاز الهضمي وتسببله التهاب بعدت عنها لمدة شهر وبعدين بعدها بفترة كمان رجعت افحص عندها بعد ما خلصت الحمية بشهر وكنت مستمرة على على نفس طريقة الاكل بس رجعت اكل اللي بناسبني وناسب جسمي وبعدت عن الاشياء اللي بتضايق جسمي وسالتني مو معقول شو عم تعملي قلتلها بعدت عن الجلوتين نهائي ورجعت الاكل اللي بناسبني وسالتني انتي عندك حساسية القمح فجاوبتها انا ما عندي حساسية القمح انا قريت بعدة دراسات اللي عندهم مرض مناعي ومن ضمنهم مرضي بكون عندهم مشكلة بهضم الجلوتين وهو بسبب التهاب بالجهاز الهضمي وبيلزق بجدار الامعاء الدقيقة وهاد بسبب الالتهاب فيها غير انه الجلوتين بشبه انسجة الغدة الدرقية فالاجسام المضادة بتخربط وبتتجه مو بس على الجهاز الهضمي وبتهاجم الغدة وقتها قالتلي انتي معجزة (الجلوتين (او شبيه الجلوتين) موجود بكل الحبوب ما عدا الرز) .. وعلى فكرة صبايا الاجسام المضادة خلال هاي المرحلة كلها كانت تزيد يعني لما رحت عند دكتور المتخلف ودكتور القلب وصلت 150 ونزلت من الحمية اللي مدتها شهر لـ 70 وبعدها بشهرين صارت 53 وصليت لربنا 100 ركعة شكر من فرحتي وناوية باذن الله استمر عشان توصل للحد الطبيعي ولساني بروح عندها وكتير مبسوطة مني وكانت تاخد مني بعض المعلومات اللي بتعرفها بس ما بتعرف نتائجها وانا اكون جربتها واعطيها بشو استفدت منها واخدت بعض اسامي المكملات الغذائية مني واللي فعلا استفدت عليها وكتير بتسالني وبجاوبها بس ما بتمادى على اد سؤالها بجاوب عشان ما تحكي عني عاملة حالي دكتورة او تحكيلي اجي اقعد محلها نصيحتي لكل بنت تشوف الغدة واللي عاملة فحص وقالها دكتورها مافي شي .. ضروري تشوفي النتيجة بنفسك اذا هو اعلى من الحد اللي انا كتبته 2.5 مو المكتوب بورقة التحليل (بتحليل المختبربيترواح الحد الاعلى على حسب المختبر من 4.5-5 ) ترجع تعيد التحليل بعد 6 شهور واذا شافته زاد تحكي لدكتورها بدي اعمل فحص TPO ومو بكيفك بكيفي انا هيك احكي لدكتورك اذا تفلسف لانه دكاترة الغدد الصماء للاسف اغلبهم بستخفو بمرضنا وبسخفو فيه متل الدكاترة اللي عانيت منهم ودايما حلهم عند الدكاترة بس الدواء مع انه الدواء بحل جزء بسيط تقريبا 20% (بحالتي حتى 20% ما وصلتها لانه ما استفدت الا من T3 اما ثايروكسين ما تقبله جسمي) بس باقي النسبة بتيجي من المكملات الغذائية والاكل الصحي الصح اللي ما باثر على الغدة ولا على الجهاز الهضمي هدول همن فعلا بيستاهلو 80% من العلاج هاي معاناتي وقصتي مع مرضي والمرة الجاي ححكيلكم عن المعلومات اللي انا عرفتها وعن حميتي وحكتبلكم تفاصيل وهاي الحمية هي اللي نزلت من وزني من 64 لـ 58 بشهر وبعد الحمية عملت ريجيم اللي ناسب جسمي وهلا انا 53 يعني تقريبا 10 كيلو نحفانة ولسة عم بنحف لاني بدي ارجع 48 زي ما كنت باذن الله والطريقة هي اني نضفت الجهاز الهضمي بالحمية العلاجية وبعدها بديت ريجيم الصح مع الحمية العلاجية واللي هو الوحيد اللي نحفني بعد ما كان من سابع المستحيلات انحف صار بكل سهولة انحف والحمد لله مليون مرة على كل معلومة هداني الها رب العباد وعلى الارادة والقوة اللي حطها فيني وعلى نعمة انو راحت الاعراض كلها اللي كنت اعاني منها وبالنسبة لمرضي الحمد لله عم بتحسن كل يوم عن يوم ورجعت داليا القديمة اللي كنت قبل المرض ... وهدفي من كتابة قصتي عشان افيدكم كرمال رب العباد يرضى عني ويعطيني الشفاء الكامل ان شاء الله
منقوووول
كيفكم صبايا ... حكتبلكم قصتي كاملة وهي عبارة عن معاناتي مع مرضي وعلاجي وحميتي العلاجية وطريقتي كيف نحفت ورجعت انسانة طبيعية كاني عمري ما مرضت .. حبدأ بقصتي وكيف ما يئست من رحمة رب العباد ومن شفاؤه مرضي هو التهاب درقي (معروف باسم هاشيموتو وهو اسم الطبيب الياباني اللي اكتشف هاد المرض) وهاد المرض هو السبب الرئيسي بنسبة 90% لكسل الغدة وحالات نادرة جدا كسل الغدة بيجي من نقص اليود (بمعنى 90% اللي عندهم كسل غدة او خمول بالغدة سببه التهاب درقي اما باقي النسبة بتكون من ضمنها سبب كسل الغدة عندهم هو نقص اليود او نشاط الغدة وتعالجو باليود المشع وصار عندهم كسل غدة او ازالة الغدة او جزء منها بتسبب كسل الغدة وعشان تعرفي انتي شو سبب مرضك لازم تعملي فحص TPO عشان تتاكدي اذا في اجسام مضادة بتهاجم الغدة الدرقية والا لا ، واذا طلعت النتيجة ايجابية معناته عندك التهاب درقي اما اذا طلعت سلبية يبقى الاحتمال انه عندك من نقص اليود وهاي المعلومة الدكاترة ما بيحكولك اياها وما بيهتمو بالسبب المهم عندهم انه نفس الدوا وخلاص) قبل اكتر من خمس سنين عانيت الامرين كنت اسمن بشكل مو طبيعي على الرغم من اكلي ما تغير نفس ما هو وبنفس الوقت كنت اذا مشيت خطوة كل جسمي من شعر راسي لاصابع رجلي عرق ما ألحق امسح لدرجة شعري يصير مي كانني متحممة ، فنصحوني اروح دكتور غدد صماء وسكري المهم رحت وهاد كان للاسف الشديد اول دكتور متخلف عقليا رحتله ، طبعا طلب افحص سكري وفحص الغدة TSH طبعا زي كل الدكاترة الاغبياء وطلعت النتيجة تقريبا 3.5 وكان المعدل الطبيعي بين 0.5 – 5 وفحص السكري كان ممتاز عندي الحمدلله بس الغبي قالي ما مالها غدتك شي بالعكس ممتازة (المعلومة اللي لازم كل بنت تعرفها انه فحص TSH لازم يكون الحد الاعلى عشان فعلا تكون طبيعية هي 2.5 حتى لو بالمختبر كاتبين الحد الاعلى 5 او 4.5 هاي ماحدا من الدكاترة حيحكيلكم اياها الا اذا فعلا دكاترة متخرجين جديد اما الكبار بالسن انسو الموضوع ما حيفيدوكم باي موضوع وحيسخفوكم اذا سالتو اي سؤال.. واكتر من هيك 2.5 معناته في بداية مشكلة عندك واحتمال كبير التهاب درقي ولازم تعيدي الفحص بعد اقل شي ست شهور .. ياريت اي بنت عملت فحص تتاكد من الرقم اللي عندها) المهم انا صدقت اني طبيعية وما مالي شي بس السمنة صارت تزيد وخمول قاتل ودايما تعبانة .. الله يوفقه مديري قالي كتير سمنانة انتي اكيد عندك مشكلة بالغدة (مرته عندها كسل غدة) وقالي روحي على دكتور تاني رحت على دكتور تاني برضه عملي فحص TSH وزاد عندي صار 4 وبرضه قالي ما مالك شي ومديري يحكيلي نفس الشي غندك مشكلة بالغدة فرحت شفت كمان دكتور وعملي نفس الفحص وطلعت نفس النتيجة وقالي طبيعية صرت اتعب واتعب واتعب وابكي ليل نهار وجع بالعضلات ونسيان وصرت سمينة لدرجة كنت ألبس قياس 36 وصرت 44 مرت مديري اتصلت فيني واعطتني اسم دكتورها وقالتلي شاطر روحي عنده وفعلا رحت عملي فحصين TSHو فحص TPO وطلع TSH 5 اما TPO 50 والحد الاعلي لـ TPO لازم يكون 12 وصرت ابكي للدكتور احكيله شو هاد الفحص يعني ليه عندي كتير برضه ما فهمني شي قالي ما مالك شي عندك بس اضطراب بالاجسام المضادة وبالدوا (ثايروكسين) حتصيري طبيعية وصدقته طبعا ما فهّمني انه مرضي لاخر يوم بعمري ولازم دايما ارجع كل تلات شهور بالكتير 4 شهور عشان يعدلي جرعتي ... فاخدته لخلصت العلبة وما رجعت وماراحت الاعراض بالعكس كانت تزيد وبعدها بست شهور تقريبا او اكتر شوي رجعت انتكست من اول وجديد وزادت حالتي دايما مرمية بالتخت ما بقدر ارفع راسي وبتاخر على الدوام ومرات بنام بالدوام وصوت شخيري موصل لاخر الشارع من كتر التعب وصار عندي حالة اكتئاب قالولي فيتامين د وبي 12 فعملت الفحصين طلع بالحضيض (وطبعا دكتوري اللي بيفهم ما حكالي انه جسمي ماعاد يقدر يمتص الفيتامينات والمعادن واذا قدر يمتص فحيكون بنسبة قليلة) المهم قررت ارجعله على الاقل بنظري "طبعا زمان" انه فهم مشكلتي زادلي الجرعة من 25 ل 50 وقالي لازم ارجع دايما ونسيت احكيلكم طبعا الاجسام المضادة زادت عن 80 ومشيت على الجرعة وكتبلي فيتامين د وابر بي 12 وتحسنت شوي صغيرة بس رجعت انتكست فقررت من حالي لحالي ازيد الجرعة ل 100 وبعد ما قريت نبذة عن مرضي اجيتله فارعة دارعة ابهدل فيه كيف ما بيحكيلي انه مرضي التهاب درقي وانو بسخف فيه وانه كيف ما يعطيني السيلينيوم والزنك وهدول اهم شي للي عندهم اي مشكلة بالغدة وما رجعتله بعد هيك بعدها صرت اخد الزنك والسيلينيوم وبي كومبلكس و القسط الهندي (فيتامين د كان كاتبلي على 50000 كل اسبوع لمدة 8 اسابيع يعني 8 حبات) ما بنكر اديه فادني القسط الهندي كنت اخد معلقة قسط و احط معلقتين عسل في الصحن واخلطهم منيح واكلهم بس بعد اقل من سنة تعبت من طعمه بطلت اقدر اتحمله ولما اخدته كبسولات بطلت استفيد نهائي منه فوقفته صح تحسنت عليه ما بنكر بس بطلت قادرة اتحمله وحاسة في شي ناقصني اللي هو دايما تعبانة ودايما نعسانة وعندي وجع عضلات كتير ما كنت انام من الوجع وغير الغدة نفسها كانت تموتني وجع وضليت سمينة ووزني كان 64 تقريبا بعد ما كنت 48 وكنت اكره اشوف حالي بالمراية وزاد عليهم بقلق بالليل ومرات بصحي مرعوبة وبختنق وانا نايمة وقربت اصير صلعة من تساقط الشعر ودايما اضافري متكسرة مهما اهتميت فيهم ومن النص بينكسرو وغير جلدي صار زي جلد الحية مهما حطيت كريم صار خشونة وجفاف قاتلين والا صوتي مرات احس حالي جورج وسوف من ضخامته بعد ما كان ناعم وكرشتي كاني حامل بالشهر السابع واحس مخي فاضي ما عندي مواضيع فاضطر اسكت واعتزلت الناس وغير الاكتئاب وصل مواصيله عندي وغيره وغيراته بحكم اني فقدت الامل بالدكاترة قررت اترك الدكاترة وانا اصير اعمل فحوصاتي بحالي واقرر جرعتي (ما ظنيت في حدا اجرا مني) وطبعا اهلي انجنو ... اختي اجتني بعدها بفترة بتحكيلي في ناس معها بالشغل راحو عند دكتور شاطر وبيمدحوه جربي روحي قلت خلاص بروح على الرغم انو ضليت على جرعة 100 ما غيرتها من وقت دكتور القديم وتحسنت فترة ورجعت انتكست واهلي شافو بعينهم عشان هيك كانو يدورو من وراي على دكاترة شاطرين، لما رحت للدكتور الجديد اجيت عنده وكلني ثقة حكيتله انا عندي التهاب درقي والدكاترة اللي رحتلهم ما حدا عرف فيهم يعالجني وبتمنى الاقي الحل عندك عملي نفس الفحوصات بس زاد عليه فحص FT4 وانا ما عرفته كنت لسة مو مطلعة على اي فحص بس هو عموما بيفحص اديه عندك هرمون T4 الحر وانا على الرغم انه كان على الحد الادنى يعني جسمي ما عم يتجاوب على العلاج قرر انه الجرعة مناسبة 100 وقعد يحكيلي فحوصاتك ممتازة هون فقدت عقلي قلت مو معقول السرطان عم بيلاقوله علاج والغدة الدرقية عاملة كل هاي الازمة ومن هون بدأت رحلة البحث عن طريق جوجل بس بالمواقع الطبية الاجنبية بس لسة كنت جديدة يعني مو متمكنة لسة من المعلومات ، المهم رحت على دكتور قالو هاد اشطر دكتور بالاردن وما حيجي بعده من شطارته انا قلت هو ده اللي انا بدور عليه وعلى طول اخدت موعد ورحت وياريتني ما رحت حكيتله كل مرضي وقصتي وشو الاعراض اللي عندي وقلتله عضلاتي ما بنام من وجعهم ومديري هددني انه يفصلني لاني بنسى اذكره بالمواعيد ودمعت عيوني اد ما كنت موجوعة حتى من الغدة نفسها .. لو تعرفو شو الجواب طبعا كان معه دكتور متخرج جديد تحت ايده وبلشو الاتنين يحكو بالانجيليزي عأساس اني مو فاهمة عليهم المهم المساعد بيحكي للدكتور لازم نزيد الجرعة شوي والدكتور الغبي المتخلف عقليا بيحكي لا هي مريضة نفسيا لازم تروح دكتور نفساني لانها مو متزوجة وانا سامعة طبعا ... هو لسة الدكتور بيحكي علاجك عند دكتور نفساني على طول قلتله انا حمارة اني اجيت لعندك انت اللي زيك شهادته لازم تنحرق وتخلي عيادتك لمساعدك لسة بفهم اكتر منك وحملت حالي ومشيت وبنفس اليوم كان عندي موعد عند دكتور القلب لانه قلبي كان بموتني وجع وضرباته قوية جدا وحكيتله عن مرضي وبعد الفحص طلع الحمد لله مافي شي بقلبي وقالي لازم ازيد الجرعة يوم واحد 150 وباقي الايام 100 وتضايق من حكيي الدكتور وقالي هاد حمار لازم يزيدلك الجرعة زي ما حكى مساعده لانه مرضك باثر على القلب وقالي ارجعله قبل رمضان (اللي فات) وما رجعتله (نسيت احكيلكم جرعتي قبل كانت 6 ايام 100 ويوم الجمعة ولا حبة) وبديت اقرا بالابحاث والدراسات والاكتشافات الخاصة بمرض هاشيموتو وعرفت معلومة من الجمعية الاميركية للغدة الدرقية والمواقع الطبية الاجنبية بانه في نسبة قليلة من الناس ما بيتجاوبو مع T4 اللي هو دواء ثايروكسين ولازم ياخدو هرمون T3 وبيجي دواء عادي انا بستعمل تيرومل هو صناعة تركية لانه بالدول الاجنبية بخاف يكونو مستعملين هرمون الخنزير لانه في ادوية عندهم لثايروكسين من هرمون الخنزير .. وطبعا لانه دايما عندي نفس الاعراض موجودة ما خفت بالعكس عم بتزيد وعندي الفحص تبع هرمون T4 كان على الحد الادنى على رغم جرعتي 100 طبعا ما كذبت خبر وجبته والعيار 25 وتحسنت شوي عليه وخفت الاعراض بس ما راحت.. وبعدين بشهر 11 افرنجي اجو عندي مجموعة من الموظفين بنات ورجال وحكولي اروح عند دكتورة بتعالجهم او بتعالج زوجاتهم وبالفعل رحت وكانت كتير شاطرة بس انا كنت فاهمة مرضي ومتمكنة منه وحافظة كل شي عن ظهر الغيب المهم حكتلي انتي اول واحدة بتدخل علي من اول ما فتحت العيادة ليومنا هاد وفاهمة شو مرضها بالزبط وسالتها في امل اني اشفي جاوبتني وجوابها لهلا ببالي مستحيل كيف الارض المحروقة مستحيل ترجعي تزرعي فيها ونفس الشي الغدة وجاوبتها بس املي بربنا كتير وحيشفيني وما في شي مستحيل على رب العباد ونسيت احكيلكم لما فحصت غدتي بايدها صرخت كاني واحدة عم تولد من الوجع وبلشت رحلتي الحقيقية بالبحث بجميع الدراسات الطبية اللي بتوقع بايدي والكلام اللي ما افهمه الجا لترجمة جوجل خاصة المصطلحات الطبية وما تركت بحث والا دراسة والا اكتشاف الا قريته بخص الامراض المناعية بشكل عام والتهاب الدرقي بشكل خاص وبديت اطبق اللي بقراه وبديت بالعلاج الحقيقي بالمكملات الغذائية وبالاكل الصحيح وكل ما يحكو عن شغلة مثلا مضرة ارجع على البيت وارميها واحكي لاهلي ما في تاكلوها واجيب بدالها المفيد وبعدين من موضوع لموضوع قريت عن الحمية اللي انا ماشية عليها وطبقتها بحذافيرها بديت فيها بنص شهر 12 ورحت عندها اول شهر 1 افرنجي مع انه موعدي بعد تلات شهور ولما فحصتني انجنت قالتلي مو معقول غدتك كتير متحسنة وتضغط عليها بايدها ابدا ما في وجع سالتني شو عاملة قلتها حمية عن الجلوتين بالاساس وفيها اشياء تانية بتضايق الجهاز الهضمي وتسببله التهاب بعدت عنها لمدة شهر وبعدين بعدها بفترة كمان رجعت افحص عندها بعد ما خلصت الحمية بشهر وكنت مستمرة على على نفس طريقة الاكل بس رجعت اكل اللي بناسبني وناسب جسمي وبعدت عن الاشياء اللي بتضايق جسمي وسالتني مو معقول شو عم تعملي قلتلها بعدت عن الجلوتين نهائي ورجعت الاكل اللي بناسبني وسالتني انتي عندك حساسية القمح فجاوبتها انا ما عندي حساسية القمح انا قريت بعدة دراسات اللي عندهم مرض مناعي ومن ضمنهم مرضي بكون عندهم مشكلة بهضم الجلوتين وهو بسبب التهاب بالجهاز الهضمي وبيلزق بجدار الامعاء الدقيقة وهاد بسبب الالتهاب فيها غير انه الجلوتين بشبه انسجة الغدة الدرقية فالاجسام المضادة بتخربط وبتتجه مو بس على الجهاز الهضمي وبتهاجم الغدة وقتها قالتلي انتي معجزة (الجلوتين (او شبيه الجلوتين) موجود بكل الحبوب ما عدا الرز) .. وعلى فكرة صبايا الاجسام المضادة خلال هاي المرحلة كلها كانت تزيد يعني لما رحت عند دكتور المتخلف ودكتور القلب وصلت 150 ونزلت من الحمية اللي مدتها شهر لـ 70 وبعدها بشهرين صارت 53 وصليت لربنا 100 ركعة شكر من فرحتي وناوية باذن الله استمر عشان توصل للحد الطبيعي ولساني بروح عندها وكتير مبسوطة مني وكانت تاخد مني بعض المعلومات اللي بتعرفها بس ما بتعرف نتائجها وانا اكون جربتها واعطيها بشو استفدت منها واخدت بعض اسامي المكملات الغذائية مني واللي فعلا استفدت عليها وكتير بتسالني وبجاوبها بس ما بتمادى على اد سؤالها بجاوب عشان ما تحكي عني عاملة حالي دكتورة او تحكيلي اجي اقعد محلها نصيحتي لكل بنت تشوف الغدة واللي عاملة فحص وقالها دكتورها مافي شي .. ضروري تشوفي النتيجة بنفسك اذا هو اعلى من الحد اللي انا كتبته 2.5 مو المكتوب بورقة التحليل (بتحليل المختبربيترواح الحد الاعلى على حسب المختبر من 4.5-5 ) ترجع تعيد التحليل بعد 6 شهور واذا شافته زاد تحكي لدكتورها بدي اعمل فحص TPO ومو بكيفك بكيفي انا هيك احكي لدكتورك اذا تفلسف لانه دكاترة الغدد الصماء للاسف اغلبهم بستخفو بمرضنا وبسخفو فيه متل الدكاترة اللي عانيت منهم ودايما حلهم عند الدكاترة بس الدواء مع انه الدواء بحل جزء بسيط تقريبا 20% (بحالتي حتى 20% ما وصلتها لانه ما استفدت الا من T3 اما ثايروكسين ما تقبله جسمي) بس باقي النسبة بتيجي من المكملات الغذائية والاكل الصحي الصح اللي ما باثر على الغدة ولا على الجهاز الهضمي هدول همن فعلا بيستاهلو 80% من العلاج هاي معاناتي وقصتي مع مرضي والمرة الجاي ححكيلكم عن المعلومات اللي انا عرفتها وعن حميتي وحكتبلكم تفاصيل وهاي الحمية هي اللي نزلت من وزني من 64 لـ 58 بشهر وبعد الحمية عملت ريجيم اللي ناسب جسمي وهلا انا 53 يعني تقريبا 10 كيلو نحفانة ولسة عم بنحف لاني بدي ارجع 48 زي ما كنت باذن الله والطريقة هي اني نضفت الجهاز الهضمي بالحمية العلاجية وبعدها بديت ريجيم الصح مع الحمية العلاجية واللي هو الوحيد اللي نحفني بعد ما كان من سابع المستحيلات انحف صار بكل سهولة انحف والحمد لله مليون مرة على كل معلومة هداني الها رب العباد وعلى الارادة والقوة اللي حطها فيني وعلى نعمة انو راحت الاعراض كلها اللي كنت اعاني منها وبالنسبة لمرضي الحمد لله عم بتحسن كل يوم عن يوم ورجعت داليا القديمة اللي كنت قبل المرض ... وهدفي من كتابة قصتي عشان افيدكم كرمال رب العباد يرضى عني ويعطيني الشفاء الكامل ان شاء الله
منقوووول
اسم الموضوع : معاناتي مع الغدة وكيف تعالجت
|
المصدر : الموسوعة الصحية المتكاملة
