مصيبتي اكبر من مصايبكم يرجالكم

زوجي حياتي..

زوجي حياتي..

New member
إنضم
2010/11/18
المشاركات
120
صباح الخير اخواااااااااااااتي
اليوم صحيت حصلت بنتي (16سنه) نايمه والاب توب حقها شغال 0000000000000
لما جيت اقفله حصلت صفحة محادثه قلت خليني اشوف وش تسولف بالمسن مع صديقاتها000
يابنات انصددددددددددددددددمت
الله لايحطكم مكاني000000بنتي الطفله بنظري تسولف مع شاب حسبي الله عليه 000
ماصدقت عيوني دخلت على جهات الاتصال صااااااااااارت المصيبه كل المضافين شباب
قمت حذفت كل الموجودين وسويت لهم حظر
ومن حرتي رجعت وحذفت برنامج المسن بكبره
يابنات كيف اتصرف معاها ؟؟؟؟؟؟؟؟؟؟؟
هل احرمها من النت نهائي 000000
انا مو قادره اتصرف 000للعلم انا منفصله عن ابوها ومتزوجه شخص ثاني 0000
شوووووووووووروا علي تكفون
 
لا لا تحرمينها منه اجلسي معها جلسة مصارحه وفهميها انها مسويه غلط وانك ماترضين بهذا الشي..

وفهميها انك تقدرين تاخذين الجهاز وتحرمينها منه ...وقولي انك تتعاملين مع بنت كبيره فاهمه مو صغيره وانها تفهم منك انك تخافين عليها وتبين مصلحتها ....عطيها الثقه التامه وقولي خلك قد ثقتي فيك لا تخيبين ظني..هذا انذار اول..ان اقتنعت وفهمت حلو ع حلو ...وكل فتره طبي فجأه عليها وفتشي الجهاز وهي موجوده بدون اي سابق انذار..كذا تخاف وتهتم وتحسب الف حساب ..
وذكريها بالخوف من الله ..والله يستر عليها ان شاء الله ويكفيها الشر..وكثفي اهتماماتك فيها لا يكون تعوض نقص منك بغيرك ..انتبهي لها
الله يخليها لك وبالتوفيق.

تقبلي مروووري ودمتم بخير،،،
​
 

بنتك مراهقــة وتصرفها هذا لأنها تبي تشوف نفسها كبيرة وانثى مرغوبة

حسبي الله على اللي يصحكون عالمراهقات ويستغلونهم..

معليش استعجلتي بحذف الماسنجر بس ادري من خوفك عليهاا

اجلسي مع بنتك بحب ايااااكِ تخاااصمين عليهااا لازم تعرفين انها تسوي هذا الشيء وهي جاهلة مو واعية لتصرفها

مراهقة وحبت تعيش مغامرة لا اكثر ولا اقل تعاملي معها على هذا الاساس..

كلميها بالهداوة وقولي لها ان اللي سوته غلط و حرام شرعاً

فهميها انك حذفتي البرنامج من خوفك و حرصك عليها و انك مستعدة ترجعيته لها لكن لازم تقتنع منك وتتعهد انها ماتضيف شباب بالمسن..

فهميها ان كلامك الغزل و الرومنسية كله بتسمعه من زوجها بالمستقبل إن شاء الله و وقتها رح يكون أحلى لأنه بالحـــلااال وفيه رضى رب العالمين..

كوني حازمة مع بنتك وبنفس الوقت حنونة عليهاا

إذا ردة فعلها كانت عصبية او رفعت صوتها لاسمح الله اتحمليييييهااا و لاتقسين عليها بالكلام هي مراهقة وهذا الشيء طبيعي بسنهاا

زوجك ما انصحك تخبرينه بهذا الشيء حتى لايفتح الموضوع معاها وقتها بتخسرين بنتك وتخلقين حساسية بينها وبين زوجك لاسمح الله..

الله يهديها و يكفيها شر الشباب اللي مايخافون الله




نـــور عـيــونــه


​
 


لا تحرمينها لان الممنوع مرغوب ... وبيصير عندها الحاح داخلي لمصيبه اكبر
وخاصه بهالعمر يبي لك اسلوب لان هالفتره كلها اثبات نفس .. وعناد
بالبدايه خلك هاديه وناديها .. وكلميها بكل هدوء عن غلطتها .. وقولي لها العواقب الي
ورى هالموضوع .. وبيني لها الذئاب الي خلف الشاشات وش غرضهم
وقولي لها حتى لو ان انتي قصدك بس سوالف ... انا عندك سولفي معي
وبصير لك اخت وصديقه قبل ماصير ام ...
وحاولي تهتمين فيها بهالفتره اهتمام كبير .. لان الي صاير معها نقص حنان
واحيتاج لصدر يحتويها من الطرف الاخر ... بس باهتمامك ورعايتك وحنانك
الزايد يمكن تعوضينها وتنسينها ... وحاولي تشغليها معك بالبيت وتعلميها
مثلا طبخ او حرفه او لعبه لين تثق فيك اكثر ... وتحط لتصرفاتها اعتبار اكبر

ومن فتره لفتره راقبيها ... وقولي لها انك تثقين فيها .. بس ابليس مامات
وانك عشانك تحبينها خايفه عليها من اي سوء اوضرر .. لانك ادرى بمصلحتها ..
وذكريها بان الله يشوف تصرفاتها ..ولازم تخاف منه قبل تخاف منك ..


والله يكون بعونك .. وادعي لها ان الله يثبتك ويثبتها على الطاعه .. ​
 
لا تحرميها منه

بس اجلسي معها جلسة مصاارحه بس لازم انتي تحطين ببالك
انه طبيعي اللي صار لانها مراهقه مو عارفه مصلحتها

فهميها انه اللي تسويه غلط بس عامليها انها انسانه كبيره وفاهمه

لا تكلميها على انها طفله. عشان تحس بالغلط

قولي لها انتي الحين كبرتي وهالشي مو بصالحك
راح تندمين الشباب يعدونك لعبه انتبهي منهم
وحسسيها بمسؤولية نفسها مثل انك تقولين انا ابي
اشوفك عروس ومن بيرضى ياخذ وحده لها ماضي
عشان تنتبه لنفسها
اهم شي قولي ؛؛انا واثقه فيك انك ماراح تروحي للغلط
لانك بنتي وتربيتي وكذا راح يأنبها ضميرها

الله يهديها ويخليها لك
 
انا نفس المشكله مرت علي لاكن في ولد اختي جيت وانتبهت انه يكلم بنات ..لكنه اصغر من بنتك ممكن بسنة ....ايش سويت..امممممممممممممم

بما اني احب النت والتصفح فيه ..طلعت صور مخيفه ومقرفه وتخلي الواحد يطلع الي في بطنه من قرفها عن المصابين بالإيدز ...اشكال والله تخوف ...اجسام مقطعة وهم احياء...الدم يمشي من جسمه وهو جالس.....الله لاتبلى اي مسلم بهذا المرض......المهم .هو مايدري اني دريت عن سوالفه ...جيت عنده وجلست وحطيت النت على حجري واشرب القهوة بعدين قلت يااااااالطيف وحطيت يدي على عيوني كأني ماابغا اشوف .. ..قال بصوت عالي ايش فيه ياعمه ....قلت لا ولاشيء....قال لي بالله عليك ايش في ...قلت له تعال شوف هذولي ووريته الصور .....وقلت شفت ذولي مايعرفون الله وعقابة ..وقمت اتفلسف عليه وابين له كيف نتائج عصيان الله لو بنظرة لو بكلمة ...المهم اخذت اكلمه ولاكن لاانظر اليه انظر الى الصور نصف ساعة اخوفه وابين له فضل الله علينا وانا مسلمين مانرتكب الحرام . ....الخ ....بعدين سيبته وجلست اكمل قهوتي ..لاحظت فيه انه صار يكلم نفسه ويبغا يبكي سويت نفسي مانتبهتله ...والحمدلله الآن هو ترك شيء اسمه اتصال سواء بكمبيوتر او بجوال اوبغيرة ...وصار يبيع حبحب في سوق الخضرة
 
في البدايه بتكلميها وبتنصحيها وبتفهميها انهك بتخافي على سمعتها وهي جوهره وهاد كله راح يأدي لهلاكها من غير شر...................راقبيها من بعيد لاتخليها تحط ارقام سريه خصصيلها ساعات معينه عالنت النت بالليل ممنوع تاخدي اللابتوب معك بالليل لاتخليه بغرفتها ................وفقوليلها المره تنبيه المره الجاي بلغي النت
 
فديت كل اللي ردوا علي
راح اطبق كل كلامكم والله يعين قلبي على همه
شكلها حاسه ماطلعت من غرفتها من الصباح
حتى موراضيه تاكل معانا 000000000000
الله يهديها ويبعد عنها اولالالالالالالالالاد الحرام
ياالله يابنات وربي احس بخنجر طعني في قلبي
لما شفت اللي شفته اليوم
 
انتبهي تحرميها من النت لانه مو حل
زي ماقالو انصحيها
قولي لها كلهم كلاب ومستحيل تلقي حب بالنت لان نهايته معروفه
كلميها ع اساس انك صحبتها مو بااسلوب الام والامر والنهي
فديتها مراهقه تبغى توعيه
الله يستر على جميع بنات المسلمين
 
احرميها من النت يوم او يومين بس

ولاتكلمينها يوم عشان تعرف غلطتها ولا تفتحين الموضوع معها لحد ماتجي وتقولج

وتتاسف وانتي قوليلها انج بتردين الاب وبيكون مشترك بينج وبينها وحدديلها اذا جت الساعه مثلا 11 بالليل بيتسكر الاب

وقليلها بعد ان السالفه هاذي لني ادري انه مو منج من صديقات السوء اهم الى قصوا عليج وحسسيها انج واثقه فيها لبعد الحدود وانج انصدمت ان انتي بتحديد تسوين جذي

والله يحفظها لج ..​
 
اختي الغاليه انا معك بالي عملتيه ولو انا مكانك كنت خذيت الاب توب وما راح اعطيه لها غير لين اتاكد انها تغيرت افكاراها ومباداءها وغير ذالك لازم تتعاقب ولا اقول عقاب جسدي لا بل عقاب معنوي لازم تعرف انها اخطاءت وعليها الاعتذار
مع احترامي لاراء كل الاخوات انا لست مع ان تعيدي لها الاب توب لانها مراهقه ولاتعرف التصرف الصحيح ومن الممكن ان تعود للشات مره اخرى ومن واجبنا حماية بناتنا بكل الطرق وعدم اتاحة الفرص للانحراف او التصرفات الخاطئه
وفقك الله الجميع لما يحبه ويرضاه
 
الله يهديها ويصلحها ونحن وجميع بنات المسلمين آآآآآآآآآآآمين
​
 
بشرينا اختي ايش سويتي مع بنتك

الله يحرسها ويحميها

بس مو بس بنت اني زي كذا

كثرت القصص اللي كذا

حاولي تتقربي من بنتك واعرف اسباب اقدامها على ذلك

والله يستر عليها من كل شر يارب
 
لو كان شاب واحد كنت بقولك انها بتحبه وبتراهق معاه
بس انتي قلتي شباب كثير في الماسن يعني
ماعندها قصه حب لسه مع اي حد يعني الموضوع اسهل بكثير
تقدري تعالجي الموضوع بالشده صدقيني
يعني المفروض انك ماتجيبيلها لاب توب من البدايه
هذا سن خطر
انا عمري عشرين وماكان لي اي فرصه اني اراهق او اعمل اشيا غلط
من امي لان الام هي اقرب من الاب وكنت اقول لامي كل شي اسويه
حتى لم اطيح بالشارع اقولها ياما اليوم طحت بالشارع
وانتي ايش كنتي تتوقعي لاب توب وسن صغير اكيد بتراهق
وهذا طيش
انتي حاولي تصاحبيها وطلعيها معاكي
وقربيها اكثر من الله
واحكيلها قصه على بنت كانت مراهقه والفي القصه
وخوفيها من الشباب
طولت عليكي الله يكون بالعون
واتقبلي مروري ^^
 
لا لا لا تحرمينها ..
كل مممنوووووووووووووع مرغووووووووووووووووووب .. وخصووصا هالمرحله بتكون بقمة العناااد ...
اجلسي معها وافتحي مقاطع باليوتيوب عن البنات .. اللي يكلمون شباب اقري عليها قصص ..
عن اللبنات اللي بدار الاحداث وتسذا ..
بس لاتقولين لها الحيين لانها بتششك .. انتس دااريه ..
خليهااا فترررررررررررررره .. لييين ترروح الساالفه من بالها نهاائيا وووشووي .. شووووي .. وان شاء الله تتعدل ..
بس انتبهي لاتخلينها تقعد عالنت لحالها ..
يعني حاولي تجلسين معها فضي نفستس لها ..
اجلسي معها عالنت .. وتصفحيه وعلقي معها . حاولي تندمجين معها والله يوفقتس .. ويستر على بنتس ..
 

أنا عمري 20 و أعرف حركات الصبايا اللي في هالسن . لو أهاليهم شدو معاهم أو رخوا في هالموضوع صدقيني يرجعون ـ إلا ما رحم ربي ـ يطلعون ألف طريقة و طريقة عشان يتواصلون فيها مع الشباب .. فخليك في الوسط ..

زي ما قالوا انتبهي ـ لو تسمحيلي أقول يا خالة ـ تحرمينها منه نهائي سوي زي ما تسوي أمي معانا النت ما نقدر نشغله أكثر من ساعتين في اليوم ، سواء متواصلة أو لا ..
يعني براحتنا ،، الحمد لله ما صار شي عشان اتخذت هذا القرار بس هي تقول كذا عاجبكم أهلا و سهلا مو عاجبكم مع السلامة ههههه ..
طبعا انت لا تفاتحينها في الموضوع استنيها هي تجي و تقولك وشوفي أعذارها عاد ..
قوليلها ـ زي ما قالت الأخت ـ أنا عارفة انو انت ما سويتي كذا إلا لأنك شفت المجتمع اللي حولك يسوي كذا ،، ولا هذي مو تربيتي لك .. صح ..
يا حياتي أنا ما أبغاك تمشين في الغلط و الصداقات تكون من نفس الجنس انت بنت صاحبي بنات مالك ومال الشباب .. اش يعطونك قوليلي ؟؟
انت شوفي متى بدأت .. و اش نوعية الصداقة هذي ـ مجرد صداقة أو حب ـ
قوليلها من اليوم و رايح اسمحيلي اللاب توب ما راح يكون عندك .. ولا راح أخليكي تستخدمينه طول اليوم .. كمان أبغى أشوفك دايما معانا .. على أساس ما تنفرد بنفسها .. و الله الهادي .. ادعيلها ..
 
انا بقولك قصتي مع اختي بالرضاعة اكتشفت انها تحب و احد نعرفة و يتبادلون رسايل و هدايا و انا اكبر منها المهم جاء قريبي و قال انه الولد الي هي تحبه انسان مو طيب و بعديها عنه ( طيب و لا مو طيب اصل الموضوع مو حلال في الشرع ) المهم يومتها حسيت ابي اروح اذبح الولد هذا و احلم كوابيس و خايفة هما اتكلموا عن ايه صار شيء لا سمح الله المهم بعدت عنها اي وسيلة تواصل معاه و ما قدرت اقول لامها و ابوها لانها ترجتني و صارخت فيها عشان احسسها قبح الشيء الي سوته و هذا شيء غلط طبعا المفروض اكلمها بهدوء و رحت قلتلها تعالي و خليتها تتخبى بالغرفة و جبت الولد الي هي تحبه و تحسب انه يحبها و هزئته راح قال هي اختك الي تجري وراي هي الي تبيني انا ما احبها و غي هالموقف بغيت اذبحة و اكفخه بس هزئته و خليته بيزة ما يسوى و هي عرفت الغلط الي هي سوته و عرفت حقارة الكلب الي كانت تحبه و الحمد لله دحين بعدت عن عالموضوع و صارت فعلا تكرهه لانها اكتشفت حقيقته



انتي اولا ادعي الله عزوجل انه يهديها و حسيسيها انك متاثرة وايد من الغلط الي سوته و ممكن تروحي فيها عشان تحس انه شيء كبير مو تافه يعني مثلا لا تطالعي في عينها و هذا وحده يحسسها بتانيب الضمير و دايما خليها تسمع قلبي يوجعني من المصايب الي يسوها المراهقين ممكن تخاف عليكي و تبعد عن هالشيء

و لا تكلمينها الين ما تجي هي عندك و تصارحك و ابكي قدامها و قولي لها هذه جزائي انه عطيتك لاب توب و وثقت فيكي انا كده تسوين فيني و ابكي بطريقة تحزنها عليكي و قوليلها انا ما عرفت اربيكي حطيتك في عيوني و تحطيني في اسوأ المواقف قوليلها اذا تكرر هالشيء انا حروح فيه ليا كم يوم احس نغزات في قلبي خايفة عليكي من الكلاب هذول

يمة يا بنتي قوليلي ليه سويتي كده قصرت عليكي فشيء قوليلي و لمن تقول ليه قوليلها الحين بثبت لك انهم كلاب

و جيبي ايميل ثاني و اضيفيهم و حيبان انهم اضافوكي و حيكذبوا طبعا انهم حبوكي و حتعرف انه هي غلطت و انهم ما يحبوها و ممكن تعملي نفسك ولد بالايميل و تساليهم ايش رايهم بالبنات الي يخدعوهم و حيقولوا انهم يضحكوا عليهم و انهم اغبياء و كده و هنا كمان حتستوعب انها انضحك عليها

و بعدين قوليلها انه هالشيء ما يرضي ربنا بالاول و من الكلام هذا و اساليها اذا هي حابة تكمل بالمشوار هذا و تصير اعبة بيدهم و لا تكون عندها كرامة و اذا قالت لك ابا يصير عندي كرامة قوليلها اذا ادعي ربنا انه يبعدك عنهم و اسمحيلي اخذ اللاب توب و ما رح تستخدمي الا قدامي عشان انتي في الفترة الي بتبعدي عنهم لازم ما تشوفي اي شيء يذكرك بهم مثل صاحب المخدرات و ضميها و قوليلها يارب اهدي بنتي و ابعدها عن اولاد الحرام


وبس و خليكي دايما معاها و اساليها كيف انتي الحين احسن و قوليلها ما تتردد اذا حبت تكلمك باي موضوع و كل ما تشوفيها ادعيلها

و الله يهدي الجميع
 
حديثها عن قصص تعارف من النت وما مضارها
و النهايه التي تنتهي بها القصه
حديثها و كأنك لا تعلمي شي
.
ربي يوفقك و يهديها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل