مصيبة(هجر القرآن)؟!! ساعدوني

[mooni7]

السلام عليكم ورحمة الله وبركاته

مرحبا اخواتي ...ماعرف اذا هالموضوع هنيه مكانه بس انا بصراحه عندي مشكله وطاااالبه مساعدتكم لاني صدق اشوفها كبيييره.. خواتي انا بديت بحفظ القرآن من خمس سنين والحمدلله اتميت عشرة اجزاء بس كنت انقطع بين الفتره والثانيه والحين صار لين سنه ماراجعت اي شي بعد ماخلصت الجامعه عزمت اراجعع الاجزاء الي حافظتها وابدا فاليديد امصيبه رجعت اراجع طاااااااااار كل شي مني حسيت الايات غريبه عني صابتني ضييييقه فصدري صدق حسيت بقهر كيف خليت القرآن تعوذت من بليس وبديت اراجع سورة التوبه مسكت اول صفحه مااااقدرت بالمره اككمل قلت ببدا فسورة غير وعقب برجع بديت فالاعراف نفس الشي ماعرف احس عمري ماقدر اكمل قبل كانت احلى اوقاتي وانا اقرا واراجع القرآن واستمتع بكل آيه ماااعرف شو صاير لي سااااعدوووووني .... بشو تنصحووووووني؟؟​

وجزاكم الله الف خير

 

[mooni7]

معقوله ولا حد رد؟!!!!!!!!

 

[هند بنت عتبة]

هلا حبيبتي الله يعينك

انتي تعوذي بالله والله يسهل امورك ان شاء الله

واعتبري نفسك مو حافظة شي بداي من الاول وترا القران اذا وقفتي على طول ينسي فداومي علي

 

[أم كادي]

أكثر من الإستغفار بنية الحفظ و استرجاع ما نسيتي .. و الله يهونها عليج ... أنا كنت حافظة جزئين .. و بعدين ما قدرت أكمل ، و ألحين أحاول أراجعهم عشان أكمل ... الحمد لله ساعات الواحد يمر بظروف تخليه مقصر .. بس بعد ما لنا عذر ... الله يشرح قلوبنا للقرآن

 

[نسيم الربيع]

عزيزتي

عليك بسماع القرآن دائما وخاصة السور التي كنت تحفظينها ورددي مع الشيخ القارء هذا أفضل بكثير ويساعدك على التركيز والحفظ وعدم النسيان!!
أسأله تعالى أن يوفقك ويعينك على الحفظ