مصروف للبيت 1000

[sarah2010]

كيفكم ياحلى بالقيسيات بصراحه زوجي راح يعطيني هالشهر ١٠٠٠ ريال كمصروف للبيت فقط بس ابي احد يوزعه لي للاغراض اليوميه والاسبوعيه بليز جدول موضح فيه كل شي

 

[جامعيه عاطله]

للرررفع

 

[ماهمني فرقاك]

اختي انتي ماوضحتي كم عدد افراد العائله وهل فيه اطفال ولا لا وهل المصروف للمطبخ فقط ولا يشمل شي ثاني


وضحي لنا حتى نقدر نفيدك وانا في الخدمه

 

[sarah2010]

الله يحيكم في صفحتي ويرفع مقداركم بالنسبه للعدد الاطفال ٣ بالاضافه انا والاب يعني ٥ افراد اصغر عيالي نونو اهي لحالها حليب وحافائظ الله يعزكم بصراحه كل يوم طلبات ماتخلص جيب وجيب ماليت ابغى اكون اقتصاديه بالله ساعدوني ولكم الاجر ١٠٠٠ فقط اكل ومواد تنظيف

 

[دونات666]

عزيزتي

الله يعينك ويوفقك

مارايك ان تاخذي ورقه وتكتبي كل شئ اشتريتيه من امس وحتى اسبوع .

ثم تشوفي ماهي الاشياء الضروريه جدا .

ماهي الاشياء التي يمكنك الاستغناء عنها من مشتريات .

احسبي قيمة الاشياء التي يمكنه الاستغناء عنها واحسبي قيمتها .

وهل يمكنك ان تستغني عنها كل الشهر ؟

وهل يعتبر ذلك المبلغ يكفي لو وفرتيه اربعة اشهر ؟


انتظر اجابتك

 

[بيلسان باسل]

الطفل النونو بس 500 ريال صعبه جدا 1000 شوفي الرز بكم والسكر بكم والله ماتسوي شي لوقلتي لي مصروف البيت من غير النونو اقولك اوك تكفيك لأخر الشهر
على كذا ماراح تشتري غير رز وسكر ودقيق ودجاج وزيت وبعض الخضره
الله يعينك بس ويرزقك من واسع فضله ويبارك في ما عندك...اسفه بس العيب بالأسعار اللي زادت اول 500 تكفي مقاضي البيت الحين يارب لك الحمد نار بنار

 

[ام عموري وعبودي]

والله يا اختي الكريمة لا تكفي...
انا ام لطفلين وانا وابوهم ومصروفنا الشهري يزيد عن 1000 بكثير...
الله يوفقك جربي والله المستعان...

 

[صلاتي حياتي]

اختي امسكي الالف واقرئي عليها اية الكرسي بنية البركة وحاولي تستغني عن اي شي ممكن مايلزمك وحاولي ترتبي امورك قدرالامكان مش غلط خلينا نحاول واكيد راح تزبط باذن الله وبالله التوفيق

 

[احلىحلاوه]

بتكفي وزياده ان شاء الله

 

[sarah2010]

يعطيكم العافيه يعني اكيد بتكفي تصدقون زوجي يسولف لي عن واحد سعودي كان معاه في العمل متزوج اردنيه وكان يعطيها تخيلو كم ٥٠٠ وكان راتبه قليل ويصرف على امه وخواته وبيته لدرجه ان زوجته تجيب اغراض البيت كامله ويبقى كثير بس مادري ويش تسوي

 

[فايزه1]

عزيزتى توكلى على الله فهو مصرف الامور وتصدقى لو بعشره ريال منها حتى يطرح فيها ربك البركه

والله بعض الاسر راتب الاب الف وخمس واجار بس مستورين والله مسهل امورهم
اشتر ى الضرورى الضرور على قد الشهر بدون اى زياده والاكل اذا بقى منه شى لا تكبين حتى لو مستقلتها تقدرين تحطينها للعشاء والرز لو يبقى القليل حطى فى الفريزل واذا اصبح عندك كميه اعمليه رز صينى الى هو اسمه بقايا
المعلبات اذا بقا ءشى لا تكبينه غلفيه وحطيه فى الثلاجه تعملين للاطفال به سندويش جبنه قشطه وعسل وقيس على تلك الامور
حاولى ان تتحدى الظروف بالتوكل على الله
الله يرزقكم من واسع فضله ويزيدكم من نعيمه

 

[اميره.]

حاولي تسوي لك جدول تنظمي اغراضك اللي تحتاجيها.......
وربنا معـــــــــاك......

 

[اصايل الفارس]

الله يطرح البركه كثري من الدعاء وانشاء الله ربي يبارك لك فيها وتصدقي لو بالقليل.

 

[The Leader]

اهم شي اتخيلي ان عندج مبلغ اقل

950 مثلا

وال50 وفريهم

 

[قهرني زماني]

حبيبتي
أن شاء الله تكفيك الألف
أولا سوي لائحة بالأغراض الناقصة عندك بالبيت كل شهر
ولما تنزلين السوق تلتزمين فيها
إلا إذا حصلت عروض خاصة فخذيها
بس لا ثكترين
سوي لائحة بالفطور و الغدا و العشا
نوعي مثلا الفطور يوم قشطة مع عسل و خبز و شاي حليب
يوم بيض مقلي أو مسلوق مع حليب ونيسكافيه يوم سوي فطاير في البيت مع جبن و شاي حليب
وكذااااااااااااااااااااااااااا
شوفي كم راح تحتاجين مثلا من القشطة و العسل و البيض و الحليب و باقي الأغراض في الأسبوع وضربي × في 4 = شهر
مثلا كل يوم لتر حليب لا تشترينه بالحبة من الدكان لالالالالا
أشتري طويل الأمد من المراعي بالنسبة لي كنت أشتري الحليب كل يومين من الدكان ب 9 دراهم 2 لتر و لقيت المراعي 4 لتر ب 14 يعني أوفر 4 درهم من 4 لتر
قمت أروح السوق و أشتري الكمية ألي تكفيني شهر كامل
أما مواد التنضيف أشتري دائما العلبة الكبيرة مثلا تايد 10 كيلو ممكن يكفيك شهرين
إشتري كلوركس و أشتري نوع ثاني يكون رخيص
كلوركس للملابس و الرخيص للحمامات و الأرضية
أنا كنت قبل أشتري 2 كلوركس للملابس و الأرضية ب 15 درهم للواحد يعني 30 درهم
لقيت نوع رخيص ب 8 دراهم يعني توفير 7 دراهم
و الدجاج أشتري كرتون 10 حبات طازج أروح البيت و نقعهم في ماي وملح و ليمون و أغسلهم و أقطعهم نصفين و كل نص في كيس وحطهم داخل لفريزر
طبعا أشتري لحم و لحم مفروم و سمك
هذا كله على حسب الجدول الأسبوعي يعني كم مرة تاكلون دجاج بالأسبوع و كم مرة لحم و كم مرة سمك
مثلا الدجاج ثلالث مرات و اللحم مرتين و السمك مرتين
طبعا في أول الشهر يكون عليك ضغط لأنك تشترين الأغراض و ترتبينهم
مثلا الدجاج كيف كتبت لك سابقا و اللحم تقسمينه على حسب الكمية و عدد الوجبات
و السمك كذلك تنضفيه و الكمية ألي تكفيك في كل وجبة حطيه داخل كيس و جمديه في الفريزر
الكزبرة و البقدونس نفس الشي أـشتري كمية و نظفيها و قطعيها أو فرميها و حطيها داخل غرشة و جمديها
إذا طبقتي أختي هذه الطريقة ستوفرين المصروف و الوقت
يعني ما تحتاجين تنظفين الدجاج قبل كل استعمال ولا السمك
و لا تقطعين القزبرة و البقدونس
نسيت أقولك بالنسبة لسائل الصحون مثلا فيري لا ترمين الغرشة الفاضية خليها و حطي فيها مثلا الربع من فيري و الربع من كلوركس و الباقي ماي
و استخدمينها نظافة و تعقيم و إقتصاد
سامحيني طولت عليك و أتنمى أكون أفدتك
​

 

[عذبهم شموخي]

موضوع مفيدالله يسعدك

 

[حووورية]

الله يبارك في رزقكم ويفرج عليكم وكل مسلم

 

[جـــوريه]

حبيبتي

أن شاء الله تكفيك الألف
أولا سوي لائحة بالأغراض الناقصة عندك بالبيت كل شهر
ولما تنزلين السوق تلتزمين فيها
إلا إذا حصلت عروض خاصة فخذيها
بس لا ثكترين
سوي لائحة بالفطور و الغدا و العشا
نوعي مثلا الفطور يوم قشطة مع عسل و خبز و شاي حليب
يوم بيض مقلي أو مسلوق مع حليب ونيسكافيه يوم سوي فطاير في البيت مع جبن و شاي حليب
وكذااااااااااااااااااااااااااا
شوفي كم راح تحتاجين مثلا من القشطة و العسل و البيض و الحليب و باقي الأغراض في الأسبوع وضربي × في 4 = شهر
مثلا كل يوم لتر حليب لا تشترينه بالحبة من الدكان لالالالالا
أشتري طويل الأمد من المراعي بالنسبة لي كنت أشتري الحليب كل يومين من الدكان ب 9 دراهم 2 لتر و لقيت المراعي 4 لتر ب 14 يعني أوفر 4 درهم من 4 لتر
قمت أروح السوق و أشتري الكمية ألي تكفيني شهر كامل
أما مواد التنضيف أشتري دائما العلبة الكبيرة مثلا تايد 10 كيلو ممكن يكفيك شهرين
إشتري كلوركس و أشتري نوع ثاني يكون رخيص
كلوركس للملابس و الرخيص للحمامات و الأرضية
أنا كنت قبل أشتري 2 كلوركس للملابس و الأرضية ب 15 درهم للواحد يعني 30 درهم
لقيت نوع رخيص ب 8 دراهم يعني توفير 7 دراهم
و الدجاج أشتري كرتون 10 حبات طازج أروح البيت و نقعهم في ماي وملح و ليمون و أغسلهم و أقطعهم نصفين و كل نص في كيس وحطهم داخل لفريزر
طبعا أشتري لحم و لحم مفروم و سمك
هذا كله على حسب الجدول الأسبوعي يعني كم مرة تاكلون دجاج بالأسبوع و كم مرة لحم و كم مرة سمك
مثلا الدجاج ثلالث مرات و اللحم مرتين و السمك مرتين
طبعا في أول الشهر يكون عليك ضغط لأنك تشترين الأغراض و ترتبينهم
مثلا الدجاج كيف كتبت لك سابقا و اللحم تقسمينه على حسب الكمية و عدد الوجبات
و السمك كذلك تنضفيه و الكمية ألي تكفيك في كل وجبة حطيه داخل كيس و جمديه في الفريزر
الكزبرة و البقدونس نفس الشي أـشتري كمية و نظفيها و قطعيها أو فرميها و حطيها داخل غرشة و جمديها
إذا طبقتي أختي هذه الطريقة ستوفرين المصروف و الوقت
يعني ما تحتاجين تنظفين الدجاج قبل كل استعمال ولا السمك
و لا تقطعين القزبرة و البقدونس
نسيت أقولك بالنسبة لسائل الصحون مثلا فيري لا ترمين الغرشة الفاضية خليها و حطي فيها مثلا الربع من فيري و الربع من كلوركس و الباقي ماي
و استخدمينها نظافة و تعقيم و إقتصاد
سامحيني طولت عليك و أتنمى أكون أفدتك​

يزاج الله خير غاليتي ...

بس فهمني هالنقطه إذا ما عليج امر ... حق شوو تستخدمينها ؟؟

 

[قهرني زماني]

يزاج الله خير غاليتي ...

بس فهمني هالنقطه إذا ما عليج امر ... حق شوو تستخدمينها ؟؟

حبيبتي الطريقة هذي أستخدمها في غسيل المواعين و المطبخ عموما
توفررررررررررررر ي سائل الصحون مثلا فيري بطريقة رهيبة
​

 

[*judy*]

شوفي عزيزتي اتوكلي على الله اكتبي الطبخات الي حتساويها خلال الشهر واحسبي حساب طبخات تتساوى على يومين يعني مو كل يوم طبخ هاي هو الحل الوحيد الطفل جيبي علب الحليب لكبيرة اوفر من لصغيرة وتطول
الحلا بلا منو هالشهر وازا مضطرة سميد وقشطة تعمل احلا بسبوسة
المنظفات جيبي نوع واحد يكون متعدد الاستعمال
وبرسيل العلبة لكبيرة تكفي شهر تقريبا اغسلي بس مرتين بالاسبوع مو اكتر
واللحم بلا منو القطع هالشهر المفروم حلو ويعمل كتير اطباق محاشي ورق دوالي مكرونة بالبشاميل وغيرها كوسا بلبن ومخشي .....الخ كتير شغلا بكمية بسيطة جدا ان شاء الله اكون افدتيك واتصدقي منهم بخمسة ريال عشان ربنا يطرح البركة فيهم