مشكله وانا ما اعرف اتصرف
السلام عليكم ورحمة الله وبركاته 00 اما بعد 00 اريدكم يا اخواتي ان تساعدوني في حل لمشكلتي فأنا احس انني مسئوله امام الله 00 مشكلتي يا اخواتي مع طالبه موجوده معي في المدرسه التي ادرس فيها انا فهي هداها الله تتكلم مع واحد وهي ليست متزوجه وهي ما عندها جوال وعشان كده هي تأخذ الجوال من البنات وتتكلم معاه بس بشريحتها وجات عندي انا مره وطلبت مني جوالي وقالت ان جوالها شاشته مكسوره وهي بس تريد الجوال بدون شريحه ودعت لي وشويه وتترجاني وقالت انها تريد ان تتصل مع صاحبتها وانا اعطيته الجوال بحسن نيه وصارت تطلب مني جوالي دائما وتنتظرني في الباب الخارجي عشان تأخذه وانا صرت اتضايق بس ما كنت اقدر ارفض بسبب انه تلح علي وتترجاني وانا اعطيها واحنا عندنا الجوال مو ممنوع فقط للمتزوجين للضروره والبنات لا وانا بدأت اشك فيها لأنها كانت تتكلم وهي متخئبه في الحمامات والحوش على العموم انا دحين ما اعطيها جوالي بس هي صارت تأخد من البنات غيري وانا بعد ما تأكدت انها تتكلم مع رجال فكرت انو اكلم المديره بس بنت اختي وهي معي في نفس المدرسه قالت لي استري عليها وانا سكت وانا مو مقتنعه بس صار هذا الشخص يضايقني انا من فتره وانا هددته بأنني سأقول لزوجي ان اتصل بي مرة اخرى واليوم اتصل وصار يسألني عن هذه البنت فهي سافرت من كم يوم وانا قفلت في وجهه لأنها وكمان تعطيه من رقم البنات صحباتها وهي الان متورطه معه بصور لانها تصارح بنت اختي وانا اليوم قررت انو اتكلم مع ابلتها عن موضوعها بس بنت اختي تقول انها محلفتها انو ما تقول لأحد وهي ستعرف انني عرفت منها وانا اشوف انو المفروض ما اسكت عن الخطأ وانا لازم اتكلم مع معلمتها وما اعرف ايش اسوي وابغى رأيكم اخواتي 00 ساعدوني 00
اسم الموضوع : مشكله وانا ما اعرف اتصرف
|
المصدر : الأستشارات الزوجية العامة
